ການຫັນເປັນດີຈີຕອນຫໍພິພິທະພັນຖ່າຍທອດຄວາມງາມທີ່ມີຊີວິດຊີວາຂອງ ຮ່າຢາງ ໃຫ້ແກ່ນັກທ່ອງທ່ຽວ

ນຳໃຊ້ເຕັກໂນໂລຊີດີຈີຕອນເຂົ້າໃນການເຄື່ອນໄຫວວາງສະແດງ, ຫໍພິພິທະພັນ ຮ່າຢາງ ໄດ້ນຳປະສົບການທີ່ມີຊີວິດຊີວາຫຼາຍຢ່າງມາໃຫ້ແກ່ນັກທ່ອງທ່ຽວທັງພາຍໃນ ແລະ ຕ່າງປະເທດ, ປະກອບສ່ວນອະນຸລັກຮັກສາ ແລະ ໂຄສະນາຄຸນຄ່າທາງດ້ານວັດທະນະທຳບັນດາເຜົ່າຢູ່ແຂວງ ຮ່າຢາງ.

ແຫຼມເຊີນຈ່າ - ເປັນສະຖານທີ່ທ່ອງທ່ຽວທີ່ດູດດຶງໃຈ ໃຫ້ແກ່ນັກທ່ອງທ່ຽວມາຢ້ຽມຢາມດ່າໜັງ

ນັກທ່ອງທ່ຽວມົວເມົາ ພິຊິດ Fansipan , "ຫຼັງຄາເຮືອນຂອງອິນດູຈີນ"

ຕອນບ່າຍວັນທີ 14 ມີນາ, ຄະນະນັກທ່ອງທ່ຽວປະມານ 20 ຄົນໄດ້ເດີນທາງອອກຈາກຮ່າໂນ້ຍ ໄປຢ້ຽມຊົມຫໍພິພິທະພັນ ຮ່າຢາງ (ເຮືອນເລກທີ 148 ຖະໜົນ ເຈິ່ນຮຶງດ້າວ, ຕາແສງ ຫງວຽນຈ໊າຍ, ນະຄອນ ຮ່າຢາງ, ແຂວງ ຮ່າຢາງ). ຈຸດທຳອິດທີ່ຄະນະນັກທ່ອງທ່ຽວໄດ້ຢຸດຊົມແມ່ນເຂດເປີດຫ້ອງໂຖງໃຫຍ່ທີ່ມີແຜ່ນປ້າຍຈັັດລຽງຕາມລຳດັບ, ດ້ານໜ້າແມ່ນຄຳວ່າ “ຫໍພິພິທະພັນ ຮ່າຢາງ”, ດ້ານຫລັງແມ່ນຮູບພາບບັນດາສະຖານທີ່ທີີ່ມີຊື່ສຽງ ແລະ ທິວທັດທີ່ສວຍງາມຂອງແຂວງ. ສີສັນ ແລະ ລວດລາຍຂອງປ້າຍເຮັດໃຫ້ນຶກເຖິງບັນດາຊົນເຜົ່າຢູ່ໃນພື້ນທີ່ລວມ ເຊິ່ງໄດ້ຮັບແຮງບັນດານໃຈຈາກສີສັນຂອງຊຸດອາພອນຂອງຊາວເຜົ່າ ຮ່າຢາງ.

Hướng dẫn viên Lê Thị Ngọc Anh hướng dẫn du khách trải nghiệm âm thanh của chuông chùa Bình Lâm, một bảo vật quốc gia, chỉ thông qua thao tác chạm màn hình. (Ảnh: Minh Thái) ຜູ້ນຳທ່ຽວ Lê Thị Ngọc Anh ແນະນຳໃຫ້ນັກທ່ອງທ່ຽວໄດ້ສຳຜັດກັບສຽງກະດິ່ງຂອງ chùa Bình Lâm, ເປັນສົມບັດຂອງຊາດ, ພຽງແຕ່ແຕະໜ້າຈໍ. (ພາບ: Minh Thái)

ຜູ້ນຳທ່ຽວ ເລທິງອກແອັງ ແນະນຳໃຫ້ນັກທ່ອງທ່ຽວໄດ້ສຳຜັດກັບສຽງລະຄັງຂອງວັດ ບິ່ງເລິມ, ເຊິ່ງເປັນວັດຖຸພັນລະດັບຊາດ, ໂດຍການພຽງແຕ່ແຕະໜ້າຈໍ. (ພາບ: Minh Thái)

ໃນນຸ່ງຊຸດອາພອນພື້ນເມືອງຂອງຊາວເຜົ່າ ປ່າແຖນ, ນາງ ເລທິງອກແອັງ, ຜູ້ນຳທ່ຽວຂອງຫໍພິພິດທະພັນ ຮ່າຢາງ ໄດ້ແນະນຳໃຫ້ບັນດາຜູ້ເຂົ້າຊົມການວາງສະແດງຢູ່ຫໍພິພິທະພັນເທື່ອລະຄົນ. ດ້ວຍຫົວຂໍ້ທີ່ວ່າ “ແຂວງ ຮ່າຢາງ ບັນດາຂີດໝາຍທາງດ້ານປະຫວັດສາດ”, ຊັ້ນ 1 ໄດ້ວາງສະແດງວັດຖຸບູຮານປະມານ 50 ຢ່າງ, ໃນນັ້ນມີສັດທະເລກາຍເປັນຫີນຫຼາຍຊະນິດ ແລະ ຕະກອນຫີນປູນທີ່ມີອາຍຸແຕ່ 500.000 ເຖິງ 5.000.000 ປີ; ຮອ່ງຮອຍຂອງຄົນປະຖົມບູຮານຕ່າງໆ. ມີຮູບພາບ, ວັດຖຸບູຮານຫຼາຍຢ່າງກ່ຽວກັບຂະບວນການເຕົ້າໂຮມຂອງບັນດາເຜົ່າຢູ່ ຮ່າຢາງ; ການຕໍ່ສູ້ເພື່ອປົກປັກຮັກສາປະເທດຊາດ ແລະ ຄວາມໝັ້ນຄົງທາງຊາຍແດນນັບແຕ່ສະຕະວັດທີ 10 ໄປຈົນຮອດໄລຍະຕ້ານຝະຣັ່ງ, ອາເມລິກາ ແລະ ສົງຄາມປົກປັກຮັກສາຊາຍແດນພາກເໜືອກໍ່ໄດ້ວາງສະແດງຢູ່ທີ່ນີ້.

ຊັ້ນ 2 ເປັນບ່ອນວາງສະແດງດ້ວຍຫົວຂໍ້ທີ່ວ່າ: ສາມເຂດນິເວດ, ວັດທະນະທໍາທີ່ຫຼາກຫຼາຍ ແລະ ການສ້າງຊີວິດໃຫມ່. ດ້ວຍຫນ້າຈໍໂຄ້ງຂະຫນາດໃຫຍ່, ນັກທ່ອງທ່ຽວມີຄວາມຮູ້ສຶກຄືກັບວ່າພວກເຂົາໄດ້ເຂົ້າໄປໃນທິວທັດທໍາມະຊາດໃນສາມເຂດນິເວດດັ່ງກ່າວ. ພິເສດ, ນັກທ່ອງທ່ຽວສາມາດຮຽນຮູ້, ຄົ້ນຫາ, ມີການປະສົມກົມກຽວກັບພືດ ແລະ ສັດທີ່ຫຼາກຫຼາຍ, ທິວທັດທຳມະຊາດທີ່ອຸດົມສົມບູນ ແລະ ແນະນຳບັນດາສະຖານທີ່, ຈຸດທ່ອງທ່ຽວທີ່ໜ້າສົນໃຈເພື່ອສ້າງແຜນໄປທັດສະນະສືກສາ ແລະ ຄົ້ນຫາຄັ້ງຕໍ່ໄປ.

ຖັດໄປແມ່ນບ່ອນວາງສະແດງວັດທະນະທຳທີ່ຫຼາກຫຼາຍ, ເປັນບ່ອນເຕົ້າໂຮມຂອງ 19 ຊົນເຜົ່າ. ຈາກສອງໜ້າຈໍສຳພັດ ແລະ ບັນດາຮູບພາບ, ວັດຖຸພັນ, ນັກທ່ອງທ່ຽວສາມາດຄົ້ນຫາບັນດາຮ່ອງຮອຍລັກສະນະສະເພາະທາງດ້ານວັດທະນະທຳຂອງບັນດາຊົນເຜົ່າຄື: ງານບຸນ ກາວຕ່າວ, ອາຊີບປູກລິນິນ ແລະ ການຖັກແສ່ວຂອງຊາວເຜົ່າມົ້ງ; ງານບຸນລົງທົ່ງ, ພິທີໄຫວ້ພະຈັນຂອງຊາວເຜົ່າໄຕ; ໄຫວ້ບັນພະບູລຸດ ແລະ ໄຫວ້ກອງທອງແດງ ຂອງຊາວເຜົ່າ ໂລໂລ; ພິທີເຕັ້ນກອງໄຟຂອງຄົນປ່າແຖນ... ນອກນີ້, ຫໍພິພິທະພັນຍັງໄດ້ວາງສະແດງ ແລະ ແນະນຳອາຊີບຫັດຖະກຳພື້ນເມືອງຈຳນວນໜຶ່ງ, ມີລັກສະນະສະເພາະຕ່າງໆຄື: ການຫຼອມເຫຼັກ, ຕີເງິນ, ການເຮັດດິນຂໍ, ຊ່າງໄມ້, ການເຮັດເຈ້ຍ, ງານຫຍິບປັກຖັກແສ່ວ... ໂດຍຜ່ານລະບົບຫນ້າຈໍສໍາພັດ, ແຜ່ນຮູບເງົາສາລະຄະດີຕ່າງໆ, ຜູ້ຊົມເບິ່ງພາບລວມຂອງມໍລະດົກວັດທະນະທຳທີ່ບໍ່ເປັນວັດຖຸ ເຊິ່ງໄດ້ຮັບຮອງວ່າເປັນມໍລະດົກທາງດ້ານວັດທະນະທຳທີ່ບໍ່ເປັນວັດຖຸລະດັບຊາດ.

ເຂດວາງສະແດງສຸດທ້າຍຂອງຫໍພິພິດທະພັນມີຫົວຂໍ້ວ່າ: “ສ້າງຊີວິດໃໝ່”, ໃນນັ້ນລວມມີຮູບພາບບັນດາໂຄງການກໍ່ສ້າງທີ່ພົ້ນເດັ່ນ, ເປັນແບບຢ່າງຂອງຄົນດີ, ເຮັດວຽກດີຢູ່ແຂວງ ຮ່າຢາງ ສະແດງໃຫ້ເຫັນການພັດທະນາຈາກແຂວງທີ່ທຸກຍາກທີ່ສຸດໃນປະເທດນີ້ ໄດ້ເຊື່ອມໂຍງເຂົ້າກັບການພັດທະນາລວມຂອງທົ່ວປະເທດ.

Ông Moises Perez Mokk ấn tượng với các di tích lịch sử - văn hóa tại Hà Giang. (Ảnh: Minh Thái) ທ່ານ Moises Perez Mokk ມີຄວາມປະທັບໃຈກ່ຽວກັບຮ່ອງຮອຍປະຫວັດສາດ ແລະ ວັດທະນະທຳຢູ່ ແຂວງ Hà Giang (ພາບ: Minh Thái)

ທ່ານ Moises Perez Mokk ມີຄວາມປະທັບໃຈກ່ຽວກັບຮ່ອງຮອຍປະຫວັດສາດ ແລະ ວັດທະນະທຳຢູ່ ແຂວງ ຮ່າຢາງ (ພາບ: Minh Thái)

ທ່ານ Moises Perez Mokk, ນັກຂ່າວຫ້ອງການສຳນັກຂ່າວ ອາເມລິກາ ລາຕິນ Prensa Latin Cuba ໄດ້ກ່າວວ່າ: ການຢ້ຽມຢາມຫໍພິພິທະພັນໄດ້ນຳມາເຊິ່ງປະສົບການທີ່ໜ້າສົນໃຈ, ເຂົ້າໃຈຕື່ມກ່ຽວກັບປະຫວັດສາດຫວຽດນາມ ເວົ້າລວມ ແລະ ເຂດດິນແດນຂອງແຂວງ ຮ່າຢາງ ເວົ້າສະເພາະ. ທ່ານມີຄວາມປະທັບໃຈຫຼາຍກ່ຽວກັບການນໍາໃຊ້ການຫັນເປັນດິຈີຕອນຂອງຫໍພິພິທະພັນດ້ວຍໜ້າຈໍ 3 ມິຕິ maping, ໜ້າຈໍແບບ Panorama ຂະໜາດໃຫຍ່ ປະສົມກົມກຽວກັບບັນດາວັດຖຸພັນ...ຊ່ວຍໃຫ້ ທ່ານ Moises Perez Mokk ໄດ້ມີປະສົບການຕົວຈິງ ແລະ ເຊື່ອມຕໍ່ກັບຄຸນຄ່າປະຫວັດສາດ, ເອກະລັກວັດທະນະທຳ. ພື້ນເມືອງຂອງບັນດາເຜົ່າຢູ່ແຂວງ ຮ່າຢາງ ໄດ້ຢ່າງແທ້ຈິງທີ່ສຸດ.

ນາງ ແທັງງາ, ສະມາຊິກໃນຄະນະນັກທ່ອງທ່ຽວ ຮ່າໂນ້ຍ ກໍ່ສະແດງຄວາມເພຶ່ງພໍໃຈຕໍ່ການສຳຜັດວັດຖຸພັນຜ່ານອຸປະກອນດິຈີຕອນ. "ພຽງແຕ່ໃຊ້ມືສໍາຜັດກັບຮູບພາບຂອງລະຄັງຢູ່ໃນຫນ້າຈໍ ຂ້າພະເຈົ້າກໍ່ສາມາດໄດ້ຍິນສຽງດັງກ້ອງຂອງລະຄັງ ແລະ ເບິ່ງຂໍ້ມູນສະເພາະຂອງແຕ່ລະວັດຖຸພັນໄດ້" ນາງ ແທັງງາ ກ່າວ.

ຜູ້ນຳທ່ຽວ ເລທິງອກແອັງ ໃຫ້ຮູ້ວ່າ: ແນວຄວາມຄິດວາງສະແດງຂອງຫໍພິພິທະພັນໄດ້ຮັບການອອກແບບໂດຍນັກຊ່ຽວຊານຊາວຝະຣັ່ງ ແລະ ກຸ່ມຜູ້ຮ່ວມງານທີ່ມີຄວາມຮູ້ກ່ຽວກັບຮີດຄອງປະເພນີ, ສັງຄົມຂອງເຂດດິນແດນແຂວງ ຮ່າຢາງ. ແທນທີ່ການວາງສະແດງວັດຖຸພັນໃນປະລິມານຫຼວງຫຼາຍ, ຫນາແຫນ້ນ, ຕາມການເວລາ, ຫໍພິພິທະພັນເລືອກເອົາວັດຖຸພັນທີ່ພົ້ນເດັ່ນ, ສ້າງຈຸດເນັ້ນກ່ຽວກັບປະຫວັດສາດ, ຊ່ວຍໃຫ້ນັກທ່ອງທ່ຽວມີທັດສະນະລວມ, ປະສົມປະສານກັບສີສັນທີ່ສົດໃສ, ແສງສະຫວ່າງ, ສຽງທີ່ມີຊິວິດຊີວາ. ຢູ່ທີ່ເຂດວາງສະແດງຕ່າງໆ, ຂໍ້ມູນທົ່ວໄປກ່ຽວກັບເຂດດິນແດນ ແລະ ຊາວແຂວງ ຮ່າຢາງ ກໍ່ໄດ້ຮັບການຄົ້ນຫາໂດຍຜ່ານບັນດາການແບ່ງເປັນແຕ່ລະຫົວຂໍ້ ແລະ ໄດ້ຮັບການຫນູນຊ່ວຍໂດຍອຸປະກອນເຕັກໂນໂລຢີ ພ້ອມກັບສັນຍາລັກທີ່ສະແດງຢ່າງມີໂລຊິກ ມີວິທະຍາສາດແລະ ສີສັນທີ່ຫນ້າປະທັບໃຈ.

“ພວກຂ້າພະເຈົ້າຍັງໄດ້ປະສານສົມທົບກັບບັນດາໂຮງຮຽນຈັດຕັ້ງບັນດາກິດຈະກໍາລົງຕົວຈິງຢູ່ຫໍພິພິທະພັນລວມມີ: ການຫຼິ້ນພື້ນເມືອງ, ຫຼິ້ນເດື່ອງດ່າງ, ຕີໝາກຄ່າງ, ຍ່າງໄມ້ສູງ, ເຕັ້ນສາບ, ຕໍາເຂົ້າດ້ວຍຄົກມອງ, ແຕ້ມຮູບ ແລະ ການຫຼິ້ນອື່ນໆ... ສິ່ງເຫຼົ່ານັ້ນໄດ້ປະກອບສ່ວນສຶກສາໃຫ້ແກ່ລູກຫຼານນັກສຶກສາກ່ຽວກັບປະເພນີ ແລະ ການຮັກສາຄຸນຄ່າປະຫວັດສາດ. ຍ້ອນໄດ້ຮັບການປັບປຸງຫຼາຍຢ່າງໃນເຕັກໂນໂລຊີວາງສະແດງ, ປະສົມປະສານກັບຮີດຄອງປະເພນີ ແລະ ຄວາມທັນສະໄໝເຂົ້າກັນ ຈິ່ງເຮັດໃຫ້ຫໍພິພິທະພັນດຶງດູດນັກທ່ອງທ່ຽວທຸກເກນອາຍຸມາຮຽນຮູ້, ມາທັດສະນະ ແລະ ສໍາຜັດປະສົບການຕົວຈິງນັບມື້ນັບຫຼາຍຂຶ້ນ”.

ຫໍພິພິທະພັນ ຮ່າຢາງ ເປີດແຕ່ວັນອັງຄານ ຫາ ວັນອາທິດ ຂອງທຸກໆອາທິດ. ຕອນເຊົ້າແຕ່ 8 ໂມງ ຫາ 11 ໂມງ; ຕອນບ່າຍ ເວລາ 2 ໂມງ ຫາ 5 ໂມງ.

ຄ່າທຳນຽມດັ່ງນີ້: ສຳລັບເດັກອາຍຸແຕ່ 6 ປີເຖິງ 16 ປີແມ່ນ 10.000 ດົ່ງ/ຄົນ/ຄັ້ງ; ນັກຮຽນອາຍຸ 16 ປີຂຶ້ນໄປ, ນັກສຶກສາ 15.000 ດົ່ງ/ຄົນ/ຄັ້ງ; ຜູ້ໃຫຍ່ 30,000 ດົ່ງ/ຄົນ/ຄັ້ງ.

	ໂຮງແຮມຫວຽດນາມ 3 ແຫ່ງ ແມ່ນນອນໃນບັນດາໂຮງແຮມອັນດັບໜຶ່ງໃນໂລກ
	ຫວຽດນາມ - ເຊຍຣາ ຊຸກຍູ້ການຮ່ວມມືດ້ານກະສິກຳ ແລະ ຫັນເປັນລະບົບດິຈິຕອລ