ຮັບປະກັນສິດທິມະນຸດຢ່າງຮອບດ້ານ
ໃນຮອບວຽນກວດກາຄືນ UPR ກ່ອນນີ້, ຫວຽດນາມ ສືບຕໍ່ໄດ້ອັບເດດ, ສ້າງບັນດາລະບົບນະໂຍບາຍ ແລະ ກົດໝາຍໃຫ້ສົມບູນແບບເພື່ອຮັບປະກັນສິດທິມະນຸດໃຫ້ປະຊາຊົນທຸກຄົນ, ເໝາະສົມກັບບັນດາຄຳໝັ້ນສັນຍາສາກົນທີ່ ຫວຽດນາມ ໄດ້ລົງນາມ. ໜຶ່ງໃນບັນດາຈຸດທີ່ປະກາຍແຈ້ງແມ່ນການປະກາດໃຊ້ຍຸດທະສາດພັດທະນາເສດຖະກິດ-ສັງຄົມ 2021-2030 ແລະ ແຜນການພັດທະນາເສດຖະກິດ-ສັງຄົມ 2021-2025. ຫວຽດນາມ ວາງເປົ້າໝາຍກາຍເປັນປະເທດພວມພັດທະນາ, ມີອຸດສາຫະກຳທັນສະໄໝ, ມີລາຍຮັບປານກາງສູງໃນປີ 2030 ແລະ ກາຍເປັນປະເທດພັດທະນາ, ມີລາຍຮັບສູງໃນປີ 2045.
ພິເສດ, ຫວຽດນາມ ໄດ້ປະກາດໃຊ້ຫຼາຍນະໂຍບາຍທີ່ມຸ່ງໄປເຖິງການຮັບປະກັນສະຫວັດດີການສັງຄົມ, ຍົກສູງຄຸນນະພາບຊີວິດຂອງບັນດາກຸ່ມຄົນທີ່ຖືກຄວາມສ່ຽງງ່າຍ, ລວມມີຜູ້ອາຍຸສູງ, ຄົນພິການ, ເດັກນ້ອຍ ແລະ ຜູ້ມີຄຸນງາມຄວາມດີ. ໂຄງການຍົກສູງຄຸນນະພາບການປົກປ້ອງ, ເບິ່ງແຍງດູແລສຸຂະພາບໃຫ້ແກ່ປະຊາຊົນທີ່ມີຄຸນງາມຄວາມດີຕໍ່ການປະຕິວັດ, ຜູ້ອາຍຸສູງ, ເດັກນ້ອຍ, ຄົນພິການ ແລະ ບັນດາເປົ້າໝາຍທີ່ຕ້ອງການການຊ່ວຍເຫລືອສັງຄົມ ໄລຍະ 2021-2030 ໂດຍນາຍົກລັດຖະມົນຕີໄດ້ອະນຸມັດ, ໃນເດືອນພະຈິກ 2021, ເຊິ່ງເປັນຫຼັກຖານພະຍານແບບຢ່າງ. ໂຄງການນີ້ ໄດ້ວາງເປົ້າໝາຍເພື່ອຮັບປະກັນປະຊາຊົນຫມົດທຸກຄົນ, ພິເສດເເມ່ນບັນດາເປົ້າໝາຍທີ່ຖືກຄວາມສ່ຽງງ່າຍ ລ້ວນແຕ່ມີການເຂົ້າເຖິງບັນດາການບໍລິການເບິ່ງແຍງດູແລສຸຂະພາບ ແລະ ຮັບປະກັນຊີວິດສັງຄົມດ້ວຍວິທີທີ່ຍຸດຕິທໍາ, ມີປະສິດທິຜົນ.
 |
| ການລົງທຶນດ້ານການສຶກສາໃຫ້ເດັກຍິງ ໄດ້ຮັບຄວາມສົນໃຈແບບພິເສດຈາກລັດຖະບານ ຫວຽດນາມ. (ພາບ: Plan International Vietnam) |
ຕິດພັນການພັດທະນາແບບຍືນຍົງກັບສິດທິມະນຸດ
ການພັດທະນາແບບຍືນຍົງ ແລະ ສິດທິມະນຸດແມ່ນໄປຄຽງຄູ່ກັນໃນບັນດານະໂຍບາຍຂອງຫວຽດນາມ. ເປັນໜຶ່ງໃນບັນດາປະເທດເຂົ້າຮ່ວມໂຄງການດຳເນີນງານ 2030 ກ່ຽວກັບການພັດທະນາແບບຍືນຍົງຂອງສະຫະປະຊາຊາດຢ່າງຕັ້ງໜ້າ, ຫວຽດນາມ ໄດ້ໃຫ້ຄຳໝັ້ນສັນຍາຈະຄວບຄູ່ສິດທິມະນຸດເຂົ້າໃນທຸກດ້ານຂອງການພັດທະນາ. ສິ່ງນີ້ໄດ້ສະແດງໃຫ້ເຫັນຜ່ານການປະກາດໃຊ້ລະບົບ 158 ຕົວເລກຄາດໝາຍສະຖິຕິການພັດທະນາແບບຍືນຍົງ ແລະ ກໍ່ສ້າງຂັ້ນຕອນປະຕິບັດບັນດາເປົ້າໝາຍການພັດທະນາແບບຍືນຍົງ (SDGs) ຮອດປີ 2030, ຢືນຢັນເຖິງບົດບາດໃຈກາງຂອງສິດທິມະນຸດໃນຂະບວນການພັດທະນາ.
ບັນດາການປະຕິຮູບດ້ານເສດຖະກິດ ແລະ ສັງຄົມໃນໄລຍະແຕ່ປີ 2016 ມາຮອດປະຈຸປັນໄດ້ຊ່ວຍໃຫ້ ຫວຽດນາມ ບັນລຸໄດ້ຄວາມກ້າວໜ້າຫຼາຍຢ່າງໃນການຮັບປະກັນສິດທິມະນຸດ. ລັດຖະບານບໍ່ພຽງແຕ່ສຸມໃສ່ການເຕີບໂຕທາງດ້ານເສດຖະກິດເທົ່ານັ້ນ, ຫາກຍັງສ້າງບັນດາເງື່ອນໄຂເພື່ອໃຫ້ສິດທິມະນຸດໄດ້ຮັບການປະຕິບັດຢ່າງຮອບດ້ານ ເຊັ່ນ ການຮັບປະກັນການເຂົ້າເຖິງກັບການສຶກສາ, ການເບິ່ງແຍງທາງສາທາລະນະສຸກ ແລະ ຮັບປະກັນຊີວິດສັງຄົມຢ່າງສະເໝີພາບ. ວິວັດການນີ້ ຍັງລວມມີຄວາມຮັບຜິດຊອບໃນການຕິດຕາມ ແລະ ຕີລາຄາການປະຕິບັດບັນດາເປົ້າໝາຍການພັດທະນາແບບຍືນຍົງ, ຮັບປະກັນຄວາມກະຈ່າງແຈ້ງ ແລະ ຍຸຕິທຳ.
ການປົກປັກຮັກສາສິ່ງແວດລ້ອມ ແລະ ສິດດຳລົງຊີວິດໃນສະພາບສິ່ງແວດລ້ອມທີ່ສະອາດ, ປອດໃສ
ໜຶ່ງແງ່ມູມທີ່ພິເສດສຳຄັນໃນລະບົບນະໂຍບາຍກ່ຽວກັບສິດທິມະນຸດຂອງຫວຽດນາມ ແມ່ນການປົກປັກຮັກສາສິ່ງແວດລ້ອມ, ຮັບປະກັນສິດດຳລົງຊີວິດໃນສະພາບສິ່ງແວດລ້ອມທີ່ສະອາດປອດໃສ. ກົດໝາຍວ່າດ້ວຍການປົກປັກຮັກສາສິ່ງແວດລ້ອມປີ 2020 ກຳນົດຢ່າງຈະແຈ້ງວ່າ ການປົກປັກຮັກສາສິ່ງແວດລ້ອມຕ້ອງຕິດພັນກັບການຮັບປະກັນສິດທິມະນຸດ, ລວມມີສິດທິເດັກນ້ອຍ ແລະ ຄວາມສະເໝີພາບລະຫວ່າງຍິງ-ຊາຍ.
ຫວຽດນາມ ກໍ່ເຂົ້າຮ່ວມບັນດາຂໍ້ລິເລີ່ມສາກົນກ່ຽວກັບການປົກປັກຮັກສາສິ່ງແວດລ້ອມ ແລະ ການຮັບມືກັບການປ່ຽນແປງຂອງດິນຟ້າອາກາດຢ່າງຕັ້ງໜ້າ. ໃນປີ 2022, ຫວຽດນາມ ແລະ ບັນດາປະເທດ G7 ພ້ອມກັນກັບຄູ່ຮ່ວມມືສາກົນຈຳນວນໜຶ່ງ ໄດ້ຮັບຮອງຖະແຫຼງການການເມືອງສ້າງຕັ້ງການພົວພັນຄູ່ຮ່ວມມືກ່ຽວກັບການຫັນປ່ຽນພະລັງງານຍຸດຕິທຳ (JETP), ໃຫ້ຄຳໝັ້ນສັນຍາຈະລະດົມທຶນ 15,5 ຕື້ USD ເພື່ອໜູນຊ່ວຍຂະບວນການຫັນປ່ຽນພະລັງງານຢູ່ຫວຽດນາມ. ໂຄງການຜັນຂະຫຍາຍ JETP ຂອງລັດຖະບານພິເສດແມ່ນຖືປັດໄຈຍຸຕິທໍາເປັນສຳຄັນ, ຮັບປະກັນສິດຜົນປະໂຫຍດຂອງບັນດາກຸ່ມຄົນທີ່ຖືກຄວາມສ່ຽງງ່າຍໃນຂະບວນການຫັນປ່ຽນ, ພ້ອມກັນນັ້ນ ກໍ່ຊຸກຍູ້ການສ້າງວຽກເຮັດງານທຳສີຂຽວ, ປະກອບສ່ວນເຂົ້າໃນການພັດທະນາແບບຍືນຍົງ.
ສະກັດກັ້ນການສໍ້ລາດບັງຫຼວງ, ການປະຕິຮູບການບໍລິຫານ ເພື່ອຮັບປະກັນສິດທິພົນລະເມືອງ
ຫວຽດນາມ ກໍ່ບັນລຸໄດ້ບັນດາບາດກ້າວບຸກທະລຸທີ່ສຳຄັນໃນການຕໍ່ສູ້ຕ້ານການສໍ້ລາດບັງຫຼວງ ແລະ ການປະຕິຮູບດ້ານການບໍລິຫານ, ແມ່ນສອງປັດໄຈຫຼັກແຫຼ່ງໃນການປົກປັກຮັກສາສິດທິຂອງພົນລະເມືອງ. ກົດໝາຍວ່າດ້ວຍການປ້ອງກັນ, ຕ້ານການສໍ້ລາດບັງຫຼວງປີ 2019 ແມ່ນພື້ນຖານນິຕິກຳທີ່ໜັກແໜ້ນໃນການຕໍ່ສູ້ຕ້ານການສໍ້ລາດບັງຫຼວງ, ໄດ້ສະແດງໃຫ້ເຫັນຄວາມຕັດສິນໃຈທີ່ບໍ່ລົງລອຍກັນ, ບໍ່ມີ “ເຂດຫ້າມ”. ກົດໝາຍສະບັບນີ້ບໍ່ພຽງແຕ່ຊ່ວຍຍົກສູງການຄຸ້ມຄອງລັດຢ່າງມີປະສິດທິຜົນເທົ່ານັ້ນ ຫາກຍັງຮັບປະກັນສິດໄດ້ເຂົ້າເຖິງການບໍລິການສາທາລະນະຢ່າງຍຸດຕິທຳຂອງປະຊາຊົນອີກດ້ວຍ.
 | ເຊື່ອມຕໍ່, ໜູນຊ່ວຍບັນດານັກສຶກສາ ຫວຽດນາມ ທີ່ມາຮຽນຢູ່ ຝຣັ່ງ ເພື່ອຮ່ຳຮຽນ ແລະ ເຮັດວຽກ ຍສໝ - ວັນທີ 7 ກໍລະກົດ, ຢູ່ນະຄອນ ເກີນເທີ, ສະຫະພັນບັນດາອົງການຈັດຕັ້ງມິດຕະພາບນະຄອນ ສົມທົບກັບ Campus France Viet Nam (ພາກສ່ວນຮັບຜິດຊອບໄປຮຽນຢູ່ຕ່າງປະເທດຂອງສະຖານທູດ ຝຣັ່ງ ປະຈໍາ ຫວຽດນາມ), ສະມາຄົມຊາວໜຸ່ມນັກສຶກສາ ຫວຽດນາມ ປະຈຳ ຝຣັ່ງ (UEVF) ແລະ ມະຫາວິທະຍາໄລ ເກີນເທີ ... |
 | ຄະນະປະຕິບັດງານຄະນະກຳມະການສູນກາງແນວໂຮມປະເທດຊາດ ຫວຽດນາມ ໄປເຮັດວຽກຢູ່ Fukuoka, ຍີ່ປຸ່ນ ຍສໝ - ແຕ່ວັນທີ 7-8 ມິຖຸນາ, ຄະນະປະຕິບັດງານ ຫວຽດນາມ ໂດຍທ່ານຮອງປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ ຫວຽນຮູຍຢຸ້ງ ນຳໜ້າຄະນະ ໄປຢ້ຽມຢາມເຮັດວຽກຢູ່ Fukuoka, ຍີ່ປຸ່ນ. |
ມີງດຶກ
