 | ຫຼາຍອົງການຈັດຕັ້ງສາກົນໜູນຊ່ວຍຊາວ ຫວຽດນາມ ທີ່ໄດ້ຮັບຜົນກະທົບຈາກພະຍຸລູກ 3 |
| ສະຫະພັນບັນດາອົງການມິດຕະພາບ ຫວຽດນາມ ລະດົມການຊ່ວຍເຫຼືອປະຊາຊົນທີ່ໄດ້ຮັບຜົນກະທົບຈາກພາຍຸ Yagi |
ທີ່ພິທີມອບ-ຮັບ, ທ່ານຮອງລັດຖະມົນຕີກະຊວງກະສິກຳ ແລະພັດທະນາຊົນນະບົດ ຫງວຽນຮວ່າງຮຽບ ໄດ້ແຈ້ງໃຫ້ຮູ້ກ່ຽວກັບຜົນສະທ້ອນຢ່າງຮ້າຍແຮງຂອງພະຍຸລູກທີ 3, ຝົນຕົກນ້ຳຖ້ວມ ສົ່ງຜົນສະທ້ອນຢ່າງໜັກໜ່ວງເຖິງຊີວິດການເປັນຢູ່ຂອງຊາວ ຫວຽດນາມ. ພ້ອມກັນນັ້ນ, ທ່ານກໍ່ສະແດງຄວາມຂອບໃຈຕໍ່ບັນດາຄູ່ຮ່ວມມືຫຼຸດຜ່ອນຄວາມສ່ຽງຈາກໄພທຳມະຊາດ, ອົງການຈັດຕັ້ງສາກົນ ແລະ ສະຖານທູດຕ່າງໆ ທີ່ໄດ້ຊ່ວຍເຫຼືອເງິນ ກໍ່ຄືເຄື່ອງທີ່ຈຳເປັນໃຫ້ແກ່ບັນດາທ້ອງຖິ່ນທີ່ໄດ້ຮັບຄວາມເສຍຫາຍຢ່າງໜັກໜ່ວງຈາກພະຍຸ ລູກທີ 3 ແລະ ການໄຫຼວຽນຂອງພະຍຸ
 |
| ທ່ານນາງ ຫວູທິຮ່ຽນແຫ້ງ ຮອງປະທານຄະນະກຳມະການປະຊາຊົນແຂວງ ອຽນບ໋າຍ ໄດ້ມອບຂອງຂວັນໜູນຊ່ວຍຂອງລັດຖະບານ ອົດສະຕາລີ ໃຫ້ປະຊາຊົນຢູ່ຕາແສງ ຮົ່ງຮ່າ, ເນະຄອນ ອຽນບ໋າຍ ໃນວັນທີ 13 ກັນຍາ. (ພາບ: Tuan Anh/TTXVN) |
ໃນວັນທີ 13 ກັນຍາ, ທ່ານນາງ ຫວູທິຮ່ຽນແຫ້ງ ຮອງປະທານຄະນະກຳມະການປະຊາຊົນແຂວງ ໄດ້ມອບຂອງຂວັນໜູນຊ່ວຍຂອງລັດຖະບານ ອົດສະຕາລີ ໃຫ້ປະຊາຊົນຢູ່ຕາແສງ ຮົ່ງຮ່າ, ເນະຄອນ ອຽນບ໋າຍ.
ປະຈຸບັນ, ລັດຖະບານ ຫວຽດນາມ ພວມມານະພະຍາຍາມແກ້ໄຂຜົນຮ້າຍຢ້ອນຫຼັງຈາກໄພທຳມະຊາດ .
ມາຮອດຈຸດເວລານີ້, ພວກຂ້າພະເຈົ້າໄດ້ຮັບປະມານ 15 ລ້ານ USD ແລະ ເຄື່ອງໃຊ້ທີ່ຈຳເປັນ 200 ໂຕນຈາກບັນດາອົງການຈັດຕັ້ງສາກົນ, ສະຖານທູດ. ເຄື່ອງຊ່ວຍເຫຼືອໄດ້ຖືກສົ່ງໄປແຕ່ລະທ້ອງຖິ່ນ.
ທ່ານຮອງລັດຖະມົນຕີ ຫງວຽນຮວ່າງຮຽບ ປາດຖະໜາວ່າ: “ ພວກຂ້າພະເຈົ້າຫວັງວ່າ ຈະສືບຕໍ່ໄດ້ຮັບການໜູນຊ່ວຍເພື່ອໃຫ້ບັນດາທ້ອງຖິ່ນທີ່ໄດ້ຮັບຜົນສະທ້ອນຢ່າງໃຫຍ່ຫຼວງຈາກພະຍຸລູກທີ 3 ແລະ ໄພນ້ຳຖ້ວມສາມາດຟື້ນຟູການຜະລິດ ແລະ ຊີວິດການເປັນຢູ່ໃຫ້ເປັນປົກກະຕິໂດຍໄວ”.
ທ່ານນາງ Pauline Tamesis, ຜູ້ປະສານງານອົງການສະຫະປະຊາຊາດ ປະຈຳຫວຽດນາມ ໃຫ້ຮູ້ວ່າ: ພວກຂະພະເຈົ້າສືບຕໍ່ສົມທົບກັບບັນດາຄູ່ຮ່ວມມືຫຼຸດຜ່ອນຄວາມສ່ຽງໄພທຳມະຊາດ ແລະ ບັນດາອົງການທີ່ກ່ຽວຂ້ອງຂອງຫວຽດນາມ ເພື່ອລະດົມບັນດາແຫຼ່ງກຳລັງໃຫ້ບັນດາຂົງເຂດດັ່ງກ່າວ, ປະກອບສ່ວນແກ້ໄຂຜົນຮ້າຍຢ້ອນຫຼັງຈາກໄພທຳມະຊາດຢ່າງວ່ອງໄວ”.
ທ່ານ Sandeep Arya ເອກອັກຄະລັດຖະທູດ ອິນເດຍ ປະຈຳຫວຽດນາມ ໃຫ້ຮູ້ວ່າ: ລັດຖະບານ ອິນເດຍ ຈະສົມທົບກັບ ຫວຽດນາມ ເພື່ອແນໃສ່ເພີ່ມທະວີກໍາລັງຄວາມຕ້ານທານຂອງພື້ນຖານໂຄງລ່າງຕໍ່ໄພທຳມະຊາດ.
ທີ່ພິທີນຮັບ, ຜູ້ຕາງໜ້າບັນດາສະຖານທູດຂອງບັນດາປະເທດໄດ້ມອບເຄື່ອງໃນຮູບແບບເປັນສັນຍາລັກໃນການໜູນຊ່ວຍປະຊາຊົນຢູ່ເຂດປະສົບໄພທຳມະຊາດ.
 | ຍສໝ - ອິນເດຍ ໄດ້ຂົນສົ່ງເຄື່ອງຊ່ວຍເຫຼືອສຸກເສີນຈໍານວນ 35 ໂຕນ ເພື່ອຊ່ວຍເຫຼືອຫວຽດນາມ ໃນການແກ້ໄຂຜົນກະທົບຈາກພະຍຸຢາກິ. ນິວຊີແລນ ກໍ່ຫາປະກາດການປະກອບສ່ວນ 1 ລ້ານໂດລາສະຫະລັດ ນິວຊີແລນ ຊ່ວຍເຫຼືອຫວຽດນາມ ເພື່ອຜ່ານຜ່າຜົນກະທົບທີ່ຮ້າຍແຮງຂອງພາຍຸຢາກິ. |
 | ເພີ່ມຫຼາຍບ້ວງຊ່ວຍເຫຼືອຈາກສາກົນ ຊ່ວຍ ຫວຽດນາມ ຜ່ານຜ່າຜົນຮ້າຍຢ້ອນຫຼັງຈາກພະຍຸ Yagi ຍສໝ - ອິນເດຍ ໄດ້ຂົນສົ່ງເຄື່ອງຊ່ວຍເຫຼືອສຸກເສີນ 35 ໂຕນ ເພື່ອໜູນຊ່ວຍ ຫວຽດນາມ ຜ່ານຜ່າຜົນຮ້າຍທີ່ຕາມມາຈາກພະຍຸ Yagi. ນູແວນເຊລັງ ຫາກໍ່ປະກາດການປະກອບສ່ວນເງີນ 1 ລ້ານໂດລານູແວນເຊລັງ ເພື່ອໜູນຊ່ວຍບັນດາຄວາມມານະພະຍາຍາມຂອງ ຫວຽດນາມ ຜ່ານຜ່າຜົນສະທ້ອນທີ່ຮ້າຍແຮງຂອງພາຍຸ Yagi. |
ແທງຮັ່ງ
