- ທ່ານສາມາດຂໍ້ມູນກ່ຽວກັບບັນດາຂົງເຂດ/ບໍລິເວນແຂວງ ກ່າເມົາ ໃຫ້ບູຣິມະສິດໃນການຮ່ວມມື ແລະ ລະດົມການຊ່ວຍເຫຼືອທີ່ບໍ່ຂຶ້ນກັບລັດຖະບານຕ່າງປະເທດໃນປະຈຸບັນໄດ້ບໍ?
ບົນພື້ນຖານໂຄງການເພີ່ມທະວີການຮ່ວມມື ແລະ ລະດົມການຊ່ວຍເຫຼືອທີ່ບໍ່ຂຶ້ນກັບລັດຖະບານຕ່າງປະເທດ ໄລຍະ 2019-2025 (ປະກາດໃຊ້ພ້ອມກັບຂໍ້ຕົກລົງສະບັບເລກທີ 1225/2019/QD-TTg ລົງວັນທີ 17 ກັນຍາ 2019 ຂອງທ່ານນາຍົກລັດຖະມົນຕີ), ຄະນະກຳມະການປະຊາຊົນແຂວງ ກ່າເມົາ ໄດ້ສ້າງ ແລະ ປະກາດໃຊ້ແຜນການສະບັບເລກທີ 52/KH-UBND ລົງວັນທີ 01 ມີນາ 2023 ວ່າດ້ວຍການເພີ່ມທະວີການຮ່ວມມື ແລະ ລະດົມການຊ່ວຍເຫຼືອທີ່ບໍ່ຂຶ້ນກັບລັດຖະບານຕ່າງປະເທດ ໄລຍະ 2023 – 2025 ດ້ວຍບັນຊີລາຍຊື່ 119 ໂຄງການ ເພື່ອລະດົມ, ຮຽກຮ້ອງການຊ່ວຍເຫຼືອທີ່ບໍ່ຂຶ້ນກັບລັດຖະບານຕ່າງປະເທດ.
 |
| ທ່ານ ຫງວຽນດົງເຂີຍ - ປະທານສະຫະພັນບັນດາອົງການມິດຕະພາບແຂວງ ກ່າເມົາ. |
- ຂໍຮຽນທ່ານແບ່ງປັນປະສົບການ, ວິທີການປະຕິບັດທີ່ດີ, ມີປະສິດທິພາບໃນວຽກງານນີ້ຂອງທ້ອງຖິ່ນໃນໄລຍະຜ່ານມາໄດ້ບໍ?
ກ່າເມົາ ກໍ່ຄືບັນດາທ້ອງຖິ່ນອື່ນໆ, ບໍ່ກ້າເວົ້າວ່າ ມີປະສົບການຢູ່ທີ່ນີ້, ແຕ່ໃນຕົວຈິງ, ສະຫະພັນບັນດາອົງການມິດຕະພາບແຂວງ ກ່າເມົາ ກໍ່ໄດ້ປະຕິບັດໃນໄລຍະຜ່ານມາ.
ທີໜຶ່ງແມ່ນ, ກຳນົດຈຸດປະສົງ, ເປົ້າໝາຍ, ຄວາມຈຳເປັນ ແລະ ຄວາມສຳຄັນຂອງວຽກງານລະດົມການຊ່ວຍເຫຼືອທີ່ບໍ່ຂຶ້ນກັບລັດຖະບານຕ່າງປະເທດ ສຳລັບຄວາມໝັ້ນຄົງ ແລະ ພັດທະນາເສດຖະກິດ - ສັງຄົມຂອງທ້ອງຖິ່ນ. ຈາກຄວາມຮັບຮູ້ດັ່ງກ່າວ, ກົມກອງລວມໝູ່ຄະນະນຳສະຫະພັນກຳມະບານແຂວງ ໄດ້ສຸມໃສ່ເປັນເສນາທິການໃຫ້ຄະນະພັກແຂວງ, ຄະນະກຳມະການປະຊາຊົນແຂວງ ກ່າເມົາ ເພື່ອຊີ້ນຳ ແລະ ປະກາດໃຊ້ບັນດາເອກະສານນິຕິກຳ ເພື່ອເພີ່ມທະວີບົດບາດ, ຄວາມຮັບຜິດຊອບ ແລະ ວຽກງານຂອງແນວໂຮມປະເທດຊາດ, ອົງຄະນະ ແລະ ອຳນາດການປົກຄອງທ້ອງຖິ່ນທຸກຂັ້ນໃນວຽກງານບໍ່ຂຶ້ນກັບລັດຖະບານຕ່າງປະເທດ.
ທີສອງ, ສະຫະພັນມິດຕະພາບແຂວງ ເປັນເຈົ້າການໃນການສົມທົບກັບອຳນາດການປົກຄອງທ້ອງຖິ່ນ ເພື່ອກວດກາຄືນ, ສັງລວມຄວາມຕ້ອງການຮຽກຮ້ອງການຊ່ວຍເຫຼືອຂອງທ້ອງຖິ່ນຢູ່ບັນດາຂົງເຂດທີ່ພວມມີຄວາມຕ້ອງການຮີບດ່ວນ ເພື່ອຮຽກຮ້ອງໃຫ້ບັນດາອົງການທີ່ບໍ່ຂຶ້ນກັບລັດຖະບານຕ່າງປະເທດມນແຕ່ລະປີ. ບົນພື້ນຖານນັ້ນ, ກໍ່ແນະນຳທ້ອງຖິ່ນສ້າງບັນດາຂໍ້ສະເໜີໂຄງການລະອຽດ ເພື່ອສົ່ງໃຫ້ບັນດາຄູ່ຮ່ວມມືທີ່ມີທ່າແຮງໃນແຕ່ລະຂົງເຂດທີ່ເໝາະສົມ ເພື່ອລະດົມການຊ່ວຍເຫຼືອ.
ທີສາມ, ເປັນເຈົ້າການໃນການກວດກາຄືນ, ກຳໄດ້ຂໍ້ມູນ ແລະ ເຮັດສໍາເລັດສຳເນົາເອກະສານຄູ່ຮ່ວມງານ ເພື່ອເປັນພື້ນຖານສໍາລັບໃຫ້ວຽກງານເຊື່ອມຕໍ່ການລະດົມ.
ທີສີ່, ຍົກສູງບົດບາດ, ຄວາມຮັບຜິດຊອບຂອງສະຫະພັນມິດຕະພາບແຂວງໃນການປະຕິບັດໜ້າທີ່ອົງການປະສານ, ເປັນເຈົ້າການໃນການເຊື່ອມຕໍ່, ແບ່ງປັນຂໍ້ມູນກ່ຽວກັບຄວາມຮຽກຮ້ອງຕ້ອງການໃນການຊ່ວຍເຫຼືອຂອງທ້ອງຖິ່ນ ແລະ ຄູ່ຮ່ວມມື. ແນະນໍາຢ່າງສຸດຈິດສຸດໃຈເມື່ອຄູ່ຮ່ວມມືເຂົ້າເຄື່ອນໄຫວໃນບໍລິເວນ.
ທີຫ້າ, ວຽກງານທີ່ບໍ່ຂຶ້ນກັບລັດຖະບານຕ່າງປະເທດມີຈຸດສະເພາະແມ່ນວຽກງານຂົນຂວາຍປະຊາຊົນສາກົນ, ສະນັ້ນ ພະນັກງານທີ່ໄດ້ຮັບມອບໝາຍໃນວຽກງານນີ້ ຕ້ອງມີຄຸນສົມບັດທາງດ້ານການເມືອງຢ່າງພຽງພໍ, ມີຄວາມສາມາດໃນການຄົ້ນຄວ້າ ແລະ ແນະນຳ, ຕັ້ງໜ້າ, ມີຫົວຄິດປະດິດສ້າງ, ເຂົ້າໃຈຢ່າງຈະແຈ້ງກ່ຽວກັບທັດສະນະ, ນະໂຍບາຍ ແລະ ແນວທາງຂອງພັກ, ນະໂຍບາຍ ແລະ ກົດໝາຍຂອງລັດກ່ຽວກັບວຽກງານນີ້ ເພື່ອແນະນຳການປະຕິບັດ.
ທີຫົກ, ປະສົມປະສານວຽກງານທີ່ບໍ່ຂຶ້ນກັບລັດຖະບານຕ່າງປະເທດກັບບັນດາການເຄື່ອນໄຫວສັນຕິພາບ, ຄວາມສາມັກຄີ, ມິດຕະພາບ ແລະ ການຮ່ວມມືຂອງປະຊາຊົນ, ຂໍ້ມູນ, ເຜີຍແຜ່, ແນະນຳ, ໂຄສະນາຮູບພາບບ້ານເກີດເມືອງນອນ, ວັດທະນະທຳ, ປະຊາຊົນ ຫວຽດນາມ ແລະ ກ່າເມົາ ກັບເພື່ອນມິດສາກົນ…
- ຈາກການປະຕິບັດຕົວຈິງຂອງວຽກງານລະດົມການຊ່ວຍເຫຼືອທີ່ບໍ່ຂຶ້ນກັບລັດຖະບານຕ່າງປະເທດຢູ່ ກ່າເມົາ ໃນໄລຍະຜ່ານມານີ້, ສະຫະພັນບັນດາອົງການມິດຕະພາບແຂວງ ກ່າເມົາ ໄດ້ວາງອອກບັນດາວິທີການແກ້ໄຂໃດແດ່ ເພື່ອຜັນຂະຫຍາຍວຽກງານລະດົມການຊ່ວຍເຫຼືອທີ່ບໍ່ຂຶ້ນກັບລັດຖະບານຕ່າງປະເທດໃນໄລຍະຈະມາເຖິງຢ່າງມີປະສິດທິຜົນ, ຂໍຮຽນທ່ານ?
ສືບຕໍ່ຍົກສູງ ແລະ ເສີມຂະຫຍາຍບົດບາດເປັນອົງການປະສານໃນວຽກງານການລະດົມການຊ່ວຍເຫຼືອທີ່ບໍ່ຂຶ້ນກັບລັດຖະບານຕ່າງປະເທດ. ສົມທົບກັນຢ່າງແໜ້ນແຟ້ນກັບບັນດາອົງການທີ່ກ່ຽວຂ້ອງ, ຄະນະກຳມະການປະຊາຊົນບັນດາເມືອງ ແລະ ນະຄອນ; ເພີ່ມທະວີການແລກປ່ຽນ, ແບ່ງປັນຂໍ້ມູນກ່ຽວກັບຄວາມຮຽກຮ້ອງຕ້ອງການລະດົມການຊ່ວຍເຫຼືອ, ແຈ້ງໃຫ້ແກ່ບັນດາອົງການທີ່ບໍ່ຂຶ້ນກັບລັດຖະບານຕ່າງປະເທດ ທີ່ຈົດທະບຽນດຳເນີນທຸລະກິດຢູ່ ກ່າເມົາ, ຜ່ານນັ້ນ ກໍ່ສ້າງເງື່ອນໄຂສະດວກກວ່າໃນການສ້າງແຜນການຮຽກຮ້ອງຂໍການຊ່ວຍເຫຼືອໃນແຕ່ລະປີໃຫ້ເໝາະສົມ. ເຮັດວຽກກັບອໍານາດການປົກຄອງບັນດາທ້ອງຖິ່ນເພື່ອຕົກລົງເປັນເອກະພາບກ່ຽວກັບແຫຼ່ງທຶນເພື່ອປະຕິບັດໂຄງການ.
- ຂໍຂອບໃຈທ່ານ!
 | ເພີ່ມທະວີການຮ່ວມມືດ້ານເຄິ່ງຊັກນຳໄຟຟ້າ ແລະ AI: ກາລະໂອກາດບຸກທະລຸໃຫ້ການພົວພັນ ຫວຽດນາມ - ອາເມລິກາ ຍສໝ - ໃນຂອບເຂດການໄປຢ້ຽມຢາມເພື່ອເຂົ້າຮ່ວມສັບປະດາຂັ້ນສຸງສະມັດຊາໃຫຍ່ສະຫະປະຊາຊາດ ຊຸດທີ 79 ແລະ ເຮັດວຽກຢູ່ ອາເມລິກາ, ທ່ານເລຂາທິການໃຫຍ່, ປະທານປະເທດ ຫວຽດນາມ ໂຕເລີມ ໄດ້ມີການເຄື່ອນໄຫວສຳຄັນຫຼາຍຢ່າງເພື່ອຊຸກຍູ້ການພົວພັນຮ່ວມມືລະຫວ່າງ ຫວຽດນາມ ແລະ ອາເມລິກາ ໃນບັນດາຂົງເຂດຍຸດທະສາດເຊັ່ນ ອຸດສາຫະກໍາເຄິ່ງຊັກນຳໄຟຟ້າ, ປັນຍາປະດິດ(AI) ແລະ ການບິນ. |
 | ຫວຽດນາມ - ການາດາ ເພີ່ມທະວີການຮ່ວມມືດ້ານວັດທະນະທຳ, ສິລະປະ, ການພົບປະແລກປ່ຽນປະຊາຊົນ ຍສໝ - ນີ້ແມ່ນເນື້ອໃນຂອງການພົບປະແລກປ່ຽນລະຫວ່າງທ່ານ ຟ່ານແອງເຊີນ, ປະທານສະຫະພັນບັນດາອົງການມິດຕະພາບ ຫວຽດນາມ (VUFO) ແລະ ທ່ານ Shawn Steil, ເອກອັກຄະລັດຖະທູດ ການາດາ ປະຈຳ ຫວຽດນາມ, ໃນຕອນເຊົ້າວັນທີ 27 ສິງຫາ ຢູ່ ຮ່າໂນ້ຍ. |
ມີງດຶກ
