| ຂະຫຍາຍຂົວມິດຕະພາບ ດົ່ງນາຍ ແລະ ຝຣັ່ງ | |
| ຫວຽດນາມ ໄດ້ຮັບບ້ວງຊຳລະ 51,5 ລ້ານ USD ຍ້ອນການຫຼຸດຜ່ອນການປ່ອຍອາຍພິດ |
ຢູ່ເມືອງ ດ່າບັກ (ແຂວງຮວ່າບິ່ງ), ທ່ານນາງ Anne Le Hénanff ໄດ້ໂອ້ລົມກັບທ່ານນາງ ບານກິ່ມກູຍ, ຮອງປະທານຄະນະກຳມະການປະຊາຊົນເມືອງ ແລະ ທ່ານນາງ ເຈີ່ນກ່ຽວແອວງ, ປະທານສະຫະພັນແມ່ຍິງເມືອງ ກ່ຽວກັບບົດບາດ ແລະ ການຮ່ວມມືຂອງອຳນາດການປົກຄອງທ້ອງຖິ່ນ, ອົງການ, ຄະນະ, ຂະແໜງການໃນການໜູມຊ່ວຍແມ່ຍິງຊົນເຜົ່າສ່ວນຫນ້ອຍໃນການພັດທະນາເສດຖະກິດ ແລະ ຊຸກຍູ້ຄວາມສະເໝີພາບລະຫວ່າງຍິງ-ຊາຍ.
ຄະນະ ໄດ້ໄປຢ້ຽມຢາມ, ລົງຕົວຈິງບັນດາການເຄື່ອນໄຫວຢູ່ໜ່ວຍຮ່ວມມືຫັດຖະກຳພື້ນເມືອງ ຢ້າວຕຽນ ຄຸ້ມຊືງ, ຕາແສງ ກ່າວເຊີນ, ເມືອງ ດ່າບັກ ຂອງບັນດາແມ່ຍິງຊົນເຜົ່າ ຢ້າວຕຽນ ເປັນເຈົ້າຂອງ ໂດຍອົງການ Aide et Action (AEA) ໜູນຊ່ວຍ. ພ້ອມກັນນັ້ນ, ກໍໄດ້ແລກປ່ຽນ, ຊອກຮູ້ກ່ຽວກັບຂະບວນການສ້າງຕັ້ງ, ດຳເນີນທຸລະກິດໜ່ວຍຮ່ວມມື, ການປ່ຽນແປງດ້ານຄວາມຮູ້-ທັກສະ-ແນວຄິດ ແລະ ການພັດທະນາຕົນເອງຂອງແມ່ຍິງ ເມື່ອເຂົ້າຮ່ວມໂຄງການທີ່ AEA ໜູນຊ່ວຍ.
 |
| ທ່ານນາງ Anne Le Hénanff (ທີ່ສອງຈາກຊ້າຍ) ລົງຕົວຈິງການຍ້ອມຜ້າດ້ວຍນ້ຳເຊື້ອໃບທຳມະຊາດ. (ພາບ: Aide et Action ຫວຽດນາມ) |
ພິເສດ, ທ່ານນາງ Anne Le Hénanff ໄດ້ລົງຕົວຈິງການເຄື່ອນໄຫວຍ້ອມຜ້າ, ສ້າງລວດລາຍດ້ວຍນ້ຳເຊື້ອໃບຄາມຕາມວິທີພື້ນເມືອງຂອງຊາວເຜົ່າ ຢ້າວຕຽນ ຄຸ້ມຊືງ.
ທ່ານນາງ ໄດ້ສະແດງຄວາມປະທັບໃຈເມື່ອບັນດາສະມາຊິກຂອງໜ່ວຍຮ່ວມມືຫັດຖະກຳພື້ນເມືອງ ຢ້າວຕຽນ ຄຸ້ມຊືງ ໄດ້ສະແດງໃຫ້ເຫັນຄວາມຄ່ອງແຄ້ວໃນເຕັກນິກການຕ່ຳແຜ່ນແພພື້ນເມືອງ, ສ້າງຮູບແຕ້ມພູດອຍ ແລະ ປ່າໄມ້ດ້ວຍຂີ້ເຜິ້ງ, ສ້າງລວດລາຍດ້ວຍວິທີຍ້ອມໃບຄາມດ້ວຍມື, ກໍຄືແບ່ງປັນບັນດາເລື່ອງກ່ຽວກັບຄວາມໝາຍ, ວັດທະນະທຳຂອງບັນດາລວດລາຍທີ່ເປັນເອກະລັກສະເພາະ ບົນເສື້ອຜ້າອາພອນຂອງຊາວ ຢ້າວຕຽນ.
ໃນໂອກາດນີ້, ຄະນະຜູ້ແທນ ໄດ້ເຂົ້າຮ່ວມ ແລະ ຕິດຕາມຊຸດຝຶກອົບຮົມເພື່ອພັດທະນາຄວາມສາມາດໃນການວິເຄາະບົດບາດຍິງ-ຊາຍ, ທັກສະການປະສົມປະສານບົດບາດຍິງ-ຊາຍ ໃຫ້ແກ່ພະນັກງານຂອງທ້ອງຖີ່ນ ເປັນຜູ້ຕາງໜ້າຄະນະຊາວໜຸ່ມ, ສະມາຄົມແມ່ຍິງຂັ້ນຕາແສງ, ບ້ານ ແລະ ການນຳບ້ານ. ການເຄື່ອນໄຫວນີ້ ກໍເພື່ອຍົກສູງຄວາມເຂົ້າໃຈກ່ຽວກັບຄວາມສະເໝີພາບລະຫວ່າງຍິງ-ຊາຍ, ຜົນປະໂຫຍດ, ຄວາມສຳຄັນຂອງການປະສົມປະສານລະຫວ່າງຍິງ-ຊາຍ ໃນບັນດາການເຄື່ອນໄຫວໜູນຊ່ວຍການພັດທະນາເສດຖະກິດສັງຄົມ ໃຫ້ແກ່ປະຊາຊົນຢູ່ທ້ອງຖິ່ນ. ໂດຍຜ່ານຊຸດຝຶກອົບຮົມ, ສຳມະນາກອນ ມີຄວາມຮູ້ ແລະ ທັກສະໃນການກຳນົດ ແລະ ແກ້ໄຂບັນດາບັນຫາຄວາມບໍ່ສະເໝີພາບລະຫວ່າງຍິງ-ຊາຍທີ່ຮີບຮ້ອນ ຂອງແມ່ຍິງ, ເດັກນ້ອຍຢູ່ທ້ອງຖິ່ນ, ປະສານບົດບາດຍິງ-ຊາຍໃນບັນດາການເຄື່ອນໄຫວໂຄງການ, ບົດບາດ - ໜ້າທີ່ຂອງພະນັກງານທ້ອງຖິ່ນ ແລະ ປະຕິບັດບັນດາການເຄື່ອນໄຫວສື່ສານ ທີ່ມີຄວາມຮັບຜິດຊອບຕໍ່ບົດບາດຍິງ-ຊາຍ, ປະກອບສ່ວນຊຸກຍູ້ຄວາມສະເໝີພາບລະຫວ່າງຍິງ-ຊາຍຢ່າງມີປະສິດທິຜົນ.
ມິງດຶກ
