ໂປແກຼມ ຫວຽດ ຊ່ວຍໃຫ້ ຊາວຫວຽດນາມ ອາໄສຢູ່ຕ່າງປະເທດໄປຢ້ຽມຢາມຫໍພິພິທະພັນປະຫວັດສາດການທະຫານໃນຊ່ອງດິຈິຕອນ

	ຊາວຫວຽດນາມອາໄສຢູ່ຕ່າງປະເທດ ສາມາດເຂົ້າຢ້ຽມຊົມຫໍພິພິທະພັນປະຫວັດສາດການທະຫານໃນພື້ນທີ່ດິຈິຕອນ
	ຮ່າຕິ້ງ ແລະ ເຊີນລາ ຝຶກອົບຮົມວຽກງານການຕ່າງປະເທດໃຫ້ແກ່ພະນັກງານທ້ອງຖິ່ນ

ວັນ​ທີ 1 ພະຈິກ​, ຫໍພິພິທະ​ພັນ​ປະຫວັດສາດ​ການ​ທະຫານ ​ຫວຽດນາມ ​ໄດ້​ເປີດປະຕູຢ່າງ​ເປັນ​ທາງ​ການ​ເພື່ອ​ຕ້ອນຮັບ​ນັກ​ທ່ອງ​ທ່ຽວ. ໃນຂະນະດຽວກັນ, ພື້ນຖານດິຈິຕອນເປີດ YooLife ກໍ່ໄດ້ເປີດຕົວພື້ນທີ່ "ການຈຳລອງສະເໝືອນ" ຂອງຫໍພິພິທະພັນປະຫວັດສາດການທະຫານຫວຽດນາມ ແລະ ໄດ້ມີຜູ້ເຂົ້າຄົ້ນຫາທາງອອນລາຍນັບລ້ານເທື່ອ ພ້ອມກັບມີຫຼາຍການຕອບຄືນໃນທາງບວກ.

ຮອດວັນທີ 7 ພະຈິກ, ໂປແກຼມໄດ້ເພີ່ມຂຶ້ນເປັນອັນດັບ 9 ໃນການຈັດອັນດັບເຄືອຂ່າຍສັງຄົມຂອງ App Store, ອັນດັບ 4 ຍອດນິຍົມໃນ Google Play, ລື່ນກາຍບັນດາໂປແກຼມເຊັ່ນ Google Meet, Wechat ແລະ Skype.

ພື້ນທີ່ອັນໃຫຍ່ໂຕໂອ້ໂຖງຂອງຫໍພິພິທະພັນໄດ້ຫັນເປັນການຈຳລອງສະເໝືອນ ໃນໂປຼແກຼມ YooLife.

ໂດຍບໍ່ໃຫ້ຊຸມຊົນ ຊາວຫວຽດນາມ ຢູ່ຕ່າງປະເທດຕ້ອງລໍຖ້າດົນ, ຫົວໜ່ວຍພັດທະນາ YooLife ໄດ້ຂະຫຍາຍຂອບເຂດການເຄື່ອນໄຫວຂອງໂປແກຼມອອກສູ່ທົ່ວໂລກຢ່າງເປັນທາງການ. ຈາກ​ນີ້, ຊາວ​ຫວຽດນາມ ອາ​ໄສ​ຢູ່​ຕ່າງປະ​ເທດ ທີ່​ຢູ່​ຫ່າງ​ໄກ​ຈາກ​ບ້ານ​ເກີດ​ເມືອງ​ນອນ​ສາມາດ​ດາວ​ໂຫຼດ​ແອັບ ​ແລະ ເຂົ້າ​ໄປ​ຢ້ຽມ​ຊົມ​ຫໍພິພິທະ​ພັນ​ປະຫວັດສາດ​ການ​ທະຫານ​ໃນພື້ນຖານ​ດິ​ຈິຕອນ ​ເພື່ອສາມາດ​ຊອກ​ຮູ້​ປະຫວັດສາດ​ຂອງ​ກົກເຄົ້າເຫງົ້າຕໍ.

ທ່ານ ຫງວຽນ​ແມ້ງ​ຕຸ່ງ, ຜູ້​ກໍ່​ຕັ້ງພື້ນຖານ​ດິ​ຈິຕອນ YooLife ​ໃຫ້​ຮູ້​ວ່າ: ການຈຳລອງສະເໝືອນພື້ນທີ່ ​ແລະ ​ວັດຖຸ​ພັນ​ຢູ່​ຫໍພິພິທະ​ພັນ​ປະຫວັດສາດ​ການ​ທະຫານ ​ຫວຽດນາມ ​ແມ່ນນຳມາ​ເຊິ່ງພື້ນຖານທີ່​ປະດິດ​ສ້າງ​ເພື່ອ​ເຊື່ອມ​ໂຍງ, ​ແບ່ງປັນ ​ແລະ ຂຸດ​ຄົ້ນ​ບັນດາ​ຂໍ້​ມູນ​ກ່ຽວ​ກັບ​ວັດທະນະທຳ ​ແລະ ປະຫວັດສາດ, ​ເພື່ອ​ແນະນຳ ​ແລະ ເສີມຂະຫຍາຍ​ຈິດ​ໃຈ​ແຫ່ງ​ຊາດມາເຖິງມະຫາຊົນອັນຄັບຄາໜາແໜ້ນ​ໃນ​ທົ່ວ​ໂລກ​.

YooLife ເປັນ​ພື້ນຖານເຄືອ​ຂ່າຍ​ສັງ​ຄົມສະເໝືອນຈິງບຸກ​ເບີກຂອງ​ ຊາວຫວຽດ​ນາມ​, ບ່ອນ​ທີ່​ຜູ້​ໃຊ້​ສາ​ມາດປະດິດ​ສ້າງ ​ແລະ​ ແບ່ງ​ປັນ​ບັນດາເນື້ອ​ໃນການຈຳລອງສະເໝືອນ​, ວິ​ດີ​ໂອ​ສັ້ນ ​ແລະ ​ຮູບ​ພາບ​. ໂດຍຜ່ານການກະທົບຊຶ່ງກັນ ແລະ ກັນໂດຍກົງກັບຮູບພາບ 360 ອົງສາ ດ້ວຍການເລືອກສະຖານທີ່, ມຸມເບິ່ງ, ຂະຫຍາຍພາບໃຫຍ່ຂຶ້ນ, ເຮັດໃຫ້ພາບນ້ອຍລົງ ຫຼື ຊອກຫາບັນດາຂໍ້ມູນທີ່ກ່ຽວຂ້ອງ, ຜູ້ຊົມຈະຮູ້ສຶກວ່າ ພວກເຂົາຢູ່ໃນພື້ນທີ່ທີ່ແທ້ຈິງ. ບໍ່ພຽງແຕ່ການຈຳລອງສະເໝືອນ VR360 ຫໍພິພິທະພັນປະຫວັດສາດການທະຫານຫວຽດນາມ, YooLife ຍັງມີພື້ນທີ່ການຈຳລອງສະເໝືອນໃນຫຼາຍຂົງເຂດທີ່ແຕກຕ່າງກັນເຊັ່ນ: ການສຶກສາ, ວັດທະນະທໍາ, ປະຫວັດສາດ, ສິລະປະ, ການທ່ອງທ່ຽວ ຫຼື ອະສັງຫາລິມະສັບເພື່ອໝູນໃຊ້ທ່າໄດ້ປຽບຈາກຮູບພາບ 360 ອົງສາ.

YooLife ໄດ້​ຫັນ​ນັບ​ພັນ​ວັດຖຸສິ່ງຂອງ​​ເປັນ​ດິ​ຈິ​ຕອນ

ແນະນໍາງານວາງສະແດງດິຈິຕອນກ່ຽວກັບ ຮ່ວາງຊາ, ເຈືອງຊາ ຂອງຫວຽດນາມ ເຖິງນັກຮຽນ ບິ່ງທວ້ນ ຍສໝ - ໃນວັນທີ 3 ແລະ 4 ຕຸລາ, ຢູ່ໂຮງຮຽນມັດທະຍົມຕອນປາຍ ລີເທື່ອງກຽດ ແລະ ໂຮງຮຽນມັດທະຍົມຕອນປາຍ ຫງວຽນເຈືອງໂຕະ, ຕາແສງ ລາກິ ແຂວງບິ່ງທວ້ນ, ພະແນກຖະແຫຼງຂ່າວ ແລະ ການສື່ສານ ໄດ້ຮ່ວມມືກັບພະແນກສຶກສາ ແລະ ບຳລຸງສ້າງ ແຂວງ, ຄະນະກໍາມະການປະຊາຊົນ ຕາແສງ ລາກິ ...

ເວທີປາໄສການຄ້າເອເລັກໂຕນິກ ແລະ ເສດຖະກິດດິຈິຕອນສຳລັບຂະແໜງການອຸດສາຫະກຳ ແລະ ການຄ້າໃນປີ 2023 ຍສມ - ເວທີປາໄສການຄ້າເອເລັກໂຕນິກ ແລະ ເສດຖະກິດດິຈິຕອນ ຕັ້ງຫວັງວ່າ ຈະເສີມຂະຫຍາຍບົດບາດຂອງ​ການ​ເຊື່ອມ​ຕໍ່​ບັນດາ​ອົງການ​ຄຸ້ມ​ຄອງ​ລັດ, ສະຫະສະມາຄົມ, ອົງການ ​ແລະ ທຸລະ​ກິດ​ໃນ​ຂົງ​ເຂດ​ການຫັນເປັນ​ດິ​ຈິ​ຕອນ​ ​ແລະ ການຄ້າເອເລັກໂຕນິກ ເພື່ອ​ຍົກອອກ​ບັນດາ​ຂໍ້​ສະ​ເໜີ​ນະ​ໂຍບາຍ, ໃາດຕະການແກ້​ໄຂຊຸກຍູ້ການ​ພັດ​ທະ​ນາ​ການຄ້າເອເລັກໂຕນິກ ​ແລະ ເສດຖະກິດດິຈິຕອນສຳລັບຂະແໜງການອຸດສາຫະກຳ ແລະ ການຄ້າຢ່າງມີປະສິດທິຜົນ, ຍືນ​ຍົງ​.