 | 3 ຂໍ້ສະເໜີຂອງ VASEA ແນໃສ່ສ້າງແຫຼ່ງຊັບພະຍາກອນມະນຸດ, ຖ່າຍທອດເຕັກໂນໂລຢີໃຫ້ ຫວຽດນາມ |
| ຫວຽດນາມ ມີຫຼາຍບາດກ້າວໃຫຍ່ໃນການແກ້ໄຂຄວາມບໍ່ສະເໝີພາບລະຫວ່າງຍິງ-ຊາຍ ແລະ ຊຸກຍູ້ສິດທິຂອງແມ່ຍິງ |
ກອງປະຊຸມເພື່ອແນໃສ່ຕີລາຄາສະພາບການໂລກ, ພາກພື້ນ ແລະ ພາຍໃນປະເທດທີ່ກ່ຽວຂ້ອງເຖິງວຽກງານສິດທິມະນຸດຂອງ ຫວຽດນາມ. ພ້ອມກັນນັ້ນ, ກໍ່ໃຫ້ຂໍ້ສັງເກດບັນດາສິ່ງທ້າທາຍທີ່ສາມາດກະທົບໂດຍກົງເຖິງວຽກງານປົກປັກຮັກສາ, ຕໍ່ສູ້ໃນຂົງເຂດສິດທິມະນຸດ ແລະ ສະເໜີບັນດາມາດຕະການແກ້ໄຂຈຸດສຸມໃນໄລຍະຈະມາເຖິງ.
 |
| ບັນຍາກາດທີ່ກອງປະຊຸມ. |
ກອງປະຊຸມໂດຍສະຫາຍພົນຕີ ເລກວັກຮຸ່ງ, ກຳມະການຄະນະບໍລິຫານງານສູນກາງພັກ, ຮອງລັດຖະມົນຕີກະຊວງຕຳຫຼວດ, ຮອງຫົວໜ້າຄະນະຜູ້ປະຈຳຄະນະຊີ້ນຳສິດທິມະນຸດລັດຖະບານ ເປັນປະທານ.
ກອງປະຊຸມ ໄດ້ດຳເນີນໃນສະພາບທີ່ຫວຽດນາມ ແລະ ບັນດາປະເທດໃນໂລກສືບຕໍ່ປະສົບກັບຜົນກະທົບຫຼາຍຢ່າງທີ່ຫຍໍ້ທໍ້, ຜົນສະທ້ອນຂອງສະພາບການໂລກ, ພາກພື້ນ, ພ້ອມກັນນັ້ນແມ່ນບັນດາສິ່ງທ້າທາຍທີ່ພົ້ນຂຶ້ນສົ່ງຜົນກະທົບບໍ່ໜ້ອຍເຖິງບັນດາໝາກຜົນພັດທະນາເສດຖະກິດ - ສັງຄົມ.
ຫວຽດນາມ ໄດ້ເສີມຂະຫຍາຍບົດບາດເປັນສະມາຊິກສະພາສິດທິມະນຸດສະຫະປະຊາຊາດ ໄລຍະ 2023 – 2025 ດ້ວຍຂີດໝາຍ, ຂໍ້ລິເລີ່ມຫຼາຍຢ່າງ; ປະຕິບັດຄຳໝັ້ນສັນຍາສາກົນກ່ຽວກັບສິດທິມະນຸດຢ່າງເຂັ້ມງວດ, ມີປະສິດທິຜົນ; ບັນລຸໄດ້ຜົນງານຫຼາຍຢ່າງໃນວຽກງານຮັບປະກັນ, ຊຸກຍູ້ສິດທິມະນຸດ, ເຊິ່ງໄດ້ຮັບການຮັບຮູ້, ຕີລາຄາສູງຈາກສາກົນ. ຫວຽດນາມ ໄດ້ຮັບຜົນສຳເລັດໃນການປົກປັກຮັກສາບົດລາຍງານແຫ່ງຊາດກ່ຽວກັບການປະຕິບັດບັນດາສົນທິສັນຍາສາກົນກ່ຽວກັບສິດທິມະນຸດ ແລະ ຫວ່າງມໍ່ໆມານີ້, ໃນຂອບເຂດກອງປະຊຸມປະຈຳປີ ຄັ້ງທີ 57 ຂອງສະພາສິດທິມະນຸດສະຫະປະຊາຊາດ ໄດ້ຮັບຮອງໝາກຜົນຂອງບົດລາຍງານການກວດກາຄືນປະຈຳໄລຍະສັງລວມ UPR ຮອບວຽນ IV ສຳລັບຫວຽດນາມ.
ທີ່ກອງປະຊຸມ, ບັນດາຜູ້ລາຍງານໄດ້ນຳສະເໜີບັນດາຫົວຂໍ້ຄື: ຍຸ້ແຮງຂໍ້ມູນການຕ່າງປະເທດກ່ຽວກັບສິດທິມະນຸດ ແລະ ການຕໍ່ສູ້ປະຕິເສດບັນດາທັດສະນະທີ່ຜິດເຂວ, ເປັນສັດຕູ; ຮັບຮູ້ຄົ້ນພົບການເຄື່ອນໄຫວສວຍໃຊ້ສິດເສລີໃນການເຊື່ອຖື, ສາສະໜາ ເພື່ອຕ້ານ ແລະ ທຳລາຍຫວຽດນາມ; ຮັບປະກັນສິດຂອງຊົນເຜົ່າສ່ວນໜ້ວຍ; ຮັບຮູ້ການເຄື່ອນໄຫວທີ່ສວຍໃຊ້ສິດຂອງຊົນເຜົ່າສ່ວນໜ້ອຍເພື່ອຕ້ານ ແລະ ທຳລາຍຫວຽດນາມ ແລະ ວຽກງານຕໍ່ສູ້ຂອງຫວຽນນາມ...
 |
| ບັນດາຜູ້ແທນໄດ້ຖ່າຍຮູບທີ່ລະນຶກ. |
ກອງປະຊຸມໄດ້ກຳນົດໜ້າທີ່ວຽກງານຈຸດສຸມໃນໄລຍະຈະມາເຖິງ ເພື່ອສືບຕໍ່ຍົກສູງປະສິດທິຜົນຂອງວຽກງານຮັບປະກັນ, ຕໍ່ສູ້, ໂຄສະນາເຜີຍແຜ່ກ່ຽວກັບສິດທິມະນຸດ, ໃນນັ້ນລວມມີ: ສືບຕໍ່ເພີ່ມທະວີວຽກງານປະຕິບັດນະໂຍບາຍ, ກົດໝາຍວ່າດ້ວຍການຮັບປະກັນສິດທິມະນຸດ; ກໍ່ສ້າງບັນດາໂຄງການ, ແຜນການພັດທະນາເສດຖະກິດ, ສັງຄົມ, ຫຼຸດຜ່ອນຄວາມທຸກຍາກ, ອຸປະຖຳສັງຄົມ, ຮັບປະກັນຊີວິດສັງຄົມ, ນະໂຍບາຍແຮງງານ, ວຽກເຮັດງານທຳ; ຮັບປະກັນສິດເສລີໃນການເຊື່ອຖື, ສາສະໜາ; ເພີ່ມທະວີວຽກງານກວດກາການປະຕິບັດນະໂຍບາຍ, ກົດໝາຍກ່ຽວກັບການເຊື່ອຖື, ສາສະໜາຢູ່ທ້ອງຖິ່ນ; ຄົ້ົ້ນພົບ, ແກ້ໄຂບັນດາບັນຫາສັບສົນທີ່ເກີດຂຶ້ນໃນບັນດາສາສະໜາຢ່າງທັນການ, ບໍ່ໃຫ້ສ້າງຂຶ້ນເປັນ “ຈຸດຮ້ອນ” ກ່ຽວກັບຄວາມເປັນລະບຽບຮຽບຮ້ອຍຄວາມໝັ້ນຄົງ; ເປັນເຈົ້າການໃນການຜັນຂະຫຍາຍວຽກງານເກັບກຳຂໍ້ມູນ, ຕີລາຄາ, ຄາດຄະເນສະພາບການຢ່າງໃກ້ຊິດ, ຖືກຕ້ອງເພື່ອມີແຜນການຕໍ່ສູ້, ສະກັດກັ້ນ, ເຮັດໃຫ້ໝົດຜົນສັກສິດກ່ຽວກັບການເຄື່ອນໄຫວສວຍໃຊ້ບັນຫາປະຊາທິປະໄຕ, ສິດທິມະນຸດຂອງບັນດາກຳລັງສັດຕູ, ພິເສດແມ່ນການເຄື່ອນໄຫວເຊື່ອມຕໍ່ພາຍໃນ - ພາຍນອກ, ຊີ້ນຳຕ້ານ ແລະ ທຳລາຍຫວຽດນາມ ໃນບັນດາເວລາທີ່ດຳເນີນບັນດາເຫດການການເມືອງສຳຄັນ.
ບັນດາໝາກຜົນທີ່ບັນລຸໄດ້ທີ່ກອງປະຊຸມຄັ້ງນີ້ ຈະປະກອບສ່ວນຊຸກຍູ້ປະສິດທິຜົນບັນດາດ້ານວຽກງານຂອງຄະນະຊີ້ນຳສິດທິມະນຸດທ້ອງຖິ່ນ. ບັນດາປະສົບການທີ່ເປັນປະໂຫຍດ, ຂໍ້ມູນທີ່ໄດ້ອັບເດດໃນກອງປະຊຸມຄັ້ງນີ້ ຈະເປັນພື້ນຖານໃຫ້ແກ່ພະນັກງານນໍາໃຊ້ເຂົ້າໃນວຽກງານທ້ອງຖິ່ນ, ເປັນແຫຼ່ງເອກະສານທາບທາມ ເພື່ອຈັດຕັ້ງບັນດາຊຸດຝຶກອົບຮົມໃຫ້ກຳລັງພະນັກງານຂັ້ນຮາກຖານ; ປະກອບສ່ວນຢ່າງແທດຈິງເຂົ້າໃນການເຊື່ອມຕໍ່ທີ່ແໜ້ນແຟ້ນວຽກງານຮັບປະກັນ, ປົກປັກຮັກສາ ແລະ ຕໍ່ສູ້ກ່ຽວກັບສິດທິມະນຸດຈາກສູນກາງເຖິງທ້ອງຖິ່ນ.
 | ຍສໝ - ສິ່ງສຳຄັນແມ່ນສອງຝ່າຍອາດຈະສຸມໃສ່ຊຸກຍູ້ການຄ້າສອງສົ້ນຢ່າງແຮງ ແລະ ຍືນຍົງກ່ວາ, ພ້ອມທັງຊອກຫາວິທີການຮ່ວມມືຢ່າງແໜ້ນແຟ້ນກ່ວາ, ລວມມີການພັດທະນາບັນດາຜະລິດຕະພັນກະສິກຳ ແລະ ປູກລ້ຽງສິນໃນນ້ຳ |
 | ຍສໝ - ທ່ານຮອງນາຍົກລັດຖະມົນຕີ ເຈີ່ນລຶວກວາງ ໄດ້ຍົກໃຫ້ເຫັນຫຼາຍສານກ່ຽວກັບຄຳໝັ້ນສັນຍາ, ຄວາມມານະພະຍາຍາມຢ່າງແຮງ ແລະ ຜົນງານຂອງຫວຽດນາມ ໃນການພັດທະນາປະເທດຊາດ, ຮັບປະກັນສິດທິມະນຸດ; ຮຽກຮ້ອງໃຫ້ບັນດາປະເທດ ເຂົ້າໃຈ ແລະ ເຄົາລົບບັນດາລັກສະນະປະຫວັດສາດສະເພາະ. |
ມີງດຶກ
