| ກວາງອານ (ຮ່າໂນ້ຍ) ນອນໃນ top 30 ຖະໜົນທີ່ສວຍງາມ, ໜ້າຈັບໃຈທີ່ສຸດໃນໂລກ 2024 | |
| ນັກຊ່ຽວຊານນິວຊີແລນ: ຫວຽດນາມ ແມ່ນສູນການຄ້າ ແລະການປ່ຽນແປງໃໝ່ຂອງອາຊີ - ປາຊີຟິກ |
ຕາມ Booking.com ແລ້ວ, ບັນດາໂນນພູຊາຍທີ່ກວ້າງໃຫຍ່ ແລະ ອາກາດທີ່ຮ້ອນແຫ້ງຢູ່ ໝຸຍແໜ໋ ຈະເຮັດໃຫ້ຄົນຈຳນວນຫຼາຍຄິດຜິດວ່າ ພາບທີ່ນີ້ເປັນທະເລຊາຍທີ່ມີຄວາມງາມຄືດັ່ງຢູ່ ເອຢິບ. ໃນຕົວຈິງແລ້ວ, ໝຸຍແໜ໋ ແມ່ນໝູ່ບ້ານຫາປາຢູ່ເຂດແຄມຝັ່ງທະເລພາກກາງຕອນໃຕ້ຂອງ ຫວຽດນາມ. ກະຈັດກະຈາຍຢູ່ອ້ອມຮອບຕົວເມືອງນ້ອຍທີ່ແຄມຝັ່ງທະເລນີ້ ແມ່ນບັນດາໂນນພູຊາຍສີແດງ ແລະ ສີຂາວທີ່ມີຊື່ສຽງ, ຫຼື ຫ້ວຍ ຕ່ຽນ, ທາດສີຄາມ Poshanư ທີ່ເກົ່າແກ່ ຄືກັບປິຣາມິດ Giza ທີ່ຍິ່ງໃຫຍ່.
 |
| ໝູ່ບ້ານຫາປາ ໝຸຍແໜ໋, ບິ່ງທ້ວນ (ພາບ: KT) |
ນອກຈາກນັ້ນ, ເມື່ອມາຮອດ ໝຸຍແໜ໋ ນັກທ່ອງທ່ຽວຄວນໄປຄົ້ນຫາບັນດາຈຸດປາຍທາງທ່ອງທ່ຽວອື່ນໆຄື: ດອນ ເຣີມ, ດອນ ແຢັງ, ໂນນພູຊາຍຂາວ - ໂນນພູຊາຍບົວ, ຫ້ວຍ ຕ່ຽນ, ໝູ່ບ້ານຫາປາ ແລະ ອ່າວ ໝຸຍແໜ໋, ວິຫານ ວ້ານຖູຍຕູ, ຫໍພິພິທະພັນນ້ຳປາໝູ່ບ້ານຫາປາເກົ່າແກ່, ໂຮງຮຽນ ຢຸກແທງ ແລະ ຕ້ອງໄດ້ຊິມກ້ອຍອາຫານທະເລ, ບັນດາອາຫານທີ່ເຮັດຈາກໂຕ ຢົງ, ອາຫານພິເສດຂອງປູຈັກຈັ່ນ, ພັນຊີ້ນໝູ... ຂອງເຂດທະເລນີ້.
ນັກທ່ອງທ່ຽວສາມາດມາ ໝຸຍແໜ໋ ໄດ້ຕະຫຼອດປີ, ແຕ່ລະລະດູ "ສະຫວັນຂອງທະເລ" ຈະນໍາເອົາຄວາມງາມທີ່ແຕກຕ່າງກັນ. ແຕ່ເດືອນເມສາ ຫາ ເດືອນສິງຫາ ແມ່ນເວລາທີ່ງາມທີ່ສຸດສໍາລັບການທ່ອງທ່ຽວທ້ອງຖິ່ນ, ເພາະວ່າໃນເວລານີ້ນ້ຳທະເລແມ່ນຈະຂຽວໃສ ແລະ ເຢັນດີ. ແຕ່ເດືອນສິງຫາ ຫາ ເດືອນທັນວາ ຈະເຫມາະສົມສໍາລັບຜູ້ທີ່ມັກສະກີນ້ຳ ແລະ ກິລາສ່ຽງໄພ. ໃນຂະນະທີ່ເດືອນທັນວາ ມັກຈະມີຝົນຕົກ.
ໃນບັນຊີລາຍຊື່ຂອງ Booking.com, ນອກຈາກ ໝຸຍແໜ໋ ຂອງ ຫວຽດນາມ ແລ້ວ, ຍັງມີຈຸດປາຍທາງທ່ອງທ່ຽວທີ່ມີຊື່ສຽງຂອງໂລກອື່ນໆ, ລວມມີ: ຕົວເມືອງນ້ອຍ Ella (ສີລັງກາ); ຕົວເມືອງນ້ອຍ Jozankei (Hokkaido, ຍີ່ປຸ່ນ); ທະເລ ກຣະບີ່ (ປະເທດໄທ); ເກາະດອນເດດ (ປະເທດລາວ).
ມິງດຶກ
