ກ່າວຄຳປາໄສທີ່ພິທີເປີດການສຳມະນາ, ທ່ານ ສຈ.ປອ ເລວັນເລີຍ ໃຫ້ຮູ້ວ່າ ບົນບັນດາເສັ້ນທາງເຄື່ອນໄຫວປະຕິວັດ, ປະທານ ໂຮ່ຈີມິນ ຍາມໃດກໍ່ມອບບັນດາຄວາມຮັກແພງຢ່າງຈິງໃຈ, ຄວາມສະໜິດສະໜົມ, ອົບອຸ່ນໃຫ້ແກ່ການປະຕິວັດຂອງຈີນ, ບັນດາສະຫາຍ ແລະ ປະຊາຊົນຈີນ .
ໃນຫົວໃຈຂອງເພື່ອນມິດ ຈີນ, ປະທານ ໂຮ່ຈີມິນ ແມ່ນ “ທັງເປັນສະຫາຍ, ທັງເປັນອ້າຍນ້ອງ” ແລະ ເປັນສັນຍາລັກແຫ່ງນ້ຳໃຈມິດຕະພາບ “ຫວຽດນາມ - ຈີນ ເປັນມິດ”. ປະຈຸບັນ, ຢູ່ ກວາງໂຈ່ ກໍ່ຄືບົນດິນແດນຈີນ, ມີຮ່ອງຮອຍມໍລະດົກ ໂຮ່ຈິມິນ ຫຼາຍແຫ່ງ ທີ່ໄດ້ ແລະ ພວມຮັບການອະນຸລັກຮັກສາ, ເສີມຂະຫຍາຍ, ປະກອບສ່ວນສຳຄັນເຂົ້າໃນການສຶກສາມູນເຊື້ອມິດຕະພາບລະຫວ່າງສອງປະເທດ, ພິເສດແມ່ນລຸ້ນໜຸ່ມ.
 |
| ທ່ານ ສຈ.ປອ ເລວັນເລີຍ (ເບື້ອງຂວາ), ຮອງຜູ້ອຳນວຍການສະຖາບັນການເມືອງແຫ່ງຊາດ ໂຮ່ຈີມິນ ແລະ ທ່ານ ປອ ເຈີ່ນເເອງຕ໋ວນ ຮອງປະທານສະມາຄົມມິດຕະພາບ ຫວຽດນາມ - ຈີນ ເປັນປະທານການສຳມະນຳ. (ພາບ: Dinh Hoa) |
“ມໍລະດົກ ໂຮ່ຈິມິນ ກ່ຽວກັບການພົວພັນຫວຽດນາມ - ຈີນ ແມ່ນຍິ່ງໃຫຍ່ ແລະ ລ້ຳຄ່າ, ໄດ້ຊຶມເລິກເຂົ້າສູ່ຈິດໃຈຂອງບັນດາພະນັກງານ, ສະມາຊິກພັກ ແລະ ປະຊາຊົນສອງປະເທດຫຼາຍລຸ້ນຄົນ. ຊຸມປີແຫ່ງການຮ່ວມມືຂອງການປະຕິວັດ ຫວຽດນາມ ແລະ ຈີນ ໄດ້ກາຍເປັນຊັບສິນທາງດ້ານຈິດໃຈອັນລ້ຳຄ່າ, ເປັນກຳລັງຜັກດັນເພື່ອໃຫ້ສອງພັກ, ສອງລັດ ແລະ ປະຊາຊົນສອງປະເທດກ້າວໄປໜ້າຢ່າງບໍ່ຢຸດຢັ້ງໃນການເດີນທາງໄປສູ່ໄຊຊະນະຂອງພາລະກິດສັງຄົມນິຍົມ", ທ່ານ ສຈ.ປອ ເລວັນເລີຍ ເນັ້ນໜັກ.
ວິໄສທັດຍຸດທະສາດຂອງປະທານ ໂຮ່ຈີມິນ ຢູ່ ກວາງໂຈ່
ການສຳມະນາໄດ້ຮັບບົດປະກອບຄຳເຫັນກວ່າ 40 ບົດຈາກບັນດາຄະນະ, ກະຊວງ, ຂະແໜງການສູນກາງ, ສະມາຄົມມິດຕະພາບ ຫວຽດນາມ - ຈີນ ແລະ ນັກວິທະຍາສາດຫຼາຍຄົນ. ການສຳມະນານີ້ ໄດ້ສຸມໃສ່ເຮັດໃຫ້ກະຈ່າງແຈ້ງ, ລົງເລິກສາມເນື້ອໃນທີ່ ທ່ານ ສຈ.ປອ ເລວັນເລີຍ ໄດ້ຍົກອອກຢ່າງຈະແຈ້ງໃນຄຳປາໄສເປີດ:
ທີໜຶ່ງ, ກວາງໂຈ່ - ຈີນ ໃນວິໄສທັດຍຸດທະສາດຂອງຜູ້ນຳ ຫງວຽນອ໋າຍກວັກ - ໂຮ່ຈີມິນ ເພື່ອແນໃສ່ປະຕິບັດເປົ້າໝາຍປົດປ່ອຍຊາດ, ເຊື່ອມໂຍງການປະຕິວັດ ຫວຽດນາມ ກັບການປະຕິວັດ ຈີນ ແລະ ການປະຕິວັດໂລກ.
ທີສອງ, ປະທານ ໂຮ່ຈິມິນ ແລະ ບັນດາການເຄື່ອນໄຫວເພື່ອເພີ່ມທະວີການພົວພັນຮ່ວມມືລະຫວ່າງການປະຕິວັດ ຫວຽດນາມ ແລະ ການປະຕິວັດ ຈີນ ໃນການຕໍ່ຕ້ານການຮຸກຮານ, ກໍ່ສ້າງສັງຄົມນິຍົມ.
ທີສາມ, ສືບທອດ ແລະ ເສີມຂະຫຍາຍພື້ນຖານອັນແໜ້ນເເຟ້ນໃນການພົວພັນສາມັກຄີ, ມິດຕະພາບລະຫວ່າງຫວຽດນາມ - ຈີນ ໂດຍປະທານ ໂຮ່ຈິມິນ ແລະ ປະທານ ເໝົາເຈີຕຸງ, ພ້ອມກັບພັກ, ລັດ ແລະ ປະຊາຊົນສອງປະເທດ ສ້າງຕັ້ງ, ເພີ່ມພູນຄູນສ້າງ, ນຳການພົວພັນຄູ່ຮ່ວມມືຍຸດທະສາດຮອບດ້ານ ຫວຽດນາມ - ຈີນ ໃຫ້ຂຶ້ນສູ່ລະດັບສູງໃໝ່.
ຕາມທ່ານ ຮສ.ປອ ເຈີ່ນມິງເຕືອງ ແລ້ວ, ວິໄສທັດຍຸດທະສາດຂອງຜູ້ນຳ ໂຮ່ຈີມິນ ໃນການເດີນທາງຊອກຫາວິທີກູ້ຊາດ ເມື່ອເລືອກເອົາ ກວາງໂຈ່ (ຈີນ) ເປັນສະຖານທີ່ເຄື່ອນໄຫວແຕ່ເດືອນພະຈິກ 1924 ຫາເດືອນເມສາ 1927, ເປັນປະຖົມປັດໄຈສຳຄັນທີ່ນຳໄປສູ່ການກຳເນີດຂອງພັກກອມມູນິດ ຫວຽດນາມ - ເປັນປັດໄຈຕັດສິນບັນດາໄຊຊະນະຂອງການປະຕິວັດ ຫວຽດນາມ ຫຼັງຈາກນັ້ນ.
ຊຸກຍູ້ການພົບປະແລກປ່ຽນປະຊາຊົນ ເພື່ອສ້າງນ້ຳໃຈມິດຕະພາບຢ່າງແໜ້ນແຟ້ນ
ທ່ານ ຫງວຽນວິງກວາງ, ຮອງປະທານສະມາຄົມມິດຕະພາບ ຫວຽດນາມ - ຈີນ ຢືນຢັນວ່າ ໃນທຸກການເຄື່ອນໄຫວຂອງສະມາຄົມມິດຕະພາບ ຫວຽດນາມ - ຈີນ, ປັດໄຈ ໂຮ່ຈີມິນ ແມ່ນບົດບາດແກ່ນສານ, ຍືນຍົງ ເພື່ອເສີມຂະຫຍາຍນ້ຳໃຈມິດຕະພາບລະຫວ່າງປະຊາຊົນ, ພັກ ແລະ ລັດ ຫວຽດນາມ ແລະ ຈີນ.
 |
| ບັນດາຜູ້ແທນໄດ້ຖ່າຍຮູບທີ່ລະນຶກ. (ພາບ: Dinh Hoa) |
ໂດຍສະຫຼຸບສັງລວມບັນດາຄຳເຫັນທີ່ການສຳມະນາ, ທ່ານ ປອ ເຈີ່ນເເອງຕ໋ວນ ຮອງປະທານສະມາຄົມມິດຕະພາບ ຫວຽດນາມ - ຈີນ ໄດ້ຕີລາຄາສູງບັນດາຄຸນຄ່າຂອງບົດສະເໜີ 40 ກວ່າສະບັບໂດຍບັນດາການນຳ, ນັກເຄື່ອນໄຫວປະຕິບັດຕົວຈິງ, ນັກວິທະຍາສາດ, ການສິດສອນ... ທີ່ໄດ້ກະກຽມ.
ທ່ານ ປອ ເຈີ່ນເເອງຕ໋ວນ ຕາງໜ້າໃຫ້ສະມາຄົມມິດຕະພາບ ຫວຽດນາມ - ຈີນ ແລະ ຄະນະປະທານການສຳມະນາ ກໍ່ໄດ້ເນັ້ນໜັກໃນຕອນທ້າຍຂອງການສຳມະນາວ່າ ການສຳມະນາຄັ້ງນີ້ ມີຄວາມໝາຍຫຼາຍຢ່າງ, ເພາະວ່າໄດ້ຈັດຂຶ້ນໃນບັນຍາກາດທົ່ວພັກ, ທົ່ວປະຊາຊົນ ພວມປະຕິບັດຄໍາສັ່ງ 05-CT/TW ແລະ ບົດສະຫຼຸບ 01-KL/TW ຂອງກົມການເມືອງກ່ຽວກັບການຍູ້ແຮງການຮຽນຮູ້ ແລະ ປະຕິບັດຕາມອຸດົມການຂອງ ໂຮ່ຈີມິນ.
 | ຫຼາຍການເຄື່ອນໄຫວການຄ້າໃນງານບຸນໝາກໄມ້ຫວຽດນາມ ຢູ່ຈີນ ຍສໝ - ວັນທີ 29 ກັນຍາ 2024, ງານບຸນໝາກໄມ້ຫວຽດນາມ ຄັ້ງທຳອິດ ໄດ້ຈັດຂຶ້ນຢູ່ປັກກິ່ງ, ຈີນ. |
 | ການນຳພັກ, ລັດ ຫວຽດນາມ ສົ່ງໂທລະເລກອວຍພອນສະເຫຼີມສະຫຼອງ 75 ປີແຫ່ງວັນຊາດຈີນ ຍສໝ - ເນື່ອງໃນໂອກາດສະເຫຼີມສະຫຼອງ 75 ປີແຫ່ງວັນສ້າງຕັ້ງສາທາລະນະລັດປະຊາຊົນຈີນ (1 ຕຸລາ 1949 – 1 ຕຸລາ 2024), ສະຫາຍເລຂາທິການໃຫຍ່ຄະນະບໍລິຫານງານສູນກາງພັກກອມມູນິດ ຫວຽດນາມ, ປະທານປະເທດ ສາທາລະນະລັດ ສັງຄົມນິຍົມ ຫວຽດນາມ ໂຕເລີມ ໄດ້ມີໂທລະເລກສົ່ງຄວາມຊົມເຊີຍເຖິງ ສະຫາຍເລຂາທິການໃຫຍ່ຄະນະບໍລິຫານງານສູນກາງພັກກອມມູນິດຈີນ, ປະທານປະເທດສາທາລະນະລັດປະຊາຊົນຈີນ ສີຈິ້ນຜິງ. |
ມີງດຶກ
