| ຫົວໜ້າ ຜູ້ຕາງໜ້າ UNDP: ຫວຽດນາມປະສົບຜົນສຳເລັດໃນການປະຕິບັດເປົ້າໝາຍຄວບຄູ່ | |
| UNDP ໜູນຊ່ວຍ ກະຊວງສາທາລະນະສຸກ ຫວຽດນາມ ໃນການຕໍ່ສູ້ສະກັດກັ້ນໂລກລະບາດໂຄວິດ-19 |
 |
| UNDP ສົມທົບກັບຄະນະຜູ້ຕາງໜ້າ ບຣູໄນປະຈຳ ສປຊ ປະທານອາຊຽນປະຈຳນິວຢອກປີ 2021 ຈັດກອງປະຊຸມກັບ ປະເທດອາຊຽນ ແລະ ປະເທດໄດ້ຮັບຄວາມເອົາໃຈໃສ່ ໃນພາກພື້ນອາຊີ - ປາຊີຟິກ (ພາບ: Baoquocte) |
ຫວ່າງແລ້ວນີ້, UNDP ໄດ້ສົມທົບກັບຄະນະຜູ້ຕາງໜ້າ ບຣູໄນ ປະຈຳ ສປຊ, ປະທານຄະນະກຳມະການອາຊຽນປະຈຳ ນິວຢອກປີ 2021, ຈັດກອງປະຊຸມກັບບັນດາປະເທດອາຊຽນ ແລະ ບັນດາປະເທດໄດ້ຮັບຄວາມສົນໃຈໃນພາກພື້ນ ອາຊີ - ປາຊີຟິກ ກ່ຽວກັບຫົວຂໍ້ “ຊັບຊ້ອນພາຍລັງການລົ້ມລະລາຍ: ສະພາບການພັດທະນາຢູ່ພາກພື້ນອາຊີ - ປາຊີຟິກ ແລະ ບັນດາບຸລິມະສິດຂັ້ນພາກພື້ນ ຂອງ UNDP”.
ທີ່ກອງປະຊຸມ, ທ່ານນາງ Kanni Wignaraja ຜູ້ຊ່ວຍວຽກທ່ານເລຂາທິການໃຫຍ່ ສປຊ, ຮອງຜູ້ອຳນວຍການໃຫຍ່ ທັງເປັນຜູ້ອຳນວຍການຮັບຜິດຊອບພາກພື້ນອາຊີ - ປາຊີຟິກ ຂອງ UNDP ໄດ້ຢັ້ງຢືນວ່າ, UNDP ໃຫ້ຄຳໝັ້ນສັນຍາສືບຕໍ່ໜູນຊ່ວຍບັນດາປະເທດໃນພາກພື້ນອາຊີ - ປາຊີຟິກ ແກ້ໄຂຜົນຮ້າຍຢ້ອນຫຼັງຈາກໂລກລະບາດໂຄວິດ - 19 ແລະ ປະຕິບັດບັນດາເປົ້າໝາຍພັດທະນາແບບຍືນຍົງ.
ທ່ານນາງ Kanni Wignaraja ໄດ້ເຈາະຈິ້ມບາງຂົງເຂດຈະສຸມໃສ່ຮ່ວມມືໃນໄລຍະຈະມາເຖິງ ຄືແຈກຢາຍວັກຊິນ ໂຄວິດ - 19, ຫັນເປັນພະລັງງານຜະລິດຄືນໃໝ່, ລົງທຶນເຂົ້າມະນຸດ ແລະ ສະເໜີໃຫ້ບັນດາປະເທດ ປະກອບຄຳເຫັນຢ່າງລະອຽດກ່ຽວກັບບັນດາຂົງເຂດ UNDP ຕ້ອງບຸລິມະສິດປະຕິບັດຢູ່ອາຊີ - ປາຊີຟິກ ໃນໄລຍະຈະມາເຖິງ.
ບັນດາປະເທດເຂົ້າຮ່ວມກອງປະຊຸມໄດ້ສະເໜີວ່າ UNDP ສຸມໃສ່ໜູນຊ່ວຍພາກພື້ນໃນບາງບັນຫາຄືຮັບມືກັບໂຄວິດ - 19, ພິເສດແມ່ນການສະໜອງ ວັກຊິນທີ່ມີລາຄາຖືກ, ຊຸກຍູ້ ແລະ ສ້າງເງື່ອນໄຂໃຫ້ແກ່ເຂດເອກະຊົນເຂົ້າຮ່ວມວິວັດການຕ້ານໂລກລະບາດ ແລະ ຟື້ນຟູເສດຖະກິດ.
ຄຽງຄູ່ກັນນັ້ນ, UNDP ໄດ້ຮຽກຮ້ອງໃຫ້ພາກພື້ນປະຕິບັດບັນດາເປົ້າໝາຍ ພັດທະນາແບບຍືນຍົງ, ປົກປັກຮັກສາສິ່ງແວດລ້ອມ, ປະຕິບັດການເຫັນວິສາຫະກິດເປັນດີຈີຕອນ, ເພີ່ມທະວີການຂຸດຕົ້ນແຮງງານທີ່ມີສີມືສູງ, ລົບລ້າງຄວາມອຶດຫີວ ແລະ ໜູນຊ່ວຍໃຫ້ແກ່ການຕ້ານການປ່ຽນແປງຂອງດິນຟ້າອາການ.
ກ່າວຄຳເຫັນທີ່ກອງປະຊຸມ, ທ່ານນາງຫງວຽນເຟືອງຈາ, ຮອງຫົວໜ້າຄະນະຜູ້ຕາງໜ້າຫວຽດນາມ ປະຈຳ ສປຊ ໄດ້ຍົກໃຫ້ເຫັນຢ່າງຈະແຈ້ງບັນດາຜົນງານເບື້ອງຕົ້ນຂອງ ຫວຽດນາມໃນການປະຕິບັດ ພ້ອມທັງ 2 ເປົ້າໝາຍໃນການຕ້ານໂລກລະບາດໂຄວິດ - 19 ແລະ ຊຸກຍູ້ການເຕີບໂຕເສດຖະກິດກໍ່ຄືບັນດາສິ່ງທ້າທາຍເຊິ່ງ ຫວຽດນາມພວມຕ້ອງການການຊ່ວຍເຫຼືອໃນນັ້ນມີການແຈກຢາຍຈຳໜ່າຍວັກຊິນ.
ຜູ້ຕາງໜ້າຫວຽດນາມກໍ່ສະເໜີໃຫ້ບັນດາຝ່າຍເພີ່ມທະວີການຮ່ວມມືເພື່ອປ້ອງກັນລັກສະນະກົມກຽມ ໃນການສ້າງຍຸດທະສາດໜູນຊ່ວຍການພັດທະນາຂອງ UNDPໃຫ້ແກ່ພາກພື້ນໃນໄລຍະ 2021 – 2025 ແລະ ນະໂຍບາຍພັດທະນາເສດຖະກິດ - ສັງຄົມຂອງ ບັນດາປະເທດ.
 | ຫົວໜ້າ ຜູ້ຕາງໜ້າ UNDP: ຫວຽດນາມປະສົບຜົນສຳເລັດໃນການປະຕິບັດເປົ້າໝາຍຄວບຄູ່ ຍສໝ - ທ່ານນາງ Caitlin Wiesen – Antin, ຫົວໜ້າຜູ້ຕາງໜ້າ UNDP ປະຈຳຫວຽດນາມ, ໄດ້ເຫັນວ່າ ໃນສະພາບການ ໂລກລະບາດໂຄວິດ - 19 ໄດ້ກໍ່ຜົນກະທົບຢ່າງແຮງຕໍ່ເສດຖະກິດທົ່ວໂລກ ຫວຽດນາມໄດ້ພົ້ນເດັ່ນຂຶ້ນ ແມ່ນປະເທດປະສົບຜົນສຳເລັດໃນການປະຕິບັດເປົ້າໝາຍຄວບຄູ່ ທັງຄວບຄຸມໄດ້ໂລກລະບາດໂຄວິດ - 19 ທັງປະຕິບັດການພັດທະນາເສດຖະກິດບັນລຸຜົນເປັນບວກໃນປີ 2020. |
 | ອົງການສະຫະປະຊາຊາດເພື່ອການພັດທະນາ ໜູນຊ່ວຍ ຫວຽດນາມ ຮັບມືກັບການປ່ຽນແປງຂອງດິນຟ້າອາກາດ ອົງການສະຫະປະຊາຊາດເພື່ອການພັດທະນາ (UNDP) ໄດ້ສົມທົບກັບລັດຖະບານຫວຽດນາມ ແລະ ກອງທຶນອາກາດຂຽວ (GCF) ໜູນຊ່ວຍການປູກທີ່ປ່າຊາຍເລນໃໝ່ປະມານ 4.000 ເຮັກຕາ ຢູ່ບັນດາເຂດແຄມທະເລທີ່ຖືກກະທົບໄດ້ງ່າຍຈາກການປ່ຽນແປງຂອງດິນຟ້າອາກາດ ຢູ່ 5 ແຂວງຄື: ກວາງງ້າຍ, ແທັງຮ໊ວາ, ກວາງນາມ, ກ່າເມົາ ແລະ ນາມດິ້ງ. |
 | ອົງການສະຫະປະຊາຊາດເພື່ອການພັດທະນາ ໜູນຊ່ວຍ ຫວຽດນາມ ຮັບມືກັບການປ່ຽນແປງຂອງດິນຟ້າອາກາດ ຍສໝ - ອົງການສະຫະປະຊາຊາດເພື່ອການພັດທະນາ (UNDP) ໄດ້ສົມທົບກັບລັດຖະບານຫວຽດນາມ ແລະ ກອງທຶນອາກາດຂຽວ (GCF) ໜູນຊ່ວຍການປູກທີ່ປ່າຊາຍເລນໃໝ່ປະມານ 4.000 ເຮັກຕາ ຢູ່ບັນດາເຂດແຄມທະເລທີ່ຖືກກະທົບໄດ້ງ່າຍຈາກການປ່ຽນແປງຂອງດິນຟ້າອາກາດ ຢູ່ 5 ແຂວງຄື: ກວາງງ້າຍ, ແທັງຮວາ, ກວາງນາມ, ກ່າເມົາ ແລະ ນາມດິ້ງ. |
ບຸນຄົງ
