 | ທ່ານນາຍົກລັດຖະມົນຕີຫວຽດນາມ ສະເໜີໃຫ້ກຸ່ມບໍລິສັດແຖວໜ້າ 4 ແຫ່ງຂອງ UAE ລົງທຶນເຂົ້າໃນບັນດາຂົງເຂດຍຸດທະສາດ |
| ແນະນຳມາດຕະການແກ້ໄຂສີຂຽວ ຊູແອດ ໃຫ້ບັນດາຄູ່ຮ່ວມມືຫວຽດນາມ |
ທ່ານນາຍົກລັດຖະມົນຕີ ຫວຽດນາມ ໄດ້ຕີລາຄາຕາມພື້ນຖານບັນດາຈຸດຄ້າຍຄືກັນນັ້ນ, ການພົວພັນ ຫວຽດນາມ - ບຣາຊິນ ມີການພັດທະນາໃນຫຼາຍຂົງເຂດໃນໄລຍະທີ່ຜ່ານມາ. 2 ປະເທດໄດ້ແລກປ່ຽນຄະນະຜູ້ແທນຂັ້ນສູງ ແລະ ທຸກຂັ້ນຢ່າງເປັນປະຈຳ, ເສດຖະກິດ - ການຄ້າເຕີບໂຕແບບຍືນຍົງ, ພ້ອມກັນນັ້ນ, ສອງຝ່າຍກໍ່ສົມທົບກັນຢ່າງແໜ້ນແຟ້ນຢູ່ບັນດາເວທີປາໄສຫຼາຍຝ່າຍ.
 |
| ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ແລະ ທ່ານປະທານາທິບໍດີ Brazilian Luiz Inácio Lula da Silva ທີ່ກອງປະຊຸມພົບປະ. (ພາບ: ໜັງສືພິມລັດຖະບານ) |
ໂດຍເຫັນດີເປັນເອກະພາບກັບບັນດາການຕີລາຄາຂອງທ່ານນາຍົກລັດຖະມົນຕີ ຫວຽດນາໃມ ຟ້າມມິງຈິງ, ທ່ານປະທານາທິບໍດີ Lula da Silva ເຫັນດີເປັນເອກະພາບຈະສົມທົບກັນໃນການຜັນຂະຫຍາຍບັນດາມາດຕະການເພີ່ມທະວີການພົວພັນລະຫວ່າງ 2 ປະເທດກ່ວາອີກໃນໄລຍະຈະມາເຖິງ, ໃນນັ້ນ ລວມມີເພີ່ມທະວີການແລກປ່ຽນຄະນະຜູ້ແທນ ແລະ ການພົວພັນທຸກຂັ້ນ, ພິເສດແມ່ນຂັ້ນສູງ; ສົມທົບກັນໃນການຜັນຂະຫຍາຍບັນດາເອກະສານຮ່ວມມືທີ່ໄດ້ລົງນາມຢ່າງມີປະສິດທິຜົນ.
ທ່ານປະທານາທິບໍດີ Lula da Silva ກໍ່ໄດ້ຮັບຮູ້ບັນດາຂໍ້ສະເໜີຢ່າງຕັ້ງໜ້າຂອງທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ກ່ຽວກັບເລື່ອງ ບຣາຊິນ ໄດ້ຮັບຮູ້ຂໍ້ກຳນົດກົດລະບຽບເສດຖະກິດທ້ອງຕະຫຼາດຂອງ ຫວຽດນາມ, ກໍ່ຄືຈະເລີ່ມດຳເນີນການເຈລະຈາສັນຍາການຄ້າເສລີກັບກຸ່ມທ້ອງຕະຫຼາດລວມ ອາເມລິກາໃຕ້ (MERCOSUR) ໃນປີ 2025 ໂດຍໄວ ເພື່ອນຳມາເຊິ່ງຜົນປະໂຫຍດຕົວຈິງໃຫ້ທັງສອງຝ່າຍ, ປະກອບສ່ວນເຂົ້າໃນພາລະກິດພັດທະນາຂອງແຕ່ລະປະເທດ.
ດ້ວຍວິໄສລວມມີລັກສະນະຍຸດທະສາດ ເພື່ອຍົກການພົວພັນລະຫວ່າງສອງປະເທດໃຫ້ພັດທະນາຢ່າງເລິກເຊິ່ງ, ແທດຈິງກວ່າອີກໃນບັນດາແງ່ມຸມສອງຝ່າຍ, ພາກພື້ນ ແລະ ໃນໂລກ, ໃນໂອກາດນີ້, ການນຳສອງປະເທດໄດ້ເຫັນດີເປັນເອກະພາບຍົກລະດັບການພົວພັນລະຫວ່າງສອງປະເທດ ຫວຽດນາມ - ບຣາຊິນ ຂຶ້ນເປັນຄູ່ຮ່ວມມືຍຸດທະສາດ ໄດ້ອອກຖະແຫຼງການຮ່ວມລະຫວ່າງ ຫວຽດນາມ - ບຣາຊິນ ກ່ຽວກັບການຍົກລະດັບການພົວພັນເປັນຄູ່ຮ່ວມມືຍຸດທະສາດ ດ້ວຍບັນດາຫຼັກການ ແລະ ທິດທາງໃຫຍ່.
ການນຳສອງທ່ານໄດ້ຊີ້ນຳໃຫ້ການນຳກະຊວງການຕ່າງປະເທດສອງປະເທດ ຜັນຂະຫຍາຍການກໍ່ສ້າງ ແລະ ສຳເລັດບັນດາເນື້ອໃນຂອງການພົວພັນຄູ່ຮ່ວມມືຍຸດທະສາດ ຫວຽດນາມ - ບຣາຊິນ ໂດຍໄວ.
ສອງຝ່າຍກໍ່ໄດ້ເຫັນດີເປັນເອກະພາບຈະສົມທົບກັນ ເພື່ອຜັນຂະຫຍາຍບັນດາມາດຕະການເພີ່ມທະວີການພົວພັນສອງຝ່າຍໃຫ້ແທດເໝາະກັບຂອບເຂດການພົວພັນໃໝ່, ລວມມີ ການເພີ່ມທະວີການພົບປະແລກປ່ຽນຄະນະຜູ້ແທນ ແລະ ພົບປະທຸກຂັ້ນ, ພິເສດແມ່ນຂັ້ນສູງ; ສົມທົບກັນເພື່ອຜັນຂະຫຍາຍບັນດາເອກະສານການຮ່ວມມືທີ່ໄດ້ລົງນາມໃນການຢ້ຽມຢາມຂອງທ່ານນາຍົກລັດຖະມົນຕີ ຟ້າມມິງຈິງ ໃນເດືອນກັນຍາ 2023 ຢ່າງມີປະສິດທິຜົນ, ໃນນັ້ນມີສັນຍາຮ່ວມມືດ້ານການສຶກສາ, ແຜນການເຄື່ອນໄຫວໃນການຜັນຂະຫຍາຍ MOU ຮ່ວມມືກ່ຽວກັບກະສິກຳ ແລະ ແຜນການເຄື່ອນໄຫວໃນການຜັນຂະຫຍາຍການຮ່ວມມືໄລຍະ 2024 – 2025 ລະຫວ່າງສອງສະຖາບັນການທູດ; ສົມທົບກັນເພື່ອຈັດຕັ້ງກອງປະຊຸມຄັ້ງທີ 3 ຄະນະກຳມະການປະສົມ ຫວຽດນາມ - ບຣາຊິນ ກ່ຽວກັບການຮ່ວມມືເສດຖະກິດ ແລະ ການຄ້າ ໂດຍໄວ, ກອງປະຊຸມຄັ້ງທຳອິດຂອງຄະນະກຳມະການປະສົມກ່ຽວກັບວິທະຍາສາດ ແລະ ເຕັກໂນໂລຢີ ແລະ ກອງປະຊຸມຄັ້ງທີ 9 ກົນໄກປຶກສາຫາລືດ້ານການເມືອງລະຫວ່າງສອງກະຊວງການຕ່າງປະເທດ; ການບຳລຸງສ້າງພອນສະຫວັນບານເຕະຫນຸ່ມ; ພ້ອມກັນນັ້ນ, ກໍ່ຊຸກຍູ້ການເປີດກ້ວາງຄວາມສາມາດຮ່ວມມືໃນບັນດາຂົງເຂດໃໝ່ທີ່ເໝາະສົມກັບຄວາມຕ້ອງການຂອງສອງຝ່າຍເຊັ່ນ: ເຕັກໂນໂລຢີສູງ, ການຫັນເປັນດິຈິຕອນ, ການຫັນເປັນພະລັງງານ, ເຊື້ອເພີງຊີວະສາດ, ການປົກປັກຮັກສາສິ່ງແວດລ້ອມ, ການຮັບມືການປ່ຽນແປງຂອງດິນຟ້າອາກາດ.
ການນຳ 2 ທ່ານ ໄດ້ຕີລາຄາສູງຄວາມສຳຄັນຂອງການຮ່ວມມືດ້ານປ້ອງກັນຊາດ - ປ້ອງກັນຄວາມສະຫງົບ ແລະ ເຫັນດີເປັນເອກະພາບໃນການເພີ່ມທະວີການຮ່ວມມືດ້ານການບຳລຸງສ້າງພະນັກງານ, ອຸດສາຫະກຳປ້ອງກັນຊາດ ແລະ ການຄ້າດ້ານປ້ອງກັນຊາດ, ພະລາທິການ, ການແພດທະຫານ, ການຮັກສາສັນຕິພາບບົນພື້ນຖານບົດບັນທຶກຊ່ວຍຈຳກ່ຽວກັບການຮ່ວມມືດ້ານປ້ອງກັນຊາດ ທີ່ໄດ້ລົງນາມໃນເດືອນກັນຍາ 2023, ຊຸກຍູ້ການຮ່ວມມືປ້ອງກັນຊາດ, ຕ້ານອາດຊະຍາກຳຂ້າມຊາດ, ຄວາມປອດໄພທາງອິນເຕີເນັດ...
 | ຍສໝ - ວັນທີ 1 ຕຸລາ, ຢູ່ ນະຄອນໂຮ່ຈີມິນ (HCMC), ສະມາຄົມມິດຕະພາບ ຫວຽດນາມ - ສິງກະໂປ ໂດຍມີການສົມທົບ, ໜູນຊ່ວຍຂອງກົງສຸນໃຫຍ່ ສິງກະໂປ ປະຈໍາ ນະຄອນໂຮ່ຈີມິນ ໄດ້ຈັດຕັ້ງລາຍການ “ເຊື່ອມຕໍ່ການຊຸກຍູ້ການຄ້າ, ການລົງທຶນ ຫວຽດນາມ - ສິງກະໂປ”. ນີ້ແມ່ນເວທີປາໄສເພື່ອຊ່ວຍໃຫ້ວິສາຫະກິດຂອງທັງສອງປະເທດກຳແໜ້ນທ່າອ່ຽງດຳເນີນທຸລະກິດໃໝ່, ຊອກຫາຄູ່ຮ່ວມມື ... |
 | ຍສໝ - ໃນຂອບເຂດການໄປຢ້ຽມຢາມເພື່ອເຂົ້າຮ່ວມສັບປະດາຂັ້ນສຸງສະມັດຊາໃຫຍ່ສະຫະປະຊາຊາດ ຊຸດທີ 79 ແລະ ເຮັດວຽກຢູ່ ອາເມລິກາ, ທ່ານເລຂາທິການໃຫຍ່, ປະທານປະເທດ ຫວຽດນາມ ໂຕເລີມ ໄດ້ມີການເຄື່ອນໄຫວສຳຄັນຫຼາຍຢ່າງເພື່ອຊຸກຍູ້ການພົວພັນຮ່ວມມືລະຫວ່າງ ຫວຽດນາມ ແລະ ອາເມລິກາ ໃນບັນດາຂົງເຂດຍຸດທະສາດເຊັ່ນ ອຸດສາຫະກໍາເຄິ່ງຊັກນຳໄຟຟ້າ, ປັນຍາປະດິດ(AI) ແລະ ການບິນ. |
ມີງດຶກ
