 | ປະຊາຄົມຊາວຫວຽດນາມ ຢູ່ລາວ ມີສະຖານທີ່ກວດ ແລະ ປິ່ນປົວພະຍາດຕືື່ມອີກ |
| ມີຫຼາຍຈຸດໃໝ່ໃນ Festival ດອກໄມ້ ດ່າລາດ 2022 |
ກ່າວຄຳປາໄສພິທີເປີດ, ທ່ານ ພົນໂທ ປອ ເລຮຸຍວິງ ກ່າວຢ່າງຈະແຈ້ງວ່າ 75 ປີກ່ອນ, ວັນທີ 30 ຕຸລາ 1949 ຄະນະປະຈຳສູນກາງພັກກອມມູນິດອິນດູຈີນ ໄດ້ກຳນົດວ່າ ບັນດາກຳລັງທະຫານຫວຽດນາມ ຕໍ່ສູ້ ແລະ ປະຕິບັດການຊ່ວຍເຫຼືອປະເທດຊາດລາວ ຈັດຕັ້ງເປັນລະບົບສະເພາະ ແລະ ມີຖານະນາມເປັນທະຫານອາສາສະໝັກ, ດ້ວຍຈິດໃຈ “ຊ່ວຍເຫຼືອປະຊາຊົນຂອງປະເທດເພື່ອນ ກໍ່ແມ່ນຊ່ວຍເຫຼືອຕົນເອງ”.
ໂດຍເສີມຂະຫຍາຍມູນເຊື້ອຂອງກອງທັບປະຕິວັດ, ລັດທິຮັກຊາດອັນແທ້ຈິງ ແລະ ຈິດໃຈສາກົນກຳມາຊີບທີ່ໃສແຈ້ງ, ທະຫານອາສາສະໝັກ ແລະ ນັກຊ່ຽວຊານການທະຫານຫວຽດນາມ ໄດ້ຄຽງບ່າຄຽງໄຫຼ່, ຮ່ວມແຮງກາຍແຮງໃຈກັນ, ພ້ອມກັບທົ່ວພັກ, ທົ່ວກອງທັບ ແລະ ທົ່ວປວງຊົນລາວ ຕໍ່ສູ້ຢ່າງພິລະອາດຫານ, ຍາດໄດ້ໄຊຊະນະອັນສະຫງ່າລາສີໃນພາລະກິດປົດປ່ອຍຊາດ, ສ້າງສາ ແລະ ປົກປັກຮັກສາປະເທດຊາດ ສປປ ລາວ ຢ່າງໝັ້ນຄົງ.
 |
| ການສຳມະນາວິທະຍາສາດ "ທະຫານອາສາສະຫມັກ ແລະ ນັກຊ່ຽວຊານການທະຫານຫວຽດນາມ ຊ່ວຍປະຕິວັດລາວ - ຄວາມໝາຍທາງປະຫວັດສາດ ແລະ ບົດຮຽນປະສົບການ". (ພາບ: TTXVN) |
ທີ່ການສຳມະນາ, ທ່ານ ພົນຕີ ເຈືອງທຽນໂຕ ໄດ້ແບ່ງປັນກ່ຽວກັບການປະກອບສ່ວນຂອງທະຫານອາສາສະໝັກ ແລະ ນັກຊ່ຽວຊານການທະຫານຫວຽດນາມ ທີ່ມີຕໍ່ການປະຕິວັດລາວ ຜ່ານແຕ່ລະໄລຍະ. ທ່ານໃຫ້ຮູ້ວ່າ ນັບແຕ່ປີ 1954 ເປັນຕົ້ນມາ, ສູນກາງພັກໄດ້ສົ່ງຄະນະປຶກສາການທະຫານ (ຄະນະ 100) ໄປຊ່ວຍເຫຼືອການປະຕິວັດລາວ. ໃນຊຸມປີຕໍ່ມາ, ຫວຽດນາມ ໄດ້ສົ່ງຄະນະຜູ້ແທນຊ່ຽວຊານການທະຫານ 959, 463 ແລະ 565; ບັນດາຄະນະທະຫານອາສາສະໝັກ 335, 316, 763, 766, 866, 968 ໄປຊ່ວຍການປະຕິວັດລາວ ຕໍ່ສູ້, ສ້າງຖານທັບປະຕິວັດ, ພັດທະນາກໍາລັງ.
ການຊ່ວຍເຫຼືອຂອງທະຫານອາສາສະໝັກ ແລະ ນັກຊ່ຽວຊານການທະຫານຫວຽດນາມ ໄດ້ຊ່ວຍໃຫ້ການປະຕິວັດລາວ ຍາດໄດ້ໄຊຊະນະໃນຂະບວນການຄື: ນ້ຳທາ (1962), 128 ແລະ 74A (1964), ນ້ຳບາກ (1968), ເມືອງສຸ້ຍ (1969), ທົ່ງໄຫຫີນ - ຊຽງຂວາງ (1969), ເສັ້ນທາງເລກ 9 - ພາກໃຕ້ຂອງລາວ (1971), ທົ່ງໄຫຫີນ - ຊຽງຂວາງ (ລະດູຝົນ 1972)..., ບັງຄັບໃຫ້ອາເມລິກາ ແລະ ຝ່າຍມິດຕະພາບລາວ ຕ້ອງລົງນາມໃນສັນຍາ ວຽງຈັນ (21 ກຸມພາ 1973), ສ້າງເງື່ອນໄຂສະດວກໃຫ້ກອງທັບ ແລະ ປະຊາຊົນລາວ ຕໍ່ສູ້ຍາດເອົາອຳນາດການປົກຄອງ, ໄດ້ສ້າງຕັ້ງສາທາລະນະລັດ ປະຊາທິປະໄຕ ປະຊາຊົນລາວ (2 ທັນວາ 1975).
ກ່າວຄຳເຫັນທີ່ການສຳມະນາ, ທ່ານ ນາງ ຄຳເພົາ ເອີນທະວັນ ເອກອັກຄະລັດຖະທູດຜູ້ມີອຳນາດເຕັມແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ປະຈຳ ຫວຽດນາມ ຢືນຢັນວ່າ ການພົວພັນ ຫວຽດນາມ - ລາວ ແມ່ນສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ, ມີໜຶ່ງບໍ່ມີສອງໃນໂລກ. ໃນໄລຍະ 30 ປີແຫ່ງສົງຄາມປະຕິວັດ (1945 - 1975) ແລະ 10 ປີແຫ່ງການສ້າງສາ, ປົກປັກຮັກສາລະບອບປະຊາທິປະໄຕປະຊາຊົນ (1976 - 1989), ກອງທັບປະຊາຊົນຫວຽດນາມ ໄດ້ຄຽງບ່າຄຽວໄຫຼ່ຕໍ່ສູ້, “ເກືອເມັດຫັກ, ຜັກເສັ້ນໜຶ່ງກໍ່ແບ່ງກັນກິນ” ພ້ອມກັບກອງທັບ ແລະ ປະຊາຊົນລາວ ຍາດໄດ້ໄຊຊະນະອັນໃຫຍ່ຫຼວງຫຼາຍຄັ້ງ.
“ຢູ່ດິນແດນປະເທດລາວ, ບໍ່ມີບ່ອນໃດທີ່ບໍ່ມີຮອຍຍ່າງຂອງທະຫານອາສາສະໝັກຫວຽດນາມ, ບໍ່ມີໄຊຊະນະໃດບໍ່ມີການເສຍສະຫຼະຊີວິດ, ການປະກອບສ່ວນຂອງທະຫານອາສາສະໝັກຫວຽດນາມ”, ທ່ານນາງ ແບ່ງປັນ. ປະຊາຊົນບັນດາເຜົ່າລາວ ເຊື່ອໝັ້ນ ແລະ ຮັກແພງ, ຖືພະນັກງານ, ທະຫານອາສາສະໝັກ ແລະ ນັກຊ່ຽວຊານການທະຫານຂອງຫວຽດນາມ ເປັນຍາດຕິພີ່ນ້ອງ, ຮ່ວມເລືອດເນື້ອດຽວກັນໃນຄອບຄົວ.
 |
| ທະຫານອາສາສະໝັກຫວຽດນາມ ໄດ້ອຳລາເພື່ອນລາວ ກ່ອນກັບຄືນປະເທດ. (ທີ່ມາ: ປື້ມຮູບພາບການພົວພັນແບບພິເສດ ຫວຽດນາມ - ລາວ) |
ກ່າວຄຳປາໄສພິທີອັດ, ທ່ານພົນໂທ ເລຮຸຍວິງ ໃຫ້ຮູ້ວ່າ ການສຳມະນາສືບຕໍ່ຢືນຢັນວ່າ ການຈັດຕັ້ງບັນດາທະຫານອາສາສະໝັກ ແລະ ນັກຊ່ຽວຊານການທະຫານຫວຽດນາມ ຊ່ວຍການປະຕິວັດລາວ ແມ່ນນະໂຍບາຍທີ່ຖືກຕ້ອງ, ສະຫຼາດສ່ອງໃສຂອງພັກກອມມູນິດຫວຽດນາມ ໃນການປະຕິບັດໜ້າທີ່ສາກົນຕໍ່ການປະຕິວັດລາວ. ພ້ອມກັນນັ້ນ, ກໍ່ຊ່ວຍໃຫ້ແຕ່ລະຄົນເຂົ້າໃຈຢ່າງເລິກເຊິ່ງ, ຄົບຖ້ວນກ່ວາອີກ ແລະ ເຊີດຊູບັນດາການປະກອບສ່ວນອັນໃຫຍ່ຫຼວງ, ການເສຍສະຫຼະເລືອດເນື້ອຂອງຮຸ່ນພະນັກງານ, ທະຫານອາສາສະໝັກ ແລະ ນັກຊ່ຽວຊານການທະຫານຫວຽດນາມ ທີ່ປະຕິບັດໜ້າທີ່ສາກົນ ເພື່ອຊ່ວຍເຫຼືອການປະຕິວັດລາວ; ສະແດງຄວາມຮູ້ບຸນຄຸນທີ່ເຕັມໄປດ້ວຍຄວາມສົນໃຈ, ການຊ່ວຍເຫຼືອ, ສ້າງເງື່ອນໄຂສະດວກໃຫ້ແກ່ພັກ, ລັດ, ກອງທັບ ແລະ ປະຊາຊົນລາວ ໃຫ້ແກ່ທະຫານຫວຽດນາມ. ທ່ານຫວັງວ່າບັນດາອົງການຈັດຕັ້ງ ແລະ ນັກຮົບເກົ່າຈະສືບຕໍ່ເກັບກໍາ, ເພີ່ມເຕີມບັນດາເອກະສານກ່ຽວກັບໄລຍະປະຫວັດສາດນີ້ເພື່ອຮັບໃຊ້ການຄົ້ນຄວ້າ, ສຶກສາໃຫ້ແກ່ຄົນລຸ້ນຫຼັງ.
 | ຫວຽດນາມ ລົງທຶນ ກວ່າ 815 ລ້ານ USD ເຂົ້າໃນຂົງເຂດພະລັງງານ ແລະ ຂຸດຄົ້ນບໍ່ແຮ່ ຢູ່ລາວ ຍສໝ-ໜັງສືພິມວຽງຈັນທາຍ ສະບັບລົງວັນທີ 9 ມິຖຸນາ ໃຫ້ຮູ້ວ່າຫວຽດນາມ ໄດ້ລົງທຶນ ກວ່າ 815 ລ້ານ USD ເຂົ້າໃນຂົງເຂດໄຟຟ້ານ້ຳຕົກ ແລະ ຂຸດຄົ້ນບໍ່ແຮ່ ຢູ່ແຂວງ ອັດຕະປື, ພາກໃຕ້ ຂອງລາວ. |
 | ຍສໝ - ກໍລະນີພົນລະເມືອງຫວຽດນາມ ມີຄວາມຕ້ອງການຢາກກັບປະເທດ, ແມ່ນໃຫ້ສືບຕໍ່ລົງທະບຽນຂໍກັບປະເທດຢູ່ສະຖານທູດ ແລະສະຖານກົງສູນໃຫຍ່ຫວຽດນາມ ປະຈໍາ ລາວ. |
ມີງດຶກ
