| ເປີດນຳໃຊ້ສູນຄວາມປອດໄພ Google ໃຫ້ຊາວຫວຽດນາມ | |
| ນາງງາມ, ນັກທຸລະກິດ ນີງຫງວຽນ ແລະ ຄວາມປາດຖະໜາຢາກນຳເອົາ ເຝີຫວຽດນາມ ໄປສູ່ ອາເມລິກາ |
ວັນແຫ່ງເຝີຫວຽດນາມ, ເພື່ອເປັນເຊີດຊູສົມບັດການປຸງແຕ່ງອາຫານທີ່ໄດ້ຮັບການນິຍົມຊົມຊອບ ແລະ ເປັນຕົວແທນແຫ່ງກົມກຽວປະສົມປະສານກັບວັດທະນະທຳ.
 |
| ພາບປະກອບ: Vnexpress |
ໃນວັນແຫ່ງເຝີຫວຽດນາມ (12/12), ຫຼາຍຮູບພາບທີ່ມີຊີວິດຊີວາກ່ຽວກັບອາຫານປະເພດເຝີຂອງຫວຽດນາມ ບໍ່ພຽງແຕ່ປະກົດຂຶ້ນຢູ່ໜ້າຕ່າງຫຼັກຂອງ Google ພາສາຫວຽດນາມ ແຕ່ຍັງປະກົດຂຶ້ນຢູ່ໜ້າຕ່າງຫຼັກຂອງ Google ໃນຫຼາຍຊາດ ເຊັ່ນ ອາເມລິກາ, ອັງກິດ, ຝຣັ່ງ, ການາດາ, ສະວິດເຊີແລນ, ເຢຍລະມັນ, ອອສ໌ເຕຣຍ, ຟິນແລນ, ໄອແລນ, ອິດສະລາເອວ, ຮຸງກາຣີ, ໂຮນລັງ, ບູນກາຣີ, ສາທາລະນະລັດເຊັກ, ລິທົວເນຍ, ສິງກະໂປ ແລະ ໄທ.
ວັນນີ້ໃນ 3 ປີກ່ອນ, ວັນທີ 12/12/2018 ເປັນວັນທີ່ຖືກເລືອກເປັນວັນທາງການ ເພື່ອເປັນກຽດໃຫ້ປະເພດອາຫານເຝີຫວຽດນາມ, ແນໃສ່ເຊີດຊູສົມບັດທາງການປຸງແຕ່ງອາຫານທີ່ໄດ້ຮັບການນິຍົມຊົມຊອບ ແລະ ເປັນຕົວແທນຄວາມກົມກຽວປະສົມປະສານກັບວັດທະນະທຳ.
Doodle ເຝີ ກັບຮູບພາບເຄື່ອນໄຫວທີ່ພັນລະນາວິທີການປຸງແຕ່ງເຝີທີ່ຖືກກະກຽມທຳອິດດ້ວຍເສັ້ນເຝີນຸ້ມໆ, ຊີ້ນງົວຊອຍບາງໆລວກໃສ່ໜ້ອຍໜຶ່ງ, ຜັກບົ່ວຫົວຫອມສົດ ຕາມດ້ວຍນໍ້າຊຸບຮ້ອນໆ ພ້ອມເສີບແຂກ, ລີ້ມລອງລົດຊາດຮ່ວມກັບສິ່ງທີ່ຂາດບໍ່ໄດ້ຄືຂະໜົມຄູ່, ດອງໝາກເຜັດເອກະລັກສະເພາະຂອງເຝີຮ່າໂນ້ຍ ຫຼື ຖົ່ວງອກສະໝຸນໄພ ຂອງເຝີພາກໃຕ້ ຖືກຈັດແຕ່ງໃຫ້ສະດຸດຕາ. ຕົວແທນຂອງ Google ໃຫ້ຮູ້ວ່າ ນີ້ແມ່ນກິດຈະກໍາທີ່ບໍ່ພຽງແຕ່ເປັຍການເຊີດຊູ ແລະ ເຜີຍແຜ່ຄຸນຄ່າທາງວັດທະນະທຳອັນເປັນເອກະລັກໃຫ້ມວນຊົນຄົນຫວຽດນາມ ແລະ ສາກົນແລ້ວ ຍັງເປັນໜຶ່ງໃນບັນດາກິດຈະກຳການເຜີຍແຜ່ ແລະ ສະໜັບສະໜູນຊຸກຍູ້ການຟື້ນຟູເສດຖະກິດພາຍຫຼັງການພະຍາດລະບາດໃຫ້ແກ່ວົງການທຸລະກິດເຝີ.
ວິລະຊົນ
