 | ຈົດໝາຍອວຍພອນສະຫາຍ ເລືອງເກື່ອງ ໄດ້ຮັບເລືອກຕັ້ງເປັນປະທານປະເທດຫວຽດນາມ |
| ທ່ານພົນເອກ ເລືອງເກື່ອງ ສິ້ນສຸດການຢ້ຽມຢາມ ສປປ ລາວ ຢ່າງເປັນທາງການ |
ບັນດາຈົດໝາຍ ແລະ ໂທລະເລກອວຍພອນມາຈາກຫຼາຍອົງການຄື: ສະມາຄົມມິດຕະພາບ ລັດເຊຍ - ຫວຽດນາມ, ສະມາຄົມມິດຕະພາບ ຟີລິບປິນ - ຫວຽດນາມ, ສະມາຄົມບັນດາຊາວ ສ.ເກົາຫຼີ ທີ່ີຮັກແພງຫວຽດນາມ (VESAMO), ສະມາຄົມເສດຖະກິດ ແລະ ວັດທະນະທຳ ສ.ເກົາຫຼີ - ຫວຽດນາມ (KOVECA)...
ໃນບັນດາສານອວຍພອນ, ເພື່ອນມິດສາກົນສະແດງຄວາມເຊື່ອໝັ້ນວ່າ ສະຫາຍ ປະທານປະເທດ ເລືອງເກື່ອງ ພ້ອມກັບບັນດາການນຳພັກ ແລະ ລັດ ຫວຽດນາມ ຈະສືບຕໍ່ນຳພາປະເທດຊາດ ແລະ ປະຊາຊົນ ຫວຽດນາມ ສືບຕໍ່ບັນລຸໄດ້ບັນດາຜົນງານໃໝ່, ໃຫຍ່ຫລວງກວ່າ.
 |
| ຈົດໝາຍອວຍພອນຈາກສະມາຄົມມິດຕະພາບ ລັດເຊຍ - ຫວຽດນາມ. |
ທ່ານປະທານສະມາຄົມມິດຕະພາບ ລັດເຊຍ - ຫວຽດນາມ, ປະລິນຍາເອກວິທະຍາສາດເສດຖະກິດ V.P. Buyanov ເນັ້ນໜັກໃນຈົດໝາຍອວຍພອນວ່າ: “ການເລືອກຕັ້ງສະຫາຍດຳລົງຕຳແໜ່ງເປັນປະທານປະເທດ ໂດຍສະພາແຫ່ງຊາດ ສາທາລະນະລັດ ສັງຄົມນິຍົມ ຫວຽດນາມ ໄດ້ສະແດງໃຫ້ເຫັນອິດທິພົນຊື່ສຽງອັນສູງຂອງສະຫາຍ ໂດຍຜ່ານຫຼາຍປີທີ່ສະຫາຍໄດ້ຮັບຜິດຊອບພາລະກິດສຳຄັນຂອງລັດ ແລະ ຂອງພັກກອມມູນິດ ຫວຽດນາມ.
ຫາງສຽງ ລັດເຊຍ ໃຫ້ຮູ້ວ່າ ສະຫາຍແມ່ນນັກເຄື່ອນໄຫວດີເດັ່ນຂອງລັດ ແລະ ພັກ, ແມ່ນຜູ້ເຮັດໃຫ້ບັນດາແນວຄິດໃນການປົກປັກຮັກສາ ແລະ ພັດທະນາມິດຕະພາບທີ່ເປັນມູນເຊື້ອລະຫວ່າງປະຊາຊົນສອງປະເທດປະກົດຜົນເປັນຈິງ, ເປີດກວ້າງ ແລະ ເຮັດໃຫ້ການພົວພັນຄູ່ຮ່ວມມືຍຸດທະສາດຮອບດ້ານລະຫວ່າງ ລັດເຊຍ ແລະ ຫວຽດນາມ ເລິກເຊິ່ງກ່ວາອີກ".
ທ່ານ Buyanov ເຊື່ອໝັ້ນວ່າ ການພົວພັນຄູ່ຮ່ວມມືຍຸດທະສາດຮອບດ້ານລະຫວ່າງ ລັດເຊຍ - ຫວຽດນາມ ຈະສືບຕໍ່ພັດທະນາຢ່າງເຂັ້ມແຂງ. ສະມາຄົມມິດຕະພາບ ລັດເຊຍ - ຫວຽດນາມ ພ້ອມແລ້ວທີ່ຈະປະກອບສ່ວນຢ່າງຕັ້ງໜ້າຜ່ານບັນດາການເຄື່ອນໄຫວການທູດປະຊາຊົນ.
ທ່ານສາດສະດາຈານ Mario Ferdinand Ayano Pasion ປະທານສະມາຄົມມິດຕະພາບ ຟີລິບປິນ - ຫວຽດນາມ ກໍ່ໄດ້ສົ່ງຄວາມອວຍພອນ ແລະ ເຊື່ອໝັ້ນວ່າ ໃນອາຍຸການດຳລົງຕຳແໜ່ງຂອງສະຫາຍປະທານປະເທດ ເລືອງເກື່ອງ, ຫວຽດນາມ ແລະ ຟີລິບປິນ ຈະສືບຕໍ່ປັບປຸງສາຍພົວພັນມິດຕະພາບ ຜ່ານການຮ່ວມມືໃນຂົງເຂດການຄ້າ , ການສຶກສາ, ວັດທະນະທໍາ ແລະ ຄວາມໝັ້ນຄົງຂອງພາກພື້ນຢ່າງເລິກເຊິ່ງ.
ທ່ານສາດສະດາຈານ Mario Ferdinand Ayano Pasion ປາດຖະໜາຢາກຮ່ວມມືຢ່າງແໜ້ນແຟ້ນກັບລັດຖະບານ ຫວຽດນາມ ເພື່ອຊຸກຍູ້ຜົນປະໂຫຍດລວມຂອງສອງປະເທດພ້ອມບັນດາເປົ້າໝາຍຮ່ວມຂອງກຸ່ມ ອາຊຽນ.
 |
| ຈົດໝາຍອວຍພອນຈາກສະມາຄົມເສດຖະກິດ ແລະ ວັດທະນະທຳ ສ.ເກົາຫຼີ - ຫວຽດນາມ (KOVECA). |
ທ່ານ Chang Ho-Ick, ປະທານ VESAMO ອວຍພອນໃຫ້ ສະຫາຍ ເລືອງເກື່ອງ ບັນລຸໄດ້ຫຼາຍຜົນສຳເລັດໃນຖານະຕຳແໜ່ງເປັນປະທານປະເທດ. ທ່ານ Chang ເຊື່ອໝັ້ນວ່າ ໂດຍການນຳພາຂອງພັກ, ລັດ ແລະ ລັດຖະບານ ຫວຽດນາມ, ປະເທດຊາດ ຫວຽດນາມ ຈະນັບມື້ນັບວັດທະນາຖາວອນ, ປະຊາຊົນ ຫວຽດນາມ ນັບມື້ນັບມີຄວາມຜາສຸກ, ການພົວພັນຫວຽດນາມ - ສ.ເກົາຫຼີ ຈະສືບຕໍ່ໄດ້ປັບປຸງ ແລະ ພັດທະນາ..
ທ່ານ Kwon Sung Taek, ປະທານ KOVECA ເຊື່ອໝັ້ນວ່າ ຫວຽດນາມ ຈະບັນລຸໄດ້ຄວາມປົກກະຕິດ້ານການເມືອງ ແລະ ພັດທະນາເສດຖະກິດແບບຍືນຍົງກວ່າອີກ ໂດຍການນຳພາຂອງສະຫາຍປະທານປະເທດ ເລືອງເກື່ອງ.
 | ມອບຂໍ້ຕົກລົງເລື່ອນຊັ້ນພົນເອກໃຫ້ສະຫາຍ ໂຕເລິມ ແລະສະຫາຍ ເລືອງເກື່ອງ ຕາງໜ້າການນໍາພັກ, ລັດ, ທ່ານ ຫງວຽນຝູຈ້ອງ ອວຍພອນໃຫ້ສະຫາຍ ໂຕເລິມ ແລະສະຫາຍ ເລືອງເກື່ອງ ທີ່ໄດ້ຮັບການເລື່ອນຊັ້ນໃນເທື່ອນີ້... |
 | ການເຄື່ອນໄຫວຂອງທ່ານພົນໂທ ເລືອງເກື່ອງ ໃນການຢ້ຽມຢາມລາວ ແລະກໍາປູເຈຍ ຢ່າງເປັນທາງການ ໃນຂອບເຂດການຢ້ຽມຢາມ ສປປ ລາວ ແລະ ລາຊະອານາຈັກກໍາປູເຈຍ ຢ່າງເປັນທາງການໃນລະຫວ່າງວັນທີ 18-22 ກັນຍາ ຂອງຄະນະພະນັກງານຂັ້ນສູງກອງທັບປະຊາຊົນຫວຽດນາມ ໂດຍທ່ານພົນໂທ ເລືອງເກື່ອງ, ຫົວໜ້າກົມໃຫຍ່ການເມືອງກອງທັບປະຊາຊົນຫວຽດນາມ ນໍາໜ້າໄດ້ສິ້ນສຸດຢ່າງຈົບງາມ. |
ແທັງຮັ່ງ
