ຕາມນັ້ນແລ້ວ, ທ່ານຮອງນາຍົກລັດຖະມົນຕີ ຫວຽດນາມ ໄດ້ຊີ້ນຳກະຊວງກະສິກຳ ແລະ ພັດທະນາຊົນນະບົດ ແຈກຢາຍເເນວພັນເຂົ້າໂດຍບໍ່ເສຍຄ່າ 137,25 ໂຕນ ຈາກແຫຼ່ງສຳຮອງແຫ່ງຊາດ ໜູນຊ່ວຍໃຫ້ແຂວງ ອຽນບ໋າຍ ເພື່ອຟື້ນຟູການຜະລິດຍ້ອນຜົນສະທ້ອນຂອງພາຍຸເລກທີ 3.
 |
| ພະນັກງານຫ້ອງການກະສິກຳເມືອງ ໄດ້ລົງໄປບັນດາທ້ອງຖິ່ນ ເພື່ອເເນະນຳ, ໜູນຊ່ວຍປະຊາຊົນໃນການປູກຝັງ, ຟື້ນຟູການຜະລິດ. |
ທ່ານຮອງນາຍົກລັດຖະມົນຕີ ຫວຽດນາມ ໄດ້ມອບໝາຍໃຫ້ກະຊວງກະສິກຳ ແລະ ພັດທະນາຊົນນະບົດ, ກະຊວງການເງິນຈັດການຢ່າງລະອຽດຕາມລະບຽບການ; ຮັບຜິດຊອບກ່ຽວກັບຂ່າວຄາວ ແລະ ຂໍ້ມູນລາຍງານ. ຄະນະກຳມະການປະຊາຊົນແຂວງ ອຽນບ໋າຍ ມີຄວາມຮັບຜິດຊອບກ່ຽວກັບຄວາມຊັດເຈນຂອງຂໍ້ມູນລາຍງານ ແລະ ປະຕິບັດການຮັບເອົາ, ຈັດແບ່ງແຈກຢາຍ ແລະ ນຳໃຊ້ເເນວພັນປູກພືດດັ່ງກ່າວນີ້ຢ່າງທັນທີ, ຖືກຕາມລະບຽບການ.
ທີ່ກອງປະຊຸມອອນໄລສະຫຼຸບເບື້ອງຕົ້ນ, ຕີລາຄາ, ຖອດຖອນປະສົບການກ່ຽວກັບວຽກງານປ້ອງກັນ ແລະ ແກ້ໄຂຜົນຮ້າຍຢ້ອນຫຼັງຈາກພະຍຸເລກທີ 3 (ຕອນເຊົ້າຂອງວັນທີ 28 ກັນຍາ 2024), ການນຳແຂວງ ອຽນບ໋າຍ ໃຫ້ຮູ້ວ່າ ພະຍຸເລກທີ 3 ໄດ້ສ້າງຄວາມເສຍຫາຍຢ່າງໜັກໜ່ວງໃຫ້ທ້ອງຖິ່ນ, ເຮັດໃຫ້ມີຄົນເສຍຊີວິດ 54 ຄົນ, ຄົນໄດ້ຮັບບາດເຈັບ 42 ຄົນ, ເຮືອນຖືກນ້ຳຖ້ວມ 27.000 ຫຼັງ ແລະ ເນື້ອທີ່ກະສິກຳຫຼາຍກວ່າ 7.000 ເຮັກຕາຖືກຝັງ ຫຼື ຖືກດິນພັດຖົມ. ນອກນີ້, ບັນດາກິດຈະກຳໂຄງລ່າງຄົມມະນາຄົມ, ສາທາລະນະສຸກ ແລະ ການສຶກສາກໍ່ໄດ້ຮັບຄວາມເສຍຫາຍຢ່າງໜັກໜ່ວງ. ຄາດຄະເນຄວາມເສຍຫາຍທັງໝົດແມ່ນປະມານ 5.700 ຕື້ດົ່ງ.
ກ່ອນໜ້ານັ້ນ, ວັນທີ 14 ກັນຍາ 2024, ທ່ານຮອງນາຍົກລັດຖະມົນຕີ ຫວຽດນາມ ໂຮ່ດຶກເຟີກ ໄດ້ລົງນາມໃນຂໍ້ຕົກລົງເລກທີ 980/QD-TTg ໜູນຊ່ວຍສຸກເສີນ ເພື່ອແກ້ໄຂຄວາມເສຍຫາຍຈາກພະຍຸເລກທີ 3 ໃຫ້ແຂວງ ອຽນບ໋າຍ.
ລະອຽດແມ່ນ ໜູນຊ່ວຍ 30 ຕື້ດົ່ງໃຫ້ແຂວງ ອຽນບ໋າຍ ຈາກແຫຼ່ງງົບປະມານສຳຮອງສູນກາງ ປີ 2024 ເພື່ອແກ້ໄຂຜົນຮ້າຍຢ້ອນຫຼັງຈາກພາຍຸເລກທີ 3 ແລະ ສ້າງຊີວິດການເປັນຢູ່ຂອງປະຊາຊົນໃຫ້ເປັນປົກກະຕິ.
 | ຫວຽດນາມ ມອບກິດຈະກຳຊົນລະປະທານໃຫ້ແຂວງ ໄຊສົມບູນ ຂອງລາວ ຍສໝ - ຫວ່າງແລ້ວນີ້, ຢູ່ແຂວງໄຊສົມບູນ, ພາກເໜືອຂອງລາວ ໄດ້ດຳເນີນພິທີເປີດສະຫຼອງ ແລະມອບ-ຮັບໂຄງການກໍ່ສ້າງລະບົບຊົນລະປະທານ 4 ແຫ່ງ ຢູ່ເມືອງ ອະນຸວົງ ແລະ ເມືອງທ່າໂທມ. |
 | ຍສໝ - ວັນທີ 17 ເມສາ, ຢູ່ແຂວງ ດົ່ງນາຍ ໄດ້ດຳເນີນກອງປະຊຸມໃຫຍ່ສະມາຄົມມິດຕະພາບ ຫວຽດນາມ - ຝຣັ່ງ ແຂວງ ດົ່ງນາຍ ຄັ້ງທີ 2. ຢູ່ທີ່ນີ້, ປະທານສະມາຄົມມິດຕະພາບ ຫວຽດນາມ - ຝຣັ່ງ ແຂວງ ດົ່ງນາຍ ອາຍຸການ 2024 – ... |
ມີງດຶກ
