 | ສປປ.ລາວ ຈັດພິທີໂຮມຊຸມນຸມມິດຕິງ ສະເຫຼີມສະຫຼອງວັນໄຊຊະນະ ດ້ຽນບຽນຝູ ຄົບຮອບ 70 ປີ |
| ຮອດທ້າຍໄຕມາດທີ 1 ປີ 2022 ຈະມີພົນລະເມືອງກວ່າ 70% ໄດ້ສັກວັກຊິນ |
 |
| ທ່ານເລຂາທິການໃຫຍ່ ໂຕເລິມ ກັບບັນດາຜູ້ແທນຢູ່ຈຸດຖ່າຍທອດສົດ ກາເມົາ |
ສະເຫຼີມສະຫຼອງ 70 ປີແຫ່ງເຫດການເຕົ້າໂຮມອອກມາພາກເໜືອ, ເປັນຂີດໝາຍທາງປະຫວັດສາດຂອງການເຄື່ອນຍ້າຍກຳລັງ, ປະກອບສ່ວນເຂົ້າໃນການຕໍ່ສູ້ທ້ອນໂຮມປະເທດຊາດເປັນເອກະພາບ, ຕອນຄ່ຳວັນທີ 16 ພະຈິກນີ້, ວິທະຍຸກະຈາຍສຽງ ຫວຽດນາມ ແລະ ຄະນະໂຄສະນາສຶກສາສູນກາງ ໄດ້ສົມທົບກັນຈັດຕັ້ງລາຍການຖ່າຍທອດສົດງານສະເຫຼີມສະຫຼອງ 70 ປີ ເຫດການເຕົ້າໂຮມອອກມາພາກເໜືອ - ຄວາມຮັກແພງກັນຢ່າງເລິກເຊິ່ງ.
ລາຍການດັ່ງກ່າວແມ່ນເພື່ອແນໃສ່ລະນຶກເຖິງບັນດາຂີດໝາຍປະຫວັດສາດຂອງປະເທດຊາດ ດ້ວຍການປະກອບສ່ວນ ແລະ ການເສຍສະລະຂອງຄົນລຸ້ນກ່ອນໃຫ້ແກ່ສັນຕິພາບ, ເອກະລາດ, ຄວາມຜາສຸກ ແລະ ຄວາມຈະເລີນຮຸ່ງເຮືອງຂອງປະເທດຊາດ. ພ້ອມກັນນັ້ນ, ກໍໄດ້ຍົກໃຫ້ເຫັນຄວາມໝາຍຂອງເຫດການເຕົ້າໂຮມອອກມາພາກເໜືອ, ເປັນຂີດໝາຍການເຄື່ອນຍ້າຍຄັ້ງປະຫວັດສາດຂອງກຳລັງທີ່ປະກອບສ່ວນເຂົ້າໃນການຕໍ່ສູ້ທ້ອນໂຮມປະເທດຊາດເປັນເອກະພາບ.
ການຖ່າຍທອດໄດ້ດຳເນີນຢູ່ 3 ຈຸດຄື: ອະນຸສາວະລີ “ຖ້ຽວລົດໄຟເຕົ້າໂຮມອອກມາພາກເໜືອ” (ກາເມົາ); ອະນຸສາວະລີ “ລົດໄຟເຕົ້າໂຮມອອກມາພາກເໜືອ” (ແທງຮວ໋າ) ແລະ ໂຮງລະຄອນໃຫຍ່ນະຄອນ ຫາຍຟ່ອງ. ພິເສດ, ສອງຈຸດຖ່າຍທອດສົດຢູ່ ກາເມົາ ແລະ ຫາຍຟ່ອງ ແມ່ນສະຖານທີ່ທີ່ໄດ້ເປັນສັກຂີພະຍານຂອງເຫດການທາງປະຫວັດສາດສຳຄັນນີ້.
ເຂົ້າຮ່ວມລາຍການຢູ່ຈຸດຖ່າຍທອດສົດ ກາເມົາ ມີທ່ານເລຂາທິການໃຫຍ່ ໂຕເລິມ; ອະດີດປະທານສະພາແຫ່ງຊາດ ທ່ານນາງ ຫງວຽນທິກິມເງິນ; ອະດີດຜູ້ປະຈຳການຄະນະເລຂາທິການ ທ່ານ ເລຮົ່ງແອງ; ຫົວໜ້າຄະນະໂຄສະນາສຶກສາສູນກາງ ທ່ານ ຫງວຽນຈ້ອງເຫງີ່ຍ; ປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ ທ່ານ ໂດ໊ວັນຈ໋ຽນ...
ເຂົ້າຮ່ວມລາຍການຢູ່ຈຸດຖ່າຍທອດສົດນະຄອນ ຫາຍຟ່ອງ ຢູ່ສະໜາມຫຼວງໂຮງລະຄອນໃຫຍ່ນະຄອນມີ ທ່ານຮອງນາຍົກລັດຖະມົນຕີຜູ້ປະຈຳການ ຫງວຽນຮວ່າບິ່ງ.
ຢູ່ຈຸດຖ່າຍທອດສົດ ແທງຮວ໋າ, ມີຫົວໜ້າຄະນະພົວພັນຕ່າງປະເທດສູນກາງ ທ່ານ ເລຮວ່າຍຈູງ.
 |
| ລາຍການສິລະປະທີ່ພິທີ |
ບັນດາສະຫາຍກໍາມະການສູນກາງພັກ, ຫົວໜ້າບັນດາຄະນະ, ກະຊວງ, ຂະແໜງການ; ການນຳແຂວງ ກາເມົາ, ນະຄອນ ຫາຍຟ່ອງ, ແຂວງ ແທງຮວ໋າ; ບັນດາຜູ້ທີ່ເປັນພະຍານປະຫວັດສາດຂອງເຫດການເຕົ້າໂຮມອອກມາພາກເໜືອ ແລະ ປະຊາຊົນທຸກຊັ້ນວັນນະຢູ່ບັນດາທ້ອງຖິ່ນເປັນຈຳນວນຫຼວງຫຼາຍໄດ້ເຂົ້າຮ່ວມລາຍການຢູ່ບັນດາຈຸດຖ່າຍທອດສົດ.
70 ປີທີ່ຜ່ານມາ, ພາຍຫຼັງສັນຍາ ເຊີແນວ ໄດ້ຮັບການລົງນາມ (ປີ 1954), ປະທານ ໂຮ່ຈີມິນ ແລະ ສູນກາງພັກໄດ້ຕັດສິນໃຈສົ່ງລູກຫຼານພະນັກງານ, ນັກຮົບ ແລະ ວົງຄະນະຍາດຢູ່ພາກໃຕ້ເປັນຈຳນວນຫຼວງຫຼາຍມາເຕົ້າໂຮມຢູ່ພາກເໜືອ ເພື່ອຝຶກອົບຮົມຖັນແຖວພະນັກງານ, ນັກຮົບ ທັງປະກອບສ່ວນກໍ່ສ້າງສັງຄົມນິຍົມຢູ່ພາກເໜືອ ແລະ ກະກຽມກຳລັງແຮງເພື່ອຕໍ່ສູ້ປົດປ່ອຍພາກໃຕ້ຫຼັງຈາກນັ້ນ.
ການຕັດສິນໃຈສົ່ງພະນັກງານ, ນັກຮົບ ແລະ ລູກຫຼານຂອງວົງຄະນະຍາດພາກໃຕ້ ໄດ້ສະແດງໃຫ້ເຫັນວິໄສທັດຍຸດທະສາດອັນເລິກເຊິ່ງຂອງປະທານ ໂຮ່ຈີມິນ ແລະ ສູນກາງພັກ ໃນການສ້າງພື້ນຖານການກໍ່ສ້າງພາກເໜືອ ແລະ ເພີ່ມທະວີກຳລັງແຮງຕໍ່ສູ້ທ້ອນໂຮມປະເທດຊາດເປັນເອກະພາບ; ສະແດງໃຫ້ເຫັນນ້ຳໃຈຮັກຊາດ, ຄວາມເດັດດ່ຽວໜຽວແໜ້ນຂອງ ຊາວຫວຽດນາມ ທຸກຄົນ, ຢັ້ງຢືນຄວາມສາມັກຄີລະຫວ່າງພາກເໜືອ ແລະ ພາກໃຕ້ເປັນຄອບຄົວດຽວກັນ, ປະຊາຊົນ ຫວຽດນາມ ເປັນອັນໜຶ່ງອັນດຽວ.
 |
| ການສະແດງສິລະປະແມ່ນສ່ວນຫນຶ່ງທີ່ສໍາຄັນຂອງລາຍການ, ເປັນສາຍເຊື່ອມຕໍ່ທີ່ເພີ່ມພະລັງທາງຈິດໃຈໃຫ້ຜູ້ຊົມຫຼັງຈາກແຕ່ລະເລື່ອງລາວ. |
ລາຍການດັ່ງກ່າວໄດ້ນຳເອົາອາລົມຈິດຫຼາຍຢ່າງມາໃຫ້ຜູ້ຊົມ, ຄືເປັນການສະແດງຄວາມຮູ້ບຸນຄຸນຈາກຄົນລຸ້ນຫຼັງເຖິງຄົນລຸ້ນກ່ອນ ແລະ ເປັນການຕັກເຕືອນໃຫ້ແຕ່ລະບຸກຄົນຈົ່ງພະຍາຍາມປະກອບສ່ວນເຂົ້າໃນຂະບວນການກໍ່ສ້າງ ແລະ ພັດທະນາປະເທດຊາດ.
 | ເພື່ອເປັນການປະກອບສ່ວນ ເຂົ້າໃນການສ້າງບັນຍາກາດ ແລະ ສະພາບແວດລ້ອມອັນດີ ໃຫ້ແກ່ການພົວພັນ ແລະ ຮ່ວມມື ລະຫວ່າງ ລາວ-ໄທ ໃນໂອກາດ ສະເຫລີມສະຫລອງ ຄົບຮອບ 70 ປີ ແຫ່ງການສ້າງຕັ້ງ ສາຍພົວພັນການທູດ ລາວ-ໄທ (19 ທັນວາ 1950 - 19 ທັນວາ 2020) ໃນປີ ... |
 | ຍສໝ - ຕອນເຊົ້າວັນທີ 15 ພະຈິກ, ຢູ່ຫໍມິດຕະພາບ ຫວຽດ - ຈີນ, ຮ່າໂນ້ຍ ໄດ້ດຳເນີນພິທີສະເຫຼີມສະຫຼອງ 70 ປີແຫ່ງວັນມູນເຊື້ອ (7 ພະຈິກ 1950 – 17 ພະຈິກ 2020) ແລະ ກອງປະຊຸມແຂ່ງຂັນຮັກຊາດໄລຍະ 2020 – 2025 ... |
ມິງດຶກ
