| ຫວຽດນາມ ໄດ້ເຂົ້າຮ່ວມການສຳມະນາໂດຍ IMF ຈັດຂຶ້ນຢູ່ ລາວ | |
| ກວາງອານ (ຮ່າໂນ້ຍ) ນອນໃນ top 30 ຖະໜົນທີ່ສວຍງາມ, ໜ້າຈັບໃຈທີ່ສຸດໃນໂລກ 2024 |
"ເມື່ອກ່າວເຖິງບັນດາຈຸດປາຍທາງທີ່ປອດໄພທີ່ສຸດໃນໂລກສຳລັບນັກທ່ອງທ່ຽວຍິງທີ່ໄປຄົນດ່ຽວໃນອາຊີຕາເວັນອອກສຽງໃຕ້, ໄທ ແລະ ຫວຽດນາມ ຍັງເປັນຈຸດໝາຍປາຍທາງແຖວໜ້າ, ແຕ່ ຫວຽດນາມ ຍັງເປັນຈຸດເລີ່ມຕົ້ນທີ່ດີກວ່າ", ວາລະສານ Time Out ໃຫ້ຄຳເຫັນ.
 |
|
|
ຕາມ Time Out ແລ້ວ, ຫວຽດນາມ ດ້ວຍຄວາມງາມທາງທຳມະຊາດອັນສະຫງ່າລາສີຈາກພູເຂົາ, ທະເລ, ເຖິງໝູ່ບ້ານບູຮານ, ໄດ້ດຶງດູດນັກທ່ອງທ່ຽວສາກົນນັບລ້ານເທື່ອຄົນໃນແຕ່ລະປີ. ຈາກ ຮ່າໂນ້ຍ ໄປເຖິງບັນດານະຄອນທີ່ຟົດຟື້ນເຊັ່ນ ນະຄອນ ໂຮ່ຈີມິນ ແລະ ບັນດາຈຸດໝາຍປາຍທາງທີ່ມີຊື່ສຽງຄື ໂຮ້ຍອານ, ເຫ້ວ ລ້ວນແຕ່ຖືກແນະນຳໂດຍ Time Out ວ່າເປັນບ່ອນທີ່ນັກທ່ອງທ່ຽວຈະຄົ້ນພົບສິ່ງທີ່ຫນ້າສົນໃຈຫຼາຍຢ່າງ.
ສິ່ງທີ່ເຮັດໃຫ້ ຫວຽດນາມ ກາຍເປັນຈຸດໝາຍປາຍທາງທີ່ອຸດົມການໃຫ້ແກ່ແມ່ຍິງທີ່ໄປຄົນດຽວນັ້ນແມ່ນຕາໜ່າງຄົມມະນາຄົມທີ່ສະດວກ ແລະ ພັດທະນາ. ບໍ່ວ່າທ່ານຈະເລືອກເດີນທາງດ້ວຍລົດໄຟ, ລົດເມ ຫຼື ລົດຈັກ, ກໍ່ຈະໄປເຖິງທຸກບ່ອນທີ່ຢາກຄົ້ນພົບຢ່າງງ່າຍດາຍ.
ບໍ່ພຽງແຕ່ກ່ຽວກັບວັດທະນະທຳ ແລະ ທິວທັດານັ້ນ, ຫວຽດນາມ ຫາກຍັງມີຊື່ສຽງໃນດ້ານອາຫານທີ່ມີຄວາມຫຼາກຫຼາຍ ແລະ ມີຄວາມດູດດື່ມ. ແຂກຈະຊິມບັນດາອາຫານທີ່ມີຄຸນລັກສະນະຈຳເພາະຈາກທົ່ວປະເທດ, ສ້າງປະສົບການອາຫານທີ່ບໍ່ສາມາດລືມໄດ້.
ຕາມນັ້ນແລ້ວ, ນັກທ່ອງທ່ຽວບໍ່ຄວນລືມຊິມອາຫານ ເຫ້ວ, ບ່ອນເຊິ່ງເຄີຍແມ່ນເມືອງຫຼວງຂອງລາຊະວົງ ຫງວຽນ, ສະໄໝລາຊະວົງສັກດິນາສຸດທ້າຍຂອງຫວຽດນາມ. ປະຈຸບັນ, ເຫ້ວ ມີອາຫານ 1.200 ກວ່າເຍື່ອງ, ໃນນັ້ນມີກ່າວເຖິງ ເຂົ້າປູ້ນງົວເຫ້ວ, ນ້ຳຫວານ ໂກ໋ໂດ່, ຈ່າຢໍ່ ແລະ ເຂົ້າຫອຍແຄງປະເພດໜຶ່ງ, ອາຫານຈານໜຶ່ງທີ່ມີສ່ວນປະກອບແບບຊົນນະພາບເຊັ່ນ: ຫອຍນາງລົມ ແລະພືດສະຫມຸນໄພສົດ.
ຄຽງຂ້າງນັ້ນ, ວັດທະນະທຳຮັກແຂກ ແລະ ເປັນມິດຂອງຊາວຫວຽດນາມ ກໍ່ແມ່ນປັດໄຈສຳຄັນທີ່ເຮັດໃຫ້ນັກທ່ອງທ່ຽວຮູ້ສຶກປອດໄພເມື່ອມາຢ້ຽມຢາມປະເທດນີ້. ການໜຸ່ມຊ່ວຍ ແລະ ວາມກະຕືລືລົ້ນຈາກປະຊາຊົນທ້ອງຖິ່ນຊ່ວຍໃຫ້ນັກທ່ອງທ່ຽວມີຄວາມເຊື່ອໝັ້ນຕົນເອງ ແລະ ປອດໄພໃນການເດີນທາງຂອງຕົນ.
ດ້ວຍພື້ນຖານໂຄງລ່າງທີ່ພັດທະນາແລ້ວ, ວັດທະນະທຳຮັກແຂກແລະ ອາຫານທີ່ຫຼາກຫຼາຍ, ຫວຽດນາມ ແມ່ນຈຸດໝາຍປາຍທາງທີ່ປອດໄພ ແລະ ໜ້າຈັບໃຈຢ່າງແທ້ຈິງສຳລັບຜູ້ຍິງທີ່ຢາກປະຕິບັດບັນດາການທ່ອງທ່ຽວທີ່ໄປຄົນດ່ຽວ.
ນອກຈາກ ຫວຽດນາມ ແລ້ວ, ໃນບັນຊີລາຍຊື່ຂອງ Time Out ຍັງລວມມີ ສີລັງກາ, ຍີ່ປຸ່ນ, ອົດສະຕາລີ, ເກຼັກ ແລະ ນິວຊີແລນ.
ມິງດຶກ
