ວັນທີ 28 ຕຸລາ, ຢູ່ຮ່າໂນ້ຍ, ທ່ານເລຂາທິການໃຫຍ່ພັກກອມມູນິດ ຫວຽດນາມ ໂຕເລີມ ໄດ້ເຂົ້າຮ່ວມພິທີສະເຫຼີມສະຫຼອງ 75 ປີແຫ່ງວັນມູນເຊື້ອຄະນະພົວພັນຕ່າງປະເທດສູນກາງ (1 ພະຈິກ 1949 - 1 ພະຈິກ 2024).
ປະກອບສ່ວນຍົກສູງທີ່ຕັ້ງ, ອິດທິພົນສາກົນຂອງປະເທດຊາດຢ່າງບໍ່ຢຸດຢັ້ງ
ວຽກງານພົວພັນຕ່າງປະເທດຂອງພັກ ໄດ້ກາຍເປັນໜຶ່ງໃນ 3 ເສົາຄ້ຳສຳຄັນຂອງພື້ນຖານການທູດຮອບດ້ານ, ທັນສະໄໝຂອງຫວຽດນາມ, ມີບົດບາດຫຼັກແຫຼ່ງໃນການປົກປັກຮັກສາເອກະລາດ, ອະທິປະໄຕ, ຜືນແຜ່ນດິນອັນຄົນຄົບຖ້ວນ, ປົກປັກຮັກສາສະພາບແວດລ້ອມສັນຕິພາບ, ສະຖຽນລະພາບ, ສະດວກໃຫ້ແກ່ພາລະກິດແຫ່ງການສ້າງສາ ແລະ ປົກປັກຮັກສາປະເທດຊາດ, ປະຕິບັດບັນດາໜ້າທີ່ຍຸດທະສາດກ່ຽວກັບການພັດທະນາເສດຖະກິດ - ສັງຄົມ.
 |
| ທ່ານເລຂາທິການໃຫຍ່ພັັກກອມມູນິດ ຫວຽດນາມ ໂຕເລີມ ກ່າວຄຳປາໄສທີ່ພິທີສະເຫຼີມສະຫຼອງ 75 ປີແຫ່ງວັນມູນເຊື້ອຂອງຄະນະພົວພັນຕ່າງປະເທດສູນກາງ. (ພາບ: Thong Nhat/TTXVN) |
ພັກກອມມູນິດຫວຽດນາມ ມີການພົວພັນກັບ 253 ພັກການເມືອງ ຢູ່ 115 ປະເທດ, ໃນນັ້ນມີພັກກຳອຳນາດ ຫຼື ເຂົ້າຮ່ວມສະຫະພັນກຳອຳນາດ 100 ກວ່າແຫ່ງ . ແນວໂຮມປະເທດຊາດ ຫວຽດນາມ ແລະ ອົງການຈັດຕັ້ງປະຊາຊົນໄດ້ພັດທະນາການພົວພັນກັບອົງການຈັດຕັ້ງປະຊາຊົນ ແລະ ຄູ່ຮ່ວມມືຕ່າງປະເທດອື່ນໆປະມານ 1.200 ແຫ່ງ.
ບັນດາການປະກອບສ່ວນ, ອຸທິດຂອງຄະນະພົວພັນຕ່າງປະເທດສູນກາງ ໄດ້ຮັບການຮັບຮູ້ຈາກພັກ ແລະ ລັດ ດ້ວຍບັນດາລາງວັນອັນສູງສົ່ງຄື: ຫຼຽນກາໂຮ່ຈີມິນ (2019), ຫຼຽນກາດາວຄຳ (2003) ແລະ ລາງວັນສູງສົ່ງອື່ນໆ.
ສືບຕໍ່ເຮັດວຽກງານວາງແຜນກຳນົດທິດທາງພົວພັນຕ່າງປະເທດຂອງພັກໃນໄລຍະໃໝ່ໃຫ້ເປັນຢ່າງດີ
ກ່າວຄຳປາໄສທີ່ພິທີ, ທ່ານເລຂາທິການໃຫຍ່ ໂຕເລີມ ຢືນຢັນວ່າ 75 ປີຜ່ານມາ, ການພົວພັນຕ່າງປະເທດຂອງພັກ ໄດ້ຕິດພັນກັບວຽກງານຂອງຄະນະພົວພັນຕ່າງປະເທດສູນກາງ, ຍາມໃດກໍ່ສວມບົດບາດສຳຄັນໃນການກຳນົດທິດຍຸດທະສາດແຜນນະໂຍບາຍ, ແນວທາງການພົວພັນຕ່າງປະເທດຂອງພັກ ຫວຽດນາມ, ລະດົມກຳລັງແຮງຂອງຊາດຢ່າງແຂັ້ມແຂງ, ມີປະສິດທິຜົນ, ກຳລັງແຮງສາກົນ, ການສະໜັບສະໜູນ, ໜູນຊ່ວຍຂອງປະຊາຊົນທີ່ມີຄວາມກ້າວໜ້າ, ບັນດາຜູ້ທີ່ຮັກຫອມສັນຕິພາບໃນທົ່ວໂລກ, ສ້າງແຫຼ່ງກຳລັງຢ່າງຫຼວງຫຼາຍ ເພື່ອປະກອບສ່ວນນຳເຮືອປະຕິວັດຫວຽດນາມ ຜ່ານຜ່າທຸກຄວາມຫຍຸ້ງຍາກ, ຍາດໄດ້ໄຊຊະນະນີ້ໄປສູ່ໄຊຊະນະອື່ນ, ສ້າງເປັນຄວາມມະຫັດສະຈັນຫຼາຍຢ່າງ.
ບັນດາການນຳ, ພະນັກງານຄະນະພົວພັນຕ່າງປະເທດສູນກາງລຸ້ນຕ່າງໆ ໄດ້ເຮັດວຽກງານສົມທົບ, ຕິດຕາມສະພາບການສາກົນເປັນຢ່າງດີ, ເປັນເສນາທິການໃຫ້ພັກ, ລັດວາງແຜນກຳນົດທິດແຜນນະໂຍບາຍ, ແນວທາງພົວພັນຕ່າງປະເທດຢ່າງທັນການ, ປະກອບສ່ວນສຳຄັນເຂົ້າໃນການສ້າງຂໍ້ລິເລີ່ມຍຸດທະສາດ, ປັບປຸງສະພາບການພົວພັນຕ່າງປະເທດທີ່ສະດວກໃຫ້ແກ່ການສ້າງສາ ແລະ ປົກປັກຮັກສາປະເທດຊາດ.
ຕາງໜ້າການນໍາພັກ, ລັດ, ທ່ານເລຂາທິການໃຫຍ່ ໂຕເລີມ ໄດ້ສະແດງຄວາມຍ້ອງຍໍ ແລະ ຊົມເຊີຍບັນດາໝາກຜົນທີ່ບັນດາລ່້ນການນໍາ, ພະນັກງານຂອງຄະນະພົວພັນຕ່າງປະເທດສູນກາງ ທີ່ໜຽວແໜ້ນ, ມານະພະຍາຍາມສູ້ຊົນ 75 ປີທີ່ຜ່ານມາ. ທ່ານເລຂາທິການໃຫຍ່ ໂຕເລີມ ກໍ່ໄດ້ເນັ້ນໜັກວ່າ ໂລກພວມຢູ່ໃນໄລຍະແຫ່ງການປ່ຽນແປງໃໝ່ທີ່ມີຄວາມເປັນຍຸກສະໄໝ, ນຳມາເຊິ່ງບັນດາກາລະໂອກາດ, ຄວາມສະດວກໃໝ່, ພ້ອມກັນນັ້ນ ກໍ່ຍັງມີສິ່ງທ້າທາຍຫຼາຍຢ່າງ.
ສະພາບການດັ່ງກ່າວ ໄດ້ວາງອອກຄວາມຮຽກຮ້ອງຕ້ອງການໃໝ່, ສູງຫຼາຍຕໍ່ກັບການວາງແຜນກຳນົດທິດ ແລະ ການຈັດຕັ້ງປະຕິບັດແນວທາງການຕ່າງປະເທດຂອງພັກໃນໄລຍະໃໝ່, ທັງແມ່ນໜ້າທີ່ອັນສະຫງ່າງາມຂອງຄະນະພົວພັນຕ່າງປະເທດສູນກາງ.
ທ່ານເລຂາທິການໃຫຍ່ ໂຕເລີມ ໄດ້ສະເໜີວ່າ ໃນໄລຍະຈະມາເຖິງ, ຄະນະພົວພັນຕ່າງປະເທດສູນກາງ ຄວນເອົາໃຈໃສ່, ສຸມໃສ່ປະຕິບັດໜ້າທີ່ຍຸດທະສາດຈຳນວນໜຶ່ງ, ລະອຽດແມ່ນ: ສືບຕໍ່ເຮັດວຽກງານໃນການຄົ້ນຄ້ວາ, ເປັນເສນາທິການ, ວາງແຜນກຳນົດແນວທາງການພົວພັນຕ່າງປະເທດຂອງພັກ ໃນໄລຍະໃໝ່ໃຫ້ເປັນຢ່າງດີ, ປະກອບສ່ວນປະຕິບັດສອງເປົ້າໝາຍຍຸດທະສາດ 100 ປີ ພາຍໃຕ້ການນຳພາຂອງພັກຢ່າງມີໄຊ; ຈັດຕັ້ງການຜັນຂະຫຍາຍແນວທາງການພົວພັນຕ່າງປະເທດຂອງພັກຢ່າງມີປະສິດທິຜົນໃນທົ່ວລະບົບການເມືອງ, ເສີມຂະຫຍາຍສູງສຸດການພົວພັນຮ່ວມມືສັດຈະວິພາກລະຫວ່າງການພົວພັນຕ່າງປະເທດຂອງພັກ, ການທູດຂອງລັດ ແລະ ການທູດປະຊາຊົນພາຍໃຕ້ການນຳພາອັນເປັນເອກະພາບຂອງພັກ, ຍົກສູງບົດບາດກຳນົດທິດ, ນຳພາຂອງການພົວພັນຕ່າງປະເທດຂອງພັກ ເພື່ອເປົ້າໝາຍສູງສຸດ, ນັ້ນແມ່ນການຮັບປະກັນຜົນປະໂຫຍດແຫ່ງຊາດ, ຊົນເຜົ່າ, ເພື່ອຄວາມອີ່ມໜຳສຳລານ, ຄວາມຜາສຸກຂອງປະຊາຊົນ.
![[ຮູບພາບ] ທ່ານເລຂາທິການໃຫຍ່, ປະທານປະເທດ ລາວ ໄດ້ພົບປະກັບອະດີດທະຫານອາສາສະໝັກ](https://huunghivietlao.thoidai.com.vn/stores/news_dataimages/ducmh/092024/11/19/croped/thumbnail/3819_anh-tong-bi-thu-chu-tich-nuoc-lao-gap-go-cuu-quan-tinh-nguyen-chuyen-gia-viet-nam-va-the-he-tre-viet-nam-lao-20240911175939.jpg "[ຮູບພາບ] ທ່ານເລຂາທິການໃຫຍ່, ປະທານປະເທດ ລາວ ໄດ້ພົບປະກັບອະດີດທະຫານອາສາສະໝັກ") | [ຮູບພາບ] ທ່ານເລຂາທິການໃຫຍ່, ປະທານປະເທດ ລາວ ໄດ້ພົບປະກັບອະດີດທະຫານອາສາສະໝັກ ຍສໝ - ໃນຂອບເຂດການຢ້ຽມຢາມທາງລັດຖະກິດ ຫວຽດນາມ, ວັນທີ 11 ກັນຍາ ຢູ່ຮ່າໂນ້ຍ, ທ່ານເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນປະຕິວັດລາວ, ປະທານປະເທດ ແຫ່ງ ສປປ ລາວ ທອງລຸນ ສີສຸລິດ ໄດ້ມີການພົບປະກັບອະດີດທະຫານອາສາສະໝັກ, ນັກຊ່ຽວຊານຫວຽດນາມ ແລະ ລຸ້ນໜຸ່ມ ຫວຽດນາມ - ລາວ. ທ່ານເລຂາທິການໃຫຍ່ຄະນະບໍລິຫານງານສູນກາງພັກກອມມູນິດ ຫວຽດນາມ, ປະທານປະເທດ ... |
 | ທ່ານເລຂາທິການໃຫຍ່, ປະທານປະເທດລາວ ຈະໄປຢ້ຽມຢາມທາງລັດຖະກິດ ຫວຽດນາມ ຍສໝ - ສະຫາຍ ເລຂາທິການໃຫຍ່, ປະທານປະເທດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ທອງລຸນ ສີສຸລິດ ແລະ ພັນລະຍາ ຈະໄປຢ້ຽມຢາມທາງລັດຖະກິດ ຫວຽດນາມ ນັບແຕ່ວັນທີ 10 – 13 ກັນຍາ. |
ມີງດຶກ
