 | ກຽນຢາງ - ຈຸດໝາຍປາຍທາງແຫ່ງດຽວຂອງຫວຽດນາມ ນອນໃນ top ເປັນມິດທີ່ສຸດໃນໂລກ |
| Habitat ຫວຽດນາມ ມອບ - ຮັບ ເຮືອນໃໝ່ 15 ຫຼັງໃຫ້ກັບບັນດາຄອບຄົວທີ່ທຸກຍາກຢູ່ ກຽນຢາງ |
ຕາມການລາຍງານຂອງ Hana Tour, ບໍລິສັດທ່ອງທ່ຽວໃຫຍ່ກວ່າໝູ່ຢູ່ ສ.ເກົາຫຼີ ແລ້ວ, ຫວຽດນາມ ຍັງສືບຕໍ່ຮັກສາຕໍາແໜ່ງອັນດັບ 1 ໃນການຈັດອັນດັບຈຸດໝາຍປາຍທາງແຫຼ່ງທ່ອງທ່ຽວໃຫ້ກັບຄອບຄົວທີ່ມີເດັກນ້ອຍອາຍຸຕ່ຳກວ່າ 10 ປີ.
ນີ້ແມ່ນປີທີ 2 ຕິດຕໍ່ກັນທີ່ຫວຽດນາມໄດ້ຮັກສາຕຳແໜ່ງນີ້.
ນັກຂ່າວຫວຽດນາມ ຢູ່ ເຊີອຸນ ກ່າວວ່າ: ອີງໃສ່ການວິເຄາະທ່າອ່ຽງການຈອງຫ້ອງເດືອນມັງກອນ 2025 ຂອງບັນດາຄອບຄົວ ສ.ເກົາຫຼີ ທີ່ມີເດັກນ້ອຍ ແລະ ຄວາມຕ້ອງການໄປທ່ຽວຕ່າງປະເທດໃນຊ່ວງລະດູໜາວ, ຫວຽດນາມ ກວມເອົາ 26,6% ລວມຍອດການຈອງການທ່ອງທ່ຽວຢູ່ຕ່າງປະເທດ, ຢືນຢູ່ອັນດັບຕົ້ນໆໃນບັນຊີລາຍຊື່ບັນດາຈຸດໝາຍປາຍທາງທີ່ນິຍົມທີ່ສຸດ.
ບັນດາອັນດັບຕໍ່ໄປເປັນຂອງຍີ່ປຸ່ນ (18.6%), ຟີລິບປິນ (13.7%), Guam (8.5%) ແລະ ຈີນ (6.4%).
 |
| ນັກທ່ອງທ່ຽວ ສ.ເກົາຫຼີ ໄດ້ຊອກຮູ້ກ່ຽວກັບໝາກໄມ້ທີ່ເປັນເອກະລັກພິເສດຂອງພາກໃຕ້ຢູ່ຕະຫລາດ ເບນແທ່ງ, ເມືອງ 1, ນະຄອນ ໂຮ່ຈິມິນ. (ພາບ: ຮົ່ງດາດ/ສໍານັກຂ່າວສານ ຫວຽດນາມ) |
ປີ 2024, ຫວຽດນາມ ຍັງຈະນຳໜ້າໃນບັນຊີລາຍຊື່ດ້ວຍ 24,4%, ຕາມມາແມ່ນ ຍີ່ປຸ່ນ ຢູ່ທີ່ 18,8%.
ການວິເຄາະສະແດງໃຫ້ເຫັນວ່າ ຫວຽດນາມ ແມ່ນຈຸດໝາຍປາຍທາງປະເທດທີ່ນິຍົມຢູ່ອາຊີຕາເວັນອອກສ່ຽງໃຕ້ ເນື່ອງຈາກມີພູມອາກາດອົບອຸ່ນຕະຫຼອດປີ, ພິເສດແມ່ນເໝາະສົມກັບການທ່ອງທ່ຽວໃນລະດູໜາວ.
ບັນດາການເຄື່ອນໄຫວກິດຈະກໍາບັນເທິງໃຕ້ນ້ຳ, ສວນສາທາລະນະລະຫຼິ້ນບັນເທິງທີ່ຫຼາກຫຼາຍ ແລະ ຫຼາຍປັດໄຈອື່ນໆໄດ້ຊ່ວຍໃຫ້ ຫວຽດນາມ ຖືກໃຈທັງເດັກນ້ອຍ ແລະ ຜູ້ປົກຄອງ, ເຮັດໃຫ້ເປັນຈຸດໝາຍປາຍທາງໃນອຸດົມຄະຕິສຳລັບບັນດາຄອບຄົວທີ່ມີລູກນ້ອຍ.
Hana Tour ປະຈຸບັນກໍາລັງຜັນຂະຫຍາຍລາຍການໂປຼໂມຊັ່ນພິເສດ "ການພັກຜ່ອນລະດູຫນາວທີ່ອົບອຸ່ນ, ຄອບຄົວຂອງພວກເຮົາພົບກັນໃຕ້ນ້ໍາ" ສໍາລັບບັນດາຄອບຄົວທີ່ມີເດັກນ້ອຍໄປທ່ອງທ່ຽວ..
ລາຍການສະໜອງບັນດາບຸລິມະສິດທີ່ດຶງດູດໃຈໃຫ້ແກ່ຈຸດໝາຍປາຍທາງທີ່ນິຍົມຕ່າງໆເຊັ່ນ: ຝູກວັກ, ຍ່າຈາງ (ຫວຽດນາມ), Cebu, Bohol, Boracay (Philippines) ແລະ Saipan (Guam), ລວມທັງການຫຼຸດລາຄາປີ້ສໍາລັບເດັກນ້ອຍ, ການ check out ຊ້າ, ແຖມອາຫານ ຫຼື ອາຫານຫວ່າງທີ່ພິເສດ.
ຜູ້ຕາງໜ້າບໍລິສັດ Hana Tour ກ່າວວ່າ: ຫວຽດນາມ ນັບມື້ນັບດຶງດູດຄວາມສົນໃຈຂອງບັນດາຄອບຄົວທີ່ມີເດັກນ້ອຍນັບມື້ນັບເພີ່ມຂຶ້ນ ຍ້ອນການປະສານສົມທົບລະຫວ່າງບັນດາຣີສອດລະດັບສູງ ແລະ ສວນສາທາລະນະທີ່ດຶງດູດໃຈ.
Hana Tour ໄດ້ເລີ່ມວິເຄາະຢ່າງລະອຽດລະອໍກ່ຽວກັບຈຸດພິເສດຂອງແຕ່ລະກຸ່ມລູກຄ້າ ແລະ ສ້າງຊຸດການບໍລິການ ກໍ່ຄືຜົນປະໂຫຍດສະເພາະໃຫ້ກັບເດັກນ້ອຍໃນເວລາທ່ອງທ່ຽວຢູ່ ຫວຽດນາມ, Philippines ແລະ Guam.
 | ງານວາງສະແດງພາບຖ່າຍ “ສີສັນບັນດາເຜົ່າຂອງຫວຽດນາມ”: ແນະນຳບັນດາຄຸນຄ່າວັດທະນະທຳທີ່ເປັນເອກະລັກ ຍສໝ - ງານວາງສະແດງພາບຖ່າຍ “ສີສັນບັນດາເຜົ່າຂອງຊາດຫວຽດນາມ” ຖືກໄຂຂຶ້ນຢູ່ຮ່າໂນ້ຍ. |
 | ຫວຽດນາມ ປາດຖະໜາຢາກໃຫ້ບັນດານັກລົງທຶນ ອາເມລິກາ ເຂົ້າຮ່ວມບັນດາໂຄງການພື້ນຖານໂຄງລ່າງໃຫຍ່ ຍສໝ - ຕອນເຊົ້າວັນທີ 27 ພະຈິກ, ຢູ່ຮ່າໂນ້ຍ, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ເຂົ້າຮ່ວມກອງປະຊຸມສຸດຍອດດຳເນີນທຸລະກິດ ຫວຽດນາມ - ອາເມລິກາ ດ້ວຍຫົວຂໍ້ “ນະໂຍບາຍ ແລະ ທິດນຳສຳຜັດເພື່ອຮັບປະກັນການພົວພັນທາງການຄ້ານຳມາເຊິ່ງຜົນປະໂຫຍດລວມ”. |
ທອງມີ ສີຫາວົງ
