| ຍົກສູງປະສິດທິຜົນການຮ່ວມມືໃນການໜູນຊ່ວຍດ້ານຍຸຕິທຳກ່ຽວກັບຄະດີແພ່ງລະຫວ່າງ ຫວຽດນາມ ແລະ ລາວ | |
| ເຊື່ອມຕໍ່ຊາວຕ່າງປະເທດທີ່ດຳລົງຊີວິດ ແລະ ເຮັດວຽກຢູ່ແຂວງ ດົ່ງນາຍ |
ໂດຍເຂົ້າຮ່ວມກອງປະຊຸມໃຫຍ່ມີຜູ້ແທນທາງການ 100 ທ່ານ ຕາງໜ້າໃຫ້ສະມາຊິກສະມາຄົມມິດຕະພາບ ຫວຽດນາມ - ຝຣັ່ງ ແຂວງ ດົ່ງນາຍ 141 ແຫ່ງ (ສະມາຄົມ). ບັນດາຜູ້ແທນ ກໍໄດ້ສຸມໃສ່ຕີລາຄາໝາກຜົນຂອງສະມາຄົມໃນໄລຍະຜ່ານມາ; ວິເຄາະຢ່າງເລິກເຊິ່ງກ່ຽວກັບບັນດາໝາກຜົນທີ່ບັນລຸໄດ້, ຮັບຮູ້ຢ່າງກົງໄປກົງມາເຖິງຂໍ້ຈຳກັດໃນບັນດາຂົງເຂດການເຄື່ອນໄຫວຂອງສະມາຄົມ ແລະ ໄດ້ຍົກອອກທິດທາງ, ໜ້າທີ່, ວິທີການແກ້ໄຂໃຫຍ່ໃຫ້ແກ່ບັນດາການເຄື່ອນໄຫວຂອງໄລຍະທີ 2.
 |
| ທ່ານຮອງປະທານຄະນະກຳມະການປະຊາຊົນແຂວງ ດົ່ງນາຍ ຫງວຽນເຊີນຮຸ່ງ ກ່າວຄຳປາໄສທີ່ກອງປະຊຸມໃຫຍ່. |
ກ່າວຄຳປາໄສທີ່ກອງປະຊຸມໃຫຍ່, ທ່ານ ຟ່ານແທງບິ່ງ, ຮອງປະທານສະມາຄົມມິດຕະພາບ ແລະ ການຮ່ວມມື ຫວຽດນາມ - ຝຣັ່ງ ໄດ້ຕີລາຄາສູງບັນດາຄວາມມານະພະຍາຍາມຂອງສະມາຄົມມິດຕະພາບ ຫວຽດນາມ - ຝຣັ່ງ ແຂວງ ດົ່ງນາຍ ໃນການຈັດຕັ້ງບັນດາການເຄື່ອນໄຫວພົບປະແລກປ່ຽນປະຊາຊົນລະຫວ່າງ ດົ່ງນາຍ ກັບບັນດາທ້ອງຖິ່ນ ແລະ ປະຊາຊົນ ຝຣັ່ງ.
ໃນໄລຍະຈະມາເຖິງ, ຕາມທ່ານ ບິ່ງ ແລ້ວ, ສະມາຄົມມິດຕະພາບ ຫວຽດນາມ - ຝຣັ່ງ ແຂວງ ດົ່ງນາຍ ຕ້ອງສຸມໃສ່ຫັນການເຄື່ອນໄຫວພົບປະແລກປ່ຽນປະຊາຊົນເປັນຫຼາຍຮູບຫຼາຍແບບ. ການລະດົມໄປຄຽງຄູ່ກັບການໜູນຊ່ວຍບັນດາອົງການບໍ່ຂຶ້ນກັບລັດຖະບານ ຝຣັ່ງ ທີ່ເຄື່ອນໄຫວຢູ່ແຂວງ ເພື່ອນຳໃຊ້ແຫຼ່ງກຳລັງເພື່ອປະຕິບັດການເຄື່ອນໄຫວຮັບປະກັນຊີວິດສັງຄົມ, ພ້ອມທັງແນະນຳບັນດາອົງການນີ້ດຳເນີນທຸລະກິດຕາມລະບຽບການຂອງ ຫວຽດນາມ.
ກ່າວຄຳປາໄສທີ່ກອງປະຊຸມໃຫຍ່, ທ່ານຮອງປະທານຄະນະກຳມະການປະຊາຊົນແຂວງ ດົ່ງນາຍ ຫງວຽນເຊີນຮຸ່ງ ໃຫ້ຮູ້ວ່າ ໃນໄລຍະຈະມາເຖິງ, ສະມາຄົມຕ້ອງຕິດຕາມບັນດາເຫດການທີ່ມີຄວາມໝາຍດ້ານການເມືອງ, ວັດທະນະທຳ, ບັນດາເຫດການສຳຄັນໃນການພົວພັນລະຫວ່າງ ຫວຽດນາມ - ຝຣັ່ງ ເຊັ່ນ: ວັນສ້າງຕັ້ງການພົວພັນທາງການທູດ, ວັນຊາດ ຝຣັ່ງ, ສະເຫຼີມສະຫຼອງວັນພາສາ ຝຣັ່ງ ສາກົນ. ພ້ອມກັນນັ້ນ, ໂດຍອີງໃສ່ເງື່ອນໄຂສະເພາະ ແຕ່ລະປີກໍ່ສ້າງບັນດາການເຄື່ອນໄຫວແລກປ່ຽນກັບບັນດາອົງການຈັດຕັ້ງຂອງປະຊາຊົນ, ພິເສດແມ່ນບັນດາອົງການທີ່ບໍ່ຂຶ້ນກັບລັດຖະບານຕ່າງປະເທດ ຝຣັ່ງ, ຊາວ ຫວຽດນາມ ພວມດຳລົງຊີວິດ, ຮ່ຳຮຽນຢູ່ ຝຣັ່ງ ແລະ ຈັດຕັ້ງບັນດາການແຂ່ງຂັັນ ເພື່ອຊຸກຍູ້ຂະບວນການພາສາ ຝຣັ່ງ ຢູ່ແຂວງ.
ເພີ່ມທະວີການພົວພັນສົມທົບກັບບັນດາອົງການ, ຫົວໜ່ວຍໃນບໍລິເວນແຂວງ ເພື່ອຜັນຂະຫຍາຍການປະຕິບັດບັນດາໜ້າທີ່ຕ່າງປະເທດປະຊາຊົນເປັນຢ່າງດີ; ລະດົມມະຫາຊົນ ປະຊາຊົນເປັນຈຳຫຼວງຫຼາຍ ເຂົ້າຮ່ວມ ແລະ ປະກອບສ່ວນເຂົ້າໃນບັນດາການເຄື່ອນໄຫວຂອງສະມາຄົມຢ່າງມີປະສິດທິຜົນ.
ຄຽງຄູ່ນັ້ນ, ກໍ່ຍູ້ແຮງວຽກງານຂໍ້ມູນຂ່າວສານ, ເຜີຍແຜ່ການຕ່າງປະເທດກ່ຽວກັບຄວາມສາມັກຄີມິດຕະພາບລະຫວ່າງປະຊາຊົນສອງປະເທດ, ຕິດພັນກັບບັນດາການເຄື່ອນໄຫວພົບປະແລກປ່ຽນວັດທະນະທຳ, ເພື່ອສຶກສາໃຫ້ແກ່ລຸ້ນໜຸ່ມຂອງສອງປະເທດມີຄວາມເຂົ້າໃຈ ເສີມຂະຫຍາຍສາຍພົວພັນສາມັກຄີມິດຕະພາບລະຫວ່າງປະຊາຊົນ ຫວຽດນາມ ກັບ ຝຣັ່ງ. ສືບຕໍ່ພັດທະນາສະມາຊິກ ແລະ ສ້າງຕັ້ງບັນດາສາຂາສະມາຄົມມິດຕະພາບຢູ່ອົງການ, ບັນດາໂຮງຮຽນໃນບໍລິເວນແຂວງ.
ກອງປະຊຸມໃຫຍ່ ກໍ່ມີການລແກປ່ຽນເຈລະຈາ ເພື່ອເລືອກຕັ້ງຄະນະບໍລິຫານງານ ໂດຍມີ 19 ກຳມະການ ແລະ ບັນດາຕຳແໜ່ງການນຳສະມາຄົມໃນອາຍຸການໃໝ່, ໃນນັ້ນ ປະທານຄະນະກຳມະການແນວໂຮມປະເທດຊາດ ຫວຽດນາມ ແຂວງ ທ່ານ ກ່າວວັນກວາງ ກໍໄດ້ຮັບການເລືອກຕັ້ງໃຫ້ຮັກສາຕຳແໜ່ງເປັນປະທານສະມາຄົມມິດຕະພາບ ຫວຽດນາມ - ຝຣັ່ງ ແຂວງ ດົ່ງນາຍ, ອາຍຸການ 2024-2029.
ທ່ານ ກ່າວວັນກວາງ, ປະທານສະມາຄົມມິດຕະພາບ ຫວຽດນາມ - ຝຣັ່ງ ແຂວງ ດົ່ງນາຍ ໃຫ້ຮູ້ວ່າ ໃນໄລຍະຈະມາເຖິງ, ບັນດາສະມາຊິກ ຈະສາມັກຄີ, ເປັນເຈົ້າການ, ສ້າງສັນໃນການນຳການເຄື່ອນໄຫວຂອງສະມາຄົມມິດຕະພາບ ຫວຽດນາມ - ຝຣັ່ງ ແຂວງ ດົ່ງນາຍ ເຄື່ອນໄຫວຢ່າງມີປະສິດທິຜົນ, ມີຄຸນນະພາບ, ເສີມຂະຫຍາຍບົດບາດເປັນຂົວຕໍ່ມິດຕະພາບລະຫວ່າງປະຊາຊົນແຂວງ ດົ່ງນາຍ ກັບປະຊາຊົນ ຝຣັ່ງ; ປະກອບສ່ວນຢ່າງມີປະສິດທິຜົນເຂົ້າໃນການເຄື່ອນໄຫວການຕ່າງປະເທດລວມຂອງແຂວງ.
ເນື່ອງໃນໂອກາດນີ້, ສະມາຄົມມິດຕະພາບ ແລະ ການຮ່ວມມື ຫວຽດນາມ - ຝຣັ່ງ, ຄະນະກຳມະການປະຊາຊົນແຂວງ ດົ່ງນາຍ, ສະຫະພັນບັນດາອົງການມິດຕະພາບແຂວງ ດົ່ງນາຍ ກໍໄດ້ຍ້ອງຍໍ 33 ບຸກຄົນ, ກົມກອງລວມໝູ່ ຍ້ອນມີການປະກອບສ່ວນຢ່າງຕັ້ງໜ້າເຂົ້າໃນການເຄື່ອນໄຫວຂອງສະມາຄົມມິດຕະພາບຫວຽດນາມ - ຝຣັ່ງ ຢູ່ແຂວງ ດົ່ງນາຍ.
ໃນຂອບເຂດໂຄງການ, ອົງການ Les Enfants Du Dragon (ຝຣັ່ງ) ໄດ້ມອບເງິນຈຳນວນ 700 ລ້ານດົ່ງ ເພື່ອໜູນຊ່ວຍກໍ່ສ້າງເຮືອນມິດຕະພາບ 10 ຫຼັງໃຫ້ຊາວເຜົ່າສ່ວນໜ້ອຍໃນບໍລິເວນແຂວງ ດົ່ງນາຍ.
ມິງດຶກ
