ໂຄງການມີຍອດຈຳນວນບ້ວງຊ່ວຍເຫຼືອລ້າ 64.761 USD, ເທົ່າກັບເກືອບ 1,6 ຕື້ດົ່ງ ແລະ ໄດ້ຮັບການປະຕິບັດໂຄງການຢູ່ໂຮງຮຽນອະນຸບານຕາແສງ ເຮື໋ອງຟູ່ງ (ເຮື໋ອງຮວ່າ, ແຂວງ ກວາງຈີ້). ໂດຍຜ່ານນັ້ນ, ກໍ່ຍົກສູງຄຸນນະພາບການສຶກສາອະນຸບານ ແລະ ປົກປ້ອງເດັກນ້ອຍຢູ່ຕາແສງນີ້ ດ້ວຍແບບວິທີ Montessori, ຊຸກຍູ້ການພັດທະນາຮອບດ້ານໃຫ້ເດັກນ້ອຍ.
 |
| ໂຄງການເພື່ອຍົກສູງຄຸນນະພາບການສຶກສາອະນຸບານ ແລະ ປົກປ້ອງເດັກນ້ອຍຢູ່ຕາແສງ ເຮື໋ອງຟູ່ງ (ເຮື໋ອງຮວ່າ, ແຂວງ ກວາງຈີ້) ດ້ວຍແບບວິທີ Montessori, ຊຸກຍູ້ການພັດທະນາຮອບດ້ານໃຫ້ເດັກນ້ອຍ - (ພາບ: Fanpage World Vision Vietnam). |
ໂດຍເວລາປະຕິບັດຈົນຮອດທ້າຍເດືອນກັນຍາ 2025. ໂຄງການມີບັນດາການເຄື່ອນໄຫວຕົ້ນຕໍ ລວມມີ: ການຈັດຝຶກອົບຮົມໃຫ້ແກ່ຄູອາຈານອະນຸບານ ແລະ ຄູ່ຮ່ວມມືທ້ອງຖິ່ນກ່ຽວກັບ Montessori ສົມທົບກັບການສຳມະນາກ່ຽວກັບການລິເລີ່ມໂຄງການ; ໜູນຊ່ວຍວັດຖຸອຸປະກອນ ເພື່ອສ້າງຕັ້ງ, ຕົບແຕ່ງຫ້ອງຮຽນຕາມແບບວິທີ Montessori; ຍົກລະດັບຫ້ອງຮຽນຂຶ້ນເປັນພື້ນທີ່ຮ່ຳຮຽນທີ່ໄດ້ຮັບແຮງບັນດານໃຈຈາກ Montessori ເພື່ອສ້າງເງື່ອນໄຂສະດວກໃຫ້ບັນດາການເຄື່ອນໄຫວຮ່ວມມື ແລະ ຄົ້ນຫາສ່ວນຕົວ.
ນອກຈາກນັ້ນ, ໂຄງການຍັງຈັດຕັ້ງບັນດາການໂຄສະນາໃຫ້ສໍາລັບພໍ່ແມ່ຜູ້ປົກຄອງກ່ຽວກັບວິທີການສຶກສາ Montessori; ຈັດຕັ້ງກອງປະຊຸມປະກອບຄໍາຄິດຄໍາເຫັນປະຈໍາໄຕມາດ, ສົມທົບກັບກອງປະຊຸມໂຄສະນາ (01 ກອງປະຊຸມ / ໄຕມາດ), ຍົກສູງກຳລັງຄວາມສາມາດຂອງພໍ່ແມ່ຜູ້ປົກຄອງທີ່ເປັນປະຊາຊົນບັນດາຊົນເຜົ່າສ່ວນໜ້ວຍກ່ຽວກັບທັກສະການລ້ຽງດູເດັກນ້ອຍ, ຫນູນຊ່ວຍການພັດທະນາ ແລະ ການປົກປ້ອງເດັກນ້ອຍຈາກການໃຊ້ຄວາມຮຸນແຮງ.
ພ້ອມກັນນັ້ນ, ໂຄງການກໍ່ສ້າງກຸ່ມພໍ່ແມ່ຜູ້ປົກຄອງຕາມອາຍຸຂອງເດັກນ້ອຍ ແລະ ຈັດຕັ້ງບັນດາກອງປະຊຸມປະຈຳປີ; ຈັດຕັ້ງການເຝິກອົບຮົມ ແລະ ເຫດການສື່ມວນຊົນກ່ຽວກັບກົດວິໄນຢ່າງຕັ້ງໜ້າ, ການປົກປ້ອງເດັກນ້ອຍຈາກການໃຊ້ຄວາມຮຸນແຮງທຸກຮູບແບບໃຫ້ສຳລັບກຸ່ມພໍ່ແມ່ຜູ້ປົກຄອງ. ພ້ອມກັນນັ້ນ, ກໍ່ຫນູນຊ່ວຍພໍ່ແມ່ຜູ້ປົກຄອງ, ຄູອາຈານໃນການປະຕິບັດຂໍ້ລິເລີ່ມ ເພື່ອປັບປຸງສະພາບແວດລ້ອມການຮຽນຮູ້ໃຫ້ສໍາລັບເດັກນ້ອຍ.
 | ຊາວໜຸ່ມຫວຽດນາມ ອາໄສຢູ່ຕ່າງປະເທດ ແລະ ຄວາມມານະພະຍາຍາມປົກປັກຮັກສາ, ເຜີຍແຜ່ພາສາຫວຽດນາມ ຍສໝ - "Tròng trành" ຫຼື "chòng chành", ວິທີໃດແມ່ນວິທີຖືກຕ້ອງທີ່ຈະໃຊ້ມັນ? "ຮັ່ງມີສອງຕາ, ທຸກຍາກສອງມື" ໝາຍຄວາມວ່າແນວໃດ? ບັນດາຄໍາຖາມເບິ່ງຄືວ່າງ່າຍດາຍ ແຕ່ສະແດງໃຫ້ເຫັນຄວາມອຸດົມສົມບູນຂອງພາສາຫວຽດນາມ. ນີ້ແມ່ນໜຶ່ງໃນບັນດາຫົວຂໍ້ທີ່ໜ້າ Facebook “ພາສາຫວຽດນາມ ອຸດົມສົມບູນ ແລະ ສວຍງາມ” ໂດຍທ່ານ ເລຈ້ອງເຫງຍ, ນັກວິສາວະກອນຊອບແວຄົນໜຶ່ງທີ່ອາໄສຢູ່ Tokyo, ຍີ່ປຸ່ນ ໄດ້ຕອບຄຳຖາມປະຊາຄົມຊາວຫວຽດນາມ ... |
 | ຍສໝ - ການພັດທະນາເຕັກໂນໂລຢີດ້ານການສຶກສາທີ່ກະໂດດຂັ້ນ ພວມເປີດກາລະໂອກາດໃໝ່ຫຼາຍຢ່າງໃຫ້ແກ່ການສອນພາສາຫວຽດນາມ ຢູ່ຕ່າງປະເທດ. ຈາກບັນດາແອັບຮຽນພາສາເຖິງຫ້ອງຮຽນອອນລາຍ, ເຕັກໂນໂລຢີ ພວມກາຍເປັນເຄື່ອງມືທີ່ມີປະສິດທິຜົນເພື່ອຊ່ວຍໃຫ້ລຸ້ນໜຸ່ມຊາວຫວຽດນາມ ຢູ່ຕ່າງປະເທດສາມາດປົກປັກຮັກສາ ແລະ ເສີມຂະຫຍາຍພາສາແມ່ຢ່າງສະດວກ ແລະ ມີປະສິດທິຜົນ. |
ມີງດຶກ
