ກ່າວຄຳປາໄສທີ່ການສຳມະນາ, ທ່ານ Yoshino Toshio, ຮອງປະທານ JASSO ໃຫ້ຮູ້ວ່າ ເປົ້າໝາຍຂອງການສຳມະນາແມ່ນສະໜອງຂໍ້ມູນລະອຽດກ່ຽວກັບບັນດາຮາກຖານການສຶກສາ, ນັບແຕ່ການຮຽນພາສາ ຍີ່ປຸ່ນ ຈົນເຖິງລະບົບການບຳລຸງສ້າງຫຼັງມັດທະຍົມຕອນປາຍ, ໂດຍສະເພາະແມ່ນມະຫາວິທະຍາໄລ. ຜ່ານນັ້ນ, ກໍ່ຊ່ວຍໃຫ້ນັກຮຽນ, ນັກສຶກສາ ຫວຽດນາມ ເຂົ້າໃກ້ກັບຄວາມຝັນການໄປສຶກສາຢູ່ ຍີ່ປຸ່ນ ກວ່າອີກ.
ການສຳມະນາຍັງເປັນໂອກາດເພື່ອໃຫ້ພໍ່ແມ່ຜູ້ປົກຄອງ ແລະ ນັກຮຽນໄດ້ແລກປ່ຽນໂດຍກົງກັບຜູ້ຕາງໜ້າຂອງບັນດາໂຮງຮຽນ ກ່ຽວກັບຫຼັກສູດສຶກສາ, ທຶນການສຶກສາ, ຂະແໜງການສຶກສາທີ່ມີທ່າແຮງ ແລະ ສະພາບແວດລ້ອມການດໍາລົງຊີວິດຢູ່ ຍີ່ປຸ່ນ.
ຕາມທ່ານເອກອັກຄະລັດຖະທູດວິສາມັນຜູ້ມີອຳນາດເຕັມ ຍີ່ປຸ່ນ ປະຈຳ ຫວຽດນາມ Ito Naoki ແລ້ວ, ເດືອນພະຈິກ 2023, ການນຳ ຍີ່ປຸ່ນ ແລະ ຫວຽດນາມ ໄດ້ສົ່ງເສີມນັກສຶກສາ ຫວຽດນາມ ໄປຮ່ຳຮຽນຢູ່ ຍີ່ປຸ່ນ ແລະ ເພີ່ມທະວີການພົບປະ, ແລກປ່ຽນໃນຂົງເຂດການສຶກສາລະຫວ່າງສອງປະເທດ. ປະຈຸບັນ, ຍີ່ປຸ່ນ ມີນັກສຶກສາ ຫວຽດນາມ ປະມານ 36.000 ຄົນ, ຢືນອັນດັບທີ 3 ໃນບັນດາປະເທດທີ່ມີນັກສຶກສາທີ່ຮ່ຳຮຽນຢູ່ ຍີ່ປຸ່ນ. ລັດຖະບານ ຍີ່ປຸ່ນ ຕັ້ງເປົ້າໝາຍທີ່ຈະເພີ່ມຈຳນວນນັກສຶກສາສາກົນຂຶ້ນເປັນ 400.000 ຄົນ ພາຍໃນປີ 2033.
 |
| ບັນດາຜູ້ແທນໄດ້ຕັດແຖບຜ້າເປີດການສຳມະນາການໄປສຶກສາຢູ່ ຍີ່ປຸ່ນ ປີ 2024. (ຮູບພາບ: ແທງລວນ) |
ທ່ານ ຮສຈ ປອ ໂງມິງຖຸຍ, ປະທານ VAJA, ຮອງປະທານສະມາຄົມມິດຕະພາບ ຫວຽດນາມ - ຍີ່ປຸ່ນ, ຫົວໜ້າສະຖາບັນຄົ້ນຄວ້າພັດທະນາວັດທະນະທຳ, ພາສາ ແລະ ການສຶກສາ (CLEF) ໄດ້ຊີ້ອອກ 4 ສາເຫດທີ່ເຮັດໃຫ້ ຍີ່ປຸ່ນ ເປັນທາງເລືອກບຸລິມະສິດຂອງບັນດານັກສຶກສາ ຫວຽດນາມ ຫຼາຍຄົນ.
ອັນທີໜຶ່ງ, ການສຶກສາທີ່ມີຄຸນນະພາບແຖວໜ້າ. ຍີ່ປຸ່ນ ມີພື້ນຖານວິທະຍາສາດ ແລະ ການສຶກສາທີ່ກ້າວຫນ້າ, ໂດຍສະເພາະແມ່ນບັນດາຂະແໜງການຄົ້ນຄວ້າວິທະຍາສາດ ດ້ວຍ 29 ລາງວັນ Nobel. ລະບົບມະຫາວິທະຍາໄລ, ວິທະຍາໄລ ແລະ ໂຮງຮຽນອາຊີວະສຶກສາຂອງ ຍີ່ປຸ່ນ ລ້ວນໄດ້ຮັບການຕີລາຄາສູງ, ນຳມາເຊິ່ງໂອກາດໃນການຮ່ຳຮຽນ ແລະ ພັດທະນາທຸລະການຫຼາຍດ້ານ.
ອັນທີສອງ, ເປັນໂອກາດໃນວຽກເຮັດງານທຳທີ່ເປີດກວ້າງ. ການພົວພັນຮ່ວມມືລະຫວ່າງສອງປະເທດ ໄດ້ຊ່ວຍໃຫ້ນັກສຶກສາທີ່ຮຽນຈົບມີໂອກາດເຮັດວຽກທັງຢູ່ຫວຽດນາມ ແລະ ຍີ່ປຸ່ນ ຫຼາຍຂຶ້ນ. ນອກຈາກນີ້, ຍີ່ປຸ່ນ ພວມດຶງດູດແຫຼ່ງແຮງງານໄວໜຸ່ມທີ່ມີສີມືວິຊາຊີບສູງ ແລະ ບັນດານັກສຶກສາ ສາມາດໄດ້ຮັບວີຊາພັກເຊົາໃນໄລຍະຍາວ ຖ້າຫາກເຂົາເຈົ້າຕອບສະຫນອງຕາມຄວາມຮຽກຮ້ອງພາຍຫຼັງຈາກຮຽນຈົບ.
ອັນທີສາມ, ວັດທະນະທໍາທີ່ອຸດົມສົມບູນ. ຍີ່ປຸ່ນ ເປັນປະເທດສີວິໄລ ແລະ ທັນສະໄໝ, ແຕ່ຍັງຮັກສາສີສັນວັດທະນະທຳໄວ້ໄດ້. ການແລກປ່ຽນວັດທະນະທຳລະຫວ່າງສອງປະເທດນັບມື້ນັບພັດທະນາ, ຊ່ວຍໃຫ້ຊາວໜຸ່ມຫວຽດນາມ ຮັກແພງວັດທະນະທຳ ຍີ່ປຸ່ນ ຫຼາຍກວ່າອີກ.
ອັນທີສີ່, ກ່ຽວກັບດ້ານການເງິນ, ຄ່າຮຽນໃນປະເທດຍີ່ປຸ່ນ ແມ່ນຕໍ່າພໍສົມຄວນເມື່ອທຽບໃສ່ກັບຫຼາຍປະເທດອື່ນ ແລະ ມີທຶນການສຶກສາ, ນະໂຍບາຍສະຫນັບສະຫນູນສໍາລັບນັກສຶກສາສາກົນທີ່ຫຼາກຫຼາຍ.
ການສຳມະນາໄດ້ນຳເອົາຂໍ້ມູນທີ່ເປັນປະໂຫຍດຫຼາຍມາໃຫ້ບັນດາໄວໜຸ່ມ ແລະ ພໍ່ແມ່ຜູ້ປົກຄອງ, ລວມມີ: ບັນດາສິ່ງທີ່ຄວນເອົາໃຈໃສ່ເມື່ອກະກຽມໄປຮຽນຢູ່ຕ່າງປະເທດ; ຄ່າໃຊ້ຈ່າຍໃນການສຶກສາ ແລະ ການດໍາລົງຊີວິດຢູ່ ຍີ່ປຸ່ນ; ທຶນການສຶກສາຈາກລັດຖະບານ ຍີ່ປຸ່ນ (MEXT), JASSO ແລະ ບັນດາອົງການເອກະຊົນ; ການສອບເສັງສໍາລັບການໄປສຶກສາຢູ່ ຍີ່ປຸ່ນ (EJU); ບັນດາຫຼັກສູດການສຶກສາເປັນພາສາອັງກິດ ຊ່ວຍໃຫ້ນັກສຶກສາທີ່ບໍ່ມີຄວາມຊຳນານດ້ານພາສາ ຍີ່ປຸ່ນ ຍັງສາມາດໄປຮຽນໄດ້ ແລະ ປະສົບການສຶກສາຢູ່ ຍີ່ປຸ່ນ ຂອງອະດີດນັກສຶກສາ ຫວຽດນາມ ຢູ່ ຍີ່ປຸ່ນ.
 |
| ຮ້ານມະຫາວິທະຍາໄລ ຮ໋ອກໄກໂດ (ຍີ່ປຸ່ນ) ໃຫ້ຄຳປຶກສາພໍ່ແມ່ຜູ້ປົກຄອງ ແລະ ນັກຮຽນ. (ຮູບພາບ: ແທງລວນ) |
ທ່ານ ຫງວຽນຝູບິ່ງ, ປະທານສະມາຄົມການຕິດຕໍ່ກັບຊາວ ຫວຽດນາມ ອາໄສຢູ່ຕ່າງປະເທດ, ຮອງປະທານສະມາຄົມມິດຕະພາບ ຫວຽດນາມ - ຍີ່ປຸ່ນ ຕີລາຄາວ່າ ບັນດາລາຍການສຶກສາຢູ່ ຍີ່ປຸ່ນ ບໍ່ພຽງແຕ່ນຳມາເຊິ່ງຄວາມຮູ້ດ້ານວິຊາສະເພາະເທົ່ານັ້ນ ຫາກຍັງສ້າງພື້ນຖານວັດທະນະທຳແບບຍືນຍົງ, ຊຸກຍູ້ຄວາມເຂົ້າໃຈ ແລະ ສະໜິດຕິດພັນລະຫວ່າງປະຊາຊົນສອງປະເທດ ຫວຽດນາມ ແລະ ຍີ່ປຸ່ນອີກດ້ວຍ. ຍີ່ປຸ່ນ ຈະສືບຕໍ່ແມ່ນຈຸດໝາຍປາຍທາງທີ່ດີເພື່ອໃຫ້ຊາວໜຸ່ມ ຫວຽດນາມ ພັດທະນາອະນາຄົດ.
 | ສື່ມວນຊົນຍີ່ປຸ່ນໄດ້ຕີລາຄາສູງການຢ້ຽມຢາມຍີ່ປຸ່ນຂອງທ່ານປະທານປະເທດ ຫວໍວັນເຖືອງ ຍສໝ - ວັນທີ 27 ແລະ 28 ພະຈິກ, ສື່ມວນຊົນ ຍີ່ປຸ່ນ ໄດ້ໃຫ້ຂ່າວຢ່າງຫຼວງຫຼາຍກ່ຽວກັບການຢ້ຽມຢາມ ຍີ່ປຸ່ນ ຢ່າງເປັນທາງການຂອງທ່ານປະທານປະເທດ ຫວຽດນາມ ຫວໍວັນເຖືອງ, ໃນນັ້ນໄດ້ເນັ້ນໜັກເຖິງເລື່ອງທ່ານປະທານປະເທດ ຫວໍວັນເຖືອງ ແລະ ທ່ານນາຍົກລັດຖະມົນຕີ ຍີ່ປຸ່ນ Fumio Kishida ເຫັນດີຍົກລະດັບການພົວພັນລະຫວ່າງ 2 ປະເທດຂຶ້ນເປັນຄູ່ຮ່ວມມືຍຸດທະສາດຮອບດ້ານ ເພື່ອສັນຕິພາບ ... |
 | ທ່ານປະທານປະເທດ ຫວໍວັນເຖືອງ ແລະ ພັນລະຍາຕ້ອນຮັບເຈົ້າຊາຍ ແລະ ເຈົ້າຍິງ ຍີ່ປຸ່ນ ຍສໝ - ການຢ້ຽມຢາມຂອງເຈົ້າຊາຍ ແລະ ເຈົ້າຍິງ ຄັ້ງນີ້ຈະປະກອບສ່ວນສຳຄັນເຂົ້າໃນການເພີ່ມທະວີຄວາມເຂົ້າໃຈລະຫວ່າງປະຊາຊົນ 2 ປະເທດ |
ແທັງຮັ່ງ
