 | ຄະນະສັນຕິພາບຫວຽດນາມ ແລະຄະນະສັນຕິພາບ ແລະສາມັກຄີຂອງລາວ ໄດ້ຈັດຕັ້ງກອງປະຊຸມພົບປະ |
| ນ້ຳໃຈມິດຕະພາບລະຫວ່າງປະຊາຊົນ ຫວຽດນາມ-ນິກາຣາກວາ ແມ່ນພື້ນຖານຊຸກຍູ້ການພົວພັນສອງຝ່າຍ |
ເພີ່ມທະວີການຮ່ວມມືສາກົນ, ເຂົ້າຮ່ວມບັນດາອົງການມິດຕະພາບປະຊາຊົນຢ່າງຕັ້ງໜ້າ
ສະມາຄົມພຸດທະສາສະໜາ ຫວຽດນາມ ໄດ້ສ້າງການພົວພັນຮ່ວມມືຢ່າງແໜ້ນແຟ້ນກັບຫຼາຍອົງການພຸດທະສາສະໜາທົ່ວໂລກ ແລະ ເຂົ້າຮ່ວມບັນດາເວທີປາໄສສາກົນຢ່າງຕັ້ງໜ້າ, ກາຍເປັນຜູ້ກໍ່ຕັ້ງ ແລະ ສະມາຊິກຫຼັກແຫຼ່ງຂອງບັນດາອົງການຈັດຕັ້ງສຳຄັນຄື ສະມາຄົມພຸດທະສາສະໜາສຳພັນໂລກ (WFB), ເວທີປາໄສພຸດທະສາສະໜາອາຊີ ເພື່ອສັນຕິພາບ (ABCP), ສະຫະພັນພຸດທະສາສະໜາໂລກ (IBC) ແລະ ຄະນະກຳມະການຈັດຕັ້ງສາກົນ ວັນບຸນໃຫຍ່ Vesak ສະຫະປະຊາຊາດ (ICDV).
ບັນດາການພົວພັນເຫຼົ່ານີ້ບໍ່ພຽງແຕ່ຊຸກຍູ້ການແລກປ່ຽນທາງສາສະຫນາເທົ່ານັ້ນ, ຫາກຍັງມີບົດບາດສໍາຄັນໃນການເຄື່ອນໄຫວທາງການທູດປະຊາຊົນ, ເພີ່ມທະວີຄວາມເຂົ້າໃຈ ແລະ ຄວາມສາມັກຄີລະຫວ່າງບັນດາຊາດ, ພິເສດແມ່ນພາກພື້ນອາຊີຕາເວັນອອກສຽງໃຕ້, ອາຊີໃຕ້ ແລະ ອາຊີຕາເວັນອອກ. ສະມາຄົມພຸດທະສາສະໜາ ຫວຽດນາມ ກໍ່ຮັກສາການພົວພັນມິດຕະພາບກັບບັນດາອົງການພຸດທະສາສະໜາຢູ່ ລາວ, ກຳປູເຈຍ, ຈີນ, ຍີ່ປຸ່ນ, ສ.ເກົາຫຼີ, ສີລັງກາ, ອິນເດຍ…, ປະກອບສ່ວນສຳຄັນເຂົ້າໃນການຊຸກຍູ້ສັນຕິພາບ, ສະຖຽນລະພາບ ແລະ ການຮ່ວມມືໃນພາກພື້ນ.
ຄຽງຂ້າງນັ້ນ, ສະມາຄົມພຸດທະສາສະໜາ ຫວຽດນາມ ກໍ່ເຂົ້າຮ່ວມບັນດາອົງການມິດຕະພາບປະຊາຊົນຢ່າງຕັ້ງໜ້າຄື ສະມາຄົມມິດຕະພາບ ຫວຽດນາມ - ລາວ, ສະມາຄົມມິດຕະພາບ ຫວຽດນາມ - ກຳປູເຈຍ, ສະມາຄົມມິດຕະພາບ ຫວຽດນາມ - ອິນເດຍ... ບັນດາຜູ້ຕາງໜ້າຂອງສະມາຄົມພຸດທະສາສະໜາ ໄດ້ມີບົດບາດເປັນຂົວຕໍ່ໃນການຮັດແໜ້ນນ້ຳໃຈສາມັກຄີລະຫວ່າງປະຊາຊົນຫວຽດນາມ ແລະ ບັນດາປະເທດ, ໂດຍຜ່ານການເຂົ້າຮ່ວມບັນດາການເຄື່ອນໄຫວທາງການທູດປະຊາຊົນ, ຈັດຕັ້ງຫຼາຍເຫດການແລກປ່ຽນວັດທະນະທຳ ແລະ ພຸດທະສາສະໜາສາກົນ.
ຂີດໝາຍຈາກການຈັດຕັ້ງວັນບຸນໃຫຍ່ Vesak ສະຫະປະຊາຊາດ ຢ່າງສຳເລັດຜົນ.
 |
| ພິທີສົງພະພຸດທະເຈົ້າທີ່ Vesak 2014 ຢູ່ ຫວຽດນາມ. (ພາບ: ໜັງສືພິມ VnExpress) |
ພິເສດ, ວັນບຸນໃຫຍ່ Vesak 2019 ໄດ້ຈັດຂຶ້ນຢູ່ວັດ ຕ່່າມຈຸກ, ແຂວງ ຮ່ານາມ ຫວຽດນາມ ດ້ວຍຫົວຂໍ້ “ວິທີເຂົ້າເຖິງຂອງພຸດທະສາສະໜາກ່ຽວກັບການຊີ້ນຳທົ່ວໂລກ ແລະ ຄວາມຮັບຜິດຊອບໃນການແບ່ງປັນເພື່ອສັງຄົມແບບຍືນຍົງ” ໄດ້ປະກອບສ່ວນໂຄສະນາຮູບພາບປະເທດຊາດ ແລະ ປະຊາຊົນຫວຽດນາມ ໄປເຖິງເພື່ອນມິດສາກົນ. ເຂົ້າຮ່ວມເຫດການມີປະມຸກລັດ ແລະ ບັນດາການນຳອົງການສາກົນຫຼາຍທ່ານ ໄດ້ສະແດງໃຫ້ເຫັນອິດທິພົນຂອງຫວຽດນາມ ຕໍ່ສາກົນໃນຂົງເຂດການທູດທາງສາສະໜາ.
ຜົນສຳເລັດຂອງວັນບຸນໃຫຍ່ Vesak ບໍ່ພຽງແຕ່ໄດ້ແນະນຳຄຸນຄ່າທາງດ້ານຈິດໃຈຂອງພຸດທະສາສະໜາ ຫວຽດນາມ ເທົ່ານັ້ນ, ຫາກຍັງແມ່ນຂີດໝາຍສຳຄັນໃນການຍົກສູງອິດທິພົນ ແລະ ທີ່ຕັ້ງຂອງ ຫວຽດນາມ ໃນປະຊາຄົມສາກົນ, ພິເສດແມ່ນໃນຂົງເຂດການທູດປະຊາຊົນ.
ວຽກງານການກຸສົນສາກົນ ແລະ ການທູດປະຊາຊົນ
ຈິດໃຈເມດຕາປານີຂອງພຸດທະສາສະໜາຫວຽດນາມ ບໍ່ຈຳກັດຢູ່ໃນທົ່ວປະເທດເທົ່ານັ້ນ ຫາກຍັງແຜ່ລາມອອກໄປຢ່າງກວ້າງຂວາງຜ່ານບັນດາການເຄື່ອນໄຫວການກຸສົນສາກົນ. ໃນໄລຍະໂລກລະບາດໂຄວິດ-19, ສະມາຄົມພຸດທະສາສະໜາ ຫວຽດນາມ ໄດ້ໜູນຊ່ວຍອຸປະກອນດ້ານການແພດ ແລະ ການເງິນໃຫ້ ອິນເດຍ, ລາວ, ກຳປູເຈຍ ແລະ ສີລັງກາ, ຊ່ວຍໃຫ້ບັນດາປະເທດນີ້ ຜ່ານຜ່າຄວາມຫຍຸ້ງຍາກ. ນີ້ບໍ່ພຽງແຕ່ແມ່ນການສະແດງອອກນ້ຳໃຈເມດຕາປານີເທົ່ານັ້ນ, ຫາກຍັງປະກອບສ່ວນເຂົ້າໃນການປັບປຸງນ້ຳໃຈຄວາມສາມັກຄີ, ມິດຕະພາບລະຫວ່າງຫວຽດນາມ ແລະ ບັນດາປະເທດບ້ານໃກ້ເຮືອນຄຽງອີກດ້ວຍ, ຍົກສູງທີ່ຕັ້ງດ້ານມະນຸດສະທຳຂອງ ຫວຽດນາມ ໃນສາຍຕາຂອງເພື່ອນມິດສາກົນ.
 |
| ການສິດສອນສໍາລັບນັກຮຽນທີ່ພັກເຊົາຢູ່ໃນວັດ. (ພາບ: VOV) |
ນອກຈາກນັ້ນ, ຢູ່ບັນດາທ້ອງຖິ່ນ, ສະມາຄົມພຸດທະສາສະໜາ ຫວຽດນາມ ຍັງໄດ້ຈັດຕັ້ງການເຄື່ອນໄຫວການກຸສົນຫຼາຍຢ່າງ, ໜູນຊ່ວຍບັນດາກຸ່ມຊົນເຜົ່າສ່ວນໜ້ວຍ ແລະ ຊຸມຊົນດ້ອຍໂອກາດ. ບັນດາເຫດການຄື ພິທີກຳວູລານ, ບຸນປີໃໝ່ປະຈຳຊາດຫວຽດນາມ, ວັນບຸນໃຫຍ່ Vesak, ພ້ອມກັນກັບບັນດາໂຄງການກວດ ແລະ ປິ່ນປົວພະຍາດໂດຍບໍ່ເສຍຄ່າ, ກໍ່ສ້າງຂົວ, ເສັ້ນທາງຢູ່ເຂດຫ່າງໄກສອກຫຼີກ ໄດ້ກາຍເປັນຂົວຕໍ່ເພື່ອຊ່ວຍຊຸກຍູ້ຄວາມເຂົ້າໃຈ ແລະ ການຮ່ວມມືສາກົນ.
ການສົນທະນາລະຫວ່າງສາສະໜາ ແລະ ການແລກປ່ຽນສາກົນ
ສະມາຄົມພຸດທະສາສະໜາ ຫວຽດນາມ ໄດ້ເຂົ້າຮ່ວມບັນດາເວທີປາໄສສົນທະນາລະຫວ່າງສາສະໜາ ແລະ ວັດທະນະທຳສາກົນຢ່າງຕັ້ງໜ້າ, ພິເສດແມ່ນບັນດາໂຄງການຂອງສະຫະປະຊາຊາດ ແລະ ບັນດາເວທີປາໄສພາກພື້ນຄື ການສົນທະນາສາສະໜາ ແລະ ວັດທະນະທຳ ອາຊຽນ, ການສົນທະນາລະຫວ່າງສາສະໜາ ອາຊີ - ເອີລົບ ແລະ ການສົນທະນາສາສະໜາລະຫວ່າງສາສະໜາພາກພື້ນ ອາຊີ - ປາຊີຟິກ. ບັນດາການເຄື່ອນໄຫວນີ້ ໄດ້ຊ່ວຍໃຫ້ສະມາຄົມພຸດທະສາສະໜາ ຫວຽດນາມ ເຜີຍແຜ່ສານກ່ຽວກັບສັນຕິພາບ, ຄວາມຮັກແພງ ແລະ ຄວາມຮັບຜິດຊອບຕໍ່ສັງຄົມໃນປະຊາຄົມສາກົນ.
ໃນອtນາຄົດ, ສະມາຄົມພຸດທະສາສະໜາ ຫວຽດນາມ ຈະສືບຕໍ່ຊຸກຍູ້ບັນດາການເຄື່ອນໄຫວທາງການທູດ, ພິເສດແມ່ນການເປັນເຈົ້າພາບຈັດຈັດຕັ້ງວັນບຸນໃຫຍ່ Vesak ສະຫະປະຊາຊາດປີ 2025 ຢູ່ ນະຄອນໂຮ່ຈີມິນ. ນີ້ແມ່ນໂອກາດອັນໃຫຍ່ຫຼວງເພື່ອໃຫ້ສະມາຄົມພຸດທະສາສະໜາ ຫວຽດນາມ ຢືນຢັນບົດບາດ ແລະ ທີ່ຕັ້ງຂອງຕົນ, ປະກອບສ່ວນຍົກສູງຮູບພາບຂອງ ຫວຽດນາມ ໃນເວທີສາກົນ.
 | ໄຂງານບຸນເພື່ອສັນຕິພາບ ປີ 2024: ຮ່ວມແຮງຮ່ວມໃຈສ້າງສັນໂລກແຫ່ງສັນຕິພາບ ຍສໝ - ແຫຼ່ງບັນດານໃຈຂອງທ່ານ ດັ້ງເລມິງຈີ, ຫົວໜ້າຄະນະກຳກັບລາຍການສະແດງສິລະປະໄດ້ເລີ່ມມາຈາກຂົວ ຮ່ຽນເລືອງ, ຂົວຕໍ່ສະແດງຄວາມຄາດຫວັງທ້ອນໂຮມປະເທດຊາດເປັນເອກະພາບ, ຈິດໃຈຜູກພັນລະຫວ່າງ ອະດີດ ກັບ ອະນາຄົດ ໃນການເດີນທາງຂອງຜູ້ຮັກຫອມສັນຕິພາບ. |
 | ຍສໝ - ປະຊາຊົນສອງປະເທດ ແມ່ນປັດໄຈຢ່າງໝັ້ນແກ່ນຂອງສາຍພົວພັນມິດຕະພາບທີ່ເປັນມູນເຊື້ອອັນຍາວນານ, ໝັ້ນແກ່ນ ແລະ ສາຍພົວພັນມິດແບບພິເສດລະຫວ່າງ ຫວຽດນາມ - ລັດເຊຍ |
ມີງດຶກ
