 | ສົນທິສັນຍາ Paris ໃນຄວາມຊົງຈຳຂອງພາສາແປ |
| ຫວຽດນາມ ໂຄສະນາຜະລິດຕະພັນຢູ່ງານຕະຫຼາດນັດອຸດສາຫະກຳທັນຍາຫານສາກົນ Sial Paris 2022 |
ສອງທ່ານໄດ້ໄປຢ້ຽມຢາມເຂດຮ່ອງຮອຍປະຫວັດສາດອຸໂມງໃຕ້ດິນ ກູຈີ, ຫໍພິພິທະພັນວັດຖຸພັນທີ່ເປັນຫຼັກຖານພະຍານຈາກສົງຄາມ; ມອບຂອງຂວັນໃຫ້ບັນດາຄອບຄົວນະໂຍບາຍ ແລະ ຜູ້ຖືກເຄາະຮ້າຍຈາກທາດພິດສີສົ້ມ; ພົບປະ, ແລກປ່ຽນກັບຊາວໜຸ່ມນະຄອນ ໂຮ່ຈີມິນ ດ້ວຍຫົວຂໍ້ວ່າ “ຄວາມຫວັງລວມເພື່ອສັນຕິພາບ”... ການຕ້ອນຮັບຢ່າງອົບອຸ່ນ, ຈິງໃຈໄດ້ເຮັດໃຫ້ເຂົາເຈົ້າຮູ້ສຶກອົບອຸ່ນ ແລະ ມີການເຊື່ອມໂຍງເຂົ້າກັບຫວຽດນາມ ຕື່ມອີກ.
ໃນການພົບປະແລກປ່ຽນກັບຫົວຂໍ້ “ຄວາມຫວັງລວມເພື່ອສັນຕິພາບ” ກັບຊາວໜຸ່ມນະຄອນ ໂຮ່ຈີມິນ ໃນວັນທີ 15 ພະຈິກ, ທ່ານ Olivier Parriaux ໄດ້ເລົ່າຄືນແຜນການອັນກ້າຫານຂອງຊາວໜຸ່ມສະວິດ 3 ຄົນເມື່ອປີ 1969 ເພື່ອດຶງດູດຄວາມສົນໃຈຂອງໂລກເຖິງສົງຄາມທີ່ບໍ່ມີຄວາມຍຸດຕິທຳຂອງ ຫວຽດນາມ. ພວກເຂົາເຈົ້າໄດ້ພິຈາລະນາຢ່າງຮອບຄອບວ່າຄວນແຂວນທຸງຊາດຂອງແນວໂຮມປົດປ່ອຍພາກໃຕ້ ຫວຽດນາມ ຢູ່ທາດ Eiffel ຫຼື ວິຫານ Notre Dame Cathedral Paris ແລະ ສຸດທ້າຍໄດ້ເລືອກເອົາວິຫານ Notre Dame Cathedral Paris ຍ້ອນມີລັກສະນະເປັນສັນຍາລັກວັດທະນະທຳທົ່ວໂລກ.
 |
| ທ່ານ Olivier Parriaux (ເບື້ອງຊ້າຍ) ແລະ ທ່ານ Bernard Bachelard ໄດ້ຮັບຟັງການແນະນຳກ່ຽວກັບບັນດານັກຮົບວິລະຊົນທີ່ເສຍສະຫຼະຊີວິດເພື່ອຊາດ ທີ່ຫໍອະນຸສາວະລີນັກຮົບວິລະຊົນທີ່ເສຍສະຫຼະຊີວິດເພື່ອຊາດ ເບັ໋ນເຢືອກ (ເມືອງ ກູຈີ, ນະຄອນ ໂຮ່ຈີມິນ). (ພາບ: hcmcpv.org.vn) |
ໃນຂະນະນັ້ນ, ທ່ານ Bernard Bachelard ໃຫ້ຮູ້ວ່າ ມີສາມສິ່ງສຳຄັນທີ່ສຸດເມື່ອກ່າວເຖິງເຫດການທຸງແນວໂຮມປະເທດຊາດເພື່ອປົດປ່ອຍພາກໃຕ້ຂອງ ຫວຽດນາມ ໄດ້ປິວຂຶ້ນສູ່ທ້ອງຟ້າ Paris. ນັ້ນແມ່ນທ່ານ ແລະ ໝູ່ເພື່ອນທີ່ຍັງເຫຼືອອີກສອງຄົນລ້ວນແຕ່ຢາກໃຫ້ເຫດການນີ້ສ້າງຄວາມປະທັບໃຈຢ່າງໜັກແໜ້ນ ແລະ ກວ້າງຂວາງ; ເຫດການຕ້ອງບໍ່ມີການໃຊ້ຄວາມຮຸນແຮງຢ່າງສິ້ນເຊີງ; ຮັກສາຊື່ຂອງເຂົາເຈົ້າເປັນຄວາມລັບເພື່ອບໍ່ມີໃຜຮູ້ຕົວຕົນຂອງຜູ້ທີ່ເຮັດສິ່ງທີ່ "ບໍ່ຄືກັບຄົນອື່ນ" ນີ້.
ການກະທຳທີ່ຫານກ້າຂອງພວກເຂົາບໍ່ພຽງແຕ່ແມ່ນເຕັກນິກເທົ່ານັ້ນ ຫາກຍັງຕ້ອງການຄວາມກ້າຫານ ແລະ ຄວາມສະຫຼາດ.ທ່ານ Bernard Bachelard, ອາຍຸ 26 ປີ ແລະ ເປັນຄູສອນກິລາ, ໄດ້ປີນຂຶ້ນໄປເທິງສຸດຂອງຈອມ ວິຫານ Notre Dame Cathedral Paris ເພື່ອແຂວນທຸງ. ເລື່ອຍທີ່ລາວເອົາມາແມ່ນໃຊ້ເພື່ອຕັດຂັ້ນໄດ, ເຮັດໃຫ້ຂະບວນການຮື້ຖອນຂອງເຈົ້າຫນ້າທີ່ຊ້າລົງ.
ເຫດການນີ້ເຮັດໃຫ້ກຳລັງດັບເພີງ Paris ຕ້ອງນຳໃຊ້ເຮລິຄອບເຕີເພື່ອເອົາທຸງຊາດລົງ ແລະ ສື່ມວນຊົນສາກົນ ກໍ່ຖ້ວມໄປດ້ວຍຂໍ້ມູນກ່ຽວກັບການກະທໍານີ້. ແຕ່ແນວໃດກໍ່ຕາມ, ຊື່ ແລະ ນາມສະກຸນຂອງເພື່ອນສະວິດ ສາມຄົນນີ້ ໄດ້ຖືກເກັບຮັກສາໄວ້ເປັນຄວາມລັບໃນຕະຫຼອດຫຼາຍທົດສະວັດ. ປີ 2023, ເນື່ອງໃນໂອກາດສະເຫຼີມສະຫຼອງ 50 ປີແຫ່ງວັນລົງນາມໃນສັນຍາ Paris, ເລື່ອງດັ່ງກ່າວໄດ້ຮັບການເຜີຍແຜ່ຜ່ານປຶ້ມຫົວເລື່ອງ “Le Viet Cong au sommet de Notre-Dame”, ທີ່ພິມຈຳໜ່າຍໂດຍຜູ້ຢູ່ໃນເຫດການເອງ.
ທີ່ການພົບປະກັບເພື່ອນມິດສະວິດ ພິເສດໃນວັນທີ 17 ພະຈິກ, ທ່ານ ຫງວຽນວັນເນນ, ກຳມະການກົມການເມືອງ, ເລຂາຄະນະພັກນະຄອນ ໂຮ່ຈີມິນ ໄດ້ແບ່ງປັນວ່າ ການກະທຳອັນກ້າຫານຂອງເຂົາແມ່ນໜ້າຊົມເຊີຍທີ່ສຸດ. ຜ່ານນັ້ນ, ກໍ່ປະກອບສ່ວນສຳຄັນເຂົ້າໃນຂະບວນການຄັດຄ້ານສົງຄາມໃນທົ່ວໂລກ, ລະດົມປະຊາຊົນຫວຽດນາມ ຍາດໄດ້ໄຊຊະນະ, ໄດ້ລົງນາມໃນສັນຍາ Paris ປີ 1973 ແລະ ມຸ່ງໄປເຖິງການໂຮມປະເທດຊາດເປັນເອກະພາບໃນປີ 1975.
ການເດີນທາງຂອງບັນດາຜູ້ຊາຍຊາວສະວິດ ທີ່ກ້າຫານ ແລະ ຮັກສັນຕິພາບບໍ່ໄດ້ຢຸດຕິໃນເຫດການໃນປີ 1969. ໃນຊຸມປີຕໍ່ມາ, ເຂົາເຈົ້າສືບຕໍ່ເອົາໃຈໃສ່, ສະໜັບສະໜູນຢ່າງສູງຕໍ່ການເດີນທາງຂອງການຕໍ່ສູ້ເພື່ອຄວາມຍຸຕິທຳໃຫ້ແກ່ຊາວຫວຽດນາມ ຜູ້ຖືກເຄາະຮ້າຍຈາກທາດພິດສີສົ້ມ. ປື້ມ “Le Viet Cong au sommet de Notre-Dame” ແມ່ນຂອງຂວັນອັນລ້ຳຄ່າທີ່ເຂົາເຈົ້າໄດ້ນຳມາໃຫ້ ຫວຽດນາມ ໃນຄັ້ງນີ້, ໄດ້ບັນທຶກການເດີນທາງກວ່າເຄິ່ງສັດຕະວັດຜ່ານມາພ້ອມກັບບັນດາສິ່ງພິມທີ່ມີຄຸນຄ່າກ່ຽວກັບທາດພິດສີສົ້ມ.
ເນື່ອງໃນໂອກາດນີ້, ທ່ານ ຫງວຽນວັນເນນ ໄດ້ມອບຫຼຽນການະຄອນ ໂຮ່ຈິມິນ ໃຫ້ບັນດາເພື່ອນມິດສະວິດ. ນີ້ແມ່ນຂອງຂວັນທີ່ສະແດງໃຫ້ເຫັນຄວາມຮັບຮູ້ຂອງຄະນະພັກ, ອຳນາດການປົກຄອງ ແລະ ປະຊາຊົນນະຄອນ ໂຮ່ຈີມິນ ກ່ຽວກັບການປະກອບສ່ວນອັນສຳຄັນເຂົ້າໃນພາລະກິດຕໍ່ສູ້ປົດປ່ອຍຊາດຂອງປະຊາຊົນຫວຽດນາມ.
 | ຫວຽດນາມ ຕັ້ງໜ້າປະຕິບັດຂໍ້ຕົກລົງຮັບມືກັບການປ່ຽນແປງຂອງດິນຟ້າອາກາດ Paris ຍສໝ - ການໂອ້ລົມສົນທະນາແມ່ນໂອກາດເພື່ອໃຫ້ບັນດານັກຊ່ຽວຊານ, ນັກຄົ້ນຄ້ວາ ແບ່ງປັນວິໄສທັດກ່ຽວກັບບັນດາສິ່ງທ້າທາຍເຊິ່ງ ຫວຽດນາມພວມປະເຊີນໜ້າ, ແບ່ງປັນວິທີການປະພຶດທີ່ມີຄວາມຮັບຜິດຊອບຕໍ່ສິ່ງແວດລ້ອມ ເຊິ່ງແຕ່ລະຄົນສາມາດນຳໃຊ້ໃນຊີວິດປະຈຳວັນ. |
 | ເວທີປາໄສເພື່ອສັນຕິພາບ Paris ຄັ້ງທີ 3 ຍສໝ - ທ່ານນາຍົກລັດຖະມົນຕີ ຫງວຽນຊວັນຟຸກ ເນັ້ນໜັກວ່າ ຄວນຖືເອົາຜົນປະໂຫຍດຂອງປະຊາຊົນເປັນໃຈກາງຂອງທຸກນະໂຍບາຍ ແລະ ການກະທຳ, ໃຫ້ບຸລິມະສິດແຖວໜ້າ ແມ່ນຮັກສາສຸຂະພາບ, ຊີວິດອິນຊີຂອງປະຊາຊົນ, ຮັບປະກັນໃຫ້ປະຊາຊົນຢູ່ທຸກປະເທດ ແລະ ເຂດແຄ້ວນ ລ້ວນແຕ່ສາມາດສຳຜັດກັບວັກຊິນ ແລະ ຢາປິ່ນປົວໂຄວິດ-19 ດ້ວຍລາຄາທີ່ເໝາະສົມ. |
ມີງດຶກ
