ທີໜຶ່ງ, ຫວຽດນາມ ມີສະພາບແວດລ້ອມດ້ານການເມືອງ, ສັງຄົມທີ່ໝັ້ນຄົງ; ມີກຳລັງບົ່ມຊ້ອນ ແລະ ຂອບຂະໜາດພື້ນຖານເສດຖະກິດທີ່ເຕີບໃຫຍ່ເຂັ້ມແຂງ; ສະພາບແວດລ້ອມແຫ່ງການລົງທຶນນັບມື້ນັບປອດໂປ່ງ, ສະດວກ. ຫວຽດນາມ ພວມມານະພະຍາຍາມກໍ່ສ້າງ ແລະ ເຮັດສຳເລັດລະບອບລະບຽບການຢ່າປອດໂປ່ງ, ພື້ນຖານໂຄງລ່າງທີ່ລຸລ່ວງ, ການບໍລິຫານອັດສະລິຍະ...
 |
| ພາບທີ່ກອງປະຊຸມ. ພາບ: Pham Ly |
ທີສອງ, ຫວຽດນາມ ຢຶດໝັ້ນ ແລະ ສະເໝີຕົ້ນສະເໝີປາຍໃນການປະຕິບັດທິດທາງການຕ່າງປະເທດເອກະລາດ, ເປັນເຈົ້າຕົນເອງ, ຫັນເປັນຫຼາຍຮູບຫຼາຍແບບ, ຫັນເປັນຫຼາຍຝ່າຍ, ເປັນເພື່ອນມິດທີ່ດີ, ຄູ່ຮ່ວມມືທີ່ໄວ້ເນື້ອເຊື່ອໃຈ, ເປັນສະມາຊິກທີ່ຕັ້ງໜ້າ ແລະ ມີຄວາມຮັບຜິດຊອບຂອງປະຊາຄົມສາກົນ, ເພື່ອເປົ້າໝາຍສັນຕິພາບ, ການຮ່ວມມືພັດທະນາໃນພາກພື້ນ ແລະ ໃນໂລກ; ຢຶດໝັ້ນໃນນະໂຍບາຍປ້ອງກັນຊາດ “4 ບໍ່”… ມາຮອດປະຈຸບັນ, ຫວຽດນາມ ໄດ້ສ້າງຕັ້ງການພົວພັນທາງການທູດກັບ 194 ປະເທດ, ດ້ວຍ 32 ປະເທດແມ່ນຄູ່ຮ່ວມມືຍຸດທະສາດ, ຄູ່ຮ່ວມມືຮອບດ້ານ; ເຂົ້າຮ່ວມໃນຫຼາຍກວ່າ 70 ອົງການຈັດຕັ້ງພາກພື້ນ, ສາກົນທີ່ສໍາຄັນ ແລະ ມີການພົວພັນຮ່ວມມືທີ່ດີກັບປະຊາຄົມບັນດາປະເທດອິດສະລາມໃນທົ່ວໂລກ.
ທີສາມ, ຫວຽດນາມ ມີທ່າໄດ້ປຽບຫຼາຍຢ່າງເພື່ອພັດທະນາຂະແໜງການ Halal ແລະ ເຂົ້າຮ່ວມເຂົ້າໃນບັນດາລະບົບສະໜອງຜະລິດຕະພັນ, ການບໍລິການ Halal ໃນທົ່ວໂລກຢ່າງເລິກເຊິ່ງກ່ວາອີກ.
ຫວຽດນາມ ມີທ່າໄດ້ປຽບຫຼາຍດ້ານໃນການພັດທະນາການທ່ອງທ່ຽວ, ໃນນັ້ນ ມີການທ່ອງທ່ຽວ Halal ດ້ວຍຊາຍຝັ່ງທະເລທີ່ຍາວກວ່າ 3.000 ກິໂລແມັດ, ມີລະບົບນິເວດທີ່ສຳຄັນ, ຫຼາກຫຼາຍ ແລະ ອ່າວ, ຫາດຊາຍຫຼາຍແຫ່ງທີ່ໄດ້ຮັບການຕີລາຄາສວຍງາມທີ່ສຸດໃນໂລກ.
ທ່ານນາຍົກລັດຖະມົນຕີ ຫວຽດນາມ ເນັ້ນໜັກເຖິງ 3 ສານຂອງຫວຽດນາມ ກ່ຽວກັບການພັດທະນາຂະແໜງການ Halal.
ທີໜຶ່ງ, ຫວຽດນາມ ເອົາໃຈໃສ່ທີ່ສຸດ ແລະ ປາດຖະໜາຢາກນຳການຮ່ວມມື Halal ກາຍເປັນ “ເນື້ອໃນບັນຈຸໃນການຮ່ວມມືດ້ານເສດຖະກິດທີ່ສຳຄັນ, ເປັນເສົາຄ້ຳໃໝ່, ກຳລັງຜັກດັນໃໝ່” ໃນການພັດທະນາການພົວພັນກັບບັນດາປະເທດ, ໃນນັ້ນມີປະຊາຄົມອິດສະລາມ ໃນໂລກ.
ທີສອງ, ຫວຽດນາມ ຖືເປັນສຳຄັນການພັດທະນາຂະແໜງການ Halal; ກຳນົດວ່າ ນີ້ແມ່ນທິດທາງໃໝ່ໃນການເຄື່ອນໄຫວຜະລິດ; ຖື Halal ແມ່ນ “ກາລະໂອກາດຄຳ” ເພື່ອໃຫ້ວິສາຫະກິດ ຫວຽດນາມ ຍົກສູງກຳລັງຄວາມສາມາດໃນການການຜະລິດ, ເພີ່ມທະວີການຮ່ວມມືກັບບັນດາຄູ່ຮ່ວມມື ເພື່ອເຂົ້າຮ່ວມທ້ອງຕະຫຼາດຢ່າງມີປະສິດທິຜົນ, ບັນດາລະບົບມູນຄ່າ Halal ທົ່ວໂລກ.
ທີສາມ, ຫວຽດນາມ ມີແຜນນະໂຍບາຍໃນການພັດທະນາຂະແໜງການ Halal ບົນພື້ນຖານເຄົາລົບບັນດາຄຸນຄ່າວັດທະນະທຳ, ເຄົາລົບນັບຖືປະຊາຊົນ, ສະແດງໃຫ້ເຫັນການປະກອບສ່ວນຢ່າງຕັ້ງໜ້າ, ມີຄວາມຮັບຜິດຊອບຂອງຫວຽດນາມ ເພື່ອກໍ່ສ້າງໂລກສັນຕິພາບ, ການຮ່ວມມື, ຄວາມຫຼາກຫຼາຍ, ຄວາມປອງດອງກັນ ແລະ ພ້ອມກັນພັດທະນາ ເພື່ອສັນຕິພາບ, ຄວາມອີ່ມໜຳສຳລານຂອງປະຊາຊົນແຕ່ລະຄົນ.
 |
| ບັນດາຜູ້ແທນສາກົນຢ້ຽມຢາມຮ້ານວາງສະແດງ ຫວຽດນາມ. ພາບ: Pham Ly |
5 ຍູ້ແຮງເພື່ອເສີມຂະຫຍາຍກຳລັງແຮງພາຍໃນ ແລະ ການຮ່ວມມືສາກົນກ່ຽວກັບ Halal
ເພື່ອໃຫ້ ຫວຽດນາມ ເສີມຂະຫຍາຍກຳລັງແຮງພາຍໃນ ແລະ ຍູ້ແຮງການຮ່ວມມືສາກົນກ່ຽວກັບ Halal, ທ່ານນາຍົກລັດຖະມົນຕີ ຫວຽດນາມ ໃຫ້ຮູ້ວ່າ ຈະປະຕິບັດ "5 ຍູ້ແຮງ" ຄື:
ຍູ້ແຮງການຮ່ວມມືໃນການແບ່ງປັນຂໍ້ມູນ, ປະສົບການ, ການໜູມຊ່ວຍ ຫວຽດນາມ ກ່ຽວກັບການເຮັດກອບກົດໝາຍ, ການຄຸ້ມຄອງລັດທີ່ກ່ຽວຂ້ອງເຖິງ Halal ໃຫ້ສົມບູນແບບ, ເຮັດມາດຕະຖານ Halal ແຫ່ງຊາດໃຫ້ສົມບູນແບບ; ໜູນຊ່ວຍດ້ານເຕັກນິກ, ຍົກສູງກຳລັງຄວາມສາມາດ, ບຳລຸງສ້າງ ແລະ ສະໜອງແຫຼ່ງຊັບພະຍາກອນມະນຸດ ເພື່ອຕອບສະໜອງຄວາມຕ້ອງການພັດທະນາຂະແໜງການ Halal ຂອບຂະໜາດໃຫຍ່ ແລະ ຮັບໃຊ້ການສົ່ງອອກຜະລິດຕະພັນ, ການບໍລິການຂອງ ຫວຽດນາມ.
 |
| ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ຖ່າຍຮູບກັບບັນດາຜູ້ແທນສາກົນ. ພາບ: Pham Ly |
ຍູ້ແຮງການເຈລະຈາ, ລົງນາມໃນບັນດາສັນຍາ, ບົດບັນທຶກຊ່ວຍຈຳການຮ່ວມມື, ບັນດາສັນຍາຮັບຮູ້ເຊິ່ງກັນ ແລະ ກັນກ່ຽວກັບການຮັບຮອງເອົາ Halal, ຜ່ານນັ້ນ ກໍ່ໄດ້ຊ່ວຍໃຫ້ບັນດາວິສາຫະກິດ ຫວຽດນາມ ກາຍເປັນພາກສ່ວນໜຶ່ງທີ່ສຳຄັນໃນບັນດາລະບົບການຜະລິດ ແລະ ສະໜອງອາຫານ Halal ໃນທົ່ວໂລກ.
ຍູ້ແຮງບັນດາຄູ່ຮ່ວມມືພາກພື້ນ, ສາກົນຕະຫຼອດເຖິງການລົງທຶນ ແລະ ດຳເນີນທຸລະກິດຢູ່ ຫວຽດນາມ ໃນບັນດາຂົງເຂດທີ່ກ່ຽວຂ້ອງກັບ Halal, ພິເສດແມ່ນກະສິກຳ, ທ່ອງທ່ຽວ, ໂຮງແຮມ, ຣີສອດ, ຮ້ານອາຫານ, ການຢາ ແລະ ເຄື່ອງສຳອາງ, ບັນດາຂະແໜງການອຸດສາຫະກຳຫນູນຊ່ວຍທີ່ກ່ຽວຂ້ອງກັບ Halal (ເຕັກໂນໂລຢີ, ຕ່ອງໂສ້ການຜະລິດ, ພະລາທິການ...).
ຍູ້ແຮງການໂຄສະນາ, ສົ່ງເສີມຜະລິດຕະພັນ, ການບໍລິການ ແລະ ເຄື່ອງໝາຍການຄ້າ Halal ຂອງ ຫວຽດນາມ ແລະ ເປີດປະຕູບັນດາທ້ອງຕະຫຼາດໃຫ້ບັນດາຜະລິດຕະພັນ Halal ສົ່ງອອກຂອງຫວຽດນາມ.
ຍູ້ແຮງການພົບປະແລກປ່ຽນປະຊາຊົນ, ການຮ່ວມມືດ້ານວັດທະນະທຳ, ຈາກນັ້ນ ກໍ່ເພີ່ມທະວີການແບ່ງປັນ, ຄວາມເຂົ້າໃຈຂອງປະຊາຊົນ ແລະ ວິສາຫະກິດ 2 ຝ່າຍກ່ຽວກັບບັນດາທ່າແຮງຂອງກັນ ແລະ ຄວາມສາມາດບົ່ມຊ້ອນຮ່ວມມືໃນການພັດທະນາຂະແໜງການ Halal ຢູ່ ຫວຽດນາມ.
 | Ngày 26/6, tại Đại lễ đường Nhân dân, thủ đô Bắc Kinh, Trung Quốc, trong khuôn khổ chuyến công tác tham dự Hội nghị thường ... |
 | ຍສໝ - ຕອນເຊົ້າວັນທີ 17 ເມສາ, ຢູ່ນະຄອນ ດ້ຽນບຽນ, ແຂວງ ດ້ຽນບຽນ, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ເຂົ້າຮ່ວມການພົບປະ, ສະແດງຄວາມຮູ້ບຸນຄຸນທີ່ເຕັມໄປດ້ວຍຄວາມໝາຍ ແລະ ຄວາມຮູ້ສຶກຕື້ນຕັນໃຈທີ່ສຸດຕໍ່ບັນດານັກຮົບ ດ້ຽນບຽນ, ຊາວໜຸ່ມຕະລຸມບອນ, ແຮງງານເກນແນວຮົບທີ່ເຂົ້າຮ່ວມບັ້ນຮົບ ດ້ຽນບຽນຟູ ໂດຍກົງ. |
ມີງດຶກ
