 | ການນຳລາວ ຢື້ຢາມຖາມຂ່າວ ຫວຽດນາມ ກ່ຽວກັບພາຍຸເລກທີ 3 (Yagi) |
| ທະຫານເຮືອ ເຂດ 1 ກຽມພ້ອມຈັດຕັ້ງການຊ່ວຍກູ້ໄພຢ່າງທັນການກ່ອນພະຍຸ Yagi ພັດເຂົ້າ |
ກອງທຶນເດັກແຫ່ງສະຫະປະຊາຊາດ (UNICEF) ໄດ້ຂົນສົ່ງເມັດຕອງນ້ຳ 80.000 ເມັດຢ່າງຮີບດ່ວນ ໄປໃຫ້ສູນຄວບຄຸມພະຍາດແຂວງ ໄທງວຽນ; ນ້ຳ 4.000 ລິດ ມອບໃຫ້ໂຮງໝໍແຂວງ ລາວກາຍ ເພື່ອຮັບປະກັນການສະໜອງນ້ຳດື່ມໃຫ້ແກ່ປະຊາຊົນ 800 ຄົນ. ໃນຊຸມມື້ຈະມາເຖິງ, ອົງການ UNICEF ຈະສະໜອງເມັດຕອງນ້ຳ, ອ່າງເກັບນ້ຳ, ເຄື່ອງກັ່ນຕອງດິນເຜົາ, ນ້ຳຢາງລ້າງມືແບບແຫ້ງ ແລະ ສະບູ ໃຫ້ແກ່ອຳນາດການປົກຄອງທ້ອງຖິ່ນ ເພື່ອແຈກຢາຍໃຫ້ບັນດາຄົວເຮືອນ, ໂຮງຮຽນ ແລະ ຮາກຖານສາທາລະນະສຸກຢູ່ບັນດາແຂວງ ອຽນບ໋າຍ ແລະ ລາວກາຍ.
 |
| ທ່ານນາງ Silvia Danailov - ຫົວໜ້າຄະນະຜູ້ຕາງໜ້າອົງການ UNICEF ປະຈຳ ຫວຽດນາມ |
ທ່ານນາງ Silvia Danailov - ຫົວໜ້າຄະນະຜູ້ຕາງໜ້າອົງການ UNICEF ປະຈຳ ຫວຽດນາມ - ໃຫ້ຮູ້ວ່າ “UNICEF ໃຫ້ຄຳໝັ້ນສັນຍາຈະສະໜອງການໜູນຊ່ວຍຢ່າງຮີບດ່ວນ ແລະ ຍືນຍົງໃຫ້ແກ່ລັດຖະບານ ຫວຽດນາມ ເພື່ອຮັບປະກັນໃຫ້ເດັກນ້ອຍ ແລະ ຄອບຄົວໄດ້ເຂົ້າເຖິງບັນດາການບໍລິການທີ່ຈຳເປັນ. ພວກຂ້າພະເຈົ້າ ໄດ້ເລີ່ມແຈກຢາຍບັນດາເຄື່ອງຊ່ວຍເຫຼືອ ແລະ ພວມລະດົມທຸກແຫຼ່ງກຳລັງໃຫ້ແກ້ໄຂຄວາມຕ້ອງການອັນຮີບດ່ວນໃນຈໍານວນຫຼວງຫຼາຍ. ເດັກນ້ອຍຈໍານວນຫຼາຍ ຂາດການເຂົ້າເຖິງນໍ້າສະອາດ, ສຸຂາພິບານ, ການດູແລສຸຂະພາບ ແລະ ການສຶກສາ. ພວກເຮົາຕ້ອງປະຕິບັດຢ່າງວ່ອງໄວເພື່ອຟື້ນຟູການບໍລິການທີ່ຈໍາເປັນເຫຼົ່ານີ້. ຄວາມເສຍຫາຍທີ່ເກີດຈາກພະຍຸYagi ເທື່ອນີ້ ໄດ້ເຕືອນພວກເຮົາກ່ຽວກັບຜົນກະທົບຂອງເຫດການສະພາບອາກາດທີ່ຮ້າຍແຮງຕໍ່ເດັກນ້ອຍ, ໃນສະພາບການທີ່ການປ່ຽນແປງຂອງດິນຟ້າອາກາດນັບມື້ນັບເພີ່ມຂຶ້ນ".
ເກືອບ 19 ລ້ານຄົນ, ລວມມີເດັກນ້ອຍ 5,5 ລ້ານຄົນ, ທີ່ດຳລົງຊີວິດຢູ່ບັນດາແຂວງທີ່ໄດ້ຮັບຜົນກະທົບຢ່າງໜັກໜ່ວງທີ່ສຸດຄື: ລາວກາຍ, ຕວຽນກວາງ, ກາວບັ່ງ, ອຽນບ໋າຍ, ກວາງນິງ, ຫາຍຟ່ອງ, ຮ່າໂນ້ຍ, ໄທບິ່ງ, ຫາຍເຢືອງ, ຮວ່າບິ່ງ, ໄທງວຽນ ແລະ ຟູເຖາະ. ພາຍຸຮຸນແຮງ Yagi ໄດ້ທຳລາຍ 26 ແຂວງທາງພາກເໜືອ, ເຮັດໃຫ້ 324 ຄົນເສຍຊີວິດ ຫຼື ຫາຍສາບສູນ, ໃນນັ້ນມີເດັກນ້ອຍ 24 ຄົນ. ຄາດຄະເນວ່າ ພາຍຸດັ່ງກ່າວໄດ້ສ້າງຄວາມເສຍຫາຍໃຫ້ເຮືອນ 141.469 ຫຼັງ, ຮາກຖານສາທາລະນະສຸກ 550 ແຫ່ງ ແລະ ໂຮງຮຽນ 805 ແຫ່ງ. ປະມານ 400.000 ຄົວເຮືອນ ບໍ່ມີນ້ຳໃຊ້. ເດັກນ້ອຍປະມານ 2 ລ້ານຄົນ ບໍ່ໄດ້ເຂົ້າເຖິງການເຂົ້າເຖິງການສຶກສາ, ການໜູນຊ່ວຍດ້ານຈິດໃຈ ແລະ ໂຄງການໂພຊະນາການໃນໂຮງຮຽນຖືກຂາດວັກຂາດຕອນ.
 |
| ເຄື່ອງຊ່ວຍເຫຼືອຂອງອົງການ UNICEF, |
ເພື່ອໜູນຊ່ວຍບັນດາການຮັບມືຢ່າງຂ້ຽວຂາດ ແລະ ມີປະສິດທິຜົນຂອງລັດຖະບານ ຫວຽດນາມ ຕໍ່ໄພທຳມະຊາດຄັ້ງນີ້, ອົງການ UNICEF ໃຫ້ບຸລິມະສິດບັນດາການຍື່ນມືເຂົ້າຊ່ວຍເຫຼືອ ລວມມີ:
- ສະໜອງມາດຕະການແກ້ໄຂນ້ຳ, ອຸປະກອນສຸຂະອະນາໄມ ແລະ ການເກັບນ້ຳທີ່ປອດໄພໃຫ້ແກ່ຄອບຄົວ, ຮາກຖານສາທາລະນະສຸກ ແລະ ໂຮງຮຽນ.
- ຂົນສົ່ງອຸປະກອນການແພດຢ່າງຮີບດ່ວນ, ລວມມີ ວັກຊີນ, ຜະລິດຕະພັນປິ່ນປົວການຂາດສານອາຫານ, ເມັດເພີ່ມທາດບຳລຸງ ແລະ ຊຸດເຄື່ອງອະນາໄມສ່ວນຕົວ ໃຫ້ແກ່ສູນກາງສາທາລະນະສຸກໃນເຂດທີ່ປະສົບກັບຜົນກະທົບຢ່າງໜັກໜ່ວງ.
- ໜູນຊ່ວຍໂຮງຮຽນໂດຍການສ້າງຕັ້ງເຂດການສອນ-ການຮຽນຊົ່ວຄາວ; ສະໜອງອຸປະກອນໂຮງຮຽນ, ພ້ອມກັນນັ້ນ ກໍ່ຊ່ວຍເຫຼືອທາງດ້ານຈິດໃຈໃຫ້ແກ່ເດັກນ້ອຍທີ່ໄດ້ຮັບຜົນກະທົບຈາກໄພພິບັດ.
- ສະໜອງອຸປະກອນທີ່ຈຳເປັນ - ລວມມີເອກະສານຊ່ວຍເຫຼືອທາງດ້ານຈິດໃຈ, ເຄື່ອງມືການສຶກສາ, ເຄື່ອງໃຊ້ອະນາໄມ ແລະ ຜະລິດຕະພັນດູແລສຸຂະພາບຂັ້ນພື້ນຖານ - ໃຫ້ແກ່ເດັກນ້ອຍ ແລະ ຄອບຄົວທີ່ໄດ້ຮັບຜົນກະທົບຢ່າງໜັກໜ່ວງ.
- ຊ່ວຍເຫຼືອດ້ານການເງິນໃຫ້ແກ່ຄອບຄົວທີ່ຖືກຄວາມສ່ຽງງ່າຍ, ພິເສດແມ່ນບັນດາຄອບຄົວທີ່ມີເດັກນ້ອຍ ແລະ ແມ່ຍິງຖືພາ, ຊ່ວຍໃຫ້ເຂົາເຈົ້າຕອບສະໜອງຄວາມຕ້ອງການອັນຮີບດ່ວນ ແລະ ຟື້ນຟູໄດ້ໄວຂຶ້ນພາຍຫຼັງໄພພິບັດ.
ອົງການ UNICEF ພວມລະດົມແຫຼ່ງທຶນທັງໝົດເພື່ອຮັບປະກັນການຊ່ວຍເຫລືອຢ່າງຮີບດ່ວນ ແລະ ທັນເວລາ. UNICEF ຕ້ອງການເງິນປະມານ 11 ລ້ານ USD ເພື່ອຊ່ວຍເຫຼືອເດັກນ້ອຍທີ່ຖືກຄວາມສ່ຽງງ່າຍທີ່ສຸດ. ເມື່ອຜົນກະທົບຂອງພະຍຸໄດ້ສະຖິຕິຢ່າງຄົບຖ້ວນກ່ວາ, ບັນດາແຫຼ່ງຊັບພະຍາກອນຈະຕ້ອງສືບຕໍ່ລະດົມເພື່ອຕອບສະຫນອງຄວາມຕ້ອງການອັນຮີບດ່ວນຂອງເດັກນ້ອຍ ແລະ ຄອບຄົວໃນເຂດທີ່ຖືກຜົນກະທົບ.
 | ອາຊີ ສຸມກຳລັງແຮງເຂົ້າໃນການກູ້ໄພ, ຮັບມືກັບພາຍຸ Yagi ຍສໝ - ບັນດາປະເທດທີ່ໄດ້ຮັບຜົນກະທົບຈາກພະຍຸ Yagi ແມ່ນ ຈີນ, ຫວຽດນາມ, ລາວ, ກຳປູເຈຍ, ໄທ ພວມຮັບມືກັບພາຍຸຢ່າງຮີບດ່ວນ, ກະກຽມບັນດາເງື່ອນໄຂທີ່ຈຳເປັນໃຫ້ແກ່ວຽກງານກູ້ໄພ. |
 | ພາຍຸ Yagi ພັດຖະຫຼົ່ມນະຄອນ ຫາຍຟ່ອງ ແລະ ແຂວງກວາງນີງ ດ້ວຍແຮງລົມລະດັບ 13 ຍສໝ - ຕອນທຽງວັນທີ 7 ກັນຍາ ພາຍຸ Yagi ໄດ້ພັດເຂົ້າເຂດກວາງນິງ, ນະຄອນ ຫາຍຟ່ອງ, ພາໃຫ້ເກີດຝົນຕົກໜັກ, ລົມແຮງລະດັບ 11-12, ແລະ ແຮງລົມສູນກາງພາຍຸລະດັບ13, ຄວາມໄວລົມ ສູງສຸດປະມານ 133 ກິໂລແມັດ ຕໍ່ຊົ່ວໂມງ. |
ມີງດຶກ
