ຍສໝ - ສຸຂະພາບເກີດຈະເລີນພັນບໍ່ພຽງແຕ່ເປັນບັນຫາສ່ວນຕົວເທົ່ານັ້ນ ຫາກຍັງເປັນພື້ນຖານໃຫ້ແກ່ການພັດທະນາສັງຄົມແບບຍືນຍົງ. ຢູ່ຫວຽດນາມ, ອົງການອະນຸເຄາະເດັກນ້ອຍ ໄດ້ນຳເອົາການປ່ຽນແປງໃນທາງບວກຜ່ານບັນດາໂຄງການເພື່ອຍົກສູງຄວາມຮັບຮູ້, ຄວາມຮູ້, ປ່ຽນແປງພຶດຕິກຳ ແລະ ປັບປຸງການບໍລິການຮັກສາສຸຂະພາບເກີດແມ່ແຜ່ລູກ. ດ້ວຍເຫດນີ້ຈຶ່ງສ້າງພື້ນຖານໃຫ້ແກ່ການສ້າງເດັກນ້ອຍທີ່ມີສຸຂະພາບແຂງແຮງ ແລະ ມີຄວາມໝັ້ນໃຈຫຼາຍຂຶ້ນ.
ຍສໝ - ອົງການ Sunflower Mission (ອາເມລິກາ) ຫາກໍ່ມອບທຶນສຶກສາ 355 ທຶນໃຫ້ນັກຮຽນທຸກຍາກແຕ່ຮຽນເກັ່ງຢູ່ແຂວງ ຝູອຽນ ແລະ ກຽນຢາງ ໃນເດືອນ ມີນາ ແລະ ຕົ້ນເດືອນ ເມສາ 2025..
ຍສໝ - ວັນທີ 2 ເມສາ, ຄະນະປະຕິບັດງານກະຊວງການຕ່າງປະເທດ ໂດຍທ່ານຮອງລັດຖະມົນຕີ ໂງ່ຫວຽດຮຸ່ງ ເປັນນຳໜ້າ ພ້ອມກັບທ່ານເອກອັກຄະລັດຖະທູດ ອາເມລິກາ ປະຈຳ ຫວຽດນາມ Marc E. Knapper ໄດ້ໄປຢ້ຽມຢາມ ແລະ ເຮັດວຽກຢູ່ເມືອງ ເຮື໋ອງຮວ໋າ (ແຂວງ ກວາງຈີ້). ກ່າວຄຳປາໄສທີ່ນີ້, ທ່ານເອກອັກຄະລັດຖະທູດ Marc E. Knapper ໃຫ້ຮູ້ວ່າ: ອາເມລິກາ ຈະສືບຕໍ່ໜູນຊ່ວຍ ຫວຽດນາມ, ພິເສດແມ່ນແຂວງ ກວາງຈີ້ ເພື່ອຜ່ານຜ່າຜົນຮ້າຍຢ້ອນຫຼັງຈາກສົງຄາມ.
ຍສໝ - ວັນທີ 4 ເມສານີ້ (ຕາມເວລາທ້ອງຖິ່ນ), ກອງປະຊຸມປະຈຳປີຄັ້ງທີ 58 ຂອງສະພາສິດທິມະນຸດສະຫະປະຊາຊາດ ໄດ້ໄຂຂຶ້ນຢ່າງເປັນທາງການຢູ່ນະຄອນ Geneva (ສະວິດ) ພາຍຫຼັງ 6 ອາທິດໄດ້ດຳເນີນວຽກງານຢ່າງບໍ່ຢຸດຢັ້ງ. ດ້ວຍຄວາມຮັບຜິດຊອບ ແລະ ຂໍ້ລິເລີ່ມ, ຄະນະຜູ້ແທນຫວຽດນາມ ໄດ້ປະກອບສ່ວນຢ່າງແທດຈິງ, ພົ້ນເດັ່ນເຂົ້າໃນບັນດາບັນຫາສິດທິມະນຸດທີ່ເປັນຫ່ວງຂອງປະຊາຄົມໂລກ.
ຍສໝ - ພາຍຫຼັງເຫດແຜ່ນດິນໄຫວຄັ້ງຮ້າຍແຮງທີ່ເກີດຂຶ້ນຢູ່ມຽນມາ ແລະ ໄທໃນວັນທີ 28 ມີນານີ້, ຫຼາຍປະເທດໃນໂລກໄດ້ສົ່ງຄວາມເສົ້າສະຫຼົດໃຈແລະສະແດງຄວາມພ້ອມທີ່ຈະສະໜັບສະໜູນສອງປະເທດຜ່ານຜ່າຜົນຮ້າຍຢ້ອນຫຼັງ.
ຍສໝ - ວັນທີ 25 ມີນາ 2025, ຢູ່ນະຄອນ ໂຮ່ຈິມິນ, ກະຊວງການຕ່າງປະເທດ ຫວຽດນາມ ໄດ້ສົມທົບກັບ ອົດສະຕາລີ ແລະ ການາດາ ຈັດຕັ້ງການສຳມະນາເວທີປາໄສພາກພື້ນ ອາຊຽນ (ARF) ກ່ຽວກັບຫົວຂໍ້ແມ່ຍິງ, ສັນຕິພາບ ແລະ ຄວາມໝັ້ນຄົງ ຄັ້ງທີ 2 ດ້ວຍຮູບແບບໂດຍກົງສົມທົບກັບທາງອອນລາຍ.
ຍສໝ - ເກືອບ 20 ປີທີ່ຜ່ານມານີ້, ຜົວເມຍທ່ານສາດສະດາຈານ Erich Johann Lejeune ໄດ້ຮ່ວມເດີນທາງພ້ອມກັບຂະແໜງແພດສາດ ດານັງ ຢ່າງຕໍ່ເນື່ອງ, ນຳມາເຊິ່ງໂອກາດຊີວິດໃຫ້ແກ່ເດັກນ້ອຍນັບພັນຄົນທີ່ເປັນພະຍາດຫົວໃຈມາແຕ່ກຳເນີດ. ໂດຍໄດ້ຮັບຮູ້ບັນດາການປະກອບສ່ວນຢ່າງບໍ່ຢຸດຢັ້ງ, ນະຄອນ ດານັງ ໄດ້ມອບລາງວັນ “ອຸທິດຕົນໃຫ້ນະຄອນ ດານັງ” ໃນວັນທີ 18 ມີນາ.
ຍສໝ - ເມື່ອ 25 ປີກ່ອນ, ຄະນະແພດອາສາສະໝັກຈາກ NUOY (USA) ໄດ້ມາຫວຽດນາມ ດ້ວຍຄວາມປາຖະຫນາທີ່ຈະປ່ຽນແປງຊະຕາກໍາຂອງເດັກນ້ອຍທີ່ມີຄວາມພິການແຕ່ກໍາເນີດ. ປະຈຸບັນ, ເຂົາເຈົ້າບໍ່ພຽງແຕ່ຟື້ນຟູຊີວິດນັບພັນຄົນເທົ່ານັ້ນ, ຫາກຍັງປະກອບສ່ວນຍົກສູງກຳລັງການແພດຂອງຫວຽດນາມ, ເພື່ອໃຫ້ບັນດາອະພິນິຫານທາງການແພດບໍ່ພຽງແຕ່ແມ່ນໂຊກດີເທົ່ານັ້ນ ຫາກຍັງກາຍເປັນສິ່ງທີ່ຈຳເປັນຢ່າງເດັດຂາດ.
ຍສໝ - ວັນທີ 11 ມີນາ, ຢູ່ຮ່າໂນ້ຍ, ສະພາມະຫາບັນດິດວິທະຍາສາດສັງຄົມຫວຽດນາມ ໄດ້ຈັດຕັ້ງການສຳມະນາວິທະຍາສາດ ເພື່ອປະກາດໝາກຜົນແຫ່ງຊາດກ່ຽວກັບຄວາມສະເໝີພາບລະຫວ່າງຍິງ-ຊາຍ. ການສຳມະນາ ເພື່ອແບ່ງປັນໝາກຜົນຂອງຫົວຂໍ້ “ຄົ້ນຄວ້າ, ຕີລາຄາສັງລວມກ່ຽວກັບຄວາມສະເໝີພາບລະຫວ່າງຍິງຊາຍ ເພື່ອຮັບໃຊ້ການພັດທະນາແບບຍືນຍົງ” ໂດຍສະພາມະຫາບັນດິດວິທະຍາສາດສັງຄົມ ຫວຽດນາມ ປະຕິບັດ; ຜ່ານນັ້ນ ວິເຄາະສະພາບການໃນປະຈຸບັນ ແລະ ບັນຫາທີ່ໄດ້ຍົກອອກມາໃນ 7 ຂົງເຂດສຳຄັນຄື: ດ້ານການເມືອງ, ການນຳ, ການຄຸ້ມຄອງ; ການສຶກສາ, ການບຳລຸງສ້າງ, ວິທະຍາສາດ ແລະ ເຕັກໂນໂລຢີ; ເສດຖະກິດ, ແຮງງານ-ວຽກເຮັດງານທຳ; ການດູແລສຸຂະພາບ; ຄອບຄົວ; ການປ້ອງກັນ ແລະ ການຕອບໂຕ້ຕໍ່ຄວາມຮຸນແຮງທາງເພດ; ຕອບໂຕ້ການປ່ຽນແປງຂອງດິນຟ້າອາກາດ, ໄພທຳມະຊາດ, ...
ຍສໝ - ປະເທດຫວຽດນາມໄດ້ສະແດງຄຳໝັ້ນສັນຍາຢ່າງໜັກແໜ້ນໃນການຮັບປະກັນສິດທິຂອງຄົນພິການ ຜ່ານການເຄື່ອນໄຫວພາຍໃນ ແລະ ຕ່າງປະເທດຢ່າງຫຼວງຫຼາຍ. ບໍ່ພຽງແຕ່ເຂົ້າຮ່ວມຢ່າງຕັ້ງໜ້າເຂົ້າໃນເວທີປາໄສສາກົນເທົ່ານັ້ນ, ປະເທດຫວຽດນາມ ຫາກຍັງສ້າງລະບົບກົດໝາຍຄົບຊຸດ, ຜັນຂະຫຍາຍຫຼາຍໂຄງການສະໜັບສະໜູນຕົວຈິງ, ເພື່ອຊຸກຍູ້ສິດທິຂອງຄົນພິການໃນທຸກຂົງເຂດ.
ຍສໝ - ໃນວັນທີ 26 ແລະ 27 ກຸມພາ, ອົງການ ChildFund ໄດ້ຜັນຂະຫຍາຍໂຄງການ “ໜູນຊ່ວຍການຟື້ນຟູຫຼັງພາຍຸ Yagi” ຢູ່ສອງເມືອງ ຫງວຽນບິ່ງ ແລະ ຮ່າກວາງ (ແຂວງ ກາວບັ່ງ). ໂຄງການດັ່ງກ່າວແມ່ນໄດ້ຮັບການປະຕິບັດດ້ວຍແຫຼ່ງທຶນຈາກກະຊວງການຕ່າງປະເທດ ແລະ ການຄ້າ ນິວຊີແລນ ຜ່ານ ChildFund New Zealand.
ຍາໝ - ໃນປີ 2025, ຫວຽດນາມ ຈະດຳເນີນບັນດາການສົນທະນາກ່ຽວກັບບົດລາຍງານແຫ່ງຊາດກ່ຽວກັບການຜັນຂະຫຍາຍປະຕິບັດບັນດາສົນທິສັນຍາສາກົນທີ່ສຳຄັນກ່ຽວຂ້ອງກັບສິດທິມະນຸດຄື CRPD, ICCPR, CEDAW.
ຍສໝ - ວັນທີ 27 ກຸມພາ 2025, ຄະນະກຳມະການປະຊາຊົນຕາແສງ ທ້ວນ ໄດ້ສົມທົບກັບອົງການ Plan International ຫວຽດນາມ ແລະ ວິສາຫະກິດ ຍີ່ປຸ່ນ ແຫ່ງໜຶ່ງ ເພື່ອຈັດຕັ້ງພິທີເປີດສະຫຼອງຕົວແບບໂຮງຮຽນປະຖົມ ທ້ວນ 1. ຕົວແບບໂຮງຮຽນໃໝ່ ໄດ້ນຳພື້ນທີ່ຮຳຮ່ຽນແຫ່ງໜຶ່ງທີ່ປອດໄພ ແລະ ໝັ້ນຄົງໃຫ້ແກ່ນັກຮຽນປະຖົມຢູ່ເຂດປະສົບກັບຄວາມຫຍຸ້ງຍາກຂອງເມືອງ ເຮື໋ອງຮວ໋າ, ແຂວງ ກວາງຈີ້.
ຍສໝ - ປະຊາຊົນຫຼາຍກວ່າ 10.000 ຄົນ, ພິເສດແມ່ນແມ່ນແມ່ຍິງ ແລະ ເດັກນ້ອຍໃນບັນດາເຂດທີ່ໄດ້ຮັບຜົນກະທົບຈາກໄພແຫ້ງແລ້ງ ແລະ ທະເລຊຶມເຂົ້າຢູ່ແຂວງ ນິງທ້ວນ ແລະ ກ່າເມົາ ໄດ້ເຂົ້າເຖິງແຫຼ່ງນໍ້າສະອາດທີ່ດີກ່ວາ ແລະ ປັບປຸງການຫາລ້ຽງຊີບຍ້ອນມີໂຄງການ “ນໍ້າຄືການມີຊີວິດ”.
ຍສໝ - ໂຄງການ “ໜູນຊ່ວຍການຜັນຂະຫຍາຍບັນດາການຍື່ນມືຊ່ວຍຢ່າງມີປະສິດທິຜົນ ແລະ ຍືນຍົງ ເພື່ອປ້ອງກັນ, ຕ້ານເດັກນ້ອຍຈົມນ້ຳ” ໂດຍອົງການ Campaign for Tobacco-Free Kids, ອາເມລິກາ ໄດ້ອຸປະຖຳ ຈະຊ່ວຍໃຫ້ເດັກນ້ອຍ 2.400 ຄົນຢູ່ ຮ່າໂນ້ຍ ໄດ້ຮຽນລອຍນ້ຳຢ່າງປອດໄພ.
ຍສໝ - ວັນທີ 19 ກຸມພາ, ແບບຢ່າງໂຮງຮຽນອະນຸບານສອງແຫ່ງຢູ່ຕາແສງ ຈິ້ງເຕື່ອງ ເມືອງ ບາດຊາດ (ລາວກາຍ) ໄດ້ເປີດສະຫຼອງຢ່າງເປັນທາງການພາຍຫຼັງຂະບວນການປັບປຸງ, ຍົກລະດັບ. ໂຄງການດັ່ງກ່າວໄດ້ຮັບການໜູນຊ່ວຍຈາກສະຖານທູດ ອິດສະຣາແອນ ປະຈຳ ຫວຽດນາມ ແລະ ວິສາຫະກິດຈຳນວນໜຶ່ງ, ເພື່ອຊ່ວຍແກ້ໄຂຜົນສະທ້ອນຈາກໄພທຳມະຊາດທີ່ເກີດຈາກພະຍຸເລກທີ 3 (Yagi).
ຍສໝ - ວັນທີ 10 ກຸມພາ 2025, ທ່ານເອກອັກຄະລັດຖະທູດ ດັ້ງຮວ່າງຢາງ, ຫົວໜ້າຄະນະຜູ້ແທນ ຫວຽດນາມ ປະຈຳ ນິວຢອກ ໄດ້ເຂົ້າຮ່ວມກອງປະຊຸມປະຈຳປີຂອງສະພາບໍລິຫານງານ ອົງການເພື່ອຄວາມສະເໝີພາບລະຫວ່າງຍິິງ - ຊາຍ ແລະ ການສ້າງຄວາມເຂັ້ມແຂງໃຫັແກ່ແມ່່ຍິິງຂອງສະຫະປະຊາຊາດ (UN Women) ໃນຖານະເປັນສະມາຊິກສະພາບໍລິຫານງານອາຍຸການ 2025-2027.
ຍສໝ - ວັນທີ 3 ກຸມພາ, ກະຊວງແຮງງານ - ທະຫານເສຍອົງຄະ ແລະ ສັງຄົມ ໄດ້ແຈ້ງໃຫ້ຊາບກ່ຽວກັບສະພາບການຮັບປະກັນຊີວິດສັງຄົມໃນຊ່ວງເວລາບຸນປີໃໝ່ປະຈຳຊາດ ປີມະເສັງ 2025. ຕາມນັ້ນແລ້ວ, ຄອບຄົວທຸກຍາກ ແລະ ໃກ້ຂັ້ນທຸກຍາກກວ່າ 1,48 ລ້ານຄອບຄົວ ໄດ້ຮັບການໜູນຊ່ວຍ, ມອບຂອງຂວັນ ດ້ວຍມູນຄ່າກວ່າ 786 ຕື້ດົ່ງ.
ຍສໝ - ChildFund ຫວຽດນາມ ສົມທົບກັບບໍລິສັດ Beiersdorf ແລະ ຄະນະຄຸ້ມຄອງບັນດາໂຄງການບໍ່ຂຶ້ນກັບລັດຖະບານ ຢູ່ເມືອງ ເຕີນຫຼາກ (ແຂວງ ຮວ່າບິ່ງ) ໄດ້ມອບອຸປະກອນການສຶກສາ ແລະ ຂອງຂວັນໃຫ້ນັກຮຽນຢູ່ບັນດາໂຮງຮຽນເຂດຫຍຸ້ງຍາກຢູ່ທ້ອງຖິ່ນ.
ຍສໝ - ໃນ 2 ມື້ວັນທີ 21 ແລະ 24 ມັງກອນ, ອົງການ Zhi Shan Foundation ໄດ້ສົມທົບກັບກອງທຶນໜູນຊ່ວຍເດັກຂອງສອງແຂວງ ກວາງຈີ ແລະ ກວາງຫງາຍ ຈັດຕັ້ງລາຍການ “ລະດູບານໃໝ່ແຫ່ງຄວາມຮັກແພງ” ໃຫ້ເດັກນ້ອຍເຂດພູດອຍ 3.000 ຄົນ ຢູ່ເມືອງ ດັກກຣົງ (ກວາງຈີ) ແລະ ເມືອງ ຈ່າບົງ (ກວາງຫງາຍ).
ຍສໝ - ສະຫະພັນບັນດາອົງການມິດຕະພາບແຂວງ ຈ່າວິງ ສົມທົບກັບອົງການ Tzu Chi (ໄຕ້ຫວັນ, ຈີນ) ແລະ ຄະນະກຳມະການປະຊາຊົນເມືອງ ຈ່າວິງ ໄດ້ຈັດຕັ້ງລາຍການມອບຂອງຂວັນປີໃໝ່ປະຈຳຊາດ ປີມະເສັງ ໃຫ້ແກ່ບັນດາຄອບຄົວໃກ້ຂັ້ນທຸກຍາກ, ຄອບຄົວປະສົບກັບຄວາມຫຍຸ້ງຍາກຢູ່ຕາແສງ ຫງາຍຊວຽນ, ເຕີນເຊີນ ແລະ ຮ່າມຢາງ.
ຍສໝ - ສະຫະພັນແຮງງານແຂວງ ກວາງບິ່ງ ຫາກໍ່ຈັດຕັ້ງລາຍການ “ບຸນເຕັດປຸ້ມລຸມກັນ - ລະດູບານໃໝ່ສະແດງຄວາມຮູ້ບຸນຄຸນຕໍ່ພັກ” ແລະ ງານຕະຫຼາດນັດອົງການກຳມະບານ ປີ 2025 ດ້ວຍຫຼາຍການເຄື່ອນໄຫວທີ່ມີຄວາມໝາຍ ແລະ ມີມະນຸດສະທຳ ໃຫ້ບັນດາສະມາຊິກສະຫະພັນ, ຜູ້ອອກແຮງງານ.
ຍສໝ - ເນື່ອງໃນໂອກາດບຸນປີໃໝ່ປະເພນີລະດູບານໃໝ່ ປີມະເສັງ 2025, ການນຳພັກ, ລັດ ໄດ້ໄປຢ້ຽມຢາມ ແລະ ມອບຂອງຂວັນປີໃໝ່ໃຫ້ບັນດາຄອບຄົວນະໂຍບາຍ, ຄອບຄົວທຸກຍາກ, ຜູ້ອອກແຮງງານທີ່ປະສົບກັບຄວາມຫຍຸ້ງຍາກຢູ່ຫຼາຍທ້ອງຖິ່ນໃນທົ່ວປະເທດ.
ຍສໝ - ວັນທີ 4 ມັງກອນ, ຢູ່ເມືອງ ກືກູອິນ, ຄະນະຊາວໜຸ່ມຕຳຫຼວດປະຊາຊົນ (ກະຊວງຕຳຫຼວດ ຫວຽດນາມ) ໄດ້ສົມທົບກັບຕຳຫຼວດ ແຂວງ ດັກລັກ, ຄະນະຊາວໜຸຸ່ມແຂວງ ດັກລັກ ຈັດຕັ້ງລາຍການ “ກັບຄືນໝູ່ບ້ານ” ດ້ວຍຫຼາຍການເຄື່ອນໄຫວຮັບປະກັນຊີວິດສັງຄົມທີ່ມີຄວາມຫມາຍ, ມີມະນຸດສະທຳ.
ຍສໝ - ບັນດານາຍທະຫານ ຈະປະຕິບັດໜ້າທີ່ຮັກສາສັນຕິພາບຂອງ ສະຫະປະຊາຊາດ ຢູ່ ສາທາລະນະລັດອາຟຼິກາກາງ (MINUSCA) ແລະ ສາທາລະນະລັດ Sudan ໃຕ້ (UNMISS).
ຍສໝ - ແຂວງ ກອນຕູມ ເປັນແຂວງທີ່ມີເສັ້ນຊາຍແດນຕິດກັບປະເທດ ລາວ ແລະ ກຳປູເຈຍ ຍາວກວ່າ 292 ກິໂລແມັດ. ໂດຍປະຕິບັດແນວທາງນະໂຍບາຍຂອງພັກ ແລະ ລັດ, ຊາວ ລາວ ຫຼາຍຄົນທີ່ດຳລົງຊີວິດຢູ່ເຂດຊາຍແດນຂອງແຂວງ ກອນຕູມ ໄດ້ຖືສັນຊາດ ຫວຽດນາມ.
ຍສໝ - ບັນດາການນຳ ຫວຽດນາມ ໄດ້ສົ່ງໂທລະເລກຢື້ຢາມຖາມຂ່າວເຖິງການນຳ ຝລັ່ງ ເມື່ອໄດ້ຮັບຂ່າວວ່າ ພາຍຸ Chido ໄດ້ສ້າງຄວາມເສຍຫາຍຢ່າງຮ້າຍແຮງໃຫ້ແກ່ປະຊາຊົນ ແລະ ຊັບສິນຢູ່ໝູ່ເກາະ Mayotte.
ຍສໝ - ຫວ່າງມໍ່ໆມານີ້, ອົງການ Samaritan’s Purse (ອາເມລິກາ) - ຫ້ອງການຕາງໜ້າຢູ່ ຫວຽດນາມ ໄດ້ສົມທົບກັບສະຫະພັນບັນດາອົງການມິດຕະພາບແຂວງ ກວາງບິ່ງ ມອບເຄື່ອງຂອງ 250 ພູດໃຫ້ແກ່ບັນດາຄອບຄົວທີ່ຖືກຜົນກະທົບຈາກພະຍຸເລກ 6 (ຈ່າມີ) ປີ 2024 ທີ່ເກີດຢູ່ແຂວງ ເຈືອງຖຸ້ຍ, ເມືອງ ເລ້ຖຸ້ຍ (ແຂວງກວາງບິ່ງ).
ຍສໝ - ຄຽງຄູ່ກັບບັນດາຜົນງານໃນການສ້າງສາປະເທດຊາດ, ຫວຽດນາມ ຍັງບັນລຸໄດ້ຜົນງານຫຼາຍຢ່າງໃນການຮັບປະກັນສິດທິມະນຸດໃນທຸກດ້ານຂອງຊີວິດສັງຄົມ.
ຍສໝ - ທ່ານນາຍົກລັດຖະມົນຕີ ຫວຽດນາມ ເຊື່ອໝັ້ນວ່າ ດ້ວຍຄວາມສາມັກຄີ, ເປັນເອກະພາບ, ຄວາມມານະພະຍາຍາມຮ່ວມ ແລະ ຄວາມພ້ອມຈິດພ້ອມໃຈກັນຂອງທົ່ວລະບົບການເມືອງ ແລະ ທົ່ວປວງຊົນ, ວຽກງານປົກປ້ອງສິດທິມະນຸດ ແລະ ການສຶກສາສິດທິມະນຸດຈະນັບມື້ນັບບັນລຸໄດ້ໝາກຜົນດີ.
