ໂດຍເຂົ້າຮ່ວມຄະນະ ມີທ່ານ ໂດ້ຫວຽດຮ່າ, ປະທານສະຫະພັນບັນດາອົງການມິດຕະພາບນະຄອນ ໂຮ່ຈິມິນ; ຜູ້ຕາງໜ້າການນຳສະຫະພັນບັນດາອົງການມິດຕະພາບ ແລະ ສະມາຄົມມິດຕະພາບ ຫວຽດນາມ - ອິນເດຍ ຂອງແຂວງ, ນະຄອນພາກໃຕ້ຈຳນວນໜຶ່ງ.
 |
|
|
ໃນຂອບເຂດການໄປຢ້ຽມຢາມປະຕິບັດງານ, ວັນທີ 10 ເມສາ, ຄະນະໄດ້ເຂົ້າຢ້ຽມຂ່ຳນັບ ທ່ານລັດຖະມົນຕີກະຊວງການຕ່າງປະເທດ ອິນເດຍ. ທີ່ການຕ້ອນຮັບຄະນະ, ທ່ານຮອງລັດຖະມົນຕີກະຊວງການຕ່າງປະເທດ ອິນເດຍ (ຮັບຜິດຊອບຕາເວັນອອກ) Jaideep Mazumdar ໃຫ້ຮູ້ວ່າ ໃນໂອກາດທີ່ໄດ້ໄປຕິດຕາມຄະນະ ທ່ານນາຍົກລັດຖະມົນຕີ ອິນເດຍ Narendra Modi ໄປຢ້ຽມຢາມນະຄອນ ໂຮ່ຈີມິນ ໃນປີ 2016 ໄດ້ສ້າງຄວາມປະທັບໃຈໃຫ້ທ່ານ ກ່ຽວກັບນະຄອນທີ່ຂະຫຍັນຂັນເຄື່ອນທີ່ສຸດ, ມີພະລັງຊີວິດທີ່ອຸດົມສົມບູນ. ທ່ານກໍ່ໄດ້ຮັບຮູ້ວ່າ, ຫວ່າງມໍ່ໆມານີ້, ສະມາຄົມມິດຕະພາບ ຫວຽດນາມ - ອິນເດຍ ປະຈຳນະຄອນ ໂຮ່ຈີມິນ ໄດ້ມີການເຄື່ອນໄຫວພົບປະແລກປ່ຽນປະຊາຊົນຢ່າງມີຫົວຄິດປະດິດສ້າງ, ປະກອບສ່ວນຮັດແໜ້ນນ້ຳໃຈສາມັກຄີ - ມິດຕະພາບລະຫວ່າງ 2 ປະເທດ, ເພີ່ມທະວີຄວາມເຂົ້າໃຈ, ຄວາມໄວ້ເນື້ອເຊື່ອໃຈ, ສະໜັບສະໜູນເຊິ່ງກັນ ແລະ ກັນລະຫວ່າງປະຊາຊົນສອງປະເທດ.
ທ່ານ ຮວິ່ງແທ່ງເລິບ ໄດ້ສະແດງຄວາມປະທັບໃຈກ່ຽວກັບວັດທະນະທຳ ອິນເດຍ; ໄດ້ສົ່ງຄຳຂອບໃຈເຖິງ ອິນເດຍ ທີ່ໄດ້ມອບ ຂອງຂັວນອັນລ້ຳຄ່າໃຫ້ຫຼາຍຄົນໃນທົ່ວໂລກ, ໃນນັ້ນມີ ຫວຽດນາມ, ນັ້ນແມ່ນ Yoga (ໂຍຄະ), ເຊິ່ງໄດ້ຊ່ວຍປັບປຸງສຸຂະພາບຂອງປະຊາຊົນ. ຈາກຜົນປະໂຫຍດທີ່ແທດຈິງນຳມາໃຫ້ປະຊາຊົນນັ້ນ, ໃນຊຸມປີມໍ່ໆມານີ້, ການຝຶກຊ້ອມ Yoga ກໍ່ໄດ້ດຶງດູດການຕອບສະໜອງຂອງຊາວ ຫວຽດນາມ ເປັນຈຳນວນຫຼວງຫຼາຍ. ຢູ່ນະຄອນ ໂຮ່ຈີມິນ, ການນຳນະຄອນ ໄດ້ສ້າງເງື່ອນໄຂສະດວກຫຼາຍຢ່າງໃຫ້ສະມາຄົມມິດຕະພາບ ຫວຽດນາມ - ອິນເດຍ ປະຈຳນະຄອນ ໂຮ່ຈີມິນ ຮ່ວມເດີນທາງກັບກົງສຸນໃຫຍ່ ອິນເດຍ ປະຈຳ ນະຄອນ ໂຮ່ຈີມິນ ເພື່ອແຜ່ກະຈາຍວັນ Yoga ສາກົນ ປະຈຳປີ, ດ້ວຍການສົ່ງສານການຮັກສາການເຝິກຊ້ອມ Yoga ພື້ນຖານເປັນຄືດັ່ງກິລາປະເພດໜຶ່ງ, ເຝິກຊ້ອມແຕ່ລະມື້ໄດ້ຢ່າງງ່າຍດາຍ, ຈາກນັ້ນ ກໍ່ດໍາລົງຊີວິດມີຢ່າງຄວາມສຸກກ່ວາອີກ, ຍົກສູງປະສິດທິພາບຂອງການອອກແຮງງານ.
ຄະນະຜູ້ແທນ ໄດ້ໄປຖະຫວາຍດອກໄມ້ຢູ່ອະນຸສາວະລີປະທານ ໂຮ່ຈິມິນ ຢູ່ນະຄອນຫຼວງ New Delhi. ຢູ່ທີ່ນີ້, ທ່ານ ຮວິ່ງແທ່ງເລິບ ໄດ້ສະແດງຄວາມຕື້ນຕັນໃຈໃນເວລານາທີທີ່ໄດ້ຖະຫວາຍດອກໄມ້ໃຫ້ລຸງໂຮ່ ບັນດາດວງດອກໄມ້ທີ່ສົດໃສຢູ່ໃຈກາງນະຄອນຫຼວງຂອງປະເທດເພື່ອນມິດ, ມຸ່ງຫວັງເດີນຕາມເສັ້ນທາງທີ່ພັກ ແລະ ລຸງໂຮ່ ໄດ້ເລືອກໄປຕະຫຼອດການ. ພ້ອມກັນນັ້ນ, ກໍ່ເຊື່ອມຊຶມຄຳສອນ ແລະ ບົດຮຽນໃນວຽກງານການຕ່າງປະເທດ ທີ່ ລຸງໂຮ່ ໄດ້ປະໄວ້, ນຳໃຊ້, ລົງເລິກການພົວພັນຄູ່ຮ່ວມມືຍຸດທະສາດຮອບດ້ານ ຫວຽດນາມ - ອິນເດຍ ບົນແນວໂຮມການແລກປ່ຽນປະຊາຊົນໃຫ້ຫຼາຍກວ່າອີກ.
ທີ່ການຢ້ຽມຢາມ ແລະ ເຮັດວຽກກັບສະຖານທູດ ຫວຽດນາມ ປະຈຳ ອິນເດຍ, ທ່ານເອກອັກຄະລັດຖະທູດ ຫວຽດນາມ ປະຈຳ ອິນເດຍ ຫງວຽນແທ່ງຫາຍ ຕີລາຄາວ່າ ການຢ້ຽມຢາມປະຕິບັດງານຂອງຄະນະຜູ້ແທນ ໄດ້ປະກອບສ່ວນຢ່າງຕັ້ງໜ້າເຂົ້າໃນການເຄື່ອນໄຫວແລກປ່ຽນປະຊາຊົນລະຫວ່າງ ຫວຽດນາມ ແລະ ອິນເດຍ. ທ່ານເອກອັກຄະລັດຖະທູດ ປາດຖະໜາວ່າ ສະມາຄົມມິດຕະພາບ ຫວຽດນາມ - ອິນເດຍ ນະຄອນ ໂຮ່ຈີມິນ ໃນໄລຍະຈະມາເຖິງ ຈະສືບຕໍ່ຊຸກຍູ້ບັນດາການເຄື່ອນໄຫວແລກປ່ຽນປະຊາຊົນຢູ່ນະຄອນ, ພິເສດແມ່ນໃນຂົງເຂດພົບປະດ້ານວັດທະນະທຳ, ການແປບັນດາຜະລິດຕະພັນສິ່ງພິມທີ່ຍອດຍິ່ງຂອງວັດທະນະທຳ ຫວຽດນາມ ເປັນພາສາ Hindi ເພື່ອແບ່ງປັນຄຸນຄ່າອັນດີງາມຂອງ ຫວຽດນາມ ຕໍ່ເພື່ອນມິດ ອິນເດຍ. ໃນຂອບເຂດການຢ້ຽມຢາມ, ຄະນະຜູ້ແທນຍັງໄດ້ເຮັດວຽກກັບກອງທຶນ ອິນເດຍ (India Foundation), Summit India, ເຊິ່ງແມ່ນບັນດາອົງການຈັດຕັ້ງທີ່ມີໜ້າທີ່ຊຸກຍູ້ການແລກປ່ຽນປະຊາຊົນ, ສັນຕິພາບ, ມິດຕະພາບລະຫວ່າງ ອິນເດຍ ກັບບັນດາປະເທດໃນໂລກ.
ທີ່ບັນດາການພົບປະ, ທ່ານ ຮວິ່ງແທ່ງເລິບ ແລະ ຜູ້ຕາງໜ້າການນຳບັນດາອົງການຈັດຕັ້ງຂອງຝ່າຍ ອິນເດຍ ທີ່ຕ້ອນຮັບຄະນະຜູ້ແທນ ລ້ວນແຕ່ໄດ້ຫວນຄືນຄວາມຮັກແພງ ແລະ ການພົບປະຄັ້ງປະຫວັດສາດລະຫວ່າງປະທານ ໂຮ່ຈີມິນ ແລະ ທ່ານອະດີດນາຍົກລັດຖະມົນຕີອິນເດຍ Jawaharlal Nehru ເຊິ່ງເປັນປະຖົມປັດໄຈໃຫ້ສຳລັບບັນດາການພົບປະຂັ້ນສູງໃນໄລຍະຕໍ່ມາ ເພື່ອນຳບັນດາຜົນປະໂຫຍດທີ່ແທດຈິງຫຼາຍຢ່າງມາໃຫ້ປະຊາຊົນສອງປະເທດ, ພິເສດແມ່ນນະຄອນ ໂຮ່ຈິມິນ. ການຮ່ວມມືເພື່ອພັດທະນາ ແລະ ການກໍ່ສ້າງຂອງ ຫວຽດນາມ - ອິນເດຍ ໃນປະຈຸບັນແມ່ນການສືບທອດສາຍພົວພັນອັນດີງາມທີ່ການນຳລຸ້ນຕ່າງໆຂອງສອງປະເທດໄດ້ອອກເຫື່ອເທແຮງເພີ່ມພູນຄູນສ້າງ.
ມິງດຶກ
