| ຊຸກຍູ້ການໜູນຊ່ວຍການຮຽນຮູ້, ກຳນົດທິດອາຊີບໃຫ້ແກ່ຊາວໜຸ່ມ, ນັກສຶກສາ ຫວຽດນາມ ຢູ່ ສາທາລະນະລັດເຊັກໂກ | |
| ຄວາມດຶງດູດຂອງມໍລະດົກວັດທະນະທຳຫວຽດນາມ |
ເມື່ອຕອບສຳພາດຕໍ່ນັກຂ່າວສຳນັກຂ່າວສານ ຫວຽດນາມ, ທ່ານ Ezequiel Ramoneda ຜູ້ປະສານງານສູນກາງຄົ້ນຄວ້າ ອາຊີຕາເວັນອອກສ່ຽງໃຕ້ ສັງກັດ ສະຖາບັນການພົວພັນສາກົນ ມະຫາວິທະຍາໄລແຫ່ງຊາດ La Plata, ອາກຊັງຕິນ ຢັ້ງຢືນວ່າ: ວັນທີ 30 ເມສາ 1975, ວັນປົດປ່ອຍພາກໃຕ້ ແລະ ທ້ອນໂຮມປະເທດຊາດເປັນເອກະພາບ, ແມ່ນເຫດການສຳຄັນໃນປະຫວັດສາດຂອງຊາວ ຫວຽດນາມ ແລະ ໂລກ. ທ່ານ Ramoneda ເນັ້ນໜັກວ່າ ບັ້ນຮົບ ໂຮ່ຈີມິນຂອງ ຊາວ ຫວຽດນາມ ຍາດໄດ້ໄຊຊະນະຢ່າງສິ້ນເຊີງ ແມ່ນພະຍານຫຼັກຖານໃຫ້ແກ່ເຈດຈຳນົງອົງອາດກ້າແກ່ນ, ບໍ່ຍອມຈຳນົນ, ກຳລັງແຮງມະຫາສາມັກຄີທົ່ວປວງຊົນທັງຊາດ ບໍ່ມີສິ່ງໃດສາມາດເຮັດໃຫ້ຊາດ ຫວຽດນາມ ສັ່ນສະຄອນໄດ້. ການນຳພາອັນສະຫຼາດສ່ອງໃສ ແລະ ເກັ່ງກ້າສະຫຼາດສະຫຼຽວຂອງພັກຄອມມູນິດ ຫວຽດນາມ ແມ່ນປັດໄຈຕັດສິນທຸກໄຊຊະນະຂອງຊາດ ຫວຽດນາມ ໃນພາລະກິດປົກປັກຮັກສາ ເອກະລາດ, ເສລີພາບ ແລະ ອະທິປະໄຕຂອງຊາດ.
 |
ທ່ານ Ezequiel Ramoneda. |
ທ່ານ Ramoneda ຖືວ່າ ຈາກພື້ນຖານໄຊຊະນະເມື່ອປີ 1975 ນັ້ນ, ປະຊາຊົນ ຫວຽດນາມ ໄດ້ສ້າງສາປະເທດໃຫ້ນັບມື້ນັບພັດທະນາ, ທີ່ຕັ້ງບົດບາດໃນເວທີສາກົນ ກໍໄດ້ຮັບການຍົກສູງຂຶ້ນຢ່າງບໍ່ຢຸດຢັ້ງ. ຫວຽດນາມ ໄດ້ປະກອບສ່ວນທີ່ມີປະສິດທິຜົນຫຼາຍຢ່າງ ແລະ ປະຕິບັດສຳເລັດບົດບາດຫຼັກແຫຼ່ງແກ່ນສານໃນບັນດາອົງການຈັດຕັ້ງ, ເວທີປາໄສ, ພິເສດແມ່ນ ສປຊ ແລະ ອາຊຽນ. ຫວຽດນາມ ເປັນເຈົ້າການຍົກອອກຫຼາຍຂໍ້ລິເລີ່ມທີ່ມີຫົວຄິດປະດິດສ້າງໃນບັນດາອົງການຈັດຕັ້ງ, ເວທີປາໄສສາກົນສຳຄັນ ແລະ ກາຍເປັນຕ່ອງໂສ້ສຳຄັນໃນຫຼາຍລະບົບເສດຖະກິດຂອງພາກພື້ນ ແລະ ໃນທົ່ວໂລກ.
ທ່ານ Ezequiel ໃຫ້ຮູ້ວ່າ: ໃນບົດຂຽນສະເຫຼີມສະຫຼອງ 94 ປີແຫ່ງວັນສ້າງຕັ້ງພັກກອມມູນິດຫວຽດນາມ, ທ່ານເລຂາທິການໃຫຍ່ ຫງວຽນຟູ໋ຈ້ອງ ໄດ້ຢືນຢັນເຖິງສາຍພົວພັນທາງສາຍເລືອດລະຫວ່າງພັກ ແລະ ປະຊາຊົນ, ລ້ວນແຕ່ເພື່ອຜົນປະໂຫຍດຂອງປະຊາຊົນ. ປະຊາຊົນແມ່ນເປົ້າໝາຍ ແລະ ກຳລັງແຮງຂອງການປະຕິວັດຫວຽດນາມ. ບົດບາດນຳພາຂອງພັກກອມມູນິດໄດ້ຮັບການເຊີດຊູສູງໂດຍອີງໃສ່ອຳນາດປະຊາຊົນ. ການຊີ້ນຳນຳພາຂອງພັກກອມມູນິດຫວຽດນາມ ແມ່ນປັດໄຈຕັດສິນໃຈປຸກລະດົມ, ເຊີດຊູບົດບາດອັນໃຫຍ່ຫຼວງຂອງປະຊາຊົນໃນຂະບວນການປະຕິວັດຫວຽດນາມ.
ຕາມທ່ານ Ramoneda ແລ້ວ, ໃນລະດັບສາກົນ, ບົດບາດ ແລະ ທີ່ຕັ້ງຂອງຫວຽດນາມ ກໍ່ໄດ້ຮັບການຢືນຢັນນັບມື້ນັບສູງຂຶ້ນ. ຫວຽດນາມ ໄດ້ມີການປະກອບສ່ວນຢ່າງມີປະສິດທິຜົນ ແລະ ປະສົບຜົນສຳເລັດໃນບົດບາດສຳຄັນຂອງບັນດາອົງການ, ເວທີປາໄສ, ພິເສດແມ່ນສະຫະປະຊາຊາດ (ສປຊ) ແລະ ສະມາຄົມບັນດາປະເທດອາຊີຕາເວັນອອກສ່ຽງໃຕ້ (ອາຊຽນ). ຫວຽດນາມ ຕັ້ງໜ້າສະເໜີຫຼາຍແນວຄວາມຄິດສ້າງສັນຢູ່ບັນດາອົງການ ແລະ ເວທີປາໄສສາກົນທີ່ສຳຄັນ, ພິເສດແມ່ນ ອາຊຽນ, ASEM, APEC, UN, G7, G20... ຫວຽດນາມ ໄດ້ກາຍເປັນຈຸດເຊື່ອມຕໍ່ທີ່ສຳຄັນໃນຫຼາຍຂົງເຂດເສດຖະກິດພາກພື້ນ ແລະ ໂລກ.
ຄຳຮຸ່ງ
