 | IOM ພ້ອມແລ້ວທີ່ຈະເພີ່ມທະວີການຮ່ວມມືກັບຫວຽດນາມ |
| IOM ພ້ອມແລ້ວທີ່ຈະໜູນຊ່ວຍຫວຽດນາມ ເລັ່ງລັດເປົ້າໝາຍລົບລ້າງການຄ້າມະນຸດ |
ຂໍຮຽນທ່ານນາງ, ພວກຂະພະເຈົ້າພວມເຫັນປະຈັກຕາສັງກາດການເຄື່ອນຍ້າຍຖິ່ນຖານທີ່ບໍ່ເຄີຍມີມາກ່ອນຂອງມະນຸດ ແລະ ບັນດາສິ່ງທ້າທາຍຂອງມັນ. ທ່ານນາງຕີລາຄາບັນຫານີ້ຄືແນວໃດ?
ອີງຕາມບົດລາຍງານການເຄື່ອນຍ້າຍຖິ່ນຖານໂລກຄັ້ງຫລ້າສຸດຂອງ ອົງການຈັດຕັ້ງສາກົນເພື່ອການເຄື່ອນຍ້າຍຖິ່ນຖານ (IOM) ແລ້ວ, ມີຜູ້ເຄື່ອນຍ້າຍຖິ່ນຖານສາກົນ 281 ລ້ານຄົນໃນທົ່ວໂລກ, ກວມເອົາ 3,6% ຂອງປະຊາກອນທົ່ວໂລກ. ອາຊີ ໄດ້ມີການຂະຫຍາຍຕົວຢ່າງກະໂດດຂັ້ນໃນການເຄື່ອນຍ້າຍຖິ່ນຖານສາກົນໃນໄລຍະສອງທົດສະວັດທີ່ຜ່ານມາ, ໂດຍມີຫຼາຍກວ່າ 40% ຈຳນວນຜູ້ເຄື່ອນຍ້າຍຖິ່ນຖານຂອງໂລກມີຕົ້ນກໍາເນີດຈາກເຂດນີ້.
ໃນໄລຍະ 2017-2023, ການເຄື່ອນຍ້າຍຖິ່ນຖານແຮງງານຍັງສືບຕໍ່ເປັນປະເພດການເຄື່ອນຍ້າຍຖິ່ນຖານຕົ້ນຕໍຢູ່ຫວຽດນາມ ດ້ວຍຜູ້ອອກແຮງງານເກືອບ 860.000 ຄົນ ທີ່ໄປເຮັດວຽກຢູ່ຕ່າງປະເທດຕາມສັນຍາ, ສ່ວນຫຼາຍແມ່ນຢູ່ ຍີ່ປຸ່ນ, ໄຕ້ຫວັນ (ຈີນ), ສ.ເກົາຫຼີ.
ການເຄື່ອນຍ້າຍຖິ່ນຖານໄປຮຽນຢູ່ຕ່າງປະເທດກໍ່ມີລະດັບເພີ່ມຂຶ້ນຄືກັນ; ເຖິງວ່າຍັງບໍ່ທັນມີຕົວເລກທີ່ແນ່ນອນແຕ່ຕົວເລກທີ່ຄາດຄະເນໃນປະຈຸບັນແມ່ນມີຫຼາຍກວ່າ 250.000 ຄົນ. ອັດຕາສ່ວນຊາວຫວຽດນາມ ເຄື່ອນຍ້າຍຖິ່ນຖານທີ່ເປັນແມ່ຍິງມີທ່າອ່ຽງເພີ່ມຂຶ້ນ. ພິເສດທີ່ສຸດແມ່ນການເຄື່ອນຍ້າຍຖິ່ນຖານຂອງຜູ້ອອກແຮງງານຕ່າງປະເທດ ໂດຍມີ 475.198 ຄົນ ໄດ້ຮັບການອະນຸຍາດໃຫ້ອອກແຮງງານແຕ່ປີ 2017-2022.
ການເຄື່ອນຍ້າຍຖິ່ນຖານຍັງສືບຕໍ່ເປັນບັນຫາສຳຄັນສຳລັບປະຊາຊົນທັງໝົດ, ລັດຖະບານ ໄດ້ຮັບຜົນກະທົບຕໍ່ບັນດານະໂຍບາຍໃນການດຳເນີນທຸລະກິດ, ການຄ້າ, ການແພດ, ການສຶກສາ ແລະ ບັນດາຂົງເຂດອື່ນໆ. ໃນຂະນະທີ່ຄວາມຕ້ອງການ ແລະ ຜົນປະໂຫຍດຂອງການເຄື່ອນຍ້າຍຖິ່ນຖານກາຍເປັນຊັດເຈນ ແລະ ຮີບດ່ວນກວ່າ, ບັນດາສິ່ງທ້າທາຍ, ຂໍ້ຈໍາກັດ ແລະຄວາມສ່ຽງຍັງຄົງຢູ່ໃນປະຊາຊົນ, ປະຊາຄົມ ແລະ ບັນດາປະເທດໄດ້ຮັບຮູ້ ແລະ ຮັບມື.
 |
| ທ່ານນາງ Mitsue Pembroke, ຮັກສາການຫົວໜ້າຕະນະຜູ້ຕາງໜ້າອົງການ IOM. ພາບ: ຟ້າມຫຼີ |
ທ່ານນາງຕີລາຄາແນວໃດເມື່ອ ຫວຽດນາມ ປະກາດສຳເນົາເອກະສານການເຄື່ອນຍ້າຍຖິ່ນຖານ ປີ 2023?
ການປະກາດສຳເນົາເອກະສານການເຄື່ອນຍ້າຍຖິ່ນຖານ ປີ 2023 ແມ່ນມີຄວາມໝາຍສຳຄັນທີ່ສຸດ, ເພາະວ່ານີ້ແມ່ນສຳເນົາເອກະສານການເຄື່ອນຍ້າຍຖິ່ນຖານທີ 3 ທີ່ພວກຂ້າພະເຈົ້າໄດ້ສົມທົບກັບກະຊວງການຕ່າງປະເທດ ຫວຽດນາມ ເພື່ອປະຕິບັດ.
ລັດຖະບານ ຫວຽດນາມ ບັນລຸໄດ້ຫຼາຍເປົ້າໝາຍໃນວາງແຜນກຳນົດນະໂຍບາຍໜູນຊ່ວຍຜູ້ເຄື່ອນຍ້າຍຖິ່ນຖານ.
IOM ດ້ວຍບົດບາດເປັນຄູ່ຮ່ວມມືຂອງລັດຖະບານ ຫວຽດນາມ, ພວກຂ້າພະເຈົ້າເຊື່ອໝັ້ນຕໍ່ຄວາມມານະພະຍາຍາມຂອງລັດຖະບານ ຫວຽດນາມ. ການຮຽບຮຽງຮ່າງ ແລະ ປະກາດສຳເນົາເອກະສານການເຄື່ອນຍ້າຍຖິ່ນຖານ ຈະຊ່ວຍໃຫ້ຫວຽດນາມ ກ້າວໄປໄກກວ່າອີກໃນວຽກງານການຜັນຂະຫຍາຍຂໍ້ຕົກລົງທົ່ວໂລກກ່ຽວກັບການເຄື່ອນຍ້າຍຖິ່ນຖານທີ່ຖືກຕ້ອງຕາມກົດໝາຍ, ປອດໄພ ແລະ ມີຄວາມເປັນລະບຽບຮຽບຮ້ອຍຂອງສະຫະປະຊາຊາດ (ຂໍ້ຕົກລົງ GCM), ໃນນັ້ນ ຫວຽດນາມ ແມ່ນໜຶ່ງໃນບັນດາປະເທດຕັ້ງໜ້າໃນການຜັນຂະຫຍາຍຂໍ້ຕົກລົງນີ້.
- ປະຈຸບັນ IOM ໄດ້ຜັນຂະຫຍາຍບັນດາໂຄງການໃດຢູ່ຫວຽດນາມ ເພື່ອໜູນຊ່ວຍຜູ້ເຄື່ອນຍ້າຍຖິ່ນຖານ?
ບັນດາບຸກຄົນທີ່ເຄື່ອນຍ້າຍຖິ່ນຖານດ້ວຍເຫດຜົນຕ່າງກັນຫຼາຍຢ່າງ, ຕົ້ນຕໍແມ່ນເພື່ອມຸ່ງໝັ້ນປະຕິບັດເປົ້າໝາຍເສດຖະກິດ ແລະ ບັນດາໂອກາດທາງດ້ານການສຶກສາທີ່ດີກວ່າ ເພື່ອຮັບມືຕໍ່ບັນດາສິ່ງທ້າທາຍເຊັ່ນ ໄພພິບັດທຳມະຊາດ, ການປ່ຽນແປງດິນຟ້າອາກາດ ແລະ ການປະທະກັນ.
ເຖິງຢ່າງໃດກໍຕາມ, ໃນຂະບວນການເຄື່ອນຍ້າຍຖິ່ນຖານໄປຕ່າງປະເທດ, ຜູ້ເຄື່ອນຍ້າຍຖິ່ນຖານກໍ່ພົບກັບຄວາມຫຍຸ້ງຍາກທ້າທາຍໃດໜຶ່ງ. ຕົວຢ່າງຄືຢູ່ໃນບັນດາປະເທດ, ຜູ້ອົບພະຍົບອາດຈະຖືກກົດຂີ່ຂູດຮີດດ້ານແຮງງານ, ມີຄວາມເປັນໄປໄດ້ຫຼາຍທີ່ບັນດາເອກະສານສ່ວນບຸກຄົນຈະຖືກເກັບກັກໄວ້ ແລະ ພວກເຂົາບໍ່ຮູ້ວິທີຮະເຮັດແນວໃດເພື່ອຮັບມືກັບບັນດາບັນຫາເຫຼົ່ານີ້.
ສະນັ້ນ, ຕ້ອງຍົກສູງຄວາມຮັບຮູ້ໃຫ້ຜູ້ເຄື່ອນຍ້າຍຖິ່ນຖານກ່ຽວກັບສິດ ແລະ ບັນດາຂໍ້ມູນຂ່າວສານທີ່ຜູ້ເຄື່ອນຍ້າຍຖິ່ນຖານສາມາດເຂົ້າເຖິງໄດ້.
ປະຈຸບັນ, ຜູ້ເຄື່ອນຍ້າຍຖິ່ນຖານສ່ວນຫຼາຍແມ່ນຊາວໜຸ່ມ ແລະ ນຳໃຊ້ເຄືອຂ່າຍສັງຄົມຫຼາຍ, ສະນັ້ນ IOM ໄດ້ຜັນຂະຫຍາຍໂຄງການສື່ສານ “ຄິດກ່ອນ, ກ້າວຕາມຫຼັງ” ເພື່ອສະໜອງຂໍ້ມູນກ່ຽວກັບການເຄື່ອນຍ້າຍຖິ່ນຖານທີ່ປອດໄພ.
ນອກຈາກນັ້ນ, ຫນຶ່ງໃນບັນດາກິດຈະກໍາທີ່ IOM ໄດ້ ແລະ ພວມຜັນຂະຫຍາຍແມ່ນການຊຸກຍູ້ການປະສານສົມທົບລະຫວ່າງຂະແຫນງການ. ປະຈຸບັນ IOM ບໍ່ພຽງແຕ່ສົມທົບກັບກະຊວງການຕ່າງປະເທດເທົ່ານັ້ນ ຫາກຍັງສົມທົບກັບກະຊວງຕຳຫຼວດ, ກະຊວງແຮງງານ, ທະຫານເສຍອົງຄະ ແລະ ສັງຄົມ ພ້ອມກັບບັນດາກະຊວງ, ຄະນະ, ຂະແໜງການ ແລະ ບັນດາອົງການຈັດຕັ້ງອື່ນໆໃນວຽກງານໍ່ວຍເຫຼືອຜູ້ປະສົບເຄາະຮ້າຍທາງການຄ້າມະນຸດ. ພົ້ນເດັ່ນໃນໄລຍະມໍ່ໆມານີ້, ພວກຂ້າພະເຈົ້າໄດ້ສົມທົບກັບບັນດາກະຊວງ, ຄະນະ, ຂະແໜງການຂອງລັດຖະບານຫວຽດນາມ ເພື່ອຊ່ວຍເຫຼືອຢ່າງສຳເລັດຜົນ, ໜູນຊ່ວຍການເຊື່ອມຍົງເຂົ້າກັບຊຸມຊົນໃຫ້ບັນດາກໍລະນີທີ່ຖືກຄ້າມະນຸດຢູ່ ກຳປູເຈຍ.
- ຂອບໃຈທ່ານດ້ວຍຄວາມຈິງໃຈ!
ແທັງຮັ່ງ
