| ພີ່ມທະວີການຮ່ວມມື, ພົບພະແລກປ່ຽນປະຊາຊົນລະຫວ່າງບັນດາທ້ອງຖິ່ນຂອງ ຫວຽດນາມ ກັບແຂວງ ກວາງຊີ (ຈີນ) | |
| ການພົບປະແລກປ່ຽນວັດທະນະທຳຕິດພັນປະຊາຄົມ ແລະ ປັບປຸງການພົວພັນມິດຕະພາບ ຫວຽດນາມ - ຍີ່ປຸ່ນ |
ໂດຍເປັນປະທານໃນພິທີມອບຂໍ້ຕົກລົງ ມີທ່ານພົນໂທ ຮວ່າງຊວນຈ້ຽນ - ຮອງລັດຖະມົນຕີກະຊວງປ້ອງກັນປະເທດຫວຽດນາມ, ຫົວໜ້າຄະນະປະຕິບັດງານລະຫວ່າງຂະແໜງການ, ຫົວໜ້າຄະນະຊີ້ນຳກະຊວງປ້ອງກັນປະເທດກ່ຽວກັບການເຂົ້າຮ່ວມການເຄື່ອນໄຫວຮັກສາສັນຕິພາບຂອງສະຫະປະຊາຊາດ.
 |
|
|
ນາຍທະຫານ 3 ທ່ານທີ່ໄປປະຕິບັດໜ້າທີ່ໃນຄັ້ງນີ້ລວມມີ: ທ່ານພັນຕີ ຫງວຽນສີຫຽວ, ອະດີດອາຈານສອນວິຊາອາວຸດການບິນ, ພະແນກເຕັກນິກການບິນ, ວິທະຍາຄານປ້ອງກັນອາກາດ - ກອງທັບອາກາດ, ໄດ້ຖືກສົ່ງໄປປະຕິບັດໜ້າທີ່ເປັນຜູ້ສັງເກດການການທະຫານຢູ່ MINUSCA (ສາທາລະນະລັດ ອາຟຼິກາ ກາງ). ທ່ານພັນຕີ ນາງ ຫງວຽນທິແທ່ງລວານ, ອະດີດອາຈານວິຊາສອນວິຊາເຕັກໂນໂລຊີຂໍ້ມູນຂ່າວສານ (IT), ພະແນກເຕັກໂນໂລຊີຂໍ້ມູນຂ່າວສານ - ພາສາຕ່າງປະເທດ, ວິທະຍາຄານທະຫານບົກ, ໄດ້ຖືກສົ່ງໄປປະຕິບັດໜ້າທີ່ເປັນນາຍທະຫານເສນາທິການພະລາທິການຢູ່ UNISFA (ເຂດ Abyei). ທ່ານຮ້ອຍໂທ ຫງວຽນຕ໋ຽນລອງ, ອະດີດຜູ້ຊ່ວຍຄະນະຂົນຂວາຍປະຊາຊົນ, ຫ້ອງການການເມືອງ, ກອງບັນຊາການທະຫານເຂດ 4, ເຫຼົ່າທັບກອງທັບເຮືອ, ໄດ້ຖືກສົ່ງໄປປະຕິບັດໜ້າທີ່ເປັນຜູ້ສັງເກດການການທະຫານຢູ່ UNMISS (ຊູດັງ ໃຕ້).
ກ່າວຄຳປາໄສທີ່ການມອບໜ້າທີ່, ທ່ານພົນໂທ ຮວ່າງຊວນຈ້ຽນ ຮຽກຮ້ອງວ່າ ພາຍຫຼັງໄປຮອດຄະນະປະຕິບັດງານເພື່ອຮັບໜ້າທີ່, ນາຍທະຫານ 3 ທ່ານ ຕ້ອງກຳແໜ້ນສະພາບການບໍລິເວນຢ່າງວ່ອງໄວ, ໄປເຮັດວຽກທັນທີ, ປະຕິບັດໜ້າທີ່ການງານ, ໜ້າທີ່ທີ່ໄດ້ຮັບມອບໝາຍໃຫ້ດີ; ເພີ່ມທະວີການປະຕິບັດວຽກງານຄົ້ນຄວ້າ, ຍົກສູງຄວາມສາມາດໃນການໄຈ້ແຍກວິເຄາະ, ເສນາທິການ, ຄາດຄະເນສະພາບການ.
ພ້ອມກັນນັ້ນ, ບັນດານາຍທະຫານຕ້ອງເຊື່ອມຊຶມ ແລະ ປະຕິບັດທັດສະນະ, ແນວທາງການຕ່າງປະເທດຂອງພັກ, ລັດ ແລະ ກອງທັບຢ່າງເຂັ້ມງວດ; ປະຕິບັດລະບຽບວິໄນກອງທັບປະຊາຊົນ ຫວຽດນາມ, ລະບຽບການຂອງສະຫະປະຊາຊາດ, ກົດໝາຍຂອງປະເທດເຈົ້າພາບ, ບັນດາກຳນົດເພື່ອຮັບປະກັນຄວາມໝັ້ນຄົງ, ຄວາມປອດໄພກ່ຽວກັບປະຊາຊົນ ແລະ ອາວຸດ, ວັດຖຸອຖປະກອນຢ່າງເຂັ້ມງວດ; ຮັບປະກັນຈັນຍາບັນທະຫານປະຊາຊົນໃນຕະຫຼອດໄລຍະທີ່ປະຕິບັດໜ້າທີ່.
ທ່ານພົນໂທ ຮວ່າງຊວນຈ້ຽນ ກໍ່ສະເໜີໃຫ້ກົມຮັກສາສັນຕິພາບ ຫວຽດນາມ ສືບຕໍ່ຄົ້ນຄວ້າ ແລະ ຊຸກຍູ້ການເປີດກ້ວາງບັນດາການເຄື່ອນໄຫວ, ຮູບແບບ, ຂອບຂະໜາດ ແລະ ບໍລິເວນທີ່ເຂົ້າຮ່ວມ; ສົມທົບກັບບັນດາອົງການທີ່ມີຄວາມສາມາດເພື່ອເຮັດສຳເລັດແລວນິຕິກຳ ແລະ ພື້ນຖານນະໂຍບາຍໃຫ້ການເຂົ້າຮ່ວມບັນດາການເຄື່ອນໄຫວຮັກສາສັນຕິພາບຂອງສະຫະປະຊາຊາດ. ສືບຕໍ່ເອົາໃຈໃສ່ຍົກສູງຄວາມສາມາດດ້ານພາສາຕ່າງປະເທດ, ຄົ້ນຄວ້າຄວາມສາມາດຜັນຂະຫຍາຍກຳລັງເຂົ້າຮັບຕຳແໜ່ງບັນຊາຢູ່ບັນດາຄະນະປະຕິບັດງານ...
ມິງດຶກ
