| ຫວຽດນາມ ໄດ້ຮັບບ້ວງຊຳລະ 51,5 ລ້ານ USD ຍ້ອນການຫຼຸດຜ່ອນການປ່ອຍອາຍພິດ | |
| WVI ອຸປະຖຳ ເກືອບ 48 ຕື້ດົ່ງ ເພື່ອໜູນຊ່ວຍເດັກນ້ອຍທຸກຍາກຢູ່ເມືອງ ບ໋າເທຶອກ |
ຕາມຂໍ້ຕົກລົງຂອງຄະນະກຳມະການປະຊາຊົນແຂວງ ກວາງຈິ ອະນຸມັດ, ໂຄງການເຂດເມືອງຮາຍລັງ, ໄລຍະ 2023-2025 ຍອດເງິນທຶນໃນການປະຕິບັດໂຄງການມີມູນຄ່າກວ່າ 1,7 ລ້ານ USD, ໃນນັ້ນ: ທຶນຊ່ວຍເຫຼືອລ້າມີມູນຄ່າກວ່າ 1,66 ລ້ານໂດລາ; ທຶນສົມທົບ: 47.500 USD ໂດຍການປະກອບສ່ວນຈາກທ້ອງຖິ່ນໃຫ້ກັບບັນດາການເຄື່ອນໄຫວທີ່ມີຫົວຄິດປະດິດສ້າງຂອງຊຸມຊົນ ໂດຍຜ່ານການອອກແຮງງານ, ວັດຖຸອຸປະກອນທີ່ມີຢູ່ແລ້ວ.
 |
| ໂຄງການເຂດເມືອງ ຮາຍລັງ ຕິດພັນກັບເປົ້າໝາຍປັບປຸງການຮັບປະກັນຊິວິດແບບຍືນຍົງໃຫ້ແກ່ເດັກນ້ອຍ, ພິເສດແມ່ນເດັກທີ່ດ້ອຍໂອກາດ ແລະ ປັບປຸງຊີວິດການເປັນຢູ່ຂອງປະຊາຊົນໃນເຂດທ້ອງຖິ່ນ 6 ຕາແສງ (ພາບປະກອບ). |
ໂຄງການໄດ້ຜັນຂະຫຍາຍປະຕິບັດຮອດວັນທີ 30 ກັນຍາ 2025 ຕິດພັນກັບເປົ້າໝາຍປັບປຸງການຮັບປະກັນຊິວິດແບບຍືນຍົງໃຫ້ແກ່ເດັກນ້ອຍ, ພິເສດແມ່ນເດັກທີ່ດ້ອຍໂອກາດ ແລະ ປັບປຸງຊີວິດການເປັນຢູ່ຂອງປະຊາຊົນໃນເຂດທ້ອງຖິ່ນ 6 ຕາແສງ ຮາຍເຈື່ອງ, ຮາຍກຸຍ, ຮາຍຮຶງ, ຮາຍດິ້ງ, ຮາຍຟອງ, ຮາຍເຢືອງ ຂອງເມືອງ ຮາຍລັງ.
ຢູ່ທີ່ ກວາງຈິ, ອົງການ WVI ໄດ້ປະສານສົມທົບກັບອຳນາດການປົກຄອງທ້ອງຖິ່ນ ຜັນຂະຫຍາຍບັນດາກິດຈະກໍາ ແລະ ໂຄງການຢູ່ທີ່ບັນດາເມືອງ ດາກຣົງ, ເຫືອງຫົວ, ຮາຍລັງ ແລະ ຈ້ຽວຟອງ ດ້ວຍຍອດເງິນງົບປະມານເກືອບ 11 ລ້ານ USD, ປະກອບສ່ວນປັບປຸງຊີວິດການເປັນຢູ່ຂອງບັນດາຄອບຄົວທີ່ທຸກຍາກ, ຄົນທີ່ມີສະພາບຄອບຄົວຫຍຸ້ງຍາກ ແລະ ພິເສດແມ່ນເດັກນ້ອຍ ຫຼາຍພໍສົມຄວນ.
ໃນໄລຍະ 2023-2027, ອົງການ WVI ຈະຜັນຂະຫຍາຍບັນດາກິດຈະກໍາ/ໂຄງການໜູນຊ່ວຍການພັດທະນາຂອງແຂວງ ກວາງຈິ ດ້ວຍງົບປະມານເກືອບ 9,8 ລ້ານ USD, ຍົກຈຳນວນງົບປະມານສະສົມທັງໝົດຂອງການຮ່ວມມືກັບແຂວງ ກວາງຈິ ນັບແຕ່ປີ 2000 ຮອດປະຈຸບັນ ບັນລຸເກືອບ 46 ລ້ານ USD.
ໃນໄລຍະນີ້, ອົງການ WVI ຈະສືບຕໍ່ຜັນຂະຫຍາຍໂຄງການເຂດເມືອງ ຮາຍລັງ, ເຫືອງຫົວ, ດາກຣົງ ເຊິ່ງລວມມີບັນດາໂຄງການ: ປົກປ້ອງເດັກນ້ອຍ ແລະ ຊຸກຍູ້ການເຂົ້າຮ່ວມຂອງເດັກນ້ອຍ; ພາຫະນະການລ້ຽງຊີບ; ການເຂົ້າຮ່ວມຂອງຊຸມຊົນ, ການອຸປະຖໍາເດັກນ້ອຍ; ໂພຊະນາການ ແລະ ສາທາລະນະສຸກ...
ທອງມີ ສີຫາວົງ
