ຕາມບົດລາຍງານຂອງຄະນະຊີ້ນຳແຫ່ງຊາດກ່ຽວກັບການປ້ອງກັນ ເເລະ ຕ້ານໄພທຳມະຊາດ ໃຫ້ຮູ້ວ່າ: ແຕ່ຕົ້ນປີ 2023 ມາຮອດປະຈຸບັນ, ໄພທຳມະຊາດໄດ້ເກີດຂຶ້ນຢູ່ຫຼາຍແຫ່ງ, ສ້າງຄວາມເສຍຫາຍໃຫ້ແກ່ປະຊາຊົນ ແລະ ຊັບສິນຢ່າງຫຼວງຫຼາຍ, ສົ່ງຜົນສະທ້ອນເຖິງການຜະລິດກະສິກຳ, ສາເຫດຕົ້ນຕໍ ແມ່ນໄພທຳມະຊາດເຊັ່ນ: ຝົນຕົກໜັກ, ນໍ້າຖ້ວມ, ດິນເຈື່ອນ, ຕາຝັ່ງແມ່ນ້ຳ, ຕາຝັ່ງທະເລເຈື່ອນ.
 |
| ທ່ານຮອງນາຍົກລັດຖະມົນຕີ ຫວຽດນາມ ເລມີງຄາຍ ກ່າວຄຳປາໄສຢູ່ທີ່ກອງປະຊຸມ |
ອີງຕາມຂໍ້ກຳນົດຂອງກົດໝາຍ, ເມື່ອເກີດໄພທຳມະຊາດ, ບັນດາທ້ອງຖິ່ນກໍ່ຕັ້ງໜ້າແກ້ໄຂ ແລະ ລາຍງານຢ່າງທັນການ. ຫວ່າງມໍ່ໆນີ້, ລັດຖະບານໄດ້ສະໜອງເງິນຊ່ວຍເຫຼືອສຸກເສີນປະມານ 4.000 ຕື້ດົ່ງ ໃຫ້ບັນດາແຂວງເຂດທົ່ງພຽງແມ່ນ້ຳຂອງ ເພື່ອແກ້ໄຂຜົນຮ້າຍຢ້ອນຫຼັງຈາກເຫດດິນເຈື່ອນ.
ອີງຕາມການຊີ້ນຳຂອງທ່ານນາຍົກລັດຖະມົນຕີ, ຮອງນາຍົກລັດຖະມົນຕີ, ຈາກສະພາບຕົວຈິງ, 30 ແຂວງພາກເໜືອ, ພາກກາງ, ໄຕຫງ່ວຽນ ໄດ້ສະເໜີການໜູນຊ່ວຍດ້ານການເງິນເພື່ອແກ້ໄຂພື້ນຖານໂຄງລ່າງທີ່ສຳຄັນ, ຍົກຍ້າຍປະຊາຊົນອອກຈາກເຂດປະສົບໄພທຳມະຊາດ ແລະ ແກ້ໄຂສຸກເສີນຜົນຮ້າຍທີ່ເກີດຈາກເຫດດິນເຈື່ອນ. ໂດຍອີງໃສ່ການກວດກາຕົວຈິງຢູ່ 23 ທ້ອງຖິ່ນ, ການກວດກາ ແລະ ສັງລວມຂໍ້ມູນ, ຄະນະຊີ້ນຳແຫ່ງຊາດກ່ຽວກັບການປ້ອງກັນ ເເລະ ຕ້ານໄພທຳມະຊາດໄດ້ສັງລວມ ແລະ ສະເໜີພິຈາລະນາໜູນຊ່ວຍກວ່າ 5.000 ຕື້ດົ່ງ ເພື່ອແກ້ໄຂບັນດາພື້ນຖານໂຄງລ່າງທີ່ຈຳເປັນ, ຍົກຍ້າຍ ແລະ ຈັດແຈງປະຊາກອນອອກຈາກເຂດອັນຕະລາຍໂດຍດ່ວນ.
ເນັ້ນໜັກວ່າ ການແກ້ໄຂຜົນຮ້າຍຈາກໄພທຳມະຊາດຕ້ອງ “ຕັດສິນໃຈໂດຍໄວ”, ທ່ານຮອງນາຍົກລັດຖະມົນຕີ ເລມີງຄາຍ ຮຽກຮ້ອງບັນດາກະຊວງ, ຂະແໜງການແລກປ່ຽນ ແລະ ປະກອບຄຳເຫັນເພື່ອເປັນເອກະສັນຍື່ນສະເໜີຕໍ່ທ່ານນາຍົກລັດຖະມົນຕີ ພິຈາລະນາ ແລະ ຕັດສິນຢ່າງທັນການ, ມີປະສິດທິຜົນ, ຖືກຕາມຈຸດປະສົງ, ຖືກຕາມຂໍ້ກຳນົດຂອງກົດໝາຍ.
ກ່າວຄຳເຫັນທີ່ກອງປະຊຸມ, ທ່ານຮອງລັດຖະມົນຕີກະຊວງຍຸຕິທຳ ເຈີ່ນຕຽນຢຸງ ເນັ້ນໜັກວ່າ: ການແກ້ໄຂຜົນຮ້າຍຈາກການປ້ອງກັນ ແລະ ຕ້ານໄພທຳມະຊາດ ແມ່ນບັນຫາຮີບດ່ວນ, ຮຽກຮ້ອງຕ້ອງຕັດສິນຢ່າງທັນການ, ບໍ່ດັ່ງນັ້ນ “ຄວາມຮີບດ່ວນຈະບໍ່ມີອີກ”. ໂດຍອີງໃສ່ຮ່າງກົດໝາຍວ່າດ້ວຍການປ້ອງກັນ ແລະ ຕ້ານໄພທຳມະຊາດ, ທ່ານຮອງລັດຖະມົນຕີ ໄດ້ຕີລາຄາສູງກະຊວງກະສິກຳ ແລະ ພັດທະນາຊົນນະບົດ ຫວຽດນາມ ແລະ ຄະນະຊີ້ນຳປ້ອງກັນ ແລະ ຕ້ານໄພທຳມະຊາດ ທີ່ໄດ້ຈັດຕັ້ງຄະນະໄປສຳຫຼວດຕົວຈິງຢູ່ທ້ອງຖິ່ນ. ພ້ອມກັນນັ້ນ, ບັນດາຄວາມຮຽກຮ້ອງຕ້ອງການຂອງທ້ອງຖິ່ນກໍ່ໄດ້ຮັບການສັງລວມ, ລາຍງານ ແລະ ສະເໜີໃຫ້ນາຍົກລັດຖະມົນຕີ ພິຈາລະນາ ແລະ ຕັດສິນ.
ທີ່ກອງປະຊຸມ, ຜູ້ຕາງໜ້າກະຊວງແຜນການ ແລະ ການລົງທຶນ, ກະຊວງການເງິນ, ຫ້ອງການລັດຖະບານ ແລະ ກະຊວງກະສິກຳ ແລະ ພັດທະນາຊົນນະບົດ ໄດ້ປຶກສາຫາລືຫຼາຍເນື້ອໃນກ່ຽວກັບລະບຽບການນຳໃຊ້ແຫຼ່ງທຶນ ແລະ ບັນດາເນື້ອໃນຂອງລາຍການສະເໜີໜູນຊ່ວຍ, ...
ສະຫຼຸບຢູ່ທີ່ການປະຊຸມ, ທ່ານຮອງນາຍົກລັດຖະມົນຕີ ເລມີງຄາຍ ເນັ້ນໜັກວ່າ ລັດຖະບານ ແລະ ນາຍົກລັດຖະມົນຕີ ຕ້ອງເອົາໃຈໃສ່ເປັນຢ່າງດີໃນການເຮັດວຽກຮ່ວມກັບທ້ອງຖິ່ນເພື່ອຟື້ນຟູຜົນຮ້າຍຢ້ອນຫຼັງຈາກໄພທຳມະຊາດ ເພື່ອຮັບປະກັນຊີວິດການເປັນຢູ່ຂອງປະຊາຊົນ. ຫວ່າງມໍ່ໆມານີ້, ຄະນະຊີ້ນຳການປ້ອງກັນ ແລະ ຕ້ານໄພທຳມະຊາດແຫ່ງຊາດ ກໍ່ໄດ້ສ້າງຕັ້ງຄະນະເຮັດວຽກ ແລະ ດຳເນີນການສຳຫຼວດຢູ່ 23 ແຂວງທີ່ຍັງເຫຼືອ ໂດຍຄະນະຊີ້ນຳໄດ້ໄປກວດກາໂດຍກົງ. ບັນດາກະຊວງ, ຂະແໜງກໍ່ມີຄຳເຫັນກ່ຽວກັບຄຳສັ່ງ ແລະ ລະບຽບການ; ແຫຼ່ງເງິນສະຫງວນງົບປະມານສູນກາງ;...
ທ່ານຮອງນາຍົກລັດຖະມົນຕີ ກໍ່ຮຽກຮ້ອງໃຫ້ບັນດາທ້ອງຖິ່ນຮັບຜິດຊອບກ່ຽວກັບບັນດາຂໍ້ມູນ, ເນື້ອໃນ, ວິຊາການ, ມາດຕະຖານ, ເງື່ອນໄຂ, ຮັບປະກັນການນຳໃຊ້ໃຫ້ຖືກຕ້ອງຕາມລະບຽບການ; . ສະເໜີໃຫ້ຄະນະຊີ້ນຳແຫ່ງຊາດກ່ຽວກັບການປ້ອງກັນ ແລະ ຕ້ານໄພທຳມະຊາດ ກວດກາຄືນບັນດາເນື້ອໃນທີ່ໄດ້ສົ່ງມາ, ຮັບເອົາຄຳເຫັນທີ່ກອງປະຊຸມ, ສົມທົບກັບກະຊວງ, ຂະແໜງ ແລະ ທ້ອງຖິ່ນ ເພື່ອເປັນເອກະພາບເນື້ອໃນລາຍການ, ຮັບປະກັນຖືກກັບເປົ້າໝາຍ;... ຊ້າສູດໃນວັນທີ 27 ຕຸລານີ້, ບົດລາຍງານ ຕ້ອງໄດ້ສ້າງສຳເລັດ ແລະ ໄດ້ລາຍງານຕໍ່ນາຍົກລັດຖະມົນຕີ ເພື່ອພິຈາລະນາ ແລະ ຕັດສິນໃຈ, ຮັບປະກັນໃຫ້ທັນການ ແລະ ມີປະສິດທິຜົນ.
ດີງເລື້ອງ
