ຍສໝ - ວັນທີ 10 ກໍລະກົດ, ທ່ານ ເລແມັງເກືອງ, ຜູ້ອຳນວຍການໃຫຍ່ ກຸ່ມບໍລິສັດອຸດສາຫະກຳ - ພະລັງງານແຫ່ງຊາດ ຫວຽດນາມ (Petrovietnam) ໄດ້ມີການຕ້ອນຮັບ ແລະ ພົບປະເຮັດວຽກຮ່ວມກັບ ທ່ານ Jim Nickel, ເອກອັກຄະລັດຖະທູດຜູ້ມີອຳນາດເຕັມ ແຫ່ງ ການາດາ ປະຈຳ ຫວຽດນາມ.
ຍສໝ - ບັນດາຜູ້ແທນຂອງທັງສອງປະເທດ ຫວຽດນາມ - ລາວ ຮ່ວມກັນຕັດແຖບຜ້າເປີດງານວາງສະແດງການຄ້າ ຫວຽດນາມ - ລາວ 2026 ຢ່າງເປັນທາງການ.
ຍສໝ - ດ້ວຍມູນຄ່າການຄ້າສອງຝ່າຍບັນລຸໄດ້ປະມານ 93 ລ້ານໂດລາສະຫະລັດ ໃນປີ 2025, ຫວຽດນາມ ແລະ ປາຣາກວາຍ ພວມຢືນຢູ່ຕໍ່ໜ້າກໂອກາດອັນຫຼາກຫຼາຍ ໃນການເປີດກວ້າງການຮ່ວມມື ພາຍໃນຂົງເຂດການຄ້າ, ການລົງທຶນ ແລະ ກະສິກຳ. ການຊ່ວຍໜູນເຊິ່ງກັນແລະກັນ ລະຫວ່າງ ສອງພື້ນຖານເສດຖະກິດ ພ້ອມກັບຄວາມພະຍາຍາມຊຸກຍູ້ການເຊື່ອມຕໍ່ລະຫວ່າງວິສາຫະກິດ ແມ່ນໄດ້ຮັບການຄາດຫວັງວ່າ ຈະສ້າງທ່າແຮງຊຸກດັນ ໃຫ້ນຳພາສາຍພົວພັນທາງດ້ານເສດຖະກິດສອງຝ່າຍ ຂະຫຍາຍຕົວຢ່າງແຂງແຮງກວ່າເກົ່າ ໃນໄລຍະຈະມາເຖິງ.
ຍສໝ - ເນື່ອງໃນໂອກາດສະເຫຼີມສະຫຼອງວັນເຊັນສົນທິສັນຍາມິດຕະພາບ ແລະ ການຮ່ວມມື ຫວຽດນາມ - ລາວ ຄົບຮອບ 49 ປີ (18/7/1977 - 18/7/2026), ວັນທີ 16 ກໍລະກົດ, ຢູ່ທີ່ນະຄອນຫຼວງວຽງຈັນ, ຮູບເງົາເລື່ອງ "ຝົນແດງ" ໄດ້ຮັບການສາຍໃຫ້ແກ່ບັນດາອະດີດພະນັກງານ, ພະນັກງານຂອງບັນດາຄະນະພັກ, ກະຊວງ, ຂະແໜງການຂອງລາວໄດ້ຮັບຊົມ, ເຊິ່ງໄດ້ປະກອບສ່ວນເຜີຍແຜ່ບັນດາຄຸນຄ່າທາງດ້ານປະຫວັດສາດ, ສັນຕິພາບ ແລະ ຄວາມສາມັກຄີລະຫວ່າງປະຊາຊົນສອງປະເທດ.
ຍສໝ - ອັດຖິຂອງທະຫານອາສາສະໝັກ ແລະ ຊ່ຽວຊານຫວຽດນາມ ທີ່ໄດ້ຮັບການຊອກຫາ ແລະ ຂຸດຄົ້ນກູ້ຊ່ວຍ ໂດຍກອງ K92 ຢູ່ພາຍໃນທ້ອງຖິ່ນດັ່ງກ່າວ ໃນຕະຫຼອດລະດູແລ້ງ ປີ 2025–2026 ເພື່ອສົ່ງກັບຄືນປະເທດຊາດ ແລະ ຈັດພິທີໄວ້ອາໄລ ພ້ອມທັງດຳເນີນພິທີຝັງສົບຢ່າງສົມກຽດ.
ຍສໝ - ວັນທີ 13 ກໍລະກົດ, ຢູ່ທີ່ນະຄອນຫຼວງ ອານເຊ , ກ່ອນຈະສິ້ນສຸດອາຍຸການປະຕິບັດໜ້າທີ່ທາງລັດຖະການ, ທ່ານ ເຈິ່ນກວົກແຄ໊ງ, ເອກອັກຄະລັດຖະທູດ ຫວຽດນາມ ປະຈຳ ອາເຊຣີ ໄດ້ເຂົ້າຢ້ຽມອຳລາ ແລະ ເຮັດວຽກຮ່ວມກັບ ການນຳພັກແນວໂຮມປົດປ່ອຍແຫ່ງຊາດ (FLN) ເຊິ່ງເປັນພັກກຳອຳນາດ. ທັງສອງຝ່າຍໄດ້ຢືນຢັນຄືນເຖິງຄວາມມຸ່ງໝັ້ນ ທີ່ຈະສືບຕໍ່ຮັດແໜ້ນສາຍພົວພັນມິດຕະພາບມູນເຊື້ອ, ເພີ່ມທະວີການຮ່ວມມືລະຫວ່າງສອງພັກ ແລະ ຂະຫຍາຍການຮ່ວມມືໃນຫຼາຍຂົງເຂດ.
ຍສໝ - ເພື່ອຈົດຈຳ ແລະ ຍົກຍ້ອງບັນດາການປະກອບສ່ວນຂອງກຳລັງຮັກສາສັນຕິພາບ ຫວຽດນາມ, ກອງກຳລັງຮັກສາຄວາມສະຫງົບຊົ່ວຄາວ ຂອງອົງການສະຫະປະຊາຊາດ ປະຈຳເຂດ ອາບີເອ (UNISFA) ໄດ້ມອບຫຼຽນກາ “ເພື່ອພາລະກິດຮັກສາສັນຕິພາບ ຂອງອົງການສະຫະປະຊາຊາດ” ໃຫ້ແກ່ພະນັກງານ ແລະ ລັດຖະກອນ ຈຳນວນ 184 ທ່ານ ຂອງກອງວິສະວະກຳ ສະບັບເລກທີ 4 ພ້ອມດ້ວຍບັນດານາຍທະຫານສ່ວນບຸກຄົນ ທີ່ພວມປະຕິບັດໜ້າທີ່ຢູ່ທີ່ກອງກຳລັງດັ່ງກ່າວ.
ຍສໝ - ໃນຕອນຄ່ຳວັນທີ 15 ກໍລະກົດ, ນະຄອນ ເຄິ່ນເທີ ໄດ້ຈັດຕັ້ງແຜນງານພົບປະສະເຫຼີມສະຫຼອງ ວັນສ້າງຕັ້ງສາຍພົວພັນທາງການທູດ ຫວຽດນາມ - ຟີລິບປິນ ຄົບຮອບ 50 ປີ (12/7/1976 - 12/7/2026) ຢ່າງສະຫງ່າຜ່າເຜີຍ.
ຍສໝ - ໃນວັນທີ 13 ກໍລະກົດ, ທ່ານ ງວຽນແມັງຮຸ່ງ, ປະທານຄະນະກຳມະການປະຊາຊົນນະຄອນ ດານັງ ໄດ້ເປັນປະທານໃນການຕ້ອນຮັບທ່ານນາງ Nasly Isabel Bernal Prado, ເອກອັກຄະລັດຖະທູດ ຈີເລ ປະຈຳ ຫວຽດນາມ ພ້ອມດ້ວຍຄະນະປະຕິບັດງານ. ຢູ່ທີ່ການຕ້ອນຮັບ, ສອງຝ່າຍໄດ້ຮ່ວມກັນແລກປ່ຽນກ່ຽວກັບທ່າແຮງບົ່ມຊ້ອນໃນການຮ່ວມມືໃນໄລຍະຈະມາເຖິງ, ໂດຍສະເພາະແມ່ນພາຍໃນບັນດາຂົງເຂດ: ການຄ້າ, ການລົງທຶນ, Logistics. ນະວັດຕະກຳ, ການທ່ອງທ່ຽວ, ການພົບປະແລກປ່ຽນວັດທະນະທຳ ແລະ ກະສິກຳເຕັກໂນໂລຊີສູງ.
ຍສໝ - ເພື່ອເປັນການຈົດຈຳ ແລະ ຍົກຍ້ອງບັນດາການປະກອບສ່ວນຢ່າງຕັ້ງໜ້າ ເຂົ້າໃນການຊຸກຍູ້ສາຍພົວພັນມິດຕະພາບ, ການຮ່ວມມື ແລະ ການພົບປະແລກປ່ຽນລະຫວ່າງປະຊາຊົນ ຫວຽດນາມ - ສ.ເກົາຫຼີ, ໃນວັນທີ 14 ກໍລະກົດ ຢູ່ທີ່ຮ່າໂນ້ຍ, ສະຫະພັນບັນດາອົງການມິດຕະພາບ ຫວຽດນາມ ໄດ້ຈັດພິທີມອບຫຼຽນກາລະນຶກ “ເພື່ອສັນຕິພາບ, ມິດຕະພາບລະຫວ່າງບັນດາປະຊາຊາດ” ໃຫ້ແກ່ທ່ານ Choi Young Sam ເອກອັກຄະລັດຖະທູດວິສາມັນຜູ້ມີອຳນາດເຕັມ ແຫ່ງ ສາທາລະນະລັດ ເກົາຫຼີ ປະຈຳ ຫວຽດນາມ.
ຍສໝ - ຢູ່ທີ່ພິທີສະເຫຼີມສະຫຼອງວັນສ້າງຕັ້ງສາຍພົວພັນທາງການທູດ ຫວຽດນາມ - ຈີເລ ຄົບຮອບ 55 ປີ, ການນຳນະຄອນ ດານັງ ໄດ້ສະເໜີໃຫ້ ສະຖານເອກອັກຄະລັດຖະທູດ, ອົງການສົ່ງເສີມການຄ້າ ແລະ ວິສາຫະກິດ ຈີເລ ເພີ່ມທະວີການເຊື່ອມຕໍ່ລະຫວ່າງນະຄອນ ດານັງ ກັບບັນດາທ້ອງຖິ່ນ, ອົງການຈັດຕັ້ງ ແລະ ວິສາຫະກິດ ຈີເລ, ເພື່ອຊຸກຍູ້ການຮ່ວມມືພາຍໃນບັນດາຂົງເຂດທີ່ສອງຝ່າຍມີທ່າແຮງ ແລະ ຄວາມຕ້ອງການ.
ຍສໝ - ໃນຂອບເຂດແຜນງານ ການແລກປ່ຽນນາຍທະຫານໜຸ່ມ ຫວຽດນາມ - ລາວ ປະຈຳປີ 2026, ໃນຕອນບ່າຍວັນທີ 13 ກໍລະກົດ, ຢູ່ທີ່ນະຄອນຫຼວງ ວຽງຈັນ (ສປປ ລາວ), ໄດ້ມີການຈັດກອງປະຊຸມເຈລະຈາ ລະຫວ່າງ ຄະນະຜູ້ແທນນາຍທະຫານໜຸ່ມ ສອງປະເທດ ພາຍໃຕ້ຫົວຂໍ້ “ນາຍທະຫານໜຸ່ມ ຫວຽດນາມ - ລາວ, ພ້ອມກັນມີຄວາມເຊື່ອໝັ້ນ, ພ້ອມກັນພັດທະນາ”.
ຍສໝ - ວັນທີ 13 ກໍລະກົດ, ຢູ່ທີ່ນະຄອນຫຼວງ ດີລີ (Dili), ທ່ານ ຟ້າມ ບິ່ງ ດາມ (Phạm Bình Đàm), ອຸປະທູດຊົ່ວຄາວ ຫວຽດນາມ ປະຈຳ ຕີມໍ ແລັດສະເຕ ໄດ້ມີການເຮັດວຽກຮ່ວມກັບ ທ່ານ ຟຣານຊິສໂກ ກັລບົວດີ ເລ (Francisco Kalbuadi Lay), ຮອງນາຍົກລັດຖະມົນຕີ, ລັດຖະມົນຕີປະສານງານວຽກງານເສດຖະກິດ, ທັງເປັນລັດຖະມົນຕີກະຊວງທ່ອງທ່ຽວ ແລະ ສິ່ງແວດລ້ອມ ຕີມໍ ແລັດສະເຕ ເພື່ອແລກປ່ຽນບັນດາມາດຕະການເພີ່ມທະວີການຮ່ວມມືສອງຝ່າຍໃນຫຼາຍຂົງເຂດ, ພ້ອມທັງຊຸກຍູ້ການຜັນຂະຫຍາຍບັນດາແຜນງານຮ່ວມມືຕົວຈິງໃນຕໍ່ໜ້າ.
ຍສໝ - ໃນວັນທີ 13 ກໍລະກົດ ຢູ່ທີ່ຮ່າໂນ້ຍ, ສະຫະພັນບັນດາອົງການມິດຕະພາບ ຫວຽດນາມ ໄດ້ປະສານສົມທົບກັບ ສະຖານເອກອັກຄະລັດຖະທູດ ນິກາຣາກວາ ປະຈຳ ຫວຽດນາມ ຈັດຕັ້ງການພົບປະມິດຕະພາບ ເພື່ອສະເຫຼີມສະຫຼອງວັນໄຊຊະນະການປະຕິວັດປະຊາຊົນ ຊານດິນິສຕາ ຄົບຮອບ 47 ປີ (19 ກໍລະກົດ 1979 - 19 ກໍລະກົດ 2026). ນີ້ແມ່ນຄັ້ງທຳອິດ ທີ່ທັງສອງອົງການຮ່ວມມືກັນຈັດຕັ້ງການເຄື່ອນໄຫວສະເຫຼີມສະຫຼອງດັ່ງກ່າວຂຶ້ນຢູ່ທີ່ນະຄອນຫຼວງຮ່າໂນ້ຍ, ປະກອບສ່ວນເຂົ້າໃນການຮັດແໜ້ນສາຍພົວພັນມິດຕະພາບອັນເປັນມູນເຊື້ອ, ຂະຫຍາຍການພົບປະແລກປ່ຽນລະຫວ່າງປະຊາຊົນ ແລະ ຊຸກຍູ້ການຮ່ວມມືທີ່ເປັນຮູບປະທຳລະຫວ່າງສອງປະເທດ.
ຍສໝ - ດຳເນີນໄປເປັນເວລາ 2 ວັນ ຄືວັນທີ 9 ແລະ 10 ກໍລະກົດ ຢູ່ທີ່ແຂວງ ບໍລິຄຳໄຊ (ປະເທດລາວ) ແລະ ແຂວງ ເງ້ອານ (ປະເທດຫວຽດນາມ), ແຜນງານພົບປະແລກປ່ຽນມິດຕະພາບປ້ອງກັນຊາດຊາຍແດນ ຫວຽດນາມ - ລາວ ຄັ້ງທີ 3 ໄດ້ປະສົບຜົນສຳເລັດຢ່າງຈົບງາມ; ສືບຕໍ່ຢັ້ງຢືນບົດບາດອັນສຳຄັນຂອງວຽກງານການທູດປ້ອງກັນຊາດ, ການທູດປ້ອງກັນຊາຍແດນ ພາຍໃນການຮັດແໜ້ນສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານ ຫວຽດນາມ - ລາວ.
ຍສໝ - ທ່ານລັດຖະມົນຕີກະຊວງປ້ອງກັນຄວາມສະຫງົບ ເລືອງຕາມກວາງ ໄດ້ຕີລາຄາສູງຕໍ່ກັບບັນດາການປະກອບສ່ວນຂອງທ່ານ Olivier Brochet, ເອກອັກຄະລັດຖະທູດຝຣັ່ງ ພາຍໃນການຊຸກຍູ້ສາຍພົວພັນ ຫວຽດນາມ - ຝຣັ່ງ, ໃນຂະນະດຽວກັນ ກໍໄດ້ສະເໜີໃຫ້ສອງຝ່າຍສືບຕໍ່ຂະຫຍາຍການຮ່ວມມືທາງດ້ານຄວາມໝັ້ນຄົງ, ການບັງຄັບໃຊ້ກົດໝາຍ ແລະ ການສະກັດກັ້ນ, ຕ້ານອາດຊະຍາກຳ.
ຍສໝ - ທ່ານປະທານຄະນະກຳມາທິການ ປ້ອງກັນຊາດ, ປ້ອງກັນຄວາມສະຫງົບ ແລະ ການຕ່າງປະເທດ ເລ ຕ໊ນ ຕອ້ຍ ຢືນຢັນວ່າ ຝຣັ່ງ ແມ່ນຄູ່ຮ່ວມມືຍຸດທະສາດຮອບດ້ານທຳອິດ ຂອງຫວຽດນາມ ໃນສະຫະພາບເອີຣົບ (EU) ແລະ ແມ່ນໜຶ່ງໃນບັນດາຄູ່ຮ່ວມມືທີ່ສຳຄັນອັນດັບຕົ້ນໆ.
ຍສໝ - ຄະນະປະຕິບັດງານ ສະຖານເອກອັກຄະລັດຖະທູດ ຫວຽດນາມ ປະຈຳ ປະເທດໄທ ຫາກໍໄດ້ໄປຢ້ຽມຢາມ, ມອບຂອງຂວັນໃຫ້ແກ່ບັນດາຄອບຄົວຊາວຫວຽດນາມຕ່າງດ້າວ ທີ່ມີການປະກອບສ່ວນໃຫ້ແກ່ການປະຕິວັດ ແລະ ພົບປະກັບຊຸມຊົນຊາວຫວຽດນາມ ຢູ່ທີ່ ພູເກັດ. ທ່ານເອກອັກຄະລັດຖະທູດ ຟາມຫວຽດຮຸ່ງ ມຸ່ງຫວັງວ່າ ພໍ່ແມ່ປະຊາຊົນຈະສືບຕໍ່ຮັກສາເອກະລັກວັດທະນະທຳ, ຮັດແໜ້ນຄວາມສາມັກຄີ ແລະ ປະກອບສ່ວນເຂົ້າໃນສາຍພົວພັນ ຫວຽດນາມ - ໄທ
ຍສໝ - ເມື່ອບໍ່ດົນມານີ້, ຢູ່ທີ່ນະຄອນຫຼວງ Brasília, ສະຖານເອກອັກຄະລັດຖະທູດ ຫວຽດນາມ ປະຈຳ ບຣາຊິນ ໄດ້ຈັດຕັ້ງກອງປະຊຸມໂຕະມົນ “ແບ່ງປັນຂໍ້ມູນດ້ານເສດຖະກິດ, ການຄ້າ ແລະ ການລົງທຶນ ຫວຽດນາມ - ບຣາຊິນ ພາຍໃນ 6 ເດືອນຕົ້ນປີ 2026” ພາຍໃຕ້ຮູບແບບການພົບປະໂດຍກົງ ປະສົມປະສານກັບທາງອອນລາຍ, ແນໃສ່ອັບເດດສະພາບການຮ່ວມມືດ້ານເສດຖະກິດທະວິພາຄີ, ແລກປ່ຽນກ່ຽວກັບກາລະໂອກາດທາງດ້ານຕະຫຼາດ, ໃນຂະນະດຽວກັນກໍປຶກສາຫາລືກ່ຽວກັບບັນດາຄວາມຫຍຸ້ງຍາກ, ສິ່ງທ້າທາຍ ແລະ ທິດທາງຊຸກຍູ້ການຮ່ວມມືພາຍໃນໄລຍະເວລາຕໍ່ໜ້າ.
ຍສໝ - ໃນຄືນວັນທີ 10 ກໍລະກົດ, ສະມາຊິກຄະນະກູ້ໄພກູ້ຊີບ ຫວຽດນາມ ຈຳນວນ 124 ທ່ານ ໄດ້ເດີນທາງກັບຄືນຮອດສະໜາມບິນສາກົນ ໂນຍບາຍ ພາຍຫຼັງເກືອບສອງສັບປະດາ ແຫ່ງການຊ່ວຍເຫຼືອ ເວເນຊູເອລາ ຟື້ນຟູຜົນກະທົບຈາກໄພແຜ່ນດິນໄຫວ. ຄະນະກູ້ໄພ ໄດ້ຊອກຄົ້ນ ແລະ ມອບ-ຮັບ ສົບຜູ້ເສຍຊີວິດ ຈຳນວນ 57 ສົບ, ກຳນົດໄດ້ 46 ຈຸດທີ່ມີຜູ້ປະສົບໄພ ແລະ ໄດ້ກວດພະຍາດ ພ້ອມທັງແຈກຢາຍຢາປົວພະຍາດໃຫ້ແກ່ປະຊາຊົນ 132 ທ່ານ; ກຳລັງພົນທັງໝົດ, ສຸນັກວິຊາສະເພາະ ແລະ ອຸປະກອນເຕັກນິກ ແມ່ນໄດ້ຮັບການຮັບປະກັນຄວາມປອດໄພຢ່າງສົມບູນ.
ຍສໝ - ຂະຫຍາຍການເຊື່ອມຕໍ່ນັບຕັ້ງແຕ່ບັນດາຕົວເມືອງໃຫຍ່ ໄປຮອດຊຸມຊົນທ້ອງຖິ່ນ ແລະ ເຂດຫ່າງໄກສອກຫຼີກ; ເສີມຂະຫຍາຍບັນດາຊ່ອງທາງການທູດປະຊາຊົນ ເພື່ອເຊື່ອມຕໍ່ສະມາຄົມວິສາຫະກິດ, ຜູ້ເລີ່ມຕົ້ນທຸລະກິດ (Start-up) ແລະ ທ້ອງຖິ່ນ, ສະໜັບສະໜູນການຮ່ວມມືພາຍໃນຂົງເຂດກະສິກຳເຕັກໂນໂລຊີສູງ, ເສດຖະກິດດິຈິຕອນ; ສ້າງຕັ້ງບັນດາເຄືອຂ່າຍໃຫ້ແກ່ຜູ້ນຳໜຸ່ມ, ນັກວິຊາການໜຸ່ມ ແລະ ນັກທຸລະກິດຂອງສອງປະເທດ, ຊຸກຍູ້ບັນດາຂໍ້ລິເລີ່ມກ່ຽວກັບການສຶກສາ, ຄວາມສາມາດດ້ານດິຈິຕອນ ແລະ ການຂະຫຍາຍຕົວຢ່າງຍືນຍົງ. ນັ້ນແມ່ນ 3 ບຸລິມະສິດ ແນໃສ່ຊຸກຍູ້ສາຍພົວພັນປະຊາຊົນ ຫວຽດນາມ - ຟີລິບປິນ ເຊິ່ງທ່ານ ຟານແອງເຊີນ, ປະທານສະຫະພັນບັນດາອົງການມິດຕະພາບຫວຽດນາມ ໄດ້ສະເໜີຢູ່ທີ່ແຜນງານ ພົບປະມິດຕະພາບສະເຫຼີມສະຫຼອງ 50 ປີແຫ່ງວັນສ້າງຕັ້ງສາຍພົວພັນທາງການທູດ ຫວຽດນາມ - ຟີລິບປິນ ໃນວັນທີ ...
ຍສໝ - ໃນຂອບເຂດແຜນງານ ການແລກປ່ຽນມິດຕະພາບປ້ອງກັນຊາດ ຊາຍແດນ ຫວຽດນາມ - ລາວ ຄັ້ງທີ 3, ຫວ່າງມໍ່ໆມານີ້, ຢູ່ທີ່ຕາແສງ ກິມບ໋າງ, ແຂວງ ເຫງະອານ, ໄດ້ມີບັນດາກິດຈະກຳເປີດສາກ ແຜນງານການແແລກປ່ຽນນາຍທະຫານໜຸ່ມ ຊາຍແດນ ຫວຽດນາມ - ລາວ ປະຈຳປີ 2026.
ຍສໝ - ວັນທີ 7/7/2026, ສະຫະພັນບັນດາອົງການມິດຕະພາບນະຄອນ ໂຮ່ຈີມິນ, ສະມາຄົມມິດຕະພາບ ຫວຽດນາມ - ຝຣັ່ງ ນະຄອນ ໂຮ່ຈີມິນ ແລະ ສະຖາບັນແລກປ່ຽນວັດທະນະທຳກັບຝຣັ່ງ (IDECAF) ໄດ້ປະສານງານກັນຈັດຕັ້ງ ແຜນງານສະເຫຼີມສະຫຼອງວັນຊາດ ແຫ່ງ ສາທາລະນະລັດ ຝຣັ່ງ ແລະ ພິທີເປີດງານວາງສະແດງ “ການແລກປ່ຽນສິລະປະ ຫວຽດນາມ - ຝຣັ່ງ 2026”.
ຍສໝ - ໃນຕອນເຊົ້າວັນທີ 7 ກໍລະກົດ, ຢູ່ທີ່ນະຄອນໂຮ່ຈີມິນ, ສະຫະພັນບັນດາອົງການມິດຕະພາບນະຄອນໂຮ່ຈີມິນ (HUFO) ປະສານງານກັບ ສະຖາບັນແລກປ່ຽນວັດທະນະທຳກັບຝຣັ່ງ (IDECAF) ຈັດຕັ້ງພິທີພົບປະສະເຫຼີມສະຫຼອງວັນຊາດຝຣັ່ງ (14/7/1789 - 14/7/2026), ສະແດງໃຫ້ເຫັນເຖິງມິດຕະພາບລະຫວ່າງປະຊາຊົນນະຄອນໂຮ່ຈີມິນ ກັບປະຊາຊົນຝຣັ່ງ.
ຍສໝ - ໃນວັນທີ 8 ກໍລະກົດ ຢູ່ທີ່ ຮ່າໂນ້ຍ, ສະຫະພັນບັນດາອົງການມິດຕະພາບ ຫວຽດນາມ (ສະຫະພັນ) ໄດ້ມອບຫຼຽນກາລະນຶກ "ເພື່ອສັນຕິພາບ, ມິດຕະພາບລະຫວ່າງບັນດາປະຊາຊາດ" ໃຫ້ແກ່ທ່ານ Dato' Tan Yang Thai ເອກອັກຄະລັດຖະທູດວິສາມັນຜູ້ມີອຳນາດເຕັມ ແຫ່ງ ມາເລເຊຍ ປະຈຳ ຫວຽດນາມ. ລາງວັນດັ່ງກ່າວ ແມ່ນແນໃສ່ຈົດຈຳຕໍ່ກັບບັນດາການປະກອບສ່ວນຂອງທ່ານເອກອັກຄະລັດຖະທູດ ພາຍໃນການຊຸກຍູ້ສາຍພົວພັນມິດຕະພາບ, ການແລກປ່ຽນລະຫວ່າງປະຊາຊົນ ແລະ ການຂະຫຍາຍການຮ່ວມມືຢ່າງແທດຕົວຈິງ ລະຫວ່າງ ຫວຽດນາມ ແລະ ມາເລເຊຍ ຕະຫຼອດອາຍຸການປະຕິບັດງານ.
ຍສໝ - ໃນຕອນເຊົ້າວັນທີ 6 ກໍລະກົດ ຕາມເວລາທ້ອງຖິ່ນ, ໂດຍໄດ້ຮັບການມອບສິດຈາກລັດຖະບານ ເວເນຊູເອລາ, ພັນໂທ ຣາອູນ Raúl Serrano Chacón ສັງກັດກອງບັນຊາການທະຫານຮັກສາການປະທານາທິບໍດີ - ຜູ້ປະສານງານຄະນະກູ້ໄພກູ້ຊີບ ຫວຽດນາມ - ໄດ້ເປັນປະທານພິທີມອບຫຼຽນໄຊ “ວີລະຊົນ ເວເນຊູເອລາ” ຊັ້ນໜຶ່ງ ໃຫ້ແກ່ ຄະນະກູ້ໄພກູ້ຊີບ ຫວຽດນາມ ແລະ ຊັ້ນສອງ ໃຫ້ແກ່ບັນດາສະມາຊິກພາຍໃນຄະນະ.
ຍສໝ - ໃນຕອນເຊົ້າວັນທີ 6 ກໍລະກົດ, ຢູ່ທີ່ ຮ່າໂນ້ຍ, ທ່ານນາງ ເລີມທິເຟືອງແທງ ລັດຖະມົນຕີກະຊວງວັດທະນະທຳ, ກິລາ ແລະ ການທ່ອງທ່ຽວ ໄດ້ມອບຫຼຽນກາລະນຶກ "ເພື່ອພາລະກິດວັດທະນະທຳ, ກິລາ ແລະ ການທ່ອງທ່ຽວ" ໃຫ້ແກ່ທ່ານ Saadi Salama ເອກອັກຄະລັດຖະທູດວິສາມັນຜູ້ມີອຳນາດເຕັມ ແຫ່ງລັດປາເລັសຕິນ ປະຈຳ ຫວຽດນາມ.
ຍສໝ - ຕອບສຳພາດຕໍ່ ວາລະສານ ຍຸກສະໄໝ ເນື່ອງໃນໂອກາດສະເຫຼີມສະຫຼອງວັນສ້າງຕັ້ງສາຍພົວພັນການທູດ ຫວຽດນາມ - ຟີລິບປິນ ຄົບຮອບ 50 ປີ (12/7/1976 - 12/7/2026), ທ່ານ Francisco Noel R. Fernandez III ເອກອັກຄະລັດຖະທູດ ຟີລິບປິນ ປະຈຳ ຫວຽດນາມ ຖືວ່າ, ການຍົກລະດັບສາຍພົວພັນຂຶ້ນເປັນ ຄູ່ຮ່ວມມືຍຸດທະສາດທີ່ໄດ້ຮັບການເພີ່ມທະວີ ໄດ້ສະແດງໃຫ້ເຫັນເຖິງຄວາມໝາຍໝັ້ນຂອງສອງຝ່າຍພາຍໃນການສືບຕໍ່ຍົກລະດັບການແລກປ່ຽນ ແລະ ການຮ່ວມມືພາຍໃນບັນດາຂົງເຂດການເມືອງ, ເເສດຖະກິດ, ວັດທະນະທຳ, ຜ່ານນັ້ນນຳເອົາຜົນປະໂຫຍດຕົວຈິງມາສູ່ປະຊາຊົນ ແລະ ວິສາຫະກິດຂອງສອງປະເທດ.
ຍສໝ - ວັນທີ 3 ກໍລະກົດ 2026, ຢູ່ທີ່ສຳນັກງານສະຫະພັນເສດຖະກິດ Kyukeiren, ທ່ານນາງ ຈິ້ງທິມາຍເຟືອງ ທ່ານກົງສຸນໃຫຍ່ ຫວຽດນາມ ປະຈຳ Fukuoka (ປະເທດຍີ່ປຸ່ນ) ໄດ້ມີພິທີເຮັດວຽກຮ່ວມກັບ ທ່ານ Kazuhiro Ikebe ປະທານ Kyukeiren ແນໃສ່ແລກປ່ຽນບັນດາທິດທາງເພີ່ມທະວີການຮ່ວມມືທາງດ້ານເສດຖະກິດ, ການລົງທຶນ ແລະ ເຊື່ອມຕໍ່ວິສາຫະກິດ ລະຫວ່າງ ຫວຽດນາມ ແລະ ເຂດ ຄີວຊູ.
ຍສໝ - ວັນທີ 3 ກໍລະກົດ 2026 ຢູ່ທີ່ ສຳນັກງານກະຊວງວັດທະນະທຳ, ກິລາ ແລະ ການທ່ອງທ່ຽວ, ທ່ານ ຕ້າກວາງດົງ ລັດຖະມົນຕີຊ່ວຍວ່າການກະຊວງວັດທະນະທຳ, ກิລາ ແລະ ການທ່ອງທ່ຽວ ໄດ້ຕ້ອນຮັບ ແລະ ເຮັດວຽກຮ່ວມກັບ ຄະນະຜູ້ແທນລັດ Hessen (ປະເທດເຢຍລະມັນ) ໂດຍແມ່ນທ່ານ Kambiz Ghawami, ປະທານອົງການສະໜັບສະໜູນມະຫາວິທະຍາໄລໂລກ ເຢຍລະມັນ ເປັນຫົວໜ້າຄະນະ.
