| EuroCham: ວິສາຫະກິດ ເອີລົບ ຫາກໍ "ລົງທຶນ" ຕື່ມອີກ 100 ລ້ານ USD ຢູ່ ຫວຽດນາມ | |
| ປະທານ EuroCham: ຫວຽດນາມ ນຳມາເຊິ່ງກາລະໂອກາດລົງທຶນອັນໃຫຍ່ຫຼວງໃຫ້ແກ່ບັນດາວິສາຫະກິດ ເອີລົບ |
ຕາມນັ້ນແລ້ວ, 2 ຝ່າຍຮ່ວມມື ແມ່ນເພື່ອຍົກສູງບົດບາດ, ທີ່ຕັ້ງ ແລະ ການປະກອບສ່ວນຂອງແມ່ຍິງ ຫວຽດນາມ ໃນບັນດາຂົງເຂດເສດຖະກິດ ແລະ ສັງຄົມ. ລະອຽດ: ແລກປ່ຽນຂໍ້ມູນ ແລະ ປະສົບການກ່ຽວກັບການເຄື່ອນໄຫວຂອງບັນດາອົງການແມ່ຍິງຢູ່ ເອີລົບ ແລະ ຫວຽດນາມ. ໜູນຊ່ວຍ ແລະ ໃຫ້ຄຳປຶກສາໃຫ້ບັນດາອົງການແມ່ຍິງ ໃນການກໍ່ສ້າງຍຸດທະສາດການພັດທະນາ ແລະ ການປະຕິບັດບັນດາໂຄງການທີ່ກ່ຽວຂ້ອງກັບການພັດທະນາແມ່ຍິງ.
 |
| ທ່ານ ປອ ນາງ ຟ່ານບິກທ້ຽນ, ປະທານເວທີປາໄສແມ່ຍິງ ຫວຽດນາມ ຢູ່ ເອີລົບ ກ່າວຄຳປາໄສທີ່ພິທີລົງນາມ. |
ແລກປ່ຽນປະສົບການ ແລະ ການຮ່ວມມືໃນບັນດາການເຄື່ອນໄຫວຂອງແມ່ຍິງ ຫວຽດນາມ, ເພື່ອຮັກສາຄຸນຄ່າ ຫວຽດນາມ ພ້ອມທັງສະມາຄົມທີ່ດີຢູ່ຕ່າງປະເທດ.
ຈັດຕັ້ງ, ປະສານສົມທົບກັນເພື່ອເຂົ້າຮ່ວມບັນດາກອງປະຊຸມສຳມະນາ, ການໂອ້ລົມເຈລະຈາ, ເວທີປາໄສກ່ຽວກັບວິທີການແກ້ໄຂ ແລະ ປະສົບການ ໃນການຍົກສູງບົດບາດຂອງແມ່ຍິງໃນບັນດາຂົງເຂດເສດຖະກິດ ແລະ ສັງຄົມ.
ຈັດຕັ້ງບັນດາໂຄງການບຳລຸງສ້າງ, ເຝິກອົບຮົມກ່ຽວກັບທັກສະການນຳພາ ແລະ ຄຸ້ມຄອງໃຫ້ແກ່ແມ່ຍິງ ເພື່ອຊ່ວຍໃຫ້ແມ່ຍິງໄດ້ມີໂອກາດພັດທະນາຕົນເອງ ແລະ ສະແດງອອກເຖິງບົດບາດຂອງແມ່ຍິງໃນສັງຄົມ, ອັບເດດໃຫ້ທັນກັບການພັດທະນາຂອງວິທະຍາສາດເຕັກໂນໂລຢີ.
2 ຝ່າຍກໍສ້າງ, ເຫັນດີເປັນເອກະພາບ ແລະ ສົມທົບກັນ ເພື່ອຜັນຂະຫຍາຍບັນດາການເຄື່ອນໄຫວຮ່ວມມືສະເພາະເພື່ອປະຕິບັດຄຳໝັ້ນສັນຍາຂອງຕົນ.
ກ່າວຄຳປາໄສທີ່ພິທີລົງນາມ, ທ່ານ ປອ ນາງ ຟ່ານບິກທ້ຽນ, ປະທານເວທີປາໄສແມ່ຍິງ ຫວຽດນາມ ຢູ່ ເອີລົບ ໃຫ້ຮູ້ວ່າ ເວທີປາໄສ ໄດ້ຮັບການສ້າງຕັ້ງໃນປີ 2023. ເຖິງວ່າ ຈະສ້າງຕັ້ງຂຶ້ນພຽງແຕ່ 1 ປີເທົ່ານັ້ນ, ແຕ່ເວທີປາໄສກໍ່ມີຫຼາຍການເຄື່ອນໄຫວຢ່າງມີປະສິດທິຜົນໃນການຮ່ວມກັນ, ການຮ່ວມມືລະຫວ່າງບັນດາອົງການແມ່ຍິງຢູ່ປະເທດຕ່າງໆ, ບັນດາການເຄື່ອນໄຫວອາສາສະໝັກຢູ່ບ້ານເກີດເມືອງນອນ ເນື່ອງໃນໂອກາດວັນບຸນໄຫວ້ພະຈັນ ແລະ ບຸນເຕັດ.
ທ່ານ ປອ ນາງ ຟ່ານບິກທ້ຽນ ໃຫ້ຮູ້ວ່າ ບໍ່ພຽງແຕ່ມີຄວາມເຂັ້ມແຂງໃນການເຄື່ອນໄຫວຂອງປະຊາຄົມເທົ່ານັ້ນ, ເວທີປາໄສຍັງມີບັນດາການເຄື່ອນໄຫວໃນການສົ່ງເສີມການຄ້າ ແລະ ການລົງທຶນກັບບ້ານເກີດເມືອງນອນ. ບາງສະມາຊິກຂອງເວທີປາໄສ ແມ່ນບັນດາວິສາຫະກິດໃຫຍ່ທີ່ມີອິດທິພົນຢູ່ ເອີລົບ, ວິສາຫະກິດຫຼາຍແຫ່ງທີ່ຊ່ຽວຊານໃນການນໍາເຂົ້າຜະລິດຕະພັນກະເສດຂອງ ຫວຽດນາມ, ມີວິສາຫະກິດເຮັດວຽກກ່ຽວກັບຄວາມງາມນຳອີກ. ສະນັ້ນ, ການລົງນາມໃນການຮ່ວມມືລະຫວ່າງນັກທຸລະກິດຢູ່ຮ່າໂນ້ຍ ແລະ ເອີລົບ ຈະນຳມາເຊິ່ງຜົນປະໂຫຍດລະອຽດໃຫ້ແກ່ບັນດາສະມາຊິກຂອງສອງຝ່າຍ ກໍ່ຄືການເປີດກາລະໂອກາດຮ່ວມມືໃໝ່.
ທ່ານນາງ ບຸ່ຍທິອ໋ຽນ, ປະທານສະມາຄົມນັກທຸລະກິດຍິງນະຄອນ ຮ່າໂນ້ຍ ປາດຖະໜາວ່າ ໃນໄລຍະຈະມາເຖິງ, 2 ຝ່າຍຈະຈັດຕັ້ງບັນດາລາຍການພົບປະ, ແລກປ່ຽນ ແລະ ເຊື່ອມຕໍ່ດ້ານການຄ້າໃຫ້ບັນດາສະມາຊິກຂອງສອງຝ່າຍ ໂດຍຜ່ານບັນດາກອງປະຊຸມສຳມະນາ ແລະ ເວທີປາໄສ. ພິເສດ, ສ້າງຊ່ອງຂໍ້ມູນລະຫວ່າງສອງຝ່າຍ ເພື່ອແບ່ງປັນກາລະໂອກາດທາງທຸລະກິດ, ເພື່ອໃຫ້ສະມາຊິກສະມາຄົມສາມາດເຂົ້າເຖິງທ້ອງຕະຫຼາດ ເອີຣົບ.
ມິງດຶກ
