ຫວຽດນາມ - ທານຊາເນຍ ເພີ່ມທະວີການຮ່ວມມືໃນບັນດາຂົງເຂດ

ຍສໝ - ຫວ່າງແລ້ວນີ້, ທີ່ສໍານັກງານກະຊວງການຕ່າງປະເທດ, ທ່ານ ບຸ່ຍແທັງເຊີນ ຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ໄດ້ຕ້ອນຮັບທ່ານ Cosato David Chumi ຮອງລັດຖະມົນຕີກະຊວງການຕ່າງປະເທດ ແລະຮ່ວມມື ອາຟຣິກາຕາເວັນອອກ ທານຊາເນຍ, ເນື່ອງໃນໂອກາດເດີນທາງມາຢ້ຽມຢາມຫວຽດນາມ ແລະເປັນປະທານຮ່ວມກອງປະຊຸມປຶກສາຫາລືການເມືອງຄັ້ງທີໜຶ່ງລະຫວ່າງກະຊວງການຕ່າງປະເທດຂອງສອງປະເທດ.

ທ່ານ ບຸ່ຍແທັງເຊີນ ສະເໜີໃຫ້ສອງຝ່າຍຊຸກຍູ້ການຮ່ວມມືໃນບັນດາຂົງເຂດໂທລະຄົມມະນາຄົມ, ກະສິກໍາ, ແຮ່ທາດ, ຕໍ່າແຜ່ນຕັດຫຍິບ, ຍົກສູງວົງເງິນການຄ້າລະຫວ່າງສອງປະເທດ; ສະເໜີໃຫ້ລັດຖະບານທານຊາເນຍ ສືບຕໍ່ເອົາໃຈໃສ່, ອໍານວຍຄວາມສະດວກໃຫ້ແກ່ກຸ່ມບໍລິສັດອຸດສາຫະກໍາໂທລະຄົມມະນາຄົມກອງທັບ (Viettel) ລົງທຶນ, ດໍາເນີນທຸລະກິດ, ເຂົ້າຮ່ວມໃນບັນດາໂຄງການຫັນເປັນດີຈີຕອນ, ລັດຖະບານເອເລັກໂຕນິກ, ບໍລິການສາທາລະນະອອນລາຍ ຢູ່ທານຊາເນຍ. ພ່າບ: ກວກເຕ໊