ທີ່ການເຮັດວຽກ, ໂດຍຕາງໜ້າໃຫ້ຄະນະປະຕິບັດງານ, ທ່ານນາງ Leigh McCumber - ຮອງເອກອັກຄະລັດຖະທູດສະຖານທູດ ການາດາ ປະຈຳ ຮ່າໂນ້ຍ ໃຫ້ຮູ້ວ່າ ຈຸດປະສົງຂອງຄະນະມາຍັງ ນະຄອນ ເກີ່ນເທີ ໃນຄັ້ງນີ້ ແມ່ນເພື່ອຊອກຮູ້ບັນດາຂໍ້ມູນທີ່ກ່ຽວຂ້ອງກັບບັນດາບັນຫານ້ຳຂອງແມ່ນ້ຳຂອງ, ສະພາບການເຈື່ອນພັງ, ຜົນກະທົບຂອງການປ່ຽນແປງດິນຟ້າອາກາດ ຕໍ່ກັບທ້ອງຕະຫຼາດແຮງງານ, ການຍ້າຍຖິ່ນຖານ ແລະ ບັນດາຄວາມຮຽກຮ້ອງຕ້ອງການກ່ຽວກັບການໜູນຊ່ວຍ, ການຮ່ວມມືຂອງນະຄອນ ເກີ່ນເທີ ແລະ ເຂດທົ່ງພຽງແມ່ນ້ຳຂອງ ກັບບັນດາປະເທດໃນກຸ່ມ G4.
ຄະນະຜູ້ແທນ ກໍສະເໜີໃຫ້ການນຳນະຄອນ ແບ່ງປັນບັນດາມາດຕະການຮັບມືຂອງນະຄອນທີ່ກ່ຽວຂ້ອງເຖິງການແກ້ໄຂຜົນສະທ້ອນຈາກການປ່ຽນແປງຂອງດິນຟ້າອາກາດ, ກໍຄືແບ່ງປັນບາງຮູບແບບ ທີ່ພວມຜັນຂະຫຍາຍຢ່າສຳເລັດຜົນຢູ່ທ້ອງຖິ່ນ.
 |
ໂດຍແຈ້ງໃຫ້ຄະນະປະຕິບັດງານ, ທ່ານ ຫງວຽນຫງອກແຮ່ - ຮອງປະທານຄະນະກໍາມະການປະຊາຊົນນະຄອນ ເກີ່ນເທີ ໃຫ້ຮູ້ວ່າ ນະຄອນ ເກີ່ນເທີ ແມ່ນເຂດໃຈກາງຂອງເຂດທົ່ງພຽງແມ່ນ້ຳຂອງ ດ້ວຍເງື່ອນໄຂທຳມະຊາດ, ດິນທີ່ອຸດົມສົມບູນ, ໍອາກາດທີ່ອົບອຸ່ນ; ມີແຫຼ່ງວັດຖຸດິບຂອງ ເຂົ້າ, ຫມາກໄມ້, ອາຫານທະເລທີ່ອຸດົມສົມບູນ. ນະຄອນ ຍັງມີທີ່ຕັ້ງພູມສາດທີ່ສະດວກພໍສົມຄວນ, ເຊິ່ງຫ່າງຈາກທະເລຕາເວັນອອກ ປະມານ 80 ກິໂລແມັດ ສະນັ້ນ, ເງື່ອນໄຂແຫຼ່ງຊັບພະຍາກອນນ້ຳຈືດ ກໍ່ມີເງື່ອນໄຂສະດວກກວ່າບາງແຂວງໃນຂົງເຂດ... ເຖິງຢ່າງໃດກໍ່ຕາມ, ຕໍ່ກັບຜົນສະທ້ອນທີ່ນັບມື້ນັບຈະແຈ້ງຂອງການປ່ຽນແປງຂອງດິນຟ້າອາກາດ, ຜົນກະທົບຈາກໄພທຳມະຊາດ, ທັງໄພມະນຸດ, ນະຄອນຍາມໃດກໍມີສະຕິ, ບໍ່ປະໝາດໃນການຮັບມືກັບສິ່ງທ້າທາຍຕ່າງໆ ເຊັ່ນ: ການເຈື່ອນພັງຂອງຝັ່ງແມ່ນ້ຳ, ນໍ້າຖ້ວມໃນຕົວເມືອງ, ພະຍຸທໍນາໂດ; ສະພາບການໄພແຫ້ງແລ້ງ, ຂາດນ້ຳ, ທະເລແຊກຊຶມເຂົ້າ...
ຕາມທ່ານ ຫງວຽນຫງອກແຮ່ ແລ້ວ, ຕໍ່ບັນດາການຜັນແປທີ່ສັບສົນຂອງການປ່ຽນແປງຂອງດິນຟ້າອາກາດ, ນະຄອນ ເກີ່ນເທີ ໄດ້ວາງອອກບັນດາວິທີແກ້ໄຂຈຸດສຸມຄື: ຍົກສູງຄວາມຮັບຮູ້ຂອງປະຊາຄົມ; ຜັນຂະຫຍາຍບັນດາມາດຕະການໂຄງການ ແລະ ບໍ່ເປັນໂຄງການ; ການລົງທຶນພື້ນຖານໂຄງລ່າງຊົນລະປະທານ, ຄົມມະນາຄົມທາງນ້ຳ ແລະ ທາງບົກ. ຄຽງຄູ່ນັ້ນ, ເພື່ອແກ້ໄຂບັນຫານໍ້າຖ້ວມໃນຕົວເມືອງ, ນະຄອນ ກໍຍັງໄດ້ຜັນຂະຫຍາຍມາດຕະການກິດຈະກຳປ້ອງກັນເຂດຫົ້ງ ເພື່ອສູບນໍ້າ, ປັບລະດັບນໍ້າ, ນຳລະບົບຕ້ານໄພນໍ້າຖ້ວມເຂົ້າເຄື່ອນໄຫວຢ່າງມີປະສິດທິຜົນ. ສຳລັບເຂດຊົນນະບົດ, ນະຄອນ ຍັງມີແຜນການຍຸດທະສາດໄລຍະຍາວ ແມ່ນຈະການປ່ຽນແປງການຜະລິດລະດູການປູກຝັງ, ການປ່ຽນແປງໂຄງປະກອບການປູກຝັງ ແລະ ການລ້ຽງສັດໃຫ້ສອດຄ່ອງກັບລັກສະນະດິນຟ້າອາກາດ, ສະພາບອາກາດ.
ທ່ານ ຫງວຽນຫງອກແຮ່ ກໍໃຫ້ຮູ້ວ່າ ບໍ່ພຽງແຕ່ແຂວງ ເກີ່ນເທີ ເທົ່ານັ້ນ ຫາກຍັງມີຫຼາຍທ້ອງຖິ່ນໃນຂົງເຂດ ກໍໄດ້ສະເໜີແນະໃຫ້ລັດຖະບານ ຕ້ອງມີການຮ່ວມມືສາກົນ ເພື່ອມຸ່ງໄປເຖິງການປົກປັກຮັກສາແຫຼ່ງນ້ຳ, ຕ້ານທະເລແຊກຊຶມເຂົ້າ ເພື່ອຕອບສະໜອງ ແລະ ດັດປັບກັບການປ່ຽນແປງຂອງດິນຟ້າອາກາດຢ່າງມີປະສິດທິຜົນ. ການນຳນະຄອນ ກໍໄດ້ຮັບຮູ້ວ່າ ຕໍ່ການຜັນແປທີ່ສັບສົນ, ບໍ່ອາດຄາດຄະເນການປ່ຽນແປງຂອງດິນຟ້າອາກາດໄດ້ນັ້ນ, ນະຄອນ ເກີ່ນເທີ ຍັງຂາດປະສົບການໃນການປະຕິບັດ. ສະນັ້ນ, ນະຄອນ ປາດຖະໜາຢາກແບ່ງປັນປະສົບການ ແລະ ໄດ້ຮັບການໜູນຊ່ວຍ, ການຮ່ວມມືຈາກບັນດາປະເທດໃນກຸ່ມ G4 ໃນບັນດາບັນຫາຍົກສູງຄວາມຮັບຮູ້ຂອງສະມາຄົມ ກ່ຽວກັບການປ່ຽນແປງຂອງດິນຟ້າອາກາດ, ບັນດາວິທີແກ້ໄຂການຕອບສະໜອງການປ່ຽນແປງຂອງດິນຟ້າອາກາດ, ກ່ຽວກັບບັນດາບັນຫາຄວາມສະດວກ, ການຫາລ້ຽງຊີບຂອງປະຊາຊົນ; ບັນຫາກ່ຽວກັບການຫຼຸດຜ່ອນການປ່ອຍອາຍພິດ ເມຕານ, ຫຼຸດຜ່ອນຂີ້ເຫຍື້ອຢາງ, ເກັບຮັກສານ້ຳ, ຈຳກັດສະພາບການເຈື່ອນພັງແຄມຝັ່ງແມ່ນ້ຳ…
ທ່ານນາງ Leigh McCumber ໃຫ້ຮູ້ວ່າ ບັນດາຂໍ້ມູນເຊິ່ງການນຳນະຄອນສະໜອງ ລ້ວນແຕ່ເໝາະສົມກັບຄວາມສົນໃຈຂອງຄະນະ ກໍ່ຄືບັນດາໂຄງການທີ່ຄະນະພວມຈັດຕັ້ງຜັນຂະຫຍາຍ ປລະ ໃຫ້ຮູ້ຕື່ມວ່າ: “ບັນດາຂໍ້ມູນທີ່ຄະນະຜູ້ແທນເກັບກຳໄດ້ ຈະຊ່ວຍໃຫ້ລັດຖະບານບັນດາປະເທດວາງແຜນນະໂຍບາຍ ແລະ ບັນດາໂຄງການຮ່ວມມືກັບ ຫວຽດນາມ ໃນອະນາຄົດ”.
ມິງດຶກ
