 | ຫວຽດນາມ ແມ່ນຂົວຕໍ່ສຳຄັນລະຫວ່າງ ອາຊຽນ ກັບບັນດາຄູ່ຮ່ວມມື |
| ເພີ່ມທະວີການປ້ອງກັນ, ຕ້ານອາດຊະຍາກຳຢາເສບຕິດ ຢູ່ອະນຸພາກພື້ນແມ່ນ້ຳຂອງ ເປີດກ້ວາງ. |
ໃນຂອບເຂດກອງປະຊຸມ, ກະຊວງຕຳຫຼວດ 2 ປະເທດ ໄດ້ແລກປ່ຽນຂໍ້ມູນກ່ຽວກັບສະພາບອາດຊະຍາກຳ, ຄວາມເປັນລະບຽບຮຽບຮ້ອຍ, ຄວາມປອດໄພສັງຄົມ, ອາດຊະຍາກຳຢາເສບຕິດທີ່ກ່ຽວຂ້ອງກັບສອງປະເທດ; ຕີລາຄາສະພາບການ, ໝາກຜົນຂອງວຽກງານປະສານສົມທົບກ່ຽວກັບການຜັນຂະຫຍາຍບົດບັນທຶກຊ່ວຍຈຳທີ່ໄດ້ລົງນາມໃນວັນທີ 9 ສິງຫາ 2021 ລະຫວ່າງກະຊວງຕຳຫຼວດ ແຫ່ງ ສາທາລະນະລັດ ສັງຄົມນິຍົມຫວຽດນາມ ແລະ ກະຊວງຕຳຫຼວດ ແຫ່ງ ສປປ ລາວ ໃນການຮ່ວມມືປ້ອງກັນ, ຕ້ານຢາເສບຕິດ; ແຜນການສະບັບທີ 376/KH-BCA-C04 ລົງວັນທີ 13 ກັນຍາ 2021 ຂອງກະຊວງຕຳຫຼວດກ່ຽວກັບການຜັນຂະຫຍາຍປະຕິບັດບັນດາສັນຍາ, ຂໍ້ຕົກລົງ, ແຜນການຮ່ວມມືລະຫວ່າງສອງປະເທດ; ວຽກງານການຮ່ວມມືປ້ອງກັນ, ຕ້ານອາດຊະຍາກຳທີ່ກ່ຽວຂ້ອງເຖິງການຄ້າມະນຸດ, ອາດຊະຍາກຳກ່ຽວກັບຄວາມເປັນລະບຽບຮຽບຮ້ອຍທາງສັງຄົມ, ອາດຊະຍາກຳຢາເສບຕິດຢູ່ຊາຍແດນຫວຽດນາມ - ລາວ.
 |
| ທ່ານຮອງນາຍົກລັດຖະມົນຕີ ຫວຽດນາມ ເລແທງລອງ ກ່າວຄຳປາໄສທີ່ກອງປະຊຸມ. (ພາບ: ກະຊວງຕຳຫຼວດ) |
ສອງຝ່າຍໄດ້ລົງນາມໃນບົດບັນທຶກຊ່ວຍຈຳກ່ຽວກັບການຮ່ວມມືປ້ອງກັນ, ຕ້ານອາດຊະຍາກຳ, ຮັກສາຄວາມເປັນລະບຽບຮຽບຮ້ອຍ, ຄວາມປອດໄພສັງຄົມ ແລະ ບົດບັນທຶກຊ່ວຍຈຳກ່ຽວກັບການປ້ອງກັນ, ຕ້ານຢາເສບຕິດລະຫວ່າງກະຊວງຕຳຫຼວດຂອງສອງປະເທດ. ພ້ອມກັນນັ້ນ, ກໍ່ປຶກສາຫາລືກ່ຽວກັບທິດທາງ, ວິທີແກ້ໄຂ ເພື່ອຍົກສູງປະສິດທິຜົນການຮ່ວມມືກັນປ້ອງກັນ, ຕ້ານອາດຊະຍາກຳ, ຄວາມເປັນລະບຽບຮຽບຮ້ອຍ, ຄວາມປອດໄພສັງຄົມ, ອາດຊະຍາກຳຢາເສບຕິດໃນໄລຍະຈະມາເຖິງ.
ກ່າວຄຳປາໄສທີ່ກອງປະຊຸມ, ທ່ານຮອງນາຍົກລັດຖະມົນຕີ ເລແທງລອງ ກ່າວຢ່າງຈະແຈ້ງວ່າ ປະຈຸບັນ, ສະພາບອາດຊະຍາກຳຂ້າມຊາດ, ພິເສດແມ່ນອາດຊະຍາກຳຢາເສບຕິດແມ່ນບັນຫາລວມຂອງທົ່ວໂລກ, ໄດ້ ແລະ ພວມສົ່ງຜົນສະທ້ອນບໍ່ດີເຖິງທຸກດ້ານຂອງຊີວິດເສດຖະກິດ-ສັງຄົມຂອງແຕ່ລະປະເທດ. ຫວຽດນາມ ແລະ ລາວ ພວມຕົກຢູ່ພາຍໃຕ້ຄວາມກົດດັນ ແລະ ຜົນກະທົບອັນໃຫຍ່ຫຼວງຈາກສະພາບການດັ່ງກ່າວ.
ທ່ານເນັ້ນໜັກວ່າ 2 ຝ່າຍຕ້ອງກຳນົດທັດສະນະຢ່າງຈະແຈ້ງ ແລະ ບາງຈຸດເປົ້າໝາຍຈຸດສຸມ ຕ້ອງສຸມໃສ່ເຖິງການຮ່ວມມືໃນໄລຍະຈະມາເຖິງ. ນັ້ນແມ່ນ: ສືບຕໍ່ເສີມຂະຫຍາຍກຳລັງແຮງສັງລວມຂອງລະບົບການເມືອງ ແລະ ທົ່ວປວງຊົນໃນການປ້ອງກັນ, ຕໍ່ສູ້, ສະກັດກັ້ນອາດຊະຍາກຳ ແລະ ຢາເສບຕິດ, ຫຼຸດຜ່ອນອາດຊະຍາກຳຮ້າຍແຮງທຸກປະເພດ, ຫຼຸດຜ່ອນອາດຊະຍາກຳໃນບັນດາບໍລິເວນສຳຄັນ, ປະກອບສ່ວນກໍ່ສ້າງສັງຄົມທີ່ປອດໄພ, ໝັ້ນຄົງ ເພື່ອຮັບໃຊ້ການພັດທະນາເສດຖະກິດ-ສັງຄົມຂອງປະເທດຊາດ.
ຍູ້ແຮງວຽກງານໂຄສະນາເຜີຍແຜ່ການສະກັດກັ້ນອາດຊະຍາກຳ ແລະ ຢາເສບຕິດ, ກໍ່ສ້າງຂະບວນການທົ່ວປວງຊົນປ້ອງກັນຄວາມປອດໄພແຫ່ງຊາດ, ພິເສດແມ່ນບັນດາບໍລິເວນສຳຄັນ, ຍຸດທະສາດ, ເຂດຊົນເຜົ່າສ່ວນໜ້ອຍ, ເຂດສາສະໜາ, ເຂດຊາຍແດນ, ໝູ່ເກາະ, ເຂດອຸດສາຫະກຳ ແລະ ນະຄອນໃຫຍ່.
ຮັກສາ, ເສີມຂະຫຍາຍປະສິດທິຜົນສູງສຸດຂອງກົນໄກຮ່ວມມືກ່ຽວກັບການປ້ອງກັນ, ຕ້ານຢາເສບຕິດ ແລະ ອາດຊະຍາກຳລະຫວ່າງສອງປະເທດ. ໃນນັ້ນ ໄດ້ສຸມໃສ່ “3 ເພີ່ມທະວີ” ຄື: ເພີ່ມທະວີການແລກປ່ຽນ, ແບ່ງປັນຂໍ້ມູນຜ່ານສາຍດ່ວນຢູ່ 4 ຂັ້ນຂອງຕຳຫຼວດ; ເພີ່ມທະວີການສົມທົບການປະຕິບັດບັນດາການເຄື່ອນໄຫວບົດຮຽນວິຊາການ ແລະ ການຊ້ອມຮົບຂ້າມຊາດ; ເພີ່ມທະວີການສຳເລັດລະບົບນະໂຍບາຍ, ກົດໝາຍວ່າດ້ວຍການຕ້ານອາດຊະຍາກຳ ແລະ ຕ້ານຢາເສບຕິດ.
ທ່ານຮອງນາຍົກລັດຖະມົນຕີ ສະເໜີວ່າ ຕ້ອງສຸມໃສ່ແຫຼ່ງກຳລັງໃຫ້ວຽກງານປ້ອງກັນ, ຕ້ານອາດຊະຍາກຳ ແລະ ຢາເສບຕິດ; ຍົກສູງປະສິດທິພາບຂອງການນໍາໃຊ້ອຸປະກອນ, ພາຫະນະ, ອຸປະກອນດ້ານວິຊາການ, ອາວຸດ, ເຄື່ອງມືໜູນຊ່ວຍ, ພາຫະນະຮັບໃຊ້ການປະຕິບັດງານ.
 |
| ບັນດາຜູ້ແທນເຂົ້າຮ່ວມກອງປະຊຸມ. (ພາບ: ກະຊວງຕຳຫຼວດ) |
ຍູ້ແຮງວຽດງານບຳບັດ ແລະ ຄຸ້ມຄອງຫຼັງການບຳບັດ ວຽກງານເຊື່ອມໂຍງຊຸມຊົນຄືນໃຫມ່, ສ້າງການຫາລ້ຽງຊີບ, ວຽກເຮັດງານທຳທີ່ໝັ້ນຄົງໃຫ້ແກ່ຜູ້ຫຼັງການບຳບັດຢາເສບຕິດ, ຄະດີອາຍາ, ຜູ້ລະເມີດກົດໝາຍ ແລະ ເປົ້າໝາຍທີ່ມີຄວາມສ່ຽງຕໍ່ການກໍ່ອາດຊະຍາກຳເພື່ອແກ້ໄຂຕົ້ນກຳເນີດຂອງອາດຊະຍາກຳ ແລະ ຢາເສບຕິດ.
ຊຸກຍູ້ການຮ່ວມມືສາກົນໃນການຕ້ານຢາເສບຕິດ ແລະ ອາດຊະຍາກຳ, ນຳໃຊ້ວິທະຍາສາດເຕັກໂນໂລຢີໃນວຽກງານຕໍ່ສູ້ ເພື່ອໃຫ້ເໝາະສົມກັບການຜັນແປຂອງສະພາບການຢາເສບຕິດ ແລະ ອາດຊະຍາກຳຂອງສອງປະເທດ.
ຕາງໜ້າໃຫ້ລັດຖະບານ ແລະ ຄະນະກຳມະການປ້ອງກັນ, ຕ້ານ AIDS, ຢາເສບຕິດ, ໂສເພນີ ຂອງຫວຽດນາມ, ທ່ານຮອງນາຍົກລັດຖະມົນຕີ ເລແທງລອງ ຢືນຢັນຄວາມຕັດສິນໃຈ ແລະ ຄຳໝັ້ນສັນຍາຈະຊີ້ນຳບັນດາກະຊວງ, ຂະແໜງການທີ່ມີໜ້າທີ່ປະສານສົມທົບ, ຮ່ວມເດີນທາງເພື່ອໜູນຊ່ວຍລັດຖະບານ ແລະ ກະຊວງປ້ອງກັນປະເທດ ລາວ ໃນການສະກັດກັ້ນ, ຕ້ານອາດຊະຍາກຳ ແລະ ຢາເສບຕິດ.
 | ຍສໝ - ໂດຍປະຕິບັດບັນດາເນື້ອໃນທີ່ໄດ້ລົງນາມ, ກອງບັນຊາການທະຫານແຂວງ ຮ່າຕິ້ງ ແລະ ບໍລິຄຳໄຊ ໄດ້ປະກອບສ່ວນຮັກສາສັນຕິພາບ, ສະຖຽນລະພາບ ແລະ ການພັດທະນາແບບຍືນຍົງຢູ່ເຂດຊາຍແດນ. |
 | ຍົກສູງປະສິດທິຜົນການຮ່ວມມືລະຫວ່າງ ຫວຽດນາມ ແລະ ແຟງລັງ ໃນບັນດາຂົງເຂດ ຍສໝ - ທ່ານປະທານສະພາແຫ່ງຊາດ Jussi Halla-aho ຢືນຢັນວ່າ 2 ປະເທດຍັງມີຄວາມສາມາດບົ່ມຊ້ອນຫລາຍຢ່າງໃນການຮ່ວມມືໃນບັນດາຂົງເຂດທີ່ ແຟງລັງ ມີທ່າແຮງ ແລະ ຫວຽດນາມ ມີຄວາມຕ້ອງການ, ຫວຽດນາມ ແມ່ນຈຸດໝາຍປາຍທາງທີ່ດຶງດູດຂອງບັນດາວິສາຫະກິດ ແຟງລັງ. |
ມີງດຶກ
