 | ປຸກລະດົມການປະກວດອອກແບບໂລໂກ້ເພື່ອສະເຫຼີມສະຫຼອງ 50 ປີແຫ່ງວັນສ້າງຕັ້ງການພົວພັນທາງການທູດ ຫວຽດນາມ - ເຢລະມັນ |
| ຂີດໝາຍວັນບຸນຊຸດເສື້ອຍາວຂອງສະຫະພັນແມ່ຍິງ ຫວຽດນາມ ປະຈຳ ເຢຍລະມັນ |
 |
| ໂລໂກ້ໄດ້ຮັບລາງວັນທີ 1 ໃນການແຂ່ງຂັນອອກແບບໂລໂກ້ 50 ປີແຫ່ງການພົວພັນທາງການທູດລະຫວ່າງ ເຢຍລະມັນ ແລະ ຫວຽດນາມ. |
ໃນປີ 2025, ເຢຍລະມັນ ແລະ ຫວຽດນາມ ຈະສະເຫຼີມສະຫຼອງ 50 ປີແຫ່ງວັນສ້າງຕັ້ງການພົວພັນທາງການທູດ. ສະຖານທູດເຢຍລະມັນ ປະຈຳ ຫວຽດນາມ ໄດ້ສົມທົບກັບກະຊວງວັດທະນະທຳ, ກິລາ ແລະ ທ່ອງທ່ຽວ ພ້ອມກັບສະຖານທູດ ຫວຽດນາມ ປະຈຳ ເຢຍລະມັນ ປຸກລະດົມງານແຂ່ງຂັນອອກແບບໂລໂກສະເຫຼີມສະຫຼອງ ໃນເວລາປະມານແຕ່ ວັນທີ 15 ມິຖຸນາ – ວັນທີ 15 ສິງຫາ 2024.
ຄະນະກຳມະການລວມມີບັນດາຜູ້ຕາງໜ້າຈາກສະຖານທູດ ເຢຍລະມັນ ປະຈຳ ຮ່າໂນ້ຍ, ກະຊວງວັດທະນະທຳ, ກິລາ ແລະ ທ່ອງທ່ຽວ ແລະ ສະຖາບັນ Goethe ຮ່າໂນ້ຍ ໄດ້ຄັດເລືອກເອົາໂລໂກ້ທີ່ຊະນະຈາກບົດສົ່ງເຂົ້າແຂ່ງຂັນຢ່າງປະດິດສ້າງກວ່າ 120 ບົດ.
ໂລໂກ້ທີ່ໄດ້ຮັບລາງວັນແມ່ນຄວາມຄິດປະດິດສ້າງຂອງກຸ່ມນັກສຶກສາຈາກ ຮ່າໂນ້ຍ, ນາງ ຫງວຽນເຈີນໝີແອັງ ຈາກມະຫາວິທະຍາໄລເສດຖະກິດແຫ່ງຊາດ (NEU) ແລະ ທ້າວ ໂດ໊ດືກເກືອງ ຈາກມະຫາວິທະຍາໄລສັບພະວິຊາ ຮ່າໂນ້ຍ (HUST). ໂລໂກ້ນີ້ສະແດງອອກໃຫ້ເຫັນເຖິງການເຊື່ອມຕໍ່ຢ່າງມີຊີວິດຊີວາ ແລະ ຫຼາຍຮູບແບບລະຫວ່າງ 2 ປະເທດ ແລະ ຈະຖືກນຳໃຊ້ໃນບັນດາການເຄື່ອນໄຫວສະເຫຼີມສະຫຼອງ ຢູ່ ຫວຽດນາມ ແລະ ເຢຍລະມັນ ໃນປີ 2025.
ວັນທີ 23 ຕຸລາ, ຢູ່ຫໍສະໝຸດສະຖາບັນ Goethe ຮ່າໂນ້ຍ, ທ່ານນາງເອກອັກຄະລັດຖະທູດ ເຢຍລະມັນ Helga Margarete Barth ແລະ ຫົວໜ້າກົມຮ່ວມມືສາກົນ ກະຊວງວັດທະນະທໍາ, ກິລາ ແລະ ທ່ອງທ່ຽວ ຫວຽດນາມ, ທ່ານ ປອ ຫງວຽນເຟືອງຮວ່າ ພ້ອມດ້ວຍຜູ້ອຳນວຍການສະຖາບັນ Goethe ຮ່າໂນ້ຍ, ທ່ານ Oliver Brandt, ຜູ້ຕາງໜ້າສະຖານທູດ ຫວຽດນາມ ປະຈຳ ເບີລິນ, ທ່ານ ສຈ.ປອ ດັ້ງຮວ່າງລິງ ແລະ ຜູ້ຕາງໜ້າບໍລິສັດການບິນ ຫວຽດນາມ Vietnam Airlines ໄດ້ມອບລາງວັນໃຫ້ບັນດາຜູ້ເຂົ້າຮ່ວມການແຂ່ງຂັນທີ່ໄດ້ຮັບຊະນະ.
 |
| ທ່ານນາງ Helga Barth ເອກອັກຄະລັດຖະທູດ ແລະ ຜູ້ຕາງໜ້າ Vietnam Airlines ນາງ ຫງວຽນຟີແທ່ງ ໄດ້ມອບລາງວັນໃຫ້ຜູ້ເຂົ້າຮ່ວມການແຂ່ງຂັນ 2 ຄົນທີ່ໄດ້ລາງວັນທີ 1. |
ໃນບົດກ່າວຊົມເຊີຍ, ທ່ານເອກອັກຄະລັດຖະທູດ ເຢຍລະມັນ ໄດ້ຂອບໃຈຜູ້ເຂົ້າຮ່ວມການແຂ່ງຂັນ 2 ຄົນ ແລະ ເນັ້ນໜັກເຖິງບົດບາດສຳຄັນຂອງໂລໂກ້ໃນບັນດາການເຄື່ອນໄຫວສື່ສານຕາມການຄາດຄະເນຂອງບັນດາອົງການຜູ້ຕາງໜ້າການທູດ ເຢຍລະມັນ ຢູ່ ຫວຽດນາມ ແລະ ລັດຖະບານ ຫວຽດນາມ.
ໂລໂກ້ສະເຫຼີມສະຫຼອງ ຈະເນັ້ນໜັກເຖິງຄວາມສະໜິດຕິດພັນອັນແໜ້ນແຟ້ນ ແລະ ຍາວນານລະຫວ່າງສອງປະເທດ ພ້ອມທັງດຶງດູດຄວາມສົນໃຈຂອງມະຫາຊົນມາໃນໂອກາດສະເຫຼີມສະຫຼອງອັນສຳຄັນນີ້ ໃນບັນດາບົດຄວາມ, ບັນດາບັ້ນການຖະແຫຼງຂ່າວ ແລະ ສື່ມວນຊົນ ກໍ່ຄືບັນດາເຫດການສາທາລະນະທີ່ດຳເນີນໄປໃນຕະຫຼອດປີສະເຫຼີມສະຫຼອງ.
ທ່ານນາງ ຫງວຽນເຟືອງຮວ່າ, ຫົວໜ້າກົມຮ່ວມມືສາກົນກະຊວງວັດທະນະທຳ, ກິລາ ແລະ ທ່ອງທ່ຽວ ແບ່ງປັນວ່າ: “ການຕັດສິນໃຈຄັດເລືອກເອົາໂລໂກ້ໄດ້ສະແດງໃຫ້ເຫັນຄວາມຖືເປັນສຳຄັນປັດໄຈຄິດປະດິດສ້າງ, ນະວັດຕະກໍາ ແລະ ໂອ້ລົມສົນທະນາວັດທະນະທຳ, ຊຸກຍູ້ຄວາມເຂົ້າໃຈ, ປັບປຸງຄວາມໄວ້ເນື້ອເຊື່ອໃຈ, ເປັນພື້ນຖານໃຫ້ແກ່ການເພີ່ມທະວີການຮ່ວມມືໃນທຸກຂົງເຂດ. ສອງຝ່າຍຈະວາງອອກຫຼາຍຂໍ້ຫົວຄິດປະດິດສ້າງໃນປີ 2025, ສືບຕໍ່ຮ່ວມມືຢ່າງມີປະສິດທິຜົນ ແລະ ຮອບດ້ານ, ກວມລວມໃຫ້ຫຼາຍກວ່າອີກໃນ 50 ປີຈະມາເຖິງ ເຊິ່ງໃນນັ້ນມີປະຊາຊົນເປັນໃຈກາງ, ທັງເປັນເຈົ້າກຳ ທັງເປັນເປົ້າໝາຍ ແລະ ກຳລັງຊຸກຍູ້ໃນການພັດທະນາການພົວພັນລະຫວ່າງສອງປະເທດ”.
 | ພິທີສະເຫຼີມສະຫຼອງ 50 ປີແຫ່ງວັນສ້າງຕັ້ງການພົວພັນທາງການທູດລະຫວ່າງ ຫວຽດນາມ ແລະ ຝລັ່ງ ດຳເນີນຢູ່ ຮ່າໂນ້ຍ ຍສໝ - ຕອນບ່າຍວັນທີ 27 ພະຈິກ 2023, ສະຫະພັນບັນດາອົງການມິດຕະພາບ ຫວຽດນາມ ແລະ ສະມາຄົມມິດຕະພາບ ແລະ ການຮ່ວມມື ຫວຽດນາມ - ຝລັ່ງ ຈໄດ້ຈັດຕັ້ງພິທີສະເຫຼີມສະຫຼອງ 50 ປີແຫ່ງວັນສ້າງຕັ້ງສາຍພົວພັນທາງການທູດ ຫວຽດນາມ - ຝລັ່ງ (1973 – 2023) ຢູ່ໂຮງລະຄອນໃຫຍ່ ... |
 | ຍສໝ - ເນື່ອງໃນໂອກາດສະເຫຼີມສະຫຼອງ 50 ປີແຫ່ງວັນສ້າງຕັ້ງການພົວພັນທາງການທູດລະຫວ່າງ ຫວຽດນາມ ແລະ ໂຮນລັງ, ແນວພັນດອກລິນລີ້ (lily) ຊະນິດໃໝ່ທີ່ມີຊື່ວ່າ ສິງແດງ, ເພາະພັນໂດຍບໍລິສັດ Onings Holland Flowerbulbs ໄດ້ຮັບການເປີດຕົວ. |
ແທັງຮັ່ງ
