ຫວຽດນາມ ບັນລຸບັນດາຜົນງານໃນການຮັບປະກັນສິດເສລີໃນການເຫຼື້ອມໃສ ສາສະໜາ

ຍສໝ - ຫວ່າງແລ້ວນີ້, ທີ່ຮ່າໂນ້ຍ, ທ່ານ ຟານແອັງເຊີນ ປະທານສະຫະພັນບັນດາອົງການຈັດຕັ້ງມິດຕະພາບຫວຽດນາມ (VUFO) ໄດ້ຕ້ອນຮັບຄະນະຜູ້ແທນຄຸນພໍ່ ສາສະໜາໂປແຕສຕັງ ສາກົນ ແລະພະນັກງານສອງຄົນຂອງສະຖາບັນເຊື່ອມຕໍ່ທົ່ວໂລກ (IGE/ອາເມລິກາ), ນໍາໂດຍ ຄຸນພໍ່ Bob Roberts ປະທານ IGE ທີ່ພວມມີການຢ້ຽມຢາມຫວຽດນາມ.

ທີ່ການຕ້ອນຮັບ, ທ່ານ ຟານແອັງເຊີນ ປະທານ VUFO ໄດ້ແນະນໍາໂດຍສັງເຂບກ່ຽວກັບການເຄື່ອນໄຫວຂອງ VUFO, ສະພາບການພັດທະນາຂອງຫວຽດນາມ, ການພົວພັນຫວຽດນາມ-ອາເມລິກາ; ແຜນນະໂຍບາຍ, ນະໂຍບາຍ, ກົດໝາຍທີ່ກ່ຽວຂ້ອງເຖິງສາສະໜາຂອງຫວຽດນາມ... ທ່ານປະທານ VUFO ສະແດງຄວາມເຊື່ອໝັ້ນວ່າ ຜ່ານການຢ້ຽມຢາມຄັ້ງນີ້, ຄຸນພໍ່ Bob Roberts ແລະຄະນະ ຈະປະກອບສ່ວນໂຄສະນາຮູບພາບຫວຽດນາມ ທີ່ສວຍງາມ, ຮັກແຂກແພງຄົນ, ຫຼາກຫຼາຍ, ອຸດົມສົມບູນ ແລະເສລີໃນການເຫຼື້ອມໃສ, ສາສະໜາ ເຖິງລັດຖະບານ, ປະຊາຊົນອາເມລິກາ ແລະເພື່ອນມິດສາກົນ. ພາບ: ຫງອັກທື