ຫວຽດນາມ – ອາເຊຣີ: ຍົກລະດັບການຮ່ວມມື, ເສີມຂະຫຍາຍຄຸນຄ່າແຫ່ງສາຍພົວພັນມູນເຊື້ອ

	ປັບປຸງ ແລະ ຍົກລະດັບການຮ່ວມມືດ້ານການສຶກສາລະຫວ່າງຫວຽດນາມ-ລາວ
	ຍົກລະດັບການຮ່ວມມືດ້ານເສດຖະກິດໃຫ້ກາຍເປັນເສົາຄ້ຳໃນການພົວພັນ ຫວຽດນາມ - ລາວ

ສາຍພົວພັນມິດຕະພາບ ຫວຽດນາມ - ອາເຊຣີ ສືບຕໍ່ໄດ້ຮັບການຢືນຢັນຈາກທັງສອງຝ່າຍວ່າ ແມ່ນຊັບສົມບັດອັນລ້ຳຄ່າ ທີ່ຈຳເປັນຕ້ອງໄດ້ຮັບການປົກປັກຮັກສາ ແລະ ເສີມຂະຫຍາຍ, ບົນພື້ນຖານຄວາມສາມັກຄີທາງປະຫວັດສາດ ແລະ ການຮ່ວມເດີນທາງໃນບັນດາການຕໍ່ສູ້ຍາດເອົາເອກະລາດແຫ່ງຊາດໃນເມື່ອກ່ອນ.

ໃນການຕ້ອນຮັບທ່ານເອກອັກຄະລັດຖະທູດ ເຈິ່ນ ກວົກ ແຄ໊ງ ມີທ່ານ ອັບແດລກຣິມ ເບັນມບາເຣັກ (Abdelkrim Benmbarek), ເລຂາທິການໃຫຍ່ພັກ FLN ພ້ອມດ້ວຍບັນດາກຳມະການຄະນະນຳພັກ ແລະ ຕາງໜ້າບັນດາອະດີດນັກຮົບເກົ່າ ທີ່ເຄີຍເຂົ້າຮ່ວມການຕໍ່ສູ້ຍາດເອົາເອກະລາດຂອງ ອາເຊຣີ. ໃນການເຮັດວຽກຮ່ວມກັນ, ທ່ານເລຂາທິການໃຫຍ່ Abdelkrim Benmbarek ໄດ້ຕີລາຄາສູງຕໍ່ບັນດາການປະກອບສ່ວນຂອງທ່ານເອກອັກຄະລັດຖະທູດ ໃນຕະຫຼອດອາຍຸການປະຕິບັດໜ້າທີ່ ຕໍ່ກັບການຊຸກຍູ້ສາຍພົວພັນມິດຕະພາບມູນເຊື້ອ ແລະ ການຮ່ວມມືຫຼາຍດ້ານ ລະຫວ່າງ ຫວຽດນາມ ແລະ ອາເຊຣີ.

ທ່ານ Abdelkrim Benmbarek, ເລຂາທິການໃຫຍ່ພັກ FLN ຕ້ອນຮັບທ່ານເອກອັກຄະລັດຖະທູດ ເຈິ່ນກວົກແຄ໊ງ ທີ່ເຂົ້າຢ້ຽມອຳລາ ເນື່ອງໃນໂອກາດສິ້ນສຸດອາຍຸການ ແລະ ກັບຄືນປະເທດ.

ທ່ານ Abdelkrim Benmbarek, ເລຂາທິການໃຫຍ່ພັກ FLN ຕ້ອນຮັບທ່ານເອກອັກຄະລັດຖະທູດ ເຈິ່ນ ກວົກ ແຄ໊ງ ທີ່ເຂົ້າຢ້ຽມອຳລາ ເນື່ອງໃນໂອກາດສິ້ນສຸດອາຍຸການ ແລະ ກັບຄືນປະເທດ.

ການນຳພັກ FLN ເນັ້ນໜັກວ່າ ນ້ຳໃຈສາມັກຄີລະຫວ່າງປະຊາຊົນສອງປະເທດ ໄດ້ຖືກສ້າງຂຶ້ນຈາກປະຫວັດສາດແຫ່ງການຮ່ວມກັນຕໍ່ສູ້ຕ້ານລັດທິລ່າເມືອງຂຶ້ນ ແລະ ທຸກຮູບແບບແຫ່ງການກົດຂີ່ຂູດຮີດ, ຄອບງຳ. ບົນພື້ນຖານດັ່ງກ່າວ, ສອງປະເທດຈະສືບຕໍ່ຮ່ວມເດີນທາງ ເພື່ອບັນດາເປົ້າໝາຍສັນຕິພາບ, ເອກະລາດ, ຄວາມຈະເລີນຮຸ່ງເຮືອງ, ຄວາມຍຸດຕິທຳໃນສັງຄົມ ແລະ ການພັດທະນາຢ່າງຍືນຍົງ.

ທ່ານເລຂາທິການໃຫຍ່ Abdelkrim Benmbarek ຢືນຢັນວ່າ ພັກ FLN ມີຄວາມມຸ່ງໝັ້ນທີ່ຈະສືບຕໍ່ເພີ່ມພູນຄູນສ້າງສາຍພົວພັນຮ່ວມມືກັບ ຫວຽດນາມ, ພ້ອມທັງໃຫ້ຮູ້ວ່າ ພັກ FLN ແລະ ພັກກອມມູນິດຫວຽດນາມ ຈະປະສານງານກັນຜັນຂະຫຍາຍຂໍ້ຕົກລົງຮ່ວມມືລະຫວ່າງສອງພັກ ຢ່າງມີປະສິດທິຜົນ, ປະກອບສ່ວນເພີ່ມທະວີຄວາມໄວ້ເນື້ອເຊື່ອໃຈທາງດ້ານການເມືອງ ແລະ ຂະຫຍາຍການຮ່ວມມືສອງຝ່າຍໃນຫຼາຍຂົງເຂດ.

ທ່ານເອກອັກຄະລັດຖະທູດ ເຈິ່ນ ກວົກ ແຄ໊ງ ໄດ້ສະແດງຄວາມຂອບໃຈຕໍ່ການປະສານງານ ແລະ ການສະໜັບສະໜູນຊ່ວຍເຫຼືອ ຈາກການນຳພັກ FLN ກໍ່ຄືບັນດາອົງການຈັດຕັ້ງຂອງ ອາເຊຣີ ໃນຕະຫຼອດອາຍຸການປະຕິບັດງານ, ຜ່ານນັ້ນໄດ້ສ້າງເງື່ອນໄຂອັນສະດວກສະບາຍ ເພື່ອຊຸກຍູ້ສາຍພົວພັນມິດຕະພາບມູນເຊື້ອລະຫວ່າງສອງປະເທດ.

ທ່ານເອກອັກຄະລັດຖະທູດ ຢືນຢັນວ່າ ຫວຽດນາມ ຍາມໃດກໍ່ໃຫ້ຄວາມສຳຄັນຕໍ່ສາຍພົວພັນມິດຕະພາບ ແລະ ການຮ່ວມມືກັບ ອາເຊຣີ - ເຊິ່ງແມ່ນໜຶ່ງໃນບັນດາຄູ່ຮ່ວມມືທີ່ສຳຄັນຂອງຫວຽດນາມ ຢູ່ທະວີບອາຟຣິກາ. ພ້ອມທັງສະແດງຄວາມເຊື່ອໝັ້ນວ່າ ສາຍພົວພັນລະຫວ່າງ ພັກກອມມູນິດຫວຽດນາມ ແລະ ພັກ FLN ຈະສືບຕໍ່ໄດ້ຮັບການຮັດແໜ້ນ, ເສີມຂະຫຍາຍບົດບາດເປັນພື້ນຖານການເມືອງອັນສຳຄັນ, ປະກອບສ່ວນນຳເອົາສາຍພົວພັນສອງຝ່າຍໃຫ້ຂະຫຍາຍຕົວນັບມື້ນັບເຂົ້າສູ່ລວງເລິກ, ມີຕົວຕົນ ແລະ ມີປະສິດທິຜົນ.

ເນື່ອງໃນໂອກາດນີ້, ທ່ານເອກອັກຄະລັດຖະທູດ ເຈິ່ນ ກວົກ ແຄ໊ງ ໄດ້ສະແດງຄວາມມຸ່ງມາດປາດຖະໜາຢາກຕ້ອນຮັບ ທ່ານເລຂາທິການໃຫຍ່ພັກ FLN ໄປຢ້ຽມຢາມຫວຽດນາມໃນໄວໆນີ້, ຜ່ານນັ້ນຊຸກຍູ້ການແລກປ່ຽນຄະນະຜູ້ແທນຂັ້ນສູງລະຫວ່າງສອງພັກ, ປະກອບສ່ວນເຮັດໃຫ້ສາຍພົວພັນມິດຕະພາບມູນເຊື້ອ ແລະ ການຮ່ວມມືຮອບດ້ານ ລະຫວ່າງ ຫວຽດນາມ ແລະ ອາເຊຣີ ເລິກເຊິ່ງຍິ່ງໆຂຶ້ນ ເພື່ອຜົນປະໂຫຍດຂອງປະຊາຊົນສອງປະເທດ.

ໃນຂອບເຂດການເຮັດວຽກ, ທັງສອງຝ່າຍຍັງໄດ້ຮ່ວມກັນທົບທວນຄືນມູນເຊື້ອຄວາມສາມັກຄີ ແລະ ການສະໜັບສະໜູນເຊິ່ງກັນແລະກັນ ໃນບັນດາການຕໍ່ສູ້ປົດປ່ອຍຊາດ, ພ້ອມທັງເຫັນດີເປັນເອກະພາບກັນທີ່ຈະສືບຕໍ່ເສີມຂະຫຍາຍມໍລະດົກທາງປະຫວັດສາດນີ້ ໂດຍຜ່ານການເພີ່ມທະວີການແລກປ່ຽນລະຫວ່າງຮຸ່ນເຍົາວະຊົນ, ຂະຫຍາຍການຮ່ວມມືລະຫວ່າງບັນດາອົງການຈັດຕັ້ງການເມືອງ-ສັງຄົມ, ກໍ່ຄືຊຸກຍູ້ການຮ່ວມມືທາງດ້ານເສດຖະກິດ, ການຄ້າ, ການລົງທຶນ, ການສຶກສາ ແລະ ການແລກປ່ຽນລະຫວ່າງປະຊາຊົນໃນຕໍ່ໜ້າ.

ອະນຸລັກຮັກສາ ແລະ ເສີມຂະຫຍາຍຄຸນຄ່າ ຂອງຊຸດເສືອຜ້າອາພອນຂອງຊາວເຜົ່າສ່ວນໜ້ອຍ ຍສໝ - ຫວ່າງແລ້ວນີ້, ຢູ່​ບ້ານ​ວັດທະນະທຳ ​ແລະ ທ່ອງ​ທ່ຽວ​ບັນດາ​ເຜົ່າ ຫວຽດນາມ, ກະຊວງ​ວັດທະນະທຳ, ກິລາ ​ແລະ ທ່ອງ​ທ່ຽວ​ຫວຽດນາມ ​ໄດ້​ຈັດ​ຕັ້ງ​ກອງ​ປະຊຸມ​ວິທະຍາສາດ “ວິທີການ​ແກ້​ໄຂ​ເພື່ອ​ອະນຸລັກ​ຮັກສາ ​ແລະ ​ເສີມຂະຫຍາຍ​ຊຸດເສື້ອ​ຜ້າອາພອນ​ຂອງ​ບັນດາ​ເຜົ່າ ຫວຽດນາມ ​ໃນ​ປະຈຸ​ບັນ”.

ການອະນຸລັກ ແລະ ເສີມຂະຫຍາຍຄຸນຄ່າ ມໍລະດົກວັດທະນະທຳໂລກ ພະລາດຊະວັງ ທັງລອງ ມໍລະດົກວັດທະນະທຳໂລກ ພະລາດຊະວັງ ທັງລອງ ແມ່ນກຸ່ມປູຊະນີຍະສະຖານວັດທະນະທຳປະຫວັດສາດພິເສດ ຕິດພັນກັບກຸງ ທັງລອງ - ຮ່າໂນ້ຍ. ກິດຈະກຳສະຖາປັດຕະຍະກຳທີ່ໃຫຍ່ໂຕນີ້ ຖືກກໍ່ສ້າງໃນຫຼາຍໄລຍະປະຫວັດ ແມ່ນປູຊະນີຍະສະຖານທີ່ສຳຄັນອັນດັບໜຶ່ງ ໃນລະບົບບັນດາປູຊະນີຍະສະຖານຢູ່ ຫວຽດນາມ. ຍ້ອນເຫດນັ້ນ ວຽກງານອະນຸລັກຮັກສາເສີມຂະຫຍາຍຄຸນຄ່າພະລາດຊະວັງ ທັງລອງ ຕ້ອງເຮັດແນວໃດໃຫ້ສົມກັບຂອບຂະໜາດຂອງມໍລະດົກ ຍາມໃດກໍ່ໄດ້ຮັບຄວາມເອົາໃຈໃສ່ຜັນຂະຫຍາຍຈາກອຳນາດການປົກຄອງນະຄອນຫຼວງ ຮ່າໂນ້ຍ ແລະ ວົງການນັກວິທະຍາສາດ ແລະ ບັນດາອົງການທີ່ກ່ຽວຂ້ອງ.