ຍສໝ - ນະຄອນ ໂຮ່ຈີມິນ, ວັນທີ 24 ຕຸລາ 2024, ບໍລິສັດ SAIC Motor ຫວຽດນາມ ຈຳກັດ (SMV) ແລະ ບໍລິສັດຫຸ້ນສ່ວນການຜະລິດ, ການຄ້າ ແລະ ການບໍລິການລົດໂອໂຕ PTM (PTM) - ບໍລິສັດລູກຂຶ້ນກັບກຸ່ມບໍລິສັດ HAXACO ໄດ້ດຳເນີນພິທີລົງນາມຂໍ້ຕົກລົງຮ່ວມມືຍຸດທະສາດໃນຂອບເຂດຂອງງານວາງສະແດງລົດໂອໂຕ ຫວຽດນາມ 2024.
ຍສໝ - ໂດຍໃຫ້ຮູ້ວ່າ ຫວຽດນາມ ພວມຍູ້ແຮງບັນດາບາດກ້າວບຸກທະລຸຍຸດທະສາດກ່ຽວກັບລະບອບລະບຽບການ, ພື້ນຖານໂຄງລ່າງ ແລະ ຊັບພະຍາກອນມະນຸດ, ໃນນັ້ນ ມີພື້ນຖານໂຄງລ່າງຄົມມະນາຄົມຍຸດທະສາດ, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ສະເໜີໃຫ້ບັນດາກຸ່ມບໍລິສັດສະຫະນະຄອນ ອາຮັບ ເອມີເລັດ (UAE) ຮ່ວມມື, ລົງທຶນເຂົ້າໃນບັນດາຂົງເຂດນີ້ ແລະ ຂົງເຂດທີ່ມີຄວາມສາມາດບົ່ມຊ້ອນອື່ນໆ.
ຍສໝ - ທ່ານເລຂາທິການໃຫຍ່ ສະເໜີໃຫ້ຄະນະພົວພັນຕ່າງປະເທດສູນກາງຕ້ອງຖືການກໍ່ສ້າງຖັນແຖວພະນັກງານພົວພັນຕ່າງປະເທດທີ່ມີຄຸນນະທາດດ້ານການເມືອງຢ່າງໝັ້ນຄົງເປັນສຳຄັນ, ຍາມໃດກໍ່ຖືຜົນປະໂຫຍດຂອງປະເທດຊາດ, ຊົນເຜົ່າ, ປະຊາຊົນເປັນອັນດັບໜຶ່ງ.
ຍສໝ - ວັນທີ 25 ຕຸລາ ຢູ່ຮ່າໂນ້ຍ, ກະຊວງປ້ອງກັນປະເທດຫວຽດນາມ ໄດ້ເປັນປະທານ, ຈັດຕັ້ງການສຳມະນາວິທະຍາສາດດ້ວຍຫົວຂໍ້: “ທະຫານອາສາສະໝັກ ແລະ ນັກຊ່ຽວຊານການທະຫານຫວຽດນາມ ຊ່ວຍການປະຕິວັດລາວ - ຄວາມໝາຍປະຫວັດສາດ ແລະ ບົດຮຽນປະສົບການ”.
ຍສໝ - ວັນທີ 27 ຕຸລາ, ຄະນະຕິດຕໍ່ປະສານງານທະຫານອາສາສະໝັກ ແລະ ນັກຊ່ຽວຊານການທະຫານຫວຽດນາມ ຊ່ວຍການປະຕິວັດລາວ ຢູ່ແຂວງ ແທງຮວ໋າ ໄດ້ຈັດພິທີສະເຫຼີມສະຫຼອງ 75 ປີແຫ່ງວັນມູນເຊື້ອທະຫານອາສາສະໝັກ ແລະ ນັກຊ່ຽວຊານການທະຫານຫວຽດນາມ ຊ່ວຍການປະຕິວັດລາວ (ວັນທີ 30 ຕຸລາ 1949 – 30 ຕຸລາ 2024).
ຍສໝ - ໂລໂກ້ (Logo) ທີ່ໄດ້ຮັບລາງວັນແມ່ນຄວາມຄິດປະດິດສ້າງຂອງກຸ່ມນັກສຶກສາມາຈາກ ຮ່າໂນ້ຍ, ນາງ ຫງວຽນເຈີນໝີແອັງ ຈາກມະຫາວິທະຍາໄລເສດຖະກິດແຫ່ງຊາດ (NEU) ແລະ ທ້າວ ໂດ໊ດືກເກືອງ ຈາກມະຫາວິທະຍາໄລສັບພະວິຊາ ຮ່າໂນ້ຍ (HUST).
![[ຮູບພາບ] ທ່ານປະທານສະພາຕ່ຳ ມາເລເຊຍ ແລະພັນລະຍາໄດ້ໄປຢ້ຽມຢາມຮ່ອງຮອຍແຫ່ງຊາດພິເສດ ວັນໝຽວ - ກວກຕຶ້ຢ໋າມ](https://huunghivietlao.thoidai.com.vn/stores/news_dataimages/hangnt/102024/24/15/medium/3008_anh-chu-tich-ha-vien-malaysia-va-phu-nhan-tham-di-tich-quoc-gia-dac-biet-van-mieu-quoc-tu-giam-20241023160526.jpg?rt=20241024153013)
ທ່ານປະທານສະພາຕ່ຳ ມາເລເຊຍ ແລະ ພັນລະຍາໄດ້ໄປຢ້ຽມຢາມຮ່ອງຮອຍແຫ່ງຊາດພິເສດ ວັນໝຽວ - ກວກຕຶ້ຢ໋າມ
ຍສໝ - ວັນທີ 22 ຕຸລາ 2024, ກ່າວຄຳປາໄສທີ່ກອງປະຊຸມ “ເສີມຂະຫຍາຍກຳລັງແຮງພາຍໃນ, ເພີ່ມທະວີການຮ່ວມມືສາກົນ ເພື່ອຍູ້ແຮງການພັດທະນາຂະແໜງການ Halal ຫວຽດນາມ”, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໃຫ້ຮູ້ວ່າ ຫວຽດນາມ ມີ 3 ພື້ນຖານສຳຄັນ ເພື່ອພັດທະນາຂະແໜງການ Halal.
ຍສໝ - ເນື່ອງໃນໂອກາດທີ່ສະຫາຍ ກຳມະການກົມການເມືອງ, ຜູ້ປະຈຳການຄະນະເລຂາທິການສູນກາງພັກກອມມູນິດ ຫວຽດນາມ ເລືອງເກື່ອງ ໄດ້ຮັບເລືອກຕັ້ງດຳລົງຕຳແໜ່ງເປັນປະທານປະເທດ ແຫ່ງສາທາລະນະລັດ ສັງຄົມນິຍົມ ຫວຽດນາມ, ຫຼາຍອົງການຈັດຕັ້ງປະຊາຊົນໃນທົ່ວໂລກໄດ້ສົ່ງຈົດໝາຍ ແລະ ໂທລະເລກອວຍພອນ. ນີ້ແມ່ນບັນດາເພື່ອນມິດ ແລະ ຄູ່ຮ່ວມມືຂອງສະຫະພັນບັນດາອົງການມິດຕະພາບ ຫວຽດນາມ ແລະ ບັນດາອົງການສະມາຊິກ.
ຍສໝ - ວັນທີ 21 ຕຸລາ, ງານວາງສະແດງສີຂຽວ ຊູແອດ ໄດ້ດຳເນີນຢູ່ນະຄອນໂຮ່ຈິມິນ. ງານວາງສະແດງ ກໍ່ໄດ້ແນະນໍາເຖິງຜູ້ເຂົ້າຊົມກ່ຽວກັບບັນດາມາດຕະການແກ້ໄຂສີຂຽວທີ່ປະດິດຄິດສ້າງ, ສຸມໃສ່ເຂົ້າໃນພະລັງງານທົດແທນ, ການຫຼຸດຜ່ອນການປ່ອຍອາຍພິດ, ເສດຖະກິດໝູນວຽນ ແລະ ບັນດາເຕັກໂນໂລຢີໃຫມ່ຈາກ ຊູແອດ.
ຍສໝ - ຕອນເຊົ້າວັນທີ 23 ຕຸລາ, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ນຳໜ້າຄະນະຜູ້ແທນຂັ້ນສູງຫວຽດນາມ ເດີນທາງອອກຈາກນະຄອນຫຼວງ ຮ່າໂນ້ຍ ໄປເຂົ້າຮ່ວມກອງປະຊຸມບັນດາການນຳກຸ່ມບັນດາພື້ນຖານເສດຖະກິດຫາກໍ່ພົ້ນເດັ່ນຂຶ້ນ (BRICS) ຢູ່ Kazan, ສະຫະພັນລັດເຊຍ ແຕ່ວັນທີ 23 – 24 ຕຸລາ 2024 ຕາມຄຳເຊີນຂອງທ່ານປະທານາທິບໍດີລັດເຊຍ Vladimir Putin, ປະທານກຸ່ມ BRICS ປີ 2024.
ຍສໝ - ວັນທີ 20 ຕຸລາ ຢູ່ ຮ່າໂນ້ຍ, ເກືອບ 50 ມະຫາວິທະຍາໄລ ແລະ ຮາກຖານການສຶກສາຈາກ ຍີ່ປຸ່ນ ໄດ້ເຂົ້າຮ່ວມການສຳມະນາການໄປສຶກສາຢູ່ ຍີ່ປຸ່ນ 2024. ເຫດການໄດ້ດຶງດູດນັກຮຽນ, ນັກສຶກສາພ້ອມກັບພໍ່ແມ່ຜູ້ປົກຄອງທີ່ສົນໃຈເປັນຈໍານວນຫຼວງຫຼາຍ, ສະໜອງບັນດາຂໍ້ມູນອັບເດດ ແລະ ຢ່າງເປັນທາງການກ່ຽວກັບການໄປສຶກສາຢູ່ ຍີ່ປຸ່ນ. ການສຳມະນາໄດ້ຈັດຕັ້ງ ໂດຍອົງການໜູນຊ່ວຍນັກສຶກສາ ຍີ່ປຸ່ນ (JASSO) ສົມທົບກັບສະໂມສອນນັກຮຽນ ຫວຽດນາມ ທີ່ໄປຮຽນຢູ່ຕ່າງປະເທດ ປະຈຳ ຍີ່ປຸ່ນ (VAJA).
ຍສໝ - ວັນທີ 21 ຕຸລາ 2024, ຢູ່ ຮ່າໂນ້ຍ, ສະຫະພັນບັນດາອົງການມິດຕະພາບຫວຽດນາມ ໄດ້ຈັດຕັ້ງກອງປະຊຸມຄະນະປະທານ ຄັ້ງທີ 12, ຊຸດທີ 6, ອາຍຸການ 2019-2024
ຍສໝ - ເລຂາທິການໃຫຍ່, ປະທານປະເທດລາວ ທອງລຸນ ສີສຸລິດ ຢືນຢັນວ່າ: ເລື່ອງສະຫາຍ ເລືອງເກື່ອງ ໄດ້ຮັບເລືອກຕັ້ງຮັບໃຫ້ດໍາລົງຕໍາແໜ່ງເປັນປະທານປະເທດສະແດງໃຫ້ເຫັນຄວາມໄວ້ເນື້ອເຊື່ອໃຈ, ການຕີລາຄາສູງຂອງພັກ, ລັດ ແລະປະຊາຊົນຫວຽດນາມ...
ຍສໝ - ຕອນເຊົ້າວັນທີ 21 ຕຸລາ ຢູ່ຮ່າໂນ້ຍ, ກ່າວຄຳປາໄສທີ່ໄຂກອງປະຊຸມສະໄໝສາມັນ ເທື່ອທີ 8, ສະພາແຫ່ງຊາດ ຊຸດທີ 15, ທ່ານປະທານສະພາແຫ່ງຊາດ ຫວຽດນາມ ເຈີ່ນແທັງເໝີນ ຢືນຢັນວ່າ ກອງປະຊຸມຄັ້ງນີ້ມີຄວາມໝາຍສຳຄັນ, ສະພາແຫ່ງຊາດຈະປຶກສາຫາລື ແລະ ຕັດສິນຫຼາຍບັນຫາເພື່ອແກ້ໄຂຄວາມຫຍຸ້ງຍາກ, ຂໍ້ຄົງຄ້າງກ່ຽວກັບລະບອບລະບຽບການ, ນະໂຍບາຍ... ຢ່າງທັນການ.
ທ່ານ ເລືອງເກືອງ ຜູ້ປະຈຳການຄະນະເລຂາທິການສູນກາງພັກ ໄດ້ຮັບການເລືອກຕັ້ງດຳລົງຕຳແໜ່ງປະທານປະເທດ ອາຍຸການ 2021 – 2026
ຍສໝ - ທ່ານເລຂາທິການໃຫຍ່, ປະທານປະເທດ ຫວຽດນາມ ຢືນຢັນວ່າ ໜ້າທີ່ຂອງບັນດາເອກອັກຄະລັດຖະທູດ ແມ່ນຢູ່ໃນທຸກດ້ານ, ຂົງເຂດຂອງປະເທດຊາດ ຄື: ການທູດ, ເສດຖະກິດ, ວັດທະນະທຳ, ການປ້ອງກັນຊາດ, ປ້ອງກັນຄວາມສະຫງົບ, ປົກປ້ອງສິດ, ຜົນປະໂຫຍດຂອງຊາດ.
ຍສໝ - ທ່ານ ຮອງນາຍົກລັດຖະມົນຕີ ຫວຽດນາມ ໂຮ່ດືກເຝີກ ເນັ້ນໜັກວ່າ ຫວຽດນາມ ຍາມໃດກໍ່ຖືປະຊາຊົນເປັນໃຈກາງໃນທຸກນະໂຍບາຍ ແລະການກະທຳ, ພະຍາຍາມສູ້ຊົນເພື່ອໃຫ້ບັນດາຜົນສຳເລັດທາງເສດຖະກິດນຳມາເຊິ່ງການຫັນປ່ຽນທີ່ຕັ້ງໜ້າຕໍ່ການພັດທະນາ ແລະຄວາມຍຸຕິທໍາສັງຄົມ, ປັບປຸງຊີວິດການເປັນຢູ່ຂອງປະຊາຊົນ ແລະ ພັດທະນາໄປຕາມທິດທາງສີຂຽວກວ່າ ແລະ ຍືນຍົງກວ່າ.
ຍສໝ - ວັນທີ 11 ຕຸລາ, ທ່ານນາງ Carmen Cano De Lasala, ເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງ ລາຊະອານາຈັກ ແອັດສະປາຍ ໄດ້ມີການເຮັດວຽກກັບມະຫາວິທະຍາໄລເສດຖະກິດ - ການເງິນ ນະຄອນໂຮ່ຈີມິນ (UEF) ແລະ ພົບປະກັບນັກສຶກສາ ເນື່ອງໃນໂອກາດທີ່ໂຮງຮຽນເປີດຕົວສູນເຫດການແອັດສະປາຍ ຢ່າງເປັນທາງການ
ຍສໝ - ວັນທີ 14 ຕຸລາ ຢູ່ຮ່າໂນ້ຍ, ກະຊວງຕຳຫຼວດຫວຽດນາມ ໄດ້ເປັນປະທານໃນການຈັດກອງປະຊຸມສອງຝ່າຍຂັ້ນລັດຖະມົນຕີລະຫວ່າງກະຊວງຕຳຫຼວດຫວຽດນາມ ແລະ ກະຊວງປ້ອງກັນຄວາມສະຫງົບລາວ ກ່ຽວກັບການຮ່ວມມືປ້ອງກັນ, ຕ້ານອາດຊະຍາກຳ, ຮັກສາຄວາມເປັນລະບຽບຮຽບຮ້ອຍສັງຄົມ ແລະ ການປ້ອງກັນ, ຕ້ານຢາເສບຕິດ. ທ່ານຮອງນາຍົກລັດຖະມົນຕີ ຫວຽດນາມ ເລແທງລອງ, ປະທານຄະນະກຳມະການແຫ່ງຊາດກ່ຽວກັບການປ້ອງກັນ, ຕ້ານ AIDS, ຢາເສບຕິດ, ໂສເພນີ ໄດ້ເຂົ້າຮ່ວມ ແລະ ກ່າວຄຳປາໄສທີ່ກອງປະຊຸມ.
ຍສໝ - ຂໍ້ມູນຈາກການສຳຫຼວດຂອງ Agoda ທີ່ຫາກໍ່ປະກາດ, ນັກທ່ອງທ່ຽວຈາກ ສ.ເກົາຫຼີ ເປັນອັນດັບທີໜຶ່ງໃນບັນດາປະເທດທີ່ຖືກດຶງດູດຍ້ອນອາຫານ ຫວຽດນາມ, ຖັດຈາກນັ້ນແມ່ນ ຍີ່ປຸ່ນ ແລະ ໄທ.
ຍສໝ - ເວັບໄຊທ໌ອາຫານ Taste Atlas ໄດ້ປະກາດບັນຊີລາຍຊື່ 100 ຊະນິດນ້ຳແຈ່ວທີ່ແຊບທີ່ສຸດໃນໂລກ, ໃນນັ້ນ ຫວຽດນາມໄດ້ຈົດຊື່ ດ້ວຍນ້ຳແຈ່ວສອງຊະນິດຄື ນ້ຳປາ ແລະ ໝຳເນມ (ເຮັດຈາກປາເອືອບກັບເຄື່ອງປຸງ).
ຍສໝ - ກອງທຶນເງິນຕາສາກົນ (IMF) ໃນການລາຍງານຫຼ້າສຸດໄດ້ຕັດສິນໃຈຍົກລະດັບຄາດຄະເນການເຕີບໂຕຂອງດ້ານເສດຖະກິດຫວຽດນາມ ໃນປີ 2024 ຂຶ້ນເປັນ 6,1%, ສູງກວ່າຄາດຄະເນ ລະດັບເກືອບ 6% ທີ່ໄດ້ຍົກອອກໃນເດືອນມິຖຸນາ 2024.
ຍສໝ - ພະແນກວັດທະນະທຳ - ກິລາ ແລະ ທ່ອງທ່ຽວ ແຂວງກາເມົາ ໄດ້ຈັດຕັ້ງຄະນະ Famtrip ປະກອບມີບັນດາອົງການສື່ສານມວນຊົນ ວິສາຫະກິດການທ່ອງທ່ຽວ ທັງພາຍໃນ ແລະ ນອກແຂວງ ໄດ້ເຂົ້າຮ່ວມສຳຫຼວດເສັ້ນທາງທ່ອງທ່ຽວໃນບັນດາສະຖານທີ່ທ່ອງທ່ຽວທາງນິເວດ ໃນເຂດບັນດາເມືອງ: ຫງອກຫຽນ , ຝູເຕີນ , ເຈີ່ນວັນເທີຍ ເພື່ອແນະນຳຈຸດໝາຍປາຍທາງການທ່ອງທ່ຽວກາເມົາ ໃຫ້ແກ່ບັນດາຫົວໜ່ວຍການທ່ອງທ່ຽວ ແລະ ນັກທ່ອງທ່ຽວທັງພາຍໃນ ແລະ ຕ່າງປະເທດ. ນີ້ກໍ່ເປັນກິດຈະກຳນອນໃນກຸ່ມເຫດການ “ກາເມົາ - ຈຸດໝາຍປາຍທາງປີ 2024”.
ຍສໝ - ວັນທີ 12 ມິຖຸນາ 2024, ຢູ່ຮ່າໂນ້ຍ, ທ່ານປະທານສະຫະພັນບັນດາອົງການມິດຕະພາບ ຫວຽດນາມ ຟານແອງເຊີນ ໄດ້ຕ້ອນຮັບ ແລະ ເຮັດວຽກກັບຄະນະປະຕິບັດງານແຂວງ ລາວກາຍ ໂດຍທ່ານປະທານຄະນະກຳມະການປະຊາຊົນແຂວງ ລາວກາຍ ຈິ້ງຊວນເຈື່ອງ ເປັນຫົວໜ້າຄະນະ. ເຂົ້າຮ່ວມພ້ອມກັນກັບຄະນະ ມີການນຳສະຫະພັນບັນດາອົງການມິດຕະພາບແຂວງ ລາວກາຍ ແລະ ຜູ້ຕາງໜ້າບັນດາພະແນກ, ຂະແໜງການຂອງແຂວງ.
ຍສໝ - ໜ້າ Booking.com, ເວັບໄຊທ່ອງທ່ຽວອອນໄລແຖວໜ້າຂອງໂລກ ຫາກໍປະກາດບັນຊີລາຍຊື່ຈຸດຫມາຍປາຍທາງທີ່ເປັນເອກະລັກສະເພາະ, ແປກຕາແປກໃຈ, ນຳການລົງຕົວຈິງແບບຫຼູຫຼາລະດັບໂລກມາຍັງພາກພື້ນ ອາຊີ - ປາຊີຟິກ. ຫວຽດນາມ ທີ່ມີຈຸດໝາຍປາຍທາງທີ່ໄດ້ຮັບການກ່າວ ນັ້ນແມ່ນ ໝຸຍແໜ໋ (ຟ່ານທ໋ຽດ, ບິ່ງທ້ວນ)
ຍສໝ - ການຝຶກອົບຮົມວິທີການສອນພາສາລັດເຊຍ, ແນະນຳການປ່ຽນແປງໃນພາສາລັດເຊຍຍຸກສະໄໝ, ການຮຽນພາສາລັດເຊຍຜ່ານເກມຕ່າງໆ, ການປະພັນບົດກະວີເປັນພາສາລັດເຊຍ... ແມ່ນກິດຈະກຳຕ່າງໆທີ່ຢູ່ພາຍໃນຂອບເຂດໂຄງການ “ພາສາລັດເຊຍ ຢູ່ຫວຽດນາມ: ການສົນທະນາບັນດາພື້ນຖານວັດທະນະທຳ” ທີ່ຈັດໂດຍມະຫາວິທະຍາໄລພາສາສາດແຫ່ງຊາດ ມົດສະກູ (MGLU) ສົມທົບກັບອົງການສະຫະພາບ Rossotrudnichestvo (ລັດເຊຍ) ໃນວັນທີ 1 ຕຸລາ ຢູ່ມະຫາວິທະຍາໄລພາສາຕ່າງປະເທດ – ມະຫາວິທະຍາໄລແຫ່ງຊາດຮ່າໂນ້ຍ.
ຍສໝ - ວັນທີ 5 ຕຸລາ ຢູ່ແຂວງວິ໊ງລອງ, ມະຫາວິທະຍາໄລ ກຶວລອງ ໄດ້ຈັດພິທີໄຂສົກຮຽນໃໝ່ 2024-2025 ແລະ ໄດ້ຮັບໃບຍ້ອງຍໍຈາກ ທ່ານນາຍົກລັດຖະມົນຕີ ຫວຽດນາມ. ໃນໂອກາດນີ້, ມະຫາວິທະຍາໄລ ກໍ່ໄດ້ມອບທຶນການສຶກສາ 100% ໃຫ້ແກ່ນັກສຶກສາໃໝ່ທີ່ມີຜົນການຮຽນດີເດັ່ນ.
ຍສໝ - ໂດຍຮັບຄຳເຊີນຂອງທ່ານ ສອນໄຊ ສີພັນດອນ, ນາຍົກລັດຖະມົນຕີ ລາວ, ປະເທດປະທານ ອາຊຽນ 2024 ທ່ານ ຟ້າມມິງຈິງ ນາຍົກລັດຖະມົນຕີຫວຽດນາມ ຈະນຳໜ້າຄະນະຜູ້ແທນຂັ້ນສູງຫວຽດນາມ ເຂົ້າຮ່ວມກອງປະຊຸມສຸດຍອດອາຊຽນ ຄັ້ງທີ 44 ແລະ 45 ແລະ ບັນດາກອງປະຊຸມສຸດຍອດທີ່ກ່ຽວຂ້ອງຢູ່ນະຄອນຫຼວງວຽງຈັນ ແຕ່ວັນທີ 8 - 10 ຕຸລາ. ທ່ານນາງ ຄຳເພົາ ເອີນທະວັນ ເອກອັກຄະລັດຖະທູດວິສາມັນຜູ້ມີອຳນາດເຕັມ ແຫ່ງ ສປປ ລາວ ປະຈຳ ຫວຽດນາມ ໄດ້ໃຫ້ສຳພາດຕໍ່ນັກຂ່າວ ກ່ຽວກັບຜົນງານສຳຄັນຂອງລາວ ໃນເວລາດຳລົງຕຳແໜ່ງປະທານອາຊຽນ 2024; ການສະໜັບສະໜູນຢ່າງຕັ້ງໜ້າຂອງຫວຽດນາມ ...
ຍສໝ - ໃນວັນທີ 3 ແລະ 4 ຕຸລາ, ຢູ່ໂຮງຮຽນມັດທະຍົມຕອນປາຍ ລີເທື່ອງກຽດ ແລະ ໂຮງຮຽນມັດທະຍົມຕອນປາຍ ຫງວຽນເຈືອງໂຕະ, ຕາແສງ ລາກິ ແຂວງບິ່ງທວ້ນ, ພະແນກຖະແຫຼງຂ່າວ ແລະ ການສື່ສານ ໄດ້ຮ່ວມມືກັບພະແນກສຶກສາ ແລະ ບຳລຸງສ້າງ ແຂວງ, ຄະນະກໍາມະການປະຊາຊົນ ຕາແສງ ລາກິ ຈັດງານວາງສະແດງດິຈິຕອນ “ຮ່ວາງຊາ , ເຈືອງຊາ ຂອງຫວຽດນາມ – ບັນດາຫຼັກຖານທາງປະຫວັດສາດ ແລະ ນິຕິກຳ”.
