 | ບິ່ງທ້ວນ ນຳເອົາໝາກມັງກອນ, ຜະລິດຕະພັນກະເສດ OCOP ເຂົ້າໄປລາວ ເພື່ອໂຄສະນາ, ແນະນຳໃຫ້ນັກທ່ອງທ່ຽວສາກົນ |
| ທ່ານນາຍົກລັດຖະມົນຕີ ນິວຊີແລນ: ຫວຽດນາມ ພວມພັດທະນາກະໂດດຂັ້ນຄືດັ່ງມັງກອນ |
ງູໃນຄວາມເຊື່ອຂອງຫວຽດນາມ
ສຳລັບຄົນຫວຽດນາມ, ງູບໍ່ໄດ້ກ່ຽວຂ້ອງກັບພິທີກຳທາງສາສະໜາໃດໆ. ເຖິງຢ່າງໃດກໍ່ຕາມ, ຮູບປະພັນຂອງງູພັດຍັງຕິດພັນກັບຄວາມເຊື່ອຖື. ນັບແຕ່ສະໄໝບູຮານ, ຄົນຫວຽດນາມ ມີປະເພນີບູຊາງູ. ບາງເຂດລຽບຕາມແມ່ນ້ຳແດງ, ແມ່ນ້ຳເກົ່າ, ແມ່ນ້ຳດ່ວງ ມີຫໍບູຊາງູ. ຢູ່ບາງຫໍມີຜູ້ຄົນບູຊາງູຄູ່ທີ່ເອີ້ນວ່າ “ອົງຍາວ, ອົງສັ້ນ”. ຕາມທັດສະນະຄະຕິຄວາມເຊື່ອຖື, ງູສອງໂຕ, ໂຕໜຶ່ງຍາວ ໂຕໜຶ່ງສັ້ນ ແມ່ນເປັນລູກຂອງເທບພະເຈົ້າລົມທີ່ເຄີຍປະກົດຕົວຊ່ວຍຊາວບ້ານ, ເຮັດໃຫ້ສະພາບອາກາດເອື້ອອໍານວຍ, ຈຶ່ງເຮັດໃຫ້ຊາວບ້ານຈື່ຈຳ ແລະ ຖືວ່າເປັນເທບພະເຈົ້ານ້ຳ.
ຢູ່ຮ່າໂນ້ຍ, ການໄຫວ້ງູປະກົດຂຶ້ນຢູ່ບາງບ່ອນ. ຕົວຢ່າງຄືໝູ່ບ້ານ ເຍີດເຕີນ ໄຫວ້ບູຊາເຈົ້າຊີວິດ ອຸຍລິງ, ເຊີ່ງແມ່ນອ້າຍກົກຂອງເຈັດອ້າຍນ້ອງເທບພະເຈົ້າງູ. ເທບພະເຈົ້າງູຕົວນີ້ໄດ້ກັບຊາດມາເກີດອີກຄັ້ງໃນເວລາຕໍ່ມາເປັນເຈົ້າຊາຍ ອຸຍໂດລິງລາງ. ຫຼັງຈາກເຈົ້າຊາຍໄດ້ສ້າງມີຄຸນງາມຄວາມດີໃນການກູ້ຊ່ວຍປະເທດ ແລະ ໄດ້ເສຍສະຫຼະຊີວິດຕົນເອງແລ້ວກໍ່ໄດ້ກາຍມາເປັນມັງກອນລອຍລົງໄປໜອງ ໄຕ່. ພະອົງໄດ້ຮັບການໄຫວ້ເປັນເຈົ້າຊີວິດ ລິງລາງ ຢູ່ເມືອງທູ້ເລ໋. ນອກຈາກນີ້, ຍັງສາມາດກ່າວເຖິງບາງງານບຸນອື່ນໆອີກເຊັ່ນ: ບຸນບ້ານ ອຽນໂນ້ຍ ຢູ່ ຕື່ລຽມ, ຮ່າໂນ້ຍ ໄຫວ້ບູຊາ ໂຖ້ເລັ້ງແບັກຫາກຕາມຢາງ.
ຢູ່ບາງທ້ອງຖິ່ນອື່ນ ແລະ ກັບພີ່ນ້ອງຮ່ວມຊາດອື່ນໃນປະຊາຄົມບັນດາເຜົ່າຫວຽດນາມ, ງູກໍ່ໄດ້ກາຍເປັນໜຶ່ງສັນຍາລັກທີ່ໄດ້ຮັບການບູຊາ. ຄົນຈໍາ ຢູ່ເຂດ ນິງຖ້ວນ ແລະ ບິ່ງຖ້ວນ ໄດ້ບູຊາງູດ້ວຍຮູບປັ້ນທີ່ມີການປະສົມປະສານກັບສາສະໜາໜ້ອຍໜຶ່ງທີ່ຮູບປັ້ນເທບພະເຈົ້າງູ Naga. ຮູບປັ້ນຂອງເທບພະເຈົ້າງູ Naga ສຳລັບຄົນຈຳ ມີໝາຍຄວາມວ່າພຣະອົງເປັນເຈົ້າຂອງແຫຼ່ງນ້ຳ, ຈະສ້າງສະພາບອາກາດເອື້ອອຳນວຍໃຫ້ຊາວນາປູກເຂົ້າ. Naga ກໍ່ຍັງຫມາຍຄວາມວ່າ ເທບພະເຈົ້າຝົນ, ສ້າງຝົນໃຫ້ແກ່ສັບພະສິ່ງຂະຫຍາຍຕົວ.
 |
| ຮູບພາບຂອງເທບພະເຈົ້າງູ Naga ຢູ່ທີ່ປະຕູວັດ ຈ່າຕິມ ເກົ່າ (ຍັງເອີ້ນອີກຊື່ວ່າ ວັດ ChruitimChás), ແຂວງ ຊັອກຈັງ. |
ຮູບປັ້ນຂອງເທບພະເຈົ້າງູ Naga ກັບຄົນ Khmer ຢູ່ພາກໃຕ້ມີອີກໜຶ່ງການປ່ຽນແປງທີ່ແຕກຕ່າງ, ຕິດພັນກັບຄວາມເຊື່ອຖືທາງຈິດວິນຍານປະສົມກັບສາສະຫນາພຸດໜ້ອຍໜຶ່ງ. ສຳລັບຄົນ Khmer ແລ້ວ, ເທບພະເຈົ້າງູ Naga ມີທີ່ຕັ້ງໜຶ່ງທີ່ສໍາຄັນຫຼາຍໃນການດໍາລົງຊີວິດທາງຈິດວິນຍານ. ໃນປະຈຸບັນ, ໃນສະຖາປັດຕະຍະກຳວັດຫຼາຍແຫ່ງຂອງຄົນ Khmer ທໍາມະດາມີຮູບຮຸ້ງກິນນໍ້າ ແລະ ງູ Naga ເປັນສັນຍາລັກໃຫ້ແກ່ຂົວຕໍ່ ລະຫວ່າງໂລກມະນຸດ ແລະ ການໄປສູ່ປະລິນິພານ. ບັນດາພາບຄວັດສະຫຼັກນູນ Naga ທີ່ບ່ອນຫຼັງຄາມ້ວນຂອງວັດຄົນ Khmer ມີຄວາມໝາຍໃນການຂັບໄລ່ຜີສາງ, ຫຼີກລ້ຽງໄຟ ແລະ ປົກປ້ອງພະພຸດທະເຈົ້າ ດຶກເຟິດ. ປົກະຕິຈະເຫັນຢູ່ຕີນເສົາທຸງມີ 4 ຮູບປັ້ນງູ Naga ໃນວັດຂອງ Khmer.
ຢູ່ພາກກາງ, ຄວາມເຊື່ອຖືໃນການໄຫວ້ບູຊາງູກໍ່ໄດ້ຮັບການນັບຖືຈາກຫຼາຍຊົນເຜົ່າ ແລະ ເບິ່ງແລ້ວຖືວ່າເປັນໜຶ່ງໃນສິ່ງສັກສິດທີ່ສາມາດເອີ້ນລົມເອີ້ນຝົນ. ຄົນເໝື່ອງ ຢູ່ແຂວງແທັງຮວາ ມີຫໍບູຊາເທບພະເຈົ້າງູທີ່ໄດ້ຮູ້ຈັກມາຮອດໃນປະຈຸບັນຢູ່ໝູ່ບ້ານ ເລືອງງອັກ, ຕາແສງ ເກີ້ມເລືອງ, ເມືອງ ເກີ້ມຖຸ້ຍ. ຕາມການເລົ່າຂານກັນມາແລ້ວ, ຢູ່ຫ້ວຍນ້ຳປາສັກສິດມີເທບພະເຈົ້າງູປົກປັກຮັກສາ.
ເຖິງຢ່າງໃດກໍຕາມ, ຮູບປັ້ນງູສ່ວນໃຫ່ຍໃນວັດທະນະທຳຫວຽດນາມ ມີຄວາມໝາຍບໍ່ດີ, ຫຍໍ້ທໍ້. ຕົວຢ່າງເຊັ່ນ ບັນດາສຸພາສິດ: "ປາກພະ ໃຈງູພິດ"; “ປາກເສືອ ພິດງູ”; “ຕີງູຕ້ອງຕີຫົວ”; "ແຕ້ມງູຕື່ມຂາ"; “ຄືກັບງູທີ່ບໍ່ມີຫົວ”; ຫຼື ກອນພະຫຍາ “ເມື່ອໄປພົບເຫັນງູຈະໂຊກດີ. ເມື່ອກັບເມືອພົບເຫັນງູຈະຖືກຕີ ຖືກໂທດ”…
ໃນນິທານຂອງຫວຽດນາມ ປະມານ 200 ເລື່ອງ, ເຊິ່ງມີ 11 ເລື່ອງໄດ້ກ່າວເຖິງຮູບປັ້ນງູ ຫຼື ການແປງກາຍຂອງງູເຊັ່ນ: ພະຍານາກ, ເງືອກ, ຜີສາງນາງຮ້າຍ ງູກາຍເປັນປີສາດ... ໃນນັ້ນມີເລື່ອງຍ້ອງຍໍສັນລະເສີນການຊ່ວຍເຫຼືອຕ່າງໆຂອງງູຕໍ່ມະນຸດ. ບາງເລື່ອງອື່ນໆພັດຍັງເວົ້າເຖິງງູທໍາຮ້າຍຄົນ. ແບບຢ່າງພົ້ນເດັ່ນແມ່ນເລື່ອງເລົ່າຂອງ ແທັກແຊງ, ຫຼີທົງ.
ຮູບປັ້ນງູໃນສາສະຫນາ
ຮູບປັ້ນງູບໍ່ມີຢູ່ໃນສາສະໜາຫວຽດນາມ, ເຖິງຢ່າງໃດກໍຕາມ, ຮູບປັ້ນງູຍັງມີຄວາມອຸດົມສົມບູນຢູ່ຫຼາຍປະເທດໃນໂລກ ນັບແຕ່ທິດຕາເວັນຕົກໄປເຖິງທິດຕາເວັນອອກ.
ຮູບປັ້ນງູເປັນສັນຍາລັກຂອງນ້ຳ, ໄຟ, ຈິດວິນຍານ, ກາມະຕັນຫາ, ການຕັດສິນຢ່າງເດັດຂາດ ແລະ ຄວາມສົງໄສ. ງູເປັນສັນຍາລັກທັງເພດຊາຍ ແລະ ຍິງ, ເປັນເທບແຫ່ງການສ້າງໂລກ, ເປັນສັນຍາລັກຂອງຈັກກະວານໃນສະໄໝປະຖົມບູຮານ. ສັນຍາລັກເຫຼົ່ານີ້ອີງໃສ່ຄວາມອ່ອນຊ້ອຍໃນວິທີເຄື່ອນຍ້າຍຂອງງູ ແລະ ວິທີການທີ່ມັນລອກຄາບເກີດໃໝ່.
 |
| ມົງກຸດຂອງກະສັດອົງທີ 18 ຂອງລາຊະວົງ Tutankhamun (ອີຢິບ) ເກັບຮັກສາໄວ້ທີ່ Golden Gate Park (ສະຫະລັດອາເມລິກາ) ມີການແກະສະຫຼັກຮູບນູນຂອງເທບພະເຈົ້າແຫ່ງງູ. |
ໃນບັນດາຊົນເຜົ່າໃນໂລກ, ຄວາມເຊື່ອຖືໃນການໄຫວ້ງູ ແລະ ນໍາເອົາງູເຂົ້າໃນສາສະຫນາໄວກ່ອນໝູ່ໝົດ ແມ່ນອາດຈະແມ່ນຢູ່ປະເທດອີຢິບ. ຕັ້ງແຕ່ສະໄໝບູຮານ, ຄົນອີຢິບ ເຫັນງູເປັນສັນຍາລັກຂອງເທວະດາ, ເຮັດໃຫ້ງົມງວາຍຫຼົງເຊື່ອ, ບາງຄັ້ງກໍ່ເຊື່ອກັນວ່າ ມັນເປັນຄໍາພະຍາກອນ, ຄໍາທໍານາຍ, ຍິ່ງໄປກວ່ານັ້ນແມ່ນພະສູງສຸດ. ໃນສະໄໝກ່ອນ, ຊາວອີຍິບ ເວົ້າວ່າ ງູແມ່ນພະເຈົ້າຜູ້ປົກປ້ອງຮັກສາຊີວິດຂອງກະສັດ. ເທິງມົງກຸດຂອງກະສັດຟາໂຣ ອີຍິບ ສ່ວນຫຼາຍມີຮູບງູ Uraeus ແກະສະຫຼັກດ້ວຍຄໍາ ຫຼື ແກ້ວປະເສີດ. ຮ່ອງຮອຍຂອງຄວາມເຊື່ອຖືນີ້ຍັງພົບເຫັນຢູ່ຮູບວົງມົນ ແລະ ຮູບໜ່ວຍກົມທີ່ໄດ້ແກະສະຫຼັກຢູ່ໄວ້ເທິງບັນດາປະຕູພະວິຫານເປັນສ່ວນໃຫຍ່ໃນປະເທດອີຢິບ (ຄົນອີຍິບ ມີທັດສະນະຄະຕິວ່າ ໂລກເປັນຮູບວົງມົນໜຶ່ງ, ງູເຄື່ອນຕົວໄປຕາມລວງຂວາງຜ່ານຈຸດສູນກາງເປັນສັນຍາລັກຈຸດຕັດກັນຂອງຈັກກະວານ ແລະ ໜ້າດິນ).
ໃນພະຄໍາພີຂອງສາສະໜາກາໂຕລິກ ກໍ່ກ່າວເຖິງງູ. ປື້ມ ສາງເຖ ມີໄດ້ກ່າວເຖິງງູວ່າແມ່ນສັດທີ່ອໍາມະຫິດຫຼາຍກວ່າທຸກໆສັດໃນທົ່ງນາ. ງູໄດ້ຍຸຍົງສົ່ງເສີມ Eva ໃຫ້ກິນຕົ້ນໄມ້ແຫ່ງຄວາມຮັບຮູ້, ຕໍ່ຈາກນັ້ນແມ່ນ Adam. ຍ້ອນການກິນໝາກໄມ້ທີ່ຕ້ອງຫ້າມ ສະນັ້ນ Adam ແລະ Eva ຈິ່ງຮູ້ເພດຂອງຕົນ. ນັ້ນເປັນຈຸດເລີ່ມຕົ້ນຂອງຄວາມຕັນຫາທາງເພດ ລະຫວ່າງ ເພດຊາຍ ແລະ ເພດຍິງ.
ອິນເດຍ ກໍ່ເປັນປະເທດທີ່ນໍາເອົາສັນຍາລັກງູເຂົ້າໃນວັດທະນະທໍາທາງສາສະຫນາຂອງຕົນຢ່າງເລິກເຊີ່ງ. ງູຈົງອາງມີຢູ່ເທິງຄໍຂອງເທບພະເຈົ້າ Shiva. ສ່ວນເທບພະເຈົ້າ Vishnu ປົກກະຕິຈະຖືກແຕ້ມໃນທ່ານອນຢູ່ເທິງງູເຈັດຫົວ ຫຼື ງູມ້ວນຕົວຢູ່. ຫໍພະວິຫານໃນປະເທດ ອິນເດຍ ຖືວ່າ ງູເປັນສັນຍາລັກຂອງຄວາມມັ່ງຄັ່ງສົມບູນ. ຍິ່ງໄປກວ່ານັ້ນງານບຸນ Hindu ທີ່ເອີ້ນວ່າ Nag Panchami ທຸກໆປີລ້ວນແຕ່ຈັດຂຶ້ນໃນວັນ "ບຸນປີໃຫມ່" ງູ (ຈັດຂຶ້ນໃນວັນທີ 5 ຫຼັງຈາກ Amavasya ຂອງເດືອນ Shravana). ໃນມື້ນັ້ນ, ບັນດາງູໄດ້ຮັບການເຄົາລົບບູຊາ ແລະ ກາບໄຫວ້. ພະເຈົ້າແຫ່ງງູໃນສາສະຫນາຮິນດູ ມີຊື່ເອີ້ນວ່າ Naga ໄດ້ຖືວ່າ ເປັນສັນຍາລັກຂອງຄວາມເປັນອະມະຕະ ແລະ ໄດ້ຮັບການເຄົາລົບນັບຖືເປັນສັດທີ່ສັກສິດ.
ບົດກາວີທີ່ມີຊື່ສຽງກ່ຽວກັບງູ
ໃນເລື່ອງເລົ່າວັນນະຄະດີຫວຽດນາມ, ນັກປາດ ເລກຸ໋ຍໂດນ (1726-1784) ຕອນຄາວຍັງນ້ອຍ ເພື່ອຫຼີກລ້ຽງການຖືກຕີດ້ວຍໄມ້ແສ້ຂອງພໍ່ເມື່ອເຮັດຜິດຈິ່ງໄດ້ຂຽນບົດກະວີ “ງູຄ້ານຮຽນ”. ພິເສດຄືກະວີແຕ່ລະປະໂຫຍກຍັງໄດ້ກ່າວເຖິງຊື່ຂອງງູຊະນິດໜຶ່ງ. ບົດກະວີມີດັ່ງນີ້:
ບໍ່ແມ່ນງູນ້ອຍແຕ່ກໍ່ແມ່ນແນວພັນ
ງູຂີ້ຄ້ານຮຽນອາດບໍ່ໃຫ້ອະໄພ
ລະອາຍໃຈ ງູສາ ເຮັດໃຫ້ແມ່ເສຍໃຈ
ມື້ນີ້ແຜດສຽງຮ້ອງງູທັບທາງ ແສບຄໍພໍ່
ປາກແຫ້ງພຽງແຕ່ລຶ້ງເຄີຍທ່າທີອໍ້ແອ້ເທົ່ານັ້ນ
ສັນຫຼັງງູຂີ້ກ້ຽມປ່າທົນເຈັບມີຮອຍສາມສີ່ຫ້າຄອງ.
ຈາກນີ້ໄປງູສິງຫາງລາຍ, ຮູຮັງຈະຕັ້ງໃຈດຸໝັ່ນຮໍ່າຮຽນ.
ງູຈົງອາງອາດຈະນໍາເອົາຊື່ສຽງອຳນາດມາສູ່ຄອບຄົວ.
ບົດກະວີ "ງູຄ້ານຮຽນ" ຖືກຂຽນໃນແບບກະວີໂຮມຊື່: ແຕ່ລະປະໂຫຍກມີຊື່ງູຊະນິດໜຶ່ງ ຫຼື ມີຄໍາວ່າ "ງູ". ປະໂຫຍກທໍາອິດຄໍາວ່າມີ "liu diu" (ງູ liu diu ແມ່ນ Plesiosauroidea ຊະນິດໜຶ່ງທີ່ປົກກະຕິພົບເຫັນໃນທະວີບອາຊີ). ປະໂຫຍກທີສອງມີຄໍາວ່າ "ງູ". ປະໂຫຍກທີສາມແມ່ນ "ງູສາ" (ງູສາ ຫຼື ມັກເອີ້ນກັນວ່າ ງູເຈັດສີມີສ່ວນຄໍທີ່ໂດດເດັ່ນດ້ວຍການສະຫຼັບສີຕັ້ງແຕ່ເຫຼືອງອ່ອນຈົນເຖິງສີນ້ໍາຕານແດງ). ປະໂຫຍກທີສີ່ແມ່ນ "mai gầm" (ງູທັບທາງ, Bungarus ຫຼື ງູສາມລ່ຽມ ແມ່ນຫນຶ່ງໃນຊະນິດງູທີ່ພິດອັນຕະລາຍທີ່ສຸດແຕ່ບໍ່ຄ່ອຍຈະທໍາຮ້າຍມະນຸດ). ປະໂຫຍກທີຫ້າແມ່ນ “ງູສິງ” (ງູສິງແມ່ນງູຊະນິດໜຶ່ງທີ່ມັກອາໄສຢູ່ເທິງກົກໄມ້, ບໍ່ມີພິດ ແລະ ບໍ່ເປັນອັນຕະລາຍຕໍ່ຊີວິດມະນຸດ). ປະໂຫຍກທີ 6 ແມ່ນ “ງູຂີ້ກ້ຽມປ່າ” (ງູຂີ້ໂກະປ່າ) ບໍ່ມີພິດ, ຂ້ອນຂ້າງຂີ້ອາຍ ແລະ ມັກຈະຢູ່ຫ່າງຈາກຄົນ). ປະໂຫຍກທີ 7 ແມ່ນ “ງູສິງຫາງລາຍ” (ເປັນງູທີ່ກິນຊີ້ນ, ເຖິງວ່າມັນບໍ່ມີພິດ, ແຕ່ມີນິໄສຮຸນແຮງໃນສະພາບແວດລ້ອມທຳມະຊາດ ແລະ ສາມາດໂຈມຕີຄົນ). ປະໂຫຍກທີ່ແປດແມ່ນ "ງູຈົງອາງ" (ແມ່ນງູທີ່ມີພິດ, ໄດ້ຕີລາຄາວ່າເປັນງູທີ່ອັນຕະລາຍ ແລະ ເປັນຕາຢ້ານຢູ່ໃນຂອບເຂດຊີວິດການເປັນຢູ່ຂອງພວກມັນ).
ໃນບົດກະວີ “ງູຄ້ານຮຽນ”, ການປະກົດຕົວຂອງງູ “ຈົງອາງ - ແມ່” ແລະ ງູ “ທັບທາງ - ພໍ່” ທີ່ມີບຸກຄະລິກສະເພາະຄື: ຜູ້ເປັນແມ່ “ລະອາຍ… ເສຍໃຈ”, ພໍ່ “ແຜດສຽງ… ແສບຄໍ” ເຫມາະກັບທັດສະນະຄະຕິທາງຈິດໃຈທີ່ຢາກຮ້າຍ, ເປັນຫ່ວງຂອງຄົນຜູ້ເປັນພໍ່ແມ່ຕໍ່ການຮຽນຂອງລູກຕົນ. ການສຳຜັດຄໍາທີ່ມ່ວນໃນບົດກະວີແມ່ນໃສ່ຄຳວ່າ “ໄຟ” ສຳລັບ “ໂຄມໄຟ”, “ຮ້ອງ” ສໍາລັບ “ແຜດສຽງຮ້ອງ” ຢູ່ທາງໜ້າ ແລະ ທາງຫຼັງຄໍາວ່າ “ງູຈົງອາງ” ແລະ “ງູທັບທາງ” ມີຄວາມໝາຍເລິກເຊີ່ງ ແລະ ມີອາລົມຄວາມຮັກແພງ.
 | ບັນຍາກາດຄຶກຄື້ນເພື່ອສະເຫຼີມສະຫຼອງປີມັງກອນທົ່ວໂລກ ຍສໝ - ຫວຽດນາມ, ຈີນ, ມາເລເຊຍ ແລະ ຫຼາຍປະຊາຄົມໃນທະວີບໃນທົ່ວໂລກພວມດຳເນີນບັນຍາກາດເບີກບານມ່ວນຊື່ນເພື່ອຕ້ອນຮັບປີໃໝ່ມັງກອນ. |
 | ສະແຕັມ ບຸນເຕັດປີມະໂລງ ພ້ອມກັບຮູບສັນຍະລັກ ຫວຽດນາມ ທີ່ປາໄນກາຍເປັນມັງກອນ ຍສໝ - ຫວ່າງມໍ່ໆນີ້, ກະຊວງຖະແຫຼງຂ່າວ ແລະ ການສື່ສານ ຫວຽດນາມ ໄດ້ເປີດຈຳໜ່າຍຊຸດສະແຕມ “ເຕັດປີມະໂລງ” ເຊິ່ງລວມມີສະແຕມ 2 ແບບ ແລະ ກັບສະແຕມທີ່ມີຮູບມັງກອນ - ສັດປະຈຳປີ 2024 ຕິດພັນກັບແນວຄວາມຄິດ ປາໄນກາຍເປັນມັງກອນ ແລະ ຫວຽດນາມຈະເລີນຮຸ່ງເຮືອງ. |
ທອງມີ ສີຫາວົງ
