| ການນໍາກະຊວງການຕ່າງປະເທດຫວຽດນາມ ອວຍພອນສະຖານທູດລາວ ປະຈໍາ ຫວຽດນາມ ເນື່ອງໃນໂອກາດວັນຊາດລາວ | |
| ຂີດໝາຍອັນໃຫຍ່ຫຼວງ ໃນການພົວພັນຄູ່ຮ່ວມມືຍຸດທະສາດຮອບດ້ານ ຫວຽດນາມ - ຍີ່ປຸ່ນ |
ທ່ານ ບຸ່ຍແທັງເຊີນ ລັດຖະມົນຕີການຕ່າງປະເທດຫວຽດນາມ ຊີ້ແຈ້ງວ່າ: ພ້ອມກັບທົ່ວປະເທດສູ້ຊົນປະຕິບັດມະຕິກອງປະຊຸມໃຫຍ່ຄັ້ງທີ XIII ຢ່າງມີໄຊ, ຂະແໜງການທູດດ້ວຍຖານະເປັນກໍາລັງຫຼັກແຫຼ່ງ ແລະປະຈັນບານໃນດ້ານພົວພັນຕ່າງປະເທດ ຈະສືບຕໍ່ມານະພະຍາຍາມປະຕິບັດບັນດາໜ້າທີ່ຈຸດສຸມດັ່ງນີ້:
ທີ່ໜຶ່ງແມ່ນ, ຈັດຕັ້ງເຊື່ອມຊຶມການປະຕິບັດມະຕິກອງປະຊຸມໃຫຍ່ຜູ້ແທນທົ່ວປະເທດຄັ້ງທີ XIII ແລະ ແຜນນະໂຍບາບການຕ່າງປະເທດຂອງພັກ ແລະລັດໃນທົ່ວຂະແໜງການການທູດ.
 |
| ທ່ານ ບຸ່ຍແທັງເຊີນ ລັດຖະມົນຕີການຕ່າງປະເທດຫວຽດນາມ. ພາບ: ຕ໊ວນແອງ |
ທີສອງແມ່ນ, ຜັນຂະຫຍາຍບັນດາໜ້າທີ່ຮັກສາສະພາບແວດລ້ອມແຫ່ງສັນຕິພາບ, ສະຖຽນລະພາບຢ່າງຄົບຂຸດ ແລະ ມີປະສິດທິຜົນ, ໄປຄຽງຄູ່ກັບການຢຶດໝັ້ນ, ເດັດດ່ຽວປົກປັກຮັກສາອະທິປະໄຕ, ເອກະພາບ ແລະ ຜືນແຜ່ນດິນອັນຄົບຖ້ວນ, ລະດົມແຫຼ່ງກຳລັງຈາກພາຍນອກ ຮັບໃຊ້ການພັດທະນາເສດຖະກິດ-ສັງຄົມ ແລະຍົກສູງຖານະບົດບາດຂອງປະເທດຊາດ.
ທີສາມ, ສົມທົບກັນຢ່າງແໜ້ນແຟ້ນດ້ານການທູດການເມືອງ, ການທູດເສດຖະກິດ, ການທູດວັດທະນະທຳ, ຂໍ້ມູນຂ່າວສານການຕ່າງປະເທດ, ວຽກງານຊາວຫວຽດນາມ ຢູ່ອາໄສຢູ່ຕ່າງປະເທດ ແລະ ການປົກປ້ອງພົນລະເມືອງ; ຍາດແຍ່ງບັນດາປັດໄຈສາກົນທີ່ສະດວກ, ບັນດາຄຳໝັ້ນສັນຍາ ແລະຂໍ້ຕົກລົງສາກົນໃຫ້ໄດ້ຫຼາຍທີ່ສຸດ; ສືບຕໍ່ຍູ້ແຮງການຮ່ວມມື, ຍາດແຍ່ງການສະໜັບສະໜູນຂອງປະຊາຄົມສາກົນໃນການປ້ອງກັນ, ຕ້ານພະຍາດໂຄວິດ-19, ຊຸກຍູ້ການຟື້ນຟູ ແລະ ພັດທະນາເສດຖະກິດສັງຄົມ.
ທີສີ່ແມ່ນ, ເພີ່ມທະວີການສົມທົບກັນຢ່າງແໜ້ນແຟ້ນລະຫວ່າງການທູດລັດ ແລະ ການທູດຂອງພັກ, ການທູດປະຊາຊົນ, ການທູດປ້ອງກັນຊາດ, ປ້ອງກັນຄວາມສະຫງົບ ແລະເສດຖະກິດ - ສັງຄົມ ເພື່ອເສີມຂະຫຍາຍກໍາລັງແຮງ ສັງລວມຂອງທົ່ວລະບົບການເມືອງ ແລະ ທົ່ວປວງຊົນໃນການປະຕິບັດໜ້າທີ່ການຕ່າງປະເທດ.
ທີຫ້າແມ່ນ, ເພື່ອປະຕິບັດການກໍານົດທິດ, ໜ້າທີ່ການຕ່າງປະເທດ ເຊິ່ງພັກ, ລັດມອບໝາຍໝາຍໃຫ້ໃນໄລຍະຈະມາເຖິງຢ່າງສຳເລັດຜົນ, ຕ້ອງຕັດສິນໃຈກໍ່ສ້າງຂະແໜງການທູດຮອບດ້ານ, ທັນສະໄໝ ແລະ ໝັ້ນຄົງເຂັ້ມແຂງ.
ບູນມີ
