 | ສືບຕໍ່ມູນເຊື້ອອັນດີງາມລະຫວ່າງກອງທັບປະຊາຊົນ ຫວຽດນາມ - ລາວ |
| ກິດຈະກຳຊົນລະປະທານເຂັ້ມຂຸ້ນໄປດ້ວຍນ້ຳໃຈມິດຕະພາບຫວຽດນາມ - ລາວ |
ຄວາມຮັກແພງເພື່ອນບ້ານຢູ່ຊາຍແດນ
ໃນຊຸມມື້ນີ້, ປະຊາຊົນຕາແສງ ເທື້ອງແຈ້ກ (ເມືອງ ໂບ້ແຈ້ກ, ແຂວງ ກວາງບິ່ງ, ຫວຽດນາມ) ແລະ ກຸ່ມບ້ານ ໜອງມ້າ (ເມືອງບົວລະພາ, ແຂວງ ຄຳມ່ວນ, ລາວ) ໄດ້ກະກຽມໃຫ້ແກ່ພິທີແຮກສ່ຽວ.
ຄາດວ່າ ພິທີແຮກສ່ຽວກຸ່ມບ້ານຢູ່ເຂດຊາຍແດນສອງປະເທດຈະຈັດຂຶ້ນໃນທ້າຍເດືອນພະຈິກ 2024 ຢູ່ 2 ແຫ່ງຄື: ກຸ່ມບ້ານ ໜອງມ້າ ແລະ ໃຈກາງຕາແສງ ເທື້ອງແຈ້ກ ດ້ວຍຫຼາຍການເຄື່ອນໄຫວ: ພິທີເປີດ ແລະ ມອບໂຄງການ “ກຸ່ມໂທລະໂຄ່ງກະຈາຍສຽງພາຍໃນ”, ໂຄງການ “ແສງສະຫວ່າງຊາຍແດນ”, “ຮ້ານຂາຍເຄື່ອງ 0 ດົ່ງ”; ການກວດພະຍາດ ແລະ ແຈກຢາຍຢາໂດຍບໍ່ເສຍຄ່າ; ໄປຖະຫວາຍທູບທຽນເພື່ອລະນຶກເຖິງວິລະຊົນທີ່ເສຍສະຫຼະຊີວິດເພື່ອຊາດ; ປະກາດຂໍ້ກຳນົດວ່າດ້ວຍການຮັບການໜູນຊ່ວຍບັນດາເດັກນ້ອຍໃນໂຄງການ “ຊຸກຍູ້ນ້ອງນັກຮຽນ ລາວ ໄປເຂົ້າໂຮງຮຽນ”; ການພົບປະແລກປ່ຽນກິລາ... ລ້ວນແຕ່ສ້າງບັນຍາກາດທີ່ຟົດຟື້ນ, ສະແດງໃຫ້ເຫັນຄວາມສາມັກຄີອັນແໜ້ນແຟ້ນລະຫວ່າງ 2 ຝ່າຍ.
ດ້ວຍຄວາມເຊື່ອໝັ້ນວ່າ ຄວາມຮັກແພງບ້ານໃກ້ເຮືອນຄຽງຜ່ານຜ່າທຸກຄວາມຫ່າງໄກ, ວົງຄະນະຍາດຫຼາຍລຸ້ນຄົນໄດ້ຜູກພັນ ແລະ ແບ່ງປັນກັນຄືກັບເປັນສາຍເລືອດດຽວກັນ. ຜູ້ອາຍຸສູງໃນບ້ານ ດິ່ງຊອນ, ຜູ້ຮັກສາປະເພນີຂອງຊາວເຜົ່າ ມາກອງ ຢູ່ຕາແສງ ເທື້ອງແຈັກ ແບ່ງປັນກັບສື່ມວນຊົນວ່າ: ເຖິງວ່າການດຳລົງຊີວິດຢູ່ສອງປະເທດແຕກຕ່າງກັນ ແຕ່ປະຊາຊົນ ເທື້ອງແຈັກ ແລະ ໜອງມ້າ ຍັງມີສາຍພົວພັນເປັນພີ່ນ້ອງກັນຢ່າງເລິກເຊິ່ງ. ຍ້ອນອຳນາດການປົກຄອງຂອງສອງຝ່າຍໄດ້ສ້າງເງື່ອນໄຂອອກໜັງສືແຜ່ນແດນ, ປະຊາຊົນມັກຢ້ຽມຢາມ, ໄປມາຫາສູ່ ແລະ ໜູນຊ່ວຍເຊິ່ງກັນ ແລະ ກັນ ໃນເວລາປະສົມກັບຄວາມຫຍຸ້ງຍາກ, ພິເສດແມ່ນໃນໂອກາດບຸນເຕັດປະເພນີ. ຜູ້ອາຍຸສູງໃນບ້ານ ດິ່ງຖືດ, ເປັນຜູ້ມີຊື່ສຽງຢູ່ໝູ່ບ້ານ ຈອຍ, ຕາແສງ ເທື້ອງແຈ້ກ ໃຫ້ຮູ້ວ່າ ປະຊາຊົນ ມາກອງ ຢູ່ຕາແສງ ເທື້ອງແຈ້ກ ແລະ ປະຊາຊົນໃນກຸ່ມບ້ານ ໜອງມ້າ ຫຼາຍຄົນ ໄດ້ “ຕົກຫຼຸມຮັກ” ແລະ ສ້າງຄອບຄົວຮ່ວມກັນ. ຍ້ອນແນວນັ້ນ, ຄວາມຮູ້ສຶກແບບດັ້ງເດີມຂອງປະຊາຊົນທີ່ດຳລົງຊີວິດຢູ່ລຽບຕາມສອງຟາກຊາຍແດນແຫ່ງນີ້ຍາມໃດກໍ່ຮັກສາ ແລະ ບຳລຸງສ້າງນັບມື້ນັບແໜ້ນແຟ້ນກ່ວາອີກ...
“ເຖິງວ່າຈະດຳລົງຊີວິດຢູ່ສອງຜືນແຜ່ນດິນທີ່ແຕກຕ່າງກັນກໍ່ຕາມ, ແຕ່ປະຊາຊົນສອງປະເທດຢູ່ເຂດຊາຍແດນນີ້ລ້ວນແຕ່ມີນ້ຳໃຈສາມັກຄີ, ນ້ຳໃຈຮັກຊາດ ແລະ ມິດຕະພາບອັນເປັນມູນເຊື້ອ, ເມື່ອໃດທີ່ຝ່າຍໜຶ່ງປະສົບກັບຄວາມຫຍຸ້ງຍາກ, ອີກຝ່າຍກໍ່ພ້ອມແລ້ວທີ່ຈະຊ່ວຍເຫຼືອ...”, ທ່ານກ່າວ.
ໃນຊຸມປີມໍ່ໆມານີ້, ອຳນາດການປົກຄອງ ແລະ ປະຊາຊົນ ເທື້ອງແຈ້ກ ໄດ້ໜູນຊ່ວຍຊາວ ໜອງມ້າ ດ້ວຍບັນດາຕົ້ນໄມ້, ເມັດພືດ ແລະ ເຕັກນິກການປູກຝັງ. ການຊ່ວຍເຫຼືອຢ່າງຈິງໃຈຈາກ ຫວຽດນາມ ໄດ້ປະກອບສ່ວນປັບປຸງຊີວິດການເປັນຢູ່ຂອງປະຊາຊົນຢູ່ທີ່ນີ້, ຊ່ວຍໃຫ້ເຂົາເຈົ້າຫຼຸດຜ່ອນຄວາມທຸກຍາກເທື່ອລະກ້າວ.
ທ່ານ ໄຂດາວ ດວງປັນຍາ, ຊາວກຸ່ມບ້ານ ໜອງມ້າ ໃຫ້ຮູ້ວ່າ “ຄົນຫວຽດນາມ, ຄົນລາວ ເປັນຄືອ້າຍນ້ອງ. ປະຊາຊົນຢູ່ບ້ານຟາກ ລາວ ຕ້ອງການຫຍັງ, ເພື່ອນຫວຽດນາມ ກໍ່ກຽມພ້ອມ, ພິເສດແມ່ນຍາມໃດທີ່ປະສົບກັບຄວາມຫຍຸ້ງຍາກ, ປະຊາຊົນກຸ່ມບ້ານ ໜອງມ້າ ລ້ວນແຕ່ໄດ້ຮັບການຊ່ວຍເຫຼືອຢ່າງຈິງໃຈຈາກເພື່ອນມິດຫວຽດນາມ ຢູ່ ເທື້ອງແຈ້ກ”.
 |
| ຕະຫຼາດຊາຍແດນ ຫວຽດນາມ - ລາວ, ເປັນບ່ອນຄ້າຂາຍຂອງປະຊາຊົນເມືອງ ກີ່ເຊີນ ແລະ ເມືອງອື່ນໆຂອງລາວ. (ພາບ: Dao Tho) |
ຄຽງຂ້າງກັນໃນການປົກປັກຮັກສາເສັ້ນຊາຍແດນສັນຕິພາບ, ການພັດທະນາ
ຢູ່ ເງ້ອານ, ເປັນທ້ອງຖິ່ນທີ່ມີຊາຍແດນຕິດກັບລາວ 419 ກິໂລແມັດ, ຄວາມຮັກແພງບ້ານໃກ້ເຮືອນຄຽງສອງຟາກຊາຍແດນກໍ່ສະແດງອອກຜ່ານການກະທຳທີ່ແທດຈິງຫຼາຍຢ່າງ.
ໃນປີ 2013, ພາຍໃຕ້ການໜູນຊ່ວຍຂອງປ້ອມປ້ອງກັນຊາຍແດນ ທົງທຸ, ບ້ານ ເມື່ອງຟູ໋ (ຕາແສງ ທົງທຸ, ເມືອງ ເກວຟອງ, ແຂວງ ເງ້ອານ) ແລະ ບ້ານ ນ້ຳໄຕ (ກຸ່ມບ້ານ ວຽງພັນ, ເມືອງ ຊຳໃຕ້, ແຂວງຫົວພັນ, ລາວ) ໄດ້ແຮກສ່ຽວຢ່າງເປັນທາງການ. ນັບແຕ່ນັ້ນມາ, ສອງບ້ານບໍ່ພຽງແຕ່ກາຍເປັນບ້ານໃກ້ເຮືອນຄຽງເທົ່ານັ້ນ ຫາກຍັງຊ່ວຍເຫຼືອເຊິ່ງກັນ ແລະ ກັນໃນການພັດທະນາເສດຖະກິດ, ວັດທະນະທຳ, ຫຼຸດຜ່ອນຄວາມທຸກຍາກ, ປະຕິບັດການຮັບປະກັນຊີວິດສັງຄົມ ແລະ ສ້າງຄວາມສາມັກຄີຢ່ງໝັ້ນແກ່ນ.
ທະຫານປ້ອງກັນຊາຍແດນ ເງ້ອານ ແລະ ປະຊາຊົນບ້ານ ເມື່ອງຟູ໋ ໄດ້ປະກອບສ່ວນກໍ່ສ້າງຫຼາຍໂຄງການສຳຄັນໃຫ້ບ້ານ ນ້ຳໄຕ, ລວມມີໂຮງຮຽນ 1 ແຫ່ງ, ຫໍວັດທະນະທຳຊຸມຊົນ 1 ແຫ່ງ, ເຮືອນແຫ່ງຄວາມມະຫາສາມັກຄີ 3 ແຫ່ງໃຫ້ສຳລັບບັນດາຄອບຄົວທີ່ປະສົບກັບຄວາມຫຍຸ້ງຍາກເປັນພິເສດ. ນອກຈາກນັ້ນ, ຖັນແຖວພະນັກງານທີ່ມີປະສົບການຈາກປ້ອມ ແລະ ບ້ານ ເມື່ອງຟູ໋ ຍັງໄດ້ມາໜູນຊ່ວຍບ້ານ ນ້ຳໄຕ ໃນການພັດທະນາເສດຖະກິດ, ປະຕິບັດບັນດາຮູບແບບການຜະລິດໃໝ່ເຊັ່ນ: ການປູກໝາກກ້ຽງ, ລ້ຽງປາ ແລະ ລ້ຽງໝູແຜ່ພັນ. ການໜູນຊ່ວຍພືດ, ແນວພັນ ແລະ ຄຳແນະນຳດ້ານວິຊາການກ່ຽວກັບການລ້ຽງສັດຍັງໄດ້ຮັບການຮັກສາເປັນປົກກະຕິ, ປະກອບສ່ວນປັບປຸງຊີວິດການເປັນຢູ່ຂອງປະຊາຊົນທ້ອງຖິ່ນ.
ຄວາມຜູກພັນລະຫວ່າງສອງບ້ານກາຍເປັນເລິກເຊິ່ງພິເສດໃນໄລຍະທີ່ຫຍຸ້ງຍາກ. ໃນປີ 2018, ບ້ານ ເມື່ອງຟູ໋ ໄດ້ຮັບຄວາມເສຍຫາຍຢ່າງໜັກໜ່ວງຈາກໄພນໍ້າຖ້ວມ. ທັນທີໃນຕອນນັ້ນ, ບ້ານ ນ້ຳໄຕ ແລະ ບ້ານ ປ່າປຸກ ໄດ້ປະກອບສ່ວນເຂົ້າສານ, ສາລີ, ໝາກເຜັດ 600 ກິໂລ ແລະ ເຄື່ອງໃຊ້ທີ່ຈຳເປັນອີກຫຼາຍຢ່າງ ເພື່ອສົ່ງໃຫ້ປະຊາຊົນ ເມື່ອງຟູ໋.
ບໍ່ພຽງແຕ່ໜູນຊ່ວຍດ້ານວັດຖຸເທົ່ານັ້ນ, ປະຊາຊົນສອງບ້ານຍັງຈັດຕັ້ງບັນດາການເຄື່ອນໄຫວພົບປະແລກປ່ຽນວັດທະນະທຳ, ສິລະປະໃນໂອກາດວັນບຸນໃຫຍ່, ບຸນປີໃໝ່ປະຈຳຊາດຂອງສອງຊາດ. ນາຍບ້ານ ເມື່ອງຟູ໋ ເລືອງວັນງວຽນ ໃຫ້ຮູ້ວ່າ “ທຸກຄັ້ງສອງບ້ານໄປຢາມເຊິ່ງກັນ ແລະ ກັນ, ມີພຽງແຕ່ເຂົ້າໜຽວ, ຈອກເຫລົ້າ... ແຕ່ເຕັມໄປດ້ວຍຄວາມຮັກແພງອ້າຍນ້ອງ”.
ນ້ຳໃຈສາມັກຄີລະຫວ່າງປະຊາຊົນສອງປະເທດ ບໍ່ພຽງແຕ່ໄດ້ສະແດງໃຫ້ເຫັນຜ່ານການໜູນຊ່ວຍຊີວິດເທົ່ານັ້ນ, ຫາກຍັງຜ່ານໜ້າທີ່ປົກປັກຮັກສາຊາຍແດນອີກດ້ວຍ. ສະຫາຍເລຂາທິການ, ນາຍບ້ານ ນ້ຳໄຕ ແສງຄຳ ໃຫ້ຮູ້ວ່າ: ປະຊາຊົນສອງຊາດ ລາວ-ຫວຽດນາມ ແມ່ນນ້ຳໃຈ ສາຄວາມມັກຄີເພື່ອຮັກສາເສັ້ນຊາຍແດນ ແລະ ພັດທະນາຮ່ວມກັນ. ພິເສດແມ່ນບ້ານ ນ້ຳໄຕ ໄດ້ຮັບການຢື້ຢາມຖາມຂ່າວ, ສອນວິທີການລ້ຽງສັດ, ປູກພືດ, ຕ້ານພະຍາດລະບາດ,... ໂດຍເມືອງ ເກວຟອງ, ປ້ອມປ້ອງກັນຊາຍແດນ ທົງທຸ ແລະ ບ້ານ ເມື່ອງຟູ໋ ຢ່າງເປັນປະຈຳ.
ປ້ອມປ້ອງກັນຊາຍແດນ ທົງທຸ ຍັງໄດ້ຊີ້ນຳຄະນະຄຸ້ມຄອງບ້ານ ແລະ ໜ່ວຍພັກ ນ້ຳໄຕ ກ່ຽວກັບວິທີການບໍລິຫານ, ສອນພາສາຫວຽດນາມ ແລະ ຍົກອອກບັນດາມາດຕະການເພື່ອຢຸດຕິການເຮັດນາທີ່ບ້ານອື່ນ, ບຸກລຸກຢ່າງຜິດກົດໝາຍ. ຍ້ອນໄດ້ຮັບການສະໜັບສະໜູນຢ່າງໃກ້ຊິດ, ຄວາມຮັກແພງຂອງສອງຝ່າຍນັບມື້ນັບແໜ້ນແຟ້ນກວ່າ, ບໍ່ມີຊ່ອງຫວ່າງລະຫວ່າງພູເຂົາ ແລະ ແມ່ນ້ຳ ແຕ່ ຫວຽດນາມ - ລາວ ຄື ອ້າຍນ້ອງ, ຮ່ວມມືກໍ່ສ້າງເສັ້ນຊາຍແດນສັນຕິພາບ, ສະຖຽນລະພາບ ແລະ ການພັດທະນາແບບຍືນຍົງ.
 | ຮອງປະທານຜູ້ປະຈຳສະພາປະຊາຊົນ ແຂວງ ຢາລາຍ ຕ້ອນຮັບຄະນະພະນັກງານຂັ້ນສູງແຂວງ ສາລະວັນ ຍສໝ - ຕອນບ່າຍວັນທີ 27 ຕຸລາ, ຢູ່ສຳນັກງານຄະນະຜູ້ແທນສະພາແຫ່ງຊາດ ແລະ ສະພາປະຊາຊົນແຂວງ, ຮອງປະທານຜູ້ປະຈໍາການສະພາປະຊາຊົນແຂວງ ຢາລາຍ ໄດ້ຕ້ອນຮັບຄະນະຜູ້ແທນແຂວງ ສາລະວັນ (ສາທາລະນະລັດ ປະຊາທິປະໄຕ ປະຊາຊົນ ລາວ). |
 | ຫາຍເຢືອງ ແລະ ແທັງຮ໋ວາ ສະແດງຄວາມຮູ້ບຸນຄຸນຕໍ່ການເສຍສະຫຼະຂອງບັນດາກອງທັບອາສາສະໝັກ ຫວຽດນາມ ຢູ່ລາວ ຍສໝ - ເນື່ອງໃນໂອກາດສະເຫຼີມສະຫຼອງ 75 ປີແຫ່ງວັນມູນເຊື້ອທະຫານອາສາສະໝັກ ແລະ ນັກຊ່ຽວຊານການທະຫານ ຫວຽດນາມ ຊ່ວຍການປະຕິວັດລາວ, ຫາຍເຢືອງ ແລະ ແທັງຮ໋ວາ ໄດ້ຈັດຕັ້ງການພົບປະທົບທວນຄືນມູນເຊື້ອທີ່ຢູ່ຄຽງບ່າຄຽງໄຫຼ່ຊາວ ລາວ ໃນການຕໍ່ສູ້ປົກປັກຮັກສາເອກະລາດ. |
ມີງດຶກ
