| ເອກອັກຄະລັດຖະທູດ ສະວິດ ຄົນໃໝ່ ສະແດງຄວາມຕື້ນຕັນໃຈຕໍ່ຄວາມຮັກແພງແຂກຄົນຂອງປະຊາຊົນ ຫວຽດນາມ | |
| ຫວຽດນາມ ເໝືອນດັ່ງສະຫະປະຊາຊາດດ້ວຍຄວາມສຸດຈິດສຸດໃຈ |
 |
| ໝູ່ບ້ານປະມົງວຸງວຽງ ອ້ອມຮອບໄປດ້ວຍພູຫີນປູນໃນອ່າວຮ່າລອງ. |
ບ້ານປະມົງວຸງວຽງ ຕັ້ງຢູ່ໃນໃຈກາງຂອງມໍລະດົກອ່າວຮ່າລອງ, ຫ່າງຈາກທ່າເຮືອສາກົນຕວນເຈົ່າ ໄປທາງທິດຕາເວັນອອກສຽງໃຕ້ປະມານ 20 ກິໂລແມັດ.
ວູງວຽງເຄີຍເປັນໜຶ່ງໃນບັນດາເຂດດໍາລົງຄົງຕົວຂອງຊຸມຊົນຊາວປະມົງທີ່ດໍາລົງຊີວິດມີມູນເຊື້ອແຕ່ເຫີງນານຢູ່ອ່າວຮ່າລອງ. ຕັ້ງແຕ່ບູຮານນະການ ຊາວປະມົງຢູ່ທ້ອງຖິ່ນໄດ້ເລືອກເອົາເຂດນີ້ເພື່ອສ້າງຕັ້ງບ້ານຫາປາ ເພາະວ່າຢູ່ທີ່ນີ້ແມ່ນບໍ່ມີລົມ, ອ້ອມຮອບດ້ວຍພູສູງສະດວກໃນການລ້ຽງປາ. ປະຈຸບັນ, ໝູ່ບ້ານປະມົງວູງວຽງ ມີເຮືອນຢູ່ປະມານ 30 ຫຼັງ ແຕ່ບໍ່ມີຊາວປະມົງດຳລົງຊີວິດຢູ່ແລ້ວ. ເຖິງຢ່າງໃດກໍຕາມ, ໃນກາງເວັນປະຊາຊົນຍັງສືບຕໍ່ຫາປາ ແລະ ລ້ຽງປູກາິນທະເລຂະໜາດນ້ອຍ ພ້ອມທັງບໍລິການໃຫ້ນັກທ່ອງທ່ຽວເຂົ້າທ່ຽວຊົມ.
ຈຸດພົ້ນເດັ່ນທີ່ສ້າງຄວາມປະທັບໃຈໃຫ້ແກ່ນັກທ່ອງທ່ຽວເມື່ອມາບ້ານປະມົງວຸງວຽງ ແມ່ນໄດ້ຊື່ນຊົມ ແລະ ຖ່າຍຮູບກັບປະຕູໂຂງຂອງບ້ານທີ່ມີອາຍຸນັບລ້ານປີທີ່ເປັນເອກະລັກສະເພາະ.
 |
| ນັກທ່ອງທ່ຽວໄປຢ້ຽມຢາມປະຕູໂຂງບ້ານປະມົງວຸງວຽງທີ່ມີອາຍຸນັບຮ້ອຍປີ. ພາບ: ດຶກຮ້ຽວ/TTXVN |
ມາຢ້ຽມຢາມໝູ່ບ້ານປະມົງວຸງວຽງ ນັກທ່ອງທ່ຽວຈະໄດ້ມີໂອກາດໄດ້ຊອກຮູ້ ແລະ ສຳຜັດກັບຊີວິດປະຈຳວັນຂອງຊາວປະມົງ ຮ່າລອງ ຜ່ານບັນດາກິດຈະກຳຄື: ພາຍເຮືອກາຢັກ, ຢ້ຽມຢາມເຂດລ້ຽງສິນທະເລ, ເບິ່ງສິນທະເລສົດໆ,...
 |
| ນັກທ່ອງທ່ຽວລົງຕົວຈິງການຂີ່ເຮືອ ແລະ ຊອກຮູ້ບ້ານປະມົງ. ພາບ: daidoanket.vn |
 |
| ນັກທ່ອງທ່ຽວສາກົນສຳຜັດກັບການພາຍເຮືອກາຢັກຢູ່ວຸງວຽງ. (ພາບ: ໜັງສືພິມ ມະຫາສາມັກຄີ). ພາບ: daidoanket.vn |
 |
| ນັກທ່ອງທ່ຽວສາກົນນັ່ງເຮືອໄປຢ້ຽມຢາມບ້ານປະມົງວຸງວຽງ. (ພາບ: ໜັງສືພິມ ມະຫາສາມັກຄີ). ພາບ: daidoanket.vn |
 |
| ນັກທ່ອງທ່ຽວເຊັກອິນຢູ່ບ້ານປະມົງວຸງວຽງ. (ພາບ: ໜັງສືພິມ ມະຫາສາມັກຄີ). ພາບ: daidoanket.vn |
ໂດຍເລົ່າສູ່ໜັງສືພິມຂ່າວ, ທ່ານ ປຣາວີນ ເຣດດີ, ນັກທ່ອງທ່ຽວຈາກອິນເດຍ ໃຫ້ຮູ້ວ່າ, ນີ້ແມ່ນເທື່ອທີສອງທີ່ທ່ານມາຮ່າລອງ, ສະພາບແວດລ້ອມ ແລະ ບັນຍາກາດຢູ່ທີ່ນີ້ກໍ່ດີຂຶ້ນຫຼາຍ. ຄັ້ງນີ້, ຄອບຄົວຂອງລາວໄດ້ໄປຢາມບ້ານປະມົງວຸງວຽງ. ຕາມທ່ານ ປຣາວີນ ເຣດດີ ແລ້ວ: ມໍລະດົກບໍ່ພຽງແຕ່ມີທັດສະນີຍະພາບທີ່ສວຍງາມເທົ່ານັ້ນ, ແຕ່ວັດທະນະທໍາ ແລະ ຊີວິດການເປັນຢູ່ຂອງຊາວປະມົງຢູ່ເຂດມໍລະດົກຍັງແມ່ນຈຸດສະທ້ອນອັນໜຶ່ງເພື່ອສ້າງຈຸດພິເສດຂອງມັນ.
ທ່ານ ເລນນອນ ນັກທ່ອງທ່ຽວຈາກປະເທດບຣາຊິນ ກ່າວວ່າ ທ່ານໄດ້ອ່ານຫຼາຍຄຳເຫັນທາງອິນເຕີເນັດກ່ຽວກັບຄວາມງາມຂອງວຸງວຽງ, ແຕ່ເມື່ອໄປຢາມສໍາຜັດດ້ວຍຕົວເອງ, ຄວາມສວຍສົດງົດງາມຂອງໝູ່ບ້ານປະມົງຍັງເຮັດໃຫ້ລາວຕື່ນຕາຕື່ນໃຈ.
ອ.ສະຫວັດ
