- ຂໍຮຽນທ່ານນາງເອກອັກຄະລັດຖະທູດ, ທ່ານນາງສາມາດແບ່ງປັນກ່ຽວກັບການກະກຽມຂອງລາວ ໃນຖານະເປັນປະທານອາຊຽນ 2024 ສໍາລັບກອງປະຊຸມສຸດຍອດອາຊຽນທີ່ຈະມາເຖິງ ແລະຄວາມໝາຍຂອງກອງປະຊຸມຄັ້ງນີ້ຕໍ່ກັບວິວັດທະນາການພັດທະນາຂອງອາຊຽນ?
ນີ້ແມ່ນຄັ້ງທີ 3 ເຊິ່ງລາວ ໄດ້ ຮັບດຳລົງຖານະບົດບາດເປັນປະທານອາຊຽນ ນັບແຕ່ໄດ້ເຂົ້າເປັນສະມາຊິກອາຊຽນ ໃນປີ 1997, ດ້ວຍຄັ້ງທຳອິດໃນປີ 2004-2005 ແລະ ຄັ້ງທີ 2 ໃນປີ 2016. ແຕ່ແນວໃດກໍ່ຕາມ, ອາຍຸການປະທານຄັ້ງນີ້ ໄດ້ດໍາເນີນໃນສະພາບພູມສາດການເມືອງ ແລະ ພູມສາດເສດຖະກິດ ໃນພາກພື້ນ ແລະ ສາກົນ ມີ ການປ່ຽນແປງຢ່າງສະຫຼັບສັບຊ້ອນ ແລະ ມີສິ່ງທ້າທາຍຫຼາຍດ້ານ.
ລາວ ພວມມານະພະຍາຍາມຈົນສຸດຄວາມສະມາດ ເພື່ອກະກຽມໃຫ້ແກ່ກອງປະຊຸມສຸດຍອດອາຊຽນ ຄັ້ງທີ 44 ແລະ 45 ແລະ ບັນດາກອງປະຊຸມ ສຸດຍອດທີ່ກ່ຽວຂ້ອງອື່ນໆ ຫຼາຍກວ່າ 20 ກອງປະຊຸມ, ດ້ວຍການເຂົ້າຮ່ວມຂອງການນຳບັນດາປະເທດສະມາຊິກອາຊຽນ ແລະ ຄູ່ຮ່ວມມືສາກົນ. ຄາດວ່າຈະມີຜູ້ແທນ 2.000 ກວ່າຄົນເຂົ້າຮ່ວມ ແລະ ມີເອກະສານສໍາຄັນປະມານ 80 ສະບັບຈະໄດ້ຮັບການຮັບຮອງ.
ຂ້າພະເຈົ້າເຊື່ອໝັ້ນວ່າດ້ວຍການປະສານງານກັບບັນດາປະເທດສະມາຊິກ ແລະ ຄູ່ຮ່ວມມື, ກອງປະຊຸມສຸດຍອດຄັ້ງນີ້ ຈະປະສົບຜົນສຳເລັດຢ່າງຈົບງາມ, ປະກອບສ່ວນປັບປຸງຄວາມສາມັກຄີໃນອາຊຽນ, ສ້າງເງື່ອນໄຂສະດວກເພື່ອແກ້ໄຂບັນຫາສິ່ງທ້າທາຍໃນພາກພື້ນ ແລະ ສາກົນ ເພື່ອເປົ້າໝາຍສັນຕິພາບ, ສະຖຽນລະພາບ ແລະ ການພັດທະນາແບບຍືນຍົງ.
 |
| ກອງປະຊຸມວົງແຄບລັດຖະມົນຕີການຕ່າງປະເທດອາຊຽນ ໄດ້ດຳເນີນຢູ່ຫຼວງພະບາງ, ລາວ, ເດືອນມັງກອນ 2024. (ພາບ: VGP) |
- ຂໍຮຽນທ່ານນາງເອກອັກຄະລັດຖະທູດ, ທ່ານນາງຕີລາຄາຄືແນວໃດກ່ຽວກັບຜົນງານອັນພົ້ນເດັ່ນຂອງລາວ ໃນບົດບາດເປັນປະທານອາຊຽນ 2024, ພິເສດແມ່ນໃນການປະຕິບັດບັນດາບູລິມະສິດໃນການເພີ່ມທະວີການເຊື່ອມຕໍ່ ແລະ ຄວາມເຂັ້ມແຂງຂອງອາຊຽນ?
-ອາຍຸການເປັນປະທານອາຊຽນ ຂອງ ສປປ ລາວ ໃນປີ 2024 ນີ້ ໄດ້ດໍາເນີນໄປພາຍໃຕ້ຄໍາຂວັນ: “ເພີ່ມທະວີການເຊື່ອມຈອດ ແລະຄວາມເຂັ້ມແຂງຂອງອາຊຽນ”. ຄໍາຂວັນນີ້ ແມ່ນສອດຄ່ອງກັບນະໂຍບາຍ ແລະ ເປົ້າຫມາຍ ຂອງ ສປປ ລາວ ໃນການຫັນຈາກປະເທດທີ່ບໍ່ມີທະເລໃຫ້ກາຍເປັນສູນກາງ ຂອງ ການເຊື່ອມໂຍງ- ເຊື່ອມຈອດ ຂອງພາກພື້ນ ແລະ ທັງສອດຄ່ອງ ກັບເປົ້າຫມາຍລວມ ຂອງອາຊຽນ ໃນການສ້າງ ອາຊຽນໃຫ້ເປັນພາກພື້ນທີ່ມີການເຊື່ອມໂຍງ-ເຊື່ອມຈອດ ແລະ ມີຄວາມເຂັ້ມແຂງ ເພື່ອສາມາດ ຮັບມືກັບສິ່ງທ້າທາຍຕ່າງໆ ໄດ້ຢ່າງມີປະສິດທິພາບ ແລະ ທັນການ ໃນທ່າມກາງສະພາບການ ຂອງ ພາກພື້ນ ແລະ ຂອງໂລກທີ່ພວມຜັນແປໄປຢ່າງໄວວາ ແລະ ສະຫຼັບສັບຊ້ອນ.
ດ້ວຍຄໍາຂວັນນີ້, ສປປ ລາວ ໄດ້ກໍານົດ 9 ບຸລິມະສິດກະທຳ. ໃນນັ້ນ ປະກອບມີ 4 ບູລິມະສິດກ່ຽວກັບການເພີ່ມທະວີການເຊື່ອມຕໍ່ອາຊຽນ, ລວມມີການເຊື່ອມໂຍງ ແລະ ການເຊື່ອມຕໍ່ເສດຖະກິດ, ກໍ່ສ້າງອະນາຄົດຮອບດ້ານແລະ ຍືນຍົງ, ການຫັນເປັນດີຈີຕອນ, ວັດທະນະທຳ-ສິລະປະ; ຄຽງຄູ່ກັບ 5 ບຸລິມະສິດດ້ານຄວາມເຂັ້ມແຂງອາຊຽນ ລວມມີການກໍ່ສ້າງຍຸດທະສາດການຈັດຕັ້ງປະຕິບັດວິໄສທັດປະຊາຄົມອາຊຽນ 2045, ຮັກສາບົດບາດໃຈກາງຂອງອາຊຽນ, ຊຸກຍູ້ການຮ່ວມມືດ້ານສິ່ງແວດລ້ອມ, ແມ່ຍິງ - ເດັກ, ແລະ ສາທາລະນະສຸກ.
ໄລຮອດປະຈຸບັນ, ສປປ ລາວ ໄດ້ຈັດຕັ້ງຢ່າງສໍາເລັດຜົນປະມານ 300 ກອງປະຊຸມຈາກຈຳນວນ 500 ກອງປະຊຸມທີ່ຄາດວ່າຈະຈັດຂຶ້ນໃນປີ 2024. ສິ່ງນີ້ສະແດງໃຫ້ເຫັນຄວາມໝັ້ນສັນຍາຂອງລາວ ໃນການນຳພາອາຊຽນກ້າວໄປສູ່ອະນາຄົດທີ່ໝັ້ນຄົງ ແລະ ເຂັ້ມແຂງ
 |
| ທ່ານນາງ ຄຳເພົາ ເອີນທະວັນ ເອກອັກຄະລັດຖະທູດວິສາມັນຜູ້ມີອຳນາດເຕັມ ແຫ່ງ ສປປ ລາວ ປະຈຳ ຫວຽດນາມ. (ພາບ: TTXVN) |
- ຫວຽດນາມ ໄດ້ມີການປະກອບສ່ວນຄືແນວໃດແດ່ ເພື່ອໜູນຊ່ວຍລາວ ໃນການປະຕິບັດບົດບາດເປັນປະທານອາຊຽນ 2024 ເປັນຢ່າງດີ, ຂໍຮຽນທ່ານນາງເອກອັກຄະລັດຖະທູດ?
- ການພົວພັນແບບພິເສດລະຫວ່າງ ຫວຽດນາມ - ລາວ ຍາມໃດກໍ່ໄດ້ຮັບການຮັກສາຢ່າງແໜ້ນແຟ້ນ. ຫວຽດນາມ ໄດ້ໜູນຊ່ວຍພວກຂ້າພະເຈົ້າໃນຫຼາຍດ້ານໃນຂະບວນການຮັບດຳລົງຖານະເປັນປະທານອາຊຽນ 2024, ນັບແຕ່ການໜູນຊ່ວຍບັນດາເນື້ອໃນໂຄງການດຳເນີນງານ, ສະໜອງວັດຖຸອຸປະກອນ, ຫາການຮັບປະກັນຄວາມໝັ້ນຄົງປ້ອງກັນຊາດໃຫ້ເຫດການ. ເຫດການນີ້ ບໍ່ພຽງແຕ່ຊ່ວຍໃຫ້ລາວ ປະຕິບັດບົດບາດເປັນປະທານເປັນຢ່າງດີເທົ່ານັ້ນ, ຫາກຍັງສະແດງໃຫ້ເຫັນຄວາມສາມັກຄີ ແລະ ຕິດພັນກັນແບບພິເສດລະຫວ່າງສອງປະເທດອີກດ້ວຍ.
- ຂ້າພະເຈົ້າ ຂໍຕາງຫນ້າໃຫ້ ພັກ, ລັດ ແລະ ປະຊາຊົນລາວ ສະແດງຄວາມຂອບໃຈຢ່າງຈິງໃຈ ຕໍ ການສະຫນັບສະຫນູນ, ຊ່ວຍເຫຼືອ ອັນລ້ໍາຄ່າ ຂອງພັກ, ລັດ ແລະ ປະຊາຊົນ ຫວຽດນາມ ໃນການ ເປັນປະທານອາຊຽນ 2024 ຂອງ ລາວ.
- ຂໍຮຽນທ່ານນາງເອກອັກຄະລັດຖະທູດ, ທ່ານໃຫ້ຂໍ້ສັງເກດຄືແນວໃດກ່ຽວກັບບົດບາດຂອງຫວຽດນາມ ໃນການຫັນວິໄສທັດພັດທະນາຂອງ ອາຊຽນ ໃຫ້ປະກົດຜົນເປັນຈິງ, ພິເສດແມ່ນເມື່ອອາຊຽນກະກຽມເຂົ້າສູ່ໄລຍະຫັນວິໄສທັດເປັນຕົວຈິງ ແລະ ມຸ່ງໄປເຖິງວິໄສທັດ 2045?
- ຫວຽດນາມ ເປັນສະມາຊິກອາຊຽນສຳຄັນ ແລະປະກອບສ່ວນຢ່າງໃຫຍ່ຫຼວງໃນການ ກຳນົດບັນດານະໂຍບາຍພັດທະນາຂອງປະຊາຄົມອາຊຽນ. ໃນຊຸມປີຜ່ານມາ, ຫວຽດນາມ ໄດ້ຢັ້ງຢືນຕົນເອງແມ່ນກຳລັງໜູນຊຸກຍູ້ການເຊື່ອມໂຍງເສດຖະກິດ, ເປັນສູນການລົງທຶນ ແລະ ເປັນປະເທດທຳອິດໃນການກໍ່ສ້າງພື້ນຖານພັດທະນາແບບຍືນຍົງ. ພ້ອມກັນນັ້ນ, ຫວຽດນາມ ກໍ່ແມ່ນຂົວຕໍ່ທີ່ສຳຄັນໃນການຊຸກຍູ້ການແລກປ່ຽນວັດທະນະທຳ, ການທູດ ແລະ ຄວາມໝັ້ນຄົງຂອງພາກພື້ນ.
ຫວຽດນາມ ກໍ່ມີບົດບາດຕັ້ງໜ້າໃນການກໍ່ສ້າງ ແລະ ປະຕິບັດບັນດາຍຸດທະສາດໄລຍະຍາວ, ເຊັ່ນ: ວິໄສທັດອາຊຽນ 2045, ດ້ວຍບັນດາຜົນງານທີ່ພົ້ນເດັ່ນໃນການເຕີບໂຕເສດຖະກິດ ແລະ ການພົວພັນກັບບັນດາປະເທດມະຫາອຳນາດ. ພິເສດ, ຂໍ້ລິເລີ່ມການທູດດ້ານວັດທະນະທຳຄື “ການທູດໄມ້ໄຜ່” ໄດ້ຊ່ວຍຍົກສູງທີ່ຕັ້ງຂອງຫວຽດນາມ ໃນເວທີສາກົນ.
ຂ້າພະເຈົ້າເຊື້ອຫມັ້ນວ່າ ພາຍໃຕ້ການນຳພາຂອງພັກກອມມູນິດຫວຽດນາມ ພ້ອມທັງຄວາມເຫັນດີເຫັນພ້ອມຂອງບັນດາປະເທດສະມາຊິກ ອາຊຽນ, ບັນດາເປົ້າໝາຍອັນໃຫຍ່ຫຼວງຂອງ ອາຊຽນ ວາງອອກຈະປະສົບຜົນສໍາເລັດເປັນຢ່າງດີ, ນຳເອົາສັນຕິພາບ, ສະຖຽນລະພາບ ແລະ ການພັດທະນາແບບຍືນຍົງມາໃຫ້ພາກພື້ນ.
 | ຍສໝ - ລາຍການຄ້າຍພັກແລ້ງ ຫວຽດນາມແມ່ນເພື່ອແນໃສ່ສ້າງໂອກາດໃຫ້ໄວໜຸ່ມສະໜິດຕະພັນກັບບ້ານເກີດເມືອງນອນ, ປະເທດຊາດ, ໄດ້ລົງຕົວຈິງ ແລະ ເຮັດໃຫ້ຄວາມຮູ້ທາງດ້ານວັດທະນະທຳອຸດົມສົມບູນກ່ວາເກົ່າ. |
 | ບັນດາອົງການປະຊາຊົນ ຫວຽດນາມ ກະກຽມເຂົ້າຮ່ວມເວທີປາໄສປະຊາຊົນ ອາຊຽນ 2024 ຍສໝ - ອາທິດຜ່ານມານີ້, ຢູ່ຮ່າໂນ້ຍ ໄດ້ດຳເນີນກອງປະຊຸມບັນດາອົງການປະຊາຊົນຫວຽດນາມ ກະກຽມໃຫ້ແກ່ເວທີປາໄສປະຊາຊົນ ອາຊຽນ (APF) 2024 ຄາດວ່າທີ່ຈະຈັດຕັ້ງຢູ່ Timor Leste. |
ມີງດຶກ
