 | ຫວຽດນາມ ພ້ອມແລ້ວທີ່ຈະສົມທົບກັນປະຕິບັດບັນດາຂໍ້ລິເລີ່ມ ພາຍໃຕ້ປະຊາຄົມວັດທະນະທຳ - ສັງຄົມ ອາຊຽນ |
| ຍົກສູງປະສິດທິຜົນການຕ່າງປະເທດປະຊາຊົນປະກອບສ່ວນປະຕິບັດເປົ້າໝາຍພັດທະນາເສດຖະກິດ, ວັດທະນະທຳ ແລະ ສັງຄົມ |
 |
|
|
ທ່ານປະທານສະພາແຫ່ງຊາດ ເຈີ່ນແທັງເໝີນ ໄດ້ເນັ້ນໜັກເຖິງຄວາມສຳຄັນຂອງກອງປະຊຸມສະໄໝສາມັນ ເທື່ອທີ 8 ໃນການແກ້ໄຂບັນດາບັນຫາກ່ຽວກັບລະບອບລະບຽບການ ແລະ ນະໂຍບາຍຢ່າງຮີບດ່ວນ ເພື່ອແນໃສ່ພັດທະນາເສດຖະກິດ - ສັງຄົມ ແລະ ຍົກສູງຊີວິດການເປັນຢູ່ຂອງປະຊາຊົນ. ໃນລາຍການກອງປະຊຸມຄັ້ງນີ້, ສະພາແຫ່ງຊາດ ຈະປຶກສາຫາລືກ່ຽວກັບກົດໝາຍ ແລະ ມະຕິ 31 ສະບັບ, ດ້ວຍເປົ້າໝາຍຜ່ານຮ່າງກົດໝາຍ 18 ສະບັບ ແລະ ຮ່າງມະຕິ 3 ສະບັບ. ນີ້ແມ່ນປະລິມານການວຽກງານຈຳນວນຫຼວງຫຼາຍ, ກ່ຽວຂ້ອງກັບຫຼາຍຂົງເຂດທີ່ຈຳເປັນເຊິ່ງຜູ້ມີສິດເລືອກຕັ້ງສົນໃຈຫຼາຍທີ່ສຸດ.
ທ່ານປະທານສະພາແຫ່ງຊາດ ຮຽກຮ້ອງໃຫ້ບັນດາຜູ້ແທນເສີມຂະຫຍາຍຈິດໃຈປະຊາທິປະໄຕ, ສະຕິປັນຍາ ແລະ ຄວາມເປັນມືອາຊີບໃນການປະກອບຄວາມຄິດເຫັນ. ທ່ານເນັ້ນໜັກວ່າ ບັນດາກົດໝາຍຕ້ອງກະທັດຮັດ, ຊັດເຈນ ແລະ ບໍ່ຄວນກຳນົດບັນດາບັນຫາເປັນສິດອຳນາດຂອງບັນດາເອກະສານອື່ນຄື ຈົດໝາຍລັດຖະການ ຫຼື ດຳລັດ. ທ່ານສົ່ງເສີມການຫັນປ່ຽນຈິນຕະນາການຄຸ້ມຄອງ, ລຸລ່ວງແຫຼ່ງກຳລັງ ແລະ ເພີ່ມທະວີການແບ່ງຂັ້ນ, ຮັບປະກັນຄວາມເປັນໄປໄດ້ ແລະ ປະສິດທິຜົນໃນການປະຕິບັດບັນດານະໂຍບາຍ.
ກ່ຽວກັບເສດຖະກິດ - ສັງຄົມ, ສະພາແຫ່ງຊາດ ຈະພິຈາລະນາບົດລາຍງານກ່ຽວຂ້ອງເຖິງແຜນການພັດທະນາເສດຖະກິດ - ສັງຄົມ, ງົບປະມານແຫ່ງລັດ ປີ 2024 ແລະ ຄາດຄະເນຮອດປີ 2025. ບັນດາເນື້ອໃນສຳຄັນອື່ນໆລວມມີ ການສ້າງຕັ້ງນະຄອນ ເຫ້ວ ຂຶ້ນກັບສູນກາງໂດຍກົງ ແລະ ບັນດາລາຍການເປົ້າໝາຍແຫ່ງຊາດໃນຂົງເຂດວັດທະນະທຳ ແລະ ການປ້ອງກັນ ຕ້ານຢາເສບຕິດ. ທ່ານປະທານສະພາແຫ່ງຊາດ ຮຽກຮ້ອງໃຫ້ບັນດາຜູ້ແທນວິເຄາະຢ່າງພາວະວິໄສ ແລະ ຮອບດ້ານ, ວາງອອກບັນດາວິທີການແກ້ໄຂຢ່າງແທດຈິງ ເພື່ອປະເຊີນໜ້າກັບບັນດາສິ່ງທ້າທາຍໃໝ່, ໂດຍສະເພາະແມ່ນຜົນສະທ້ອນຈາກໄພທຳມະຊາດຢູ່ບັນດາແຂວງພາກເໜືອ ແລະ ພາກກາງ.
ສະພາແຫ່ງຊາດຍັງຈະດຳເນີນການຕິດຕາມກວດກາສູງສຸດ, ລວມມີ ການແກ້ໄຂຂໍ້ສະເໜີແນະຂອງຜູ້ມີສິດເລືອກຕັ້ງ ແລະ ການປະຕິບັດນະໂຍບາຍກ່ຽວກັບການຄຸ້ມຄອງຕະຫຼາດອະສັງຫາລິມະຊັບ. ບັນດາຜູ້ແທນ ຈະປຶກສາຫາລືບັນດາບົດລາຍງານຈາກລັດຖະບານ ແລະ ບັນດາອົງການທີ່ກ່ຽວຂ້ອງ, ພ້ອມກັນນັ້ນ ກໍ່ໃຫ້ປະກອບຄຳເຫັນກ່ຽວກັບໂຄງການປັບປຸງກົດໝາຍການເຄື່ອນໄຫວຕິດຕາມກວດກາຂອງສະພາແຫ່ງຊາດ ແລະ ສະພາປະຊາຊົນ.
ຢືນຢັນວ່າປະລິມານວຽກງານຂອງກອງປະຊຸມສະໄໝສາມັນເທືື່ອທີ 8 ແມ່ນໃຫຍ່ຫຼວງ, ໂດຍຕາງໜ້າໃຫ້ຄະນະປະຈຳສະພາແຫ່ງຊາດ, ທ່ານປະທານສະພາແຫ່ງຊາດ ເຈີ່ນແທັງເໝີນ ຮຽກຮ້ອງບັນດາຜູ້ແທນຍົກສູງຄວາມຮັບຜິດຊອບ, ຄົ້ນຄວ້າຢ່າງລະອຽດ ແລະ ປະກອບສ່ວນຄຳເຫັນທີ່ມີຄູນນະພາບ ເພື່ອຕອບສະໜອງຄວາຕັ້ງຫວັງຂອງຜູ້ມີສິດເລືອກຕັ້ງ ແລະ ປະຊາຊົນທົ່ວປະເທດ. ກອງປະຊຸມຄັ້ງນີ້ ໃຫ້ຄຳໝັ້ນສັນຍາວ່າ ຈະແມ່ນໂອກາດສຳຄັນເພື່ອປະຕິຮູບ, ຊຸກຍູ້ການພັດທະນາ ແລະ ຍົກສູງຄຸນນະພາບຊີວິດການເປັນຢູ່ຂອງປະຊາຊົນ.
 | ຫວຽດນາມ - ລາວ ແບ່ງປັນບົດຮຽນກ່ຽວກັບການພັດທະນາເສດຖະກິດ - ສັງຄົມ ຫຼັງໂລກລະບາດໂຄວິດ-19 ກອງປະຊຸມສະມະນາແມ່ນໂອກາດທີ່ມີຜົນປະໂຫຍດເພື່ອໃຫ້ 2 ປະເທດແລກປ່ຽນ ແລະ ແບ່ງປັນບົດຮຽນເຊິ່ງກັນ ແລະ ກັນໃນວຽກງານປະຕິບັດບົດລາຍຂອງອົງການນິຕິບັນຍັດກ່ຽວກັບນະໂຍບາຍ ແລະ ສ້າງກົດໝາຍ ເພື່ອແນໃສ່ຊຸກຍູ້ການຟື້ນຟູ ແລະ ພັດທະນາເສດຖະກິດ - ສັງຄົມຫຼັງໂລກລະບາດໂຄວິດ-19. |
 | ຍສໝ - ປີ 2020, ໂລກລະບາດໂຄວິດ 19 ເກີດຂຶ້ນ ໄດ້ເຮັດໃຫ້ສະພາບການເສດຖະກິດ ສັງຄົມຂອງຫວຽດນາມ ຖືກຜົນສະທ້ອນຢ່າງຫນັກຫນ່ວງ ແຕ່ ຫວຽດນາມ ຍັງສືບຕໍ່ແມ່ນຫນຶ່ງໃນຈຳນວນສອງປະເທດ ຂອງ ອາຊີ ບັນລຸການເຕີບໂຕເປັນບວກ, ຊີວິດການເປັນຢູ່ຂອງປະຊາຊົນຍັງຄົງໄດ້ຮັບປະກັນ, ບໍ່ຕົກເຂົ້າສູ່ສະພາບວິກິດການ. |
ແທັງຮັ່ງ
