ຍສໝ - ວັນທີ 29/10, ທີ່ຮ່າໂນ້ຍ, ເວທີປາໄສປັນຍາປະດິດ (AI) ແລະ ເຕັກໂນໂລຊີດິຈິຕອນ ຫວຽດນາມ - ສ.ເກົາຫຼີ 2026 ໄດ້ສຸມໃສ່ຊຸກຍູ້ການຮ່ວມມືດ້ານການຄົ້ນຄວ້າ, ພັດທະນາປັນຍາປະດິດ (AI), ໂຄງລ່າງພື້ນຖານຂໍ້ມູນ, ເຕັກໂນໂລຊີເຄິ່ງຊັກນຳໄຟຟ້າ ແລະ ການຝຶກອົບຮົມຊັບພະຍາກອນມະນຸດ, ມຸ່ງໄປສູ່ການເປັນເຈົ້າຂອງເຕັກໂນໂລຊີ, ການນຳຜະລິດຕະພັນອອກສູ່ຕະຫຼາດໃນເຊີງການຄ້າ ແລະ ການຂະຫຍາຍຕະຫຼາດ.
ຍສໝ - ວັນທີ 29/10, ທີ່ຮ່າໂນ້ຍ, ສະມາຄົມມິດຕະພາບຫວຽດນາມ - ແອັດສະປາຍ ນະຄອນຮ່າໂນ້ຍ ໄດ້ຈັດໂຄງການພົບປະມິດຕະພາບເນື່ອງໃນໂອກາດວັນຊາດແອັດສະປາຍ (12/10), ພ້ອມທັງເປີດຕົວສອງສາຂາສະມາຄົມໃໝ່ ເພື່ອຂະຫຍາຍເຄືອຂ່າຍການຕ່າງປະເທດປະຊາຊົນ ແລະ ເພີ່ມທະວີການຮ່ວມມືລະຫວ່າງສອງປະເທດ.
ຍສໝ - ຕອນຄ່ຳວັນທີ 28/10, ທີ່ຮ່າໂນ້ຍ, ສະຖານເອກອັກຄະລັດຖະທູດຍີ່ປຸ່ນໄດ້ມອບໃບຍ້ອງຍໍຂອງລັດຖະມົນຕີການຕ່າງປະເທດຍີ່ປຸ່ນໃຫ້ແກ່ສຳນັກພິມ Kim Đồng, ເພື່ອຮັບຮູ້ບັນດາການປະກອບສ່ວນໃນການໂຄສະນາເຜີຍແຜ່ວັດທະນະທຳຍີ່ປຸ່ນ, ຊຸກຍູ້ການແລກປ່ຽນ ແລະ ເພີ່ມທະວີຄວາມເຂົ້າໃຈລະຫວ່າງປະຊາຊົນສອງປະເທດ.
ຍສໝ - ວັນທີ 28/10/2026, ສະມາຄົມສົ່ງເສີມການພັດທະນາຮູບເງົາຫວຽດນາມ (VFDA) ໄດ້ເປີດບູດວາງສະແດງຮູບເງົາຫວຽດນາມ ທີ່ຕະຫຼາດເນື້ອຫາ TIFFCOM 2026 ໃນນະຄອນໂຕກຽວ (ຍີ່ປຸ່ນ), ເພື່ອແນະນຳບັນດາໂຄງການຮູບເງົາ, ສະຖານທີ່ຖ່າຍທຳ ແລະ ໂອກາດການຮ່ວມມືຜະລິດ ແລະ ຈັດຈຳໜ່າຍຮູບເງົາກັບຄູ່ຮ່ວມມືສາກົນ.
ຍສໝ - ວັນທີ 27/10, ສື່ມວນຊົນເມັກຊິໂກຫຼາຍສຳນັກໄດ້ລາຍງານຂ່າວກ່ຽວກັບພິທີເປີດຕົວຜົນງານບູລະນະປັບປຸງຮູບປັ້ນປະທານໂຮ່ຈີມິນ ທີ່ນະຄອນ Acapulco, ລັດ Guerrero, ໂດຍເນັ້ນໜັກເຖິງຄວາມໝາຍທາງສັນຍະລັກຂອງຜົນງານດັ່ງກ່າວຕໍ່ມິດຕະພາບ ແລະ ຄຸນຄ່າຮ່ວມກັນລະຫວ່າງສອງຊາດ.
ຍສໝ - ວັນທີ 28/10, ທ່ານ ຫວູ ຢຸຍ ລອງ, ເອກອັກຄະລັດຖະທູດຫວຽດນາມປະຈຳອານເຊຣີ ໄດ້ພົບປະເຮັດວຽກກັບທ່ານ Kamel Eddine Kerbouche, ເຈົ້າແຂວງ Constantine ເພື່ອຊຸກຍູ້ການຮ່ວມມືລະຫວ່າງທ້ອງຖິ່ນ, ເຊື່ອມຕໍ່ບັນດາວິສາຫະກິດ ແລະ ຂະຫຍາຍສາຍພົວພັນດ້ານເສດຖະກິດ, ການຄ້າ ແລະ ການລົງທຶນລະຫວ່າງສອງຝ່າຍ.
ຍສໝ - ຜ່ານບັນດາກິດຈະກຳລະນຶກເຖິງບຸນຄຸນຂອງວິລະຊົນຜູ້ເສຍສະຫຼະຊີວິດ, ການເບິ່ງແຍງດູແລເພື່ອນຮ່ວມຮົບ, ການຊ່ວຍເຫຼືອອະດີດນັກຮົບລາວ, ການກັບຄືນໄປຢ້ຽມຢາມສະໜາມຮົບເກົ່າ ແລະ ການຊ່ວຍເຫຼືອນັກຮຽນໃນເຂດທຸລະກັນດານ, ບັນດາອະດີດທະຫານອາສາສະໝັກ ແລະ ຊ່ຽວຊານການທະຫານຫວຽດນາມທີ່ເຄີຍປະຕິບັດໜ້າທີ່ຢູ່ລາວ ແລະ ປັດຈຸບັນຢູ່ຮ່າໂນ້ຍ ຍັງຄົງສືບຕໍ່ທະນຸບຳລຸງສາຍພົວພັນມິດຕະພາບລະຫວ່າງສອງປະເທດ.
ຍສໝ - ວັນທີ 26/10/2026, ທີ່ຮ່າໂນ້ຍ, ສູນຢັ້ງຢືນທາງເອເລັກໂຕຣນິກແຫ່ງຊາດຫວຽດນາມ (NEAC) ແລະ ສູນອິນເຕີເນັດແຫ່ງຊາດລາວ (LANIC) ໄດ້ແລກປ່ຽນປະສົບການດ້ານການພັດທະນາລາຍເຊັນດິຈິຕອນ, ການປັບປຸງນະໂຍບາຍກ່ຽວກັບການບໍລິການທີ່ໜ້າເຊື່ອຖື ແລະ ການສຶກສາຄົ້ນຄວ້າກົນໄກການຮັບຮູ້ເຊິ່ງກັນ ແລະ ກັນ, ເພື່ອມຸ່ງໄປສູ່ການສ້າງຄວາມສະດວກໃຫ້ແກ່ທຸລະກຳທາງເອເລັກໂຕຣນິກຂ້າມຊາຍແດນ.
ຍສໝ - ວັນທີ 27/10, ທີ່ຮ່າໂນ້ຍ, ທ່ານນາງ ຫງວຽນ ມິງ ຮັ່ງ, ຮອງລັດຖະມົນຕີການຕ່າງປະເທດ ແລະ ທ່ານ Omran Sharaf, ຜູ້ຊ່ວຍລັດຖະມົນຕີການຕ່າງປະເທດສະຫະລັດອາຣັບເອມິເຣດ (UAE) ຮັບຜິດຊອບດ້ານວິທະຍາສາດ ແລະ ເຕັກໂນໂລຊີຂັ້ນສູງ ໄດ້ຮ່ວມກັນເປັນປະທານການປຶກສາຫາລືທາງການເມືອງຄັ້ງທີ 3, ໂດຍເຫັນດີຊຸກຍູ້ການຮ່ວມມືດ້ານເສດຖະກິດ, ເຕັກໂນໂລຊີ, ພະລັງງານ ແລະ ການລົງທຶນລະຫວ່າງສອງປະເທດ.
ຍສໝ - ໃນໂຄງການແລກປ່ຽນລະຫວ່າງໂຮງຮຽນມັດທະຍົມຕອນຕົ້ນ ແລະ ຕອນປາຍ ຫງວຽນ ຊຽວ (ຮ່າໂນ້ຍ) ກັບໂຮງຮຽນມັດທະຍົມຕອນປາຍ Galileo Galilei (Siena, ອີຕາລີ), ທ່ານ Marco Della Seta, ເອກອັກຄະລັດຖະທູດອີຕາລີປະຈຳຫວຽດນາມ ໄດ້ເນັ້ນໜັກເຖິງບົດບາດຂອງການສຶກສາ ແລະ ການແລກປ່ຽນລະຫວ່າງປະຊາຊົນ ໃນການເພີ່ມທະວີຄວາມເຂົ້າໃຈ, ເຊື່ອມໂຍງຄົນຮຸ່ນໜຸ່ມ ແລະ ປະກອບສ່ວນຊຸກຍູ້ສາຍພົວພັນມິດຕະພາບລະຫວ່າງສອງປະເທດ.
ຍສໝ - ວັນທີ 27/10, ທີ່ຕາແສງ ຫງູ໊ຮ່າງເຊີນ (ດ່ານັງ), ກອງສຳມະນາສາກົນ “ປະສົບການສາກົນ ແລະ ທ່າແຮງພັດທະນາການທ່ອງທ່ຽວຮາລານຢູ່ດ່ານັງ” ໄດ້ຈັດຂຶ້ນ ແນໃສ່ຊອກຫາວິທີແກ້ໄຂເພື່ອດຶງດູດນັກທ່ອງທ່ຽວຊາວມຸດສະລິມ, ຄ່ອຍໆສ້າງລະບົບນິເວດການບໍລິການຮາລານ ແລະ ຂະຫຍາຍຕະຫຼາດທ່ອງທ່ຽວສາກົນ.
ຍສໝ - ວັນທີ 26/10, ທີ່ນະຄອນ Maputo, ທ່ານນາງ ເຈິ່ນ ທິ ທູ ຖິ່ນ, ເອກອັກຄະລັດຖະທູດຫວຽດນາມປະຈຳໂມຊຳບິກ ໄດ້ພົບປະເຮັດວຽກກັບທ່ານ Roberto Mito Albino, ລັດຖະມົນຕີກະສິກຳ, ສິ່ງແວດລ້ອມ ແລະ ການປະມົງໂມຊຳບິກ, ເພື່ອປຶກສາຫາລືກ່ຽວກັບການຜັນຂະຫຍາຍໄລຍະທີສອງຂອງໂຄງການຮ່ວມມືດ້ານກະສິກຳ, ພ້ອມທັງຂະຫຍາຍການຮ່ວມມືດ້ານເຕັກນິກ ແລະ ການຝຶກອົບຮົມຊັບພະຍາກອນມະນຸດລະຫວ່າງສອງປະເທດ.
ຍສໝ - ໃນສອງວັນທີ 24-25/10, ເທດສະການຫົວໃຈຫວຽດນາມ 2026 ພາຍໃຕ້ຫົວຂໍ້ “ຍຸກແຫ່ງການກ້າວຂຶ້ນ” ໄດ້ຈັດຂຶ້ນຢູ່ສວນສາທາລະນະ Oizumi Ryokuchi, ນະຄອນ Sakai, ແຂວງ Osaka (ຍີ່ປຸ່ນ), ດຶງດູດຊາວຫວຽດນາມຢູ່ຕ່າງປະເທດ, ປະຊາຊົນຍີ່ປຸ່ນ ແລະ ເພື່ອນມິດສາກົນຈຳນວນຫຼວງຫຼາຍເຂົ້າຮ່ວມ, ປະກອບສ່ວນໂຄສະນາວັດທະນະທຳຫວຽດນາມ ແລະ ເພີ່ມທະວີການແລກປ່ຽນປະຊາຊົນລະຫວ່າງສອງປະເທດ.
ຍສໝ - ດ້ວຍຊາວຫາຍຟ່ອງເກືອບ 135.000 ຄົນ ທີ່ກຳລັງດຳລົງຊີວິດ, ສຶກສາຮ່ຳຮຽນ ແລະ ເຮັດວຽກຢູ່ຕ່າງປະເທດ, ປະຊາຄົມຊາວຫວຽດນາມຢູ່ຕ່າງປະເທດຈຶ່ງເປັນແຫຼ່ງຊັບພະຍາກອນສຳຄັນທັງດ້ານທຶນລົງທຶນ, ຄວາມຮູ້, ເຕັກໂນໂລຊີ ແລະ ການເຊື່ອມຕໍ່ສາກົນ. ການຜັນຂະຫຍາຍມະຕິເລກທີ 23-NQ/TW ຂອງກົມການເມືອງ ໄດ້ເປີດໂອກາດໃຫ້ນະຄອນເພີ່ມທະວີການເຊື່ອມຕໍ່, ສົ່ງເສີມທ່າແຮງຂອງຊາວຫວຽດນາມຢູ່ຕ່າງປະເທດ ເພື່ອຮັບໃຊ້ບັນດາເປົ້າໝາຍພັດທະນາເສດຖະກິດ - ສັງຄົມ.
ຍສໝ - ວັນທີ 21/10/2026, ຄະນະພັກກະຊວງອຸດສາຫະກຳ ແລະ ການຄ້າ ຫວຽດນາມ ໄດ້ອອກເອກະສານກ່ຽວກັບວຽກງານໂຄສະນາເພື່ອມຸ່ງສູ່ປີແຫ່ງຄວາມສາມັກຄີ, ມິດຕະພາບ ແລະ ຄວາມຜູກພັນ ຫວຽດນາມ - ລາວ 2027 ແລະ ປີແຫ່ງມິດຕະພາບ ຫວຽດນາມ - ກຳປູເຈຍ 2027, ໂດຍໃຫ້ຄວາມສຳຄັນຕໍ່ການສົ່ງເສີມມູນເຊື້ອມິດຕະພາບ, ຊຸກຍູ້ການຮ່ວມມືດ້ານເສດຖະກິດ, ການຄ້າຊາຍແດນ ແລະ ຮັບປະກັນວຽກງານປ້ອງກັນຊາດ, ຄວາມໝັ້ນຄົງ.
ຍສໝ - ໃນໂອກາດຢ້ຽມຢາມ ແລະ ເຮັດວຽກຢູ່ລາວ ແຕ່ວັນທີ 25-27/10/2026, ຄະນະຜູ້ແທນຂັ້ນສູງຂອງພາສີຫວຽດນາມ ນຳໂດຍທ່ານ ຫງວຽນ ວັນ ເທາະ, ຫົວໜ້າກົມພາສີ ໄດ້ເຂົ້າຮ່ວມກອງປະຊຸມຫົວໜ້າກົມໃຫຍ່ພາສີຫວຽດນາມ - ລາວ ປີ 2026. ສອງຝ່າຍໄດ້ເຫັນດີກັນກ່ຽວກັບ 4 ເນື້ອໃນການຮ່ວມມືຈຸດສຸມໃນປີ 2027, ໂດຍສຸມໃສ່ການແລກປ່ຽນຂໍ້ມູນ, ການປ້ອງກັນ ແລະ ຕ້ານການລັກລອບຄ້າຂາຍເຖື່ອນ ແລະ ການອຳນວຍຄວາມສະດວກໃຫ້ແກ່ການຄ້າຂ້າມຊາຍແດນ.
ຍສໝ - ວັນທີ 25/10, ຢູ່ແຂວງເຊີນລາ ແລະ ແທງຮວ໋າ, ບັນດາຄະນະປະສານງານທະຫານອາສາສະໝັກ ແລະ ຊ່ຽວຊານທະຫານຫວຽດນາມທີ່ຊ່ວຍເຫຼືອການປະຕິວັດລາວ ໄດ້ຈັດກິດຈະກຳລະນຶກ 77 ປີແຫ່ງວັນມູນເຊື້ອ (30/10/1949 - 30/10/2026). ບັນດາກິດຈະກຳດັ່ງກ່າວແນໃສ່ສະແດງຄວາມຮູ້ບຸນຄຸນຕໍ່ການປະກອບສ່ວນ ແລະ ການເສຍສະຫຼະຂອງທະຫານອາສາສະໝັກ ແລະ ຊ່ຽວຊານທະຫານຫວຽດນາມຫຼາຍຮຸ່ນຄົນ, ພ້ອມທັງສືບຕໍ່ປູກຝັງຄວາມສາມັກຄີພິເສດ ແລະ ມິດຕະພາບອັນມີມາແຕ່ດົນນານລະຫວ່າງສອງປະເທດ.
ຍສໝ - ວັນທີ 24/10, ຢູ່ເຂດຫຼັກໝາຍຊາຍແດນເລກທີ 591 ຂຶ້ນກັບບ້ານຕ່າຣຸ່ງ, ຕາແສງເຮືອງເລິບ (ແຂວງກວ໋າງຈິ), ພະນັກງານ ແລະ ນັກຮົບທະຫານຊາຍແດນຫວຽດນາມ ໄດ້ປະສານສົມທົບກັບບັນດາອົງການ, ທ່ານໝໍ, ພະຍາບານ ແລະ ຜູ້ມີຈິດໃຈກຸສົນ ຈັດກິດຈະກຳກວດພະຍາດ, ແຈກຢາປິ່ນປົວໂດຍບໍ່ເສຍຄ່າ ພ້ອມດ້ວຍກິດຈະກຳຊ່ວຍເຫຼືອດ້ານສະຫວັດດີການສັງຄົມຫຼາຍຢ່າງ ໃຫ້ແກ່ປະຊາຊົນສອງຟາກຊາຍແດນຫວຽດນາມ - ລາວ.
ຍສໝ - ແຕ່ວັນທີ 18-22/10, ທ່ານ ບຸ່ຍ ວັນ ຫງິ, ເອກອັກຄະລັດຖະທູດຫວຽດນາມປະຈຳບຣາຊິນ, ໄດ້ເດີນທາງໄປປະຕິບັດໜ້າທີ່ຢູ່ນະຄອນ São Paulo, ເຂົ້າຮ່ວມງານວາງສະແດງສິນຄ້າສັດນ້ຳອາເມລິກາລາຕິນ 2026 ແລະ ພົບປະເຮັດວຽກກັບຫຼາຍກຸ່ມບໍລິສັດ ແລະ ສະມາຄົມວິສາຫະກິດບຣາຊິນ ເພື່ອຂະຫຍາຍຕະຫຼາດສົ່ງອອກ, ແກ້ໄຂອຸປະສັກທາງການຄ້າ ແລະ ຊຸກຍູ້ການຮ່ວມມືດ້ານການລົງທຶນ ແລະ ເຕັກໂນໂລຊີລະຫວ່າງສອງປະເທດ.
ຍສໝ - ວັນທີ 22/10, ຢູ່ສຳນັກງານສະຖານທູດຫວຽດນາມປະຈຳໂມຊຳບິກ, ທ່ານນາງ ເຈິ່ນ ທິ ທູ ຖິ່ນ, ເອກອັກຄະລັດຖະທູດຫວຽດນາມ, ໄດ້ພົບປະກັບນັກສຶກສາໂມຊຳບິກ 15 ຄົນ ທີ່ໄດ້ຮັບທຶນການສຶກສາຈາກລັດຖະບານຫວຽດນາມ ກ່ອນເດີນທາງໄປເຂົ້າຮຽນໃນສົກຮຽນ 2026-2027, ປະກອບສ່ວນຊຸກຍູ້ການຮ່ວມມືດ້ານການສຶກສາ ແລະ ການຝຶກອົບຮົມຊັບພະຍາກອນມະນຸດລະຫວ່າງສອງປະເທດ.
ຍສໝ - ຕອນບ່າຍວັນທີ 23/10, ຢູ່ນະຄອນຫຼວງວຽງຈັນ (ລາວ), ກຸ່ມບໍລິສັດ Supchaleun ຂອງລາວ ແລະ ກຸ່ມບໍລິສັດຫວຽດ - ຣັດເຊຍ ຂອງຫວຽດນາມ ໄດ້ລົງນາມໃນບັນທຶກຂໍ້ຕົກລົງການຮ່ວມມື (MOA) ເພື່ອດຳເນີນ 2 ໂຄງການໃນຂະແໜງອະສັງຫາລິມະຊັບ ແລະ ກະສິກຳອັດສະລິຍະ ດ້ວຍມູນຄ່າການລົງທຶນລວມເກືອບ 30 ລ້ານ USD, ປະກອບສ່ວນຂະຫຍາຍການຮ່ວມມືທາງເສດຖະກິດ ແລະ ເຊື່ອມຕໍ່ວິສາຫະກິດຂອງສອງປະເທດ.
ຍສໝ - ເນື່ອງໃນໂອກາດການຢ້ຽມຢາມແບນຊິກ ແລະ ສະຫະພາບເອີຣົບ (EU) ຂອງທ່ານ ໂຕ ເລິມ, ເລຂາທິການໃຫຍ່ຄະນະບໍລິຫານງານສູນກາງພັກ, ປະທານປະເທດຫວຽດນາມ, ທ່ານ Bert De Belder, ຫົວໜ້າຄະນະພົວພັນສາກົນ ພັກແຮງງານແບນຊິກ (PTB), ໄດ້ເນັ້ນໜັກສາຍພົວພັນທາງປະຫວັດສາດລະຫວ່າງ PTB ກັບພັກຄອມມູນິດຫວຽດນາມ, ພ້ອມທັງຕີລາຄາສູງບົດບາດການນຳພາຂອງພັກໃນພາລະກິດປ່ຽນແປງໃໝ່ ແລະ ບັນດາທ່າແຮງການຮ່ວມມືລະຫວ່າງສອງປະເທດ.
ຍສໝ - ໃນຂະບວນການຄົ້ນຫາ ແລະ ເຕົ້າໂຮມອັດຖິວິລະຊົນທະຫານອາສາສະໝັກ ແລະ ຊ່ຽວຊານຫວຽດນາມທີ່ເສຍສະຫຼະຊີວິດຢູ່ລາວ, ບັນດາພະນັກງານ ແລະ ທະຫານຂອງກອງຄົ້ນຫາ ແລະ ເຕົ້າໂຮມອັດຖິວິລະຊົນ ຂຶ້ນກັບກອງບັນຊາການທະຫານແຂວງແທງຮວ໋າ ຍັງໄດ້ເປັນເຈົ້າການຊ່ວຍເຫຼືອປະຊາຊົນປະເທດເພື່ອນມິດ. ນັບແຕ່ການກວດ ແລະ ປິ່ນປົວພະຍາດ, ແຈກຢາປິ່ນປົວ ຈົນເຖິງການຊ່ວຍເຫຼືອເຄື່ອງອຸປະໂພກບໍລິໂພກທີ່ຈຳເປັນ, ສ້ອມແປງເຮືອນຊານ, ໂຮງຮຽນ ແລະ ອະນາໄມສິ່ງແວດລ້ອມ, ບັນດາການກະທຳທີ່ເປັນຮູບປະທຳເຫຼົ່ານີ້ໄດ້ປະກອບສ່ວນທະນຸຖະໜອມຄວາມສາມັກຄີພິເສດຫວຽດນາມ - ລາວ.
ຍສໝ - ຕອນບ່າຍວັນທີ 21/10, ທີ່ສຳນັກງານສູນກາງພັກ, ສະຫາຍ ເຈິ່ນ ເກິ໋ມ ຕູ໊, ກຳມະການກົມການເມືອງ, ຜູ້ປະຈຳການຄະນະເລຂາທິການ ໄດ້ຕ້ອນຮັບຄະນະຜູ້ແທນສູນກາງຊາວໜຸ່ມປະຊາຊົນປະຕິວັດລາວ, ໂດຍເນັ້ນໜັກບົດບາດຂອງຄົນຮຸ່ນໜຸ່ມໃນການຮັກສາສາຍພົວພັນພິເສດຫວຽດນາມ - ລາວ, ພ້ອມທັງຊຸກຍູ້ການຮ່ວມມືດ້ານການສຶກສາ, ການຝຶກອົບຮົມ, ວິທະຍາສາດ - ເຕັກໂນໂລຊີ ແລະ ການຫັນປ່ຽນເປັນດິຈິຕອນ.
ຍສໝ - ສາຍພົວພັນຄູ່ຮ່ວມມືຍຸດທະສາດຮອບດ້ານຫວຽດນາມ - ສະຫະພາບເອີຣົບ (EU) ກຳລັງໄດ້ຮັບການຊຸກຍູ້ໃນຫຼາຍຂົງເຂດ, ໂດຍສະເພາະວິທະຍາສາດ, ເຕັກໂນໂລຊີ, ນະວັດຕະກຳ, ການຄ້າ ແລະ ການລົງທຶນ. ບັນດາໂຄງການຮ່ວມມືໃໝ່ຖືກຄາດຫວັງວ່າຈະສ້າງແຮງຂັບເຄື່ອນເພີ່ມເຕີມໃຫ້ແກ່ການພັດທະນາ ແລະ ຂະຫຍາຍໂອກາດໃຫ້ປະຊາຄົມວິສາຫະກິດຂອງສອງຝ່າຍ.
ຍສໝ - ແຕ່ວັນທີ 16-18/10, ທ່ານນາງ ຟ້າມ ທິ ທູ ເຮືອງ, ເອກອັກຄະລັດຖະທູດຫວຽດນາມປະຈຳເກຣັກ ໄດ້ເດີນທາງໄປປະຕິບັດວຽກງານຢູ່ເກາະ Kefalonia, ເພື່ອແລກປ່ຽນກ່ຽວກັບໂອກາດໃນການເພີ່ມທະວີສາຍພົວພັນຮ່ວມມື, ໂດຍສະເພາະໃນຂົງເຂດການທ່ອງທ່ຽວ ແລະ ແຮງງານ.
ຍສໝ - ວັນທີ 20/10, ຢູ່ສະຖາບັນການທູດວຽນນາ (ໂອຕຣິດ), ສະມາຄົມໂອຕຣິດ - ຫວຽດນາມ ໄດ້ຈັດການສຳມະນາພາຍໃຕ້ຫົວຂໍ້ “ໂອຕຣິດ - ຫວຽດນາມ: ຄູ່ຮ່ວມມືໃນໂລກທີ່ມີການປ່ຽນແປງຫຼາຍດ້ານ” ເນື່ອງໃນໂອກາດສະຫຼອງຄົບຮອບ 50 ປີແຫ່ງການສ້າງຕັ້ງສະມາຄົມ, ເພື່ອຮັບຮູ້ບັນດາການປະກອບສ່ວນຂອງສະມາຄົມໃນການຊຸກຍູ້ການແລກປ່ຽນລະຫວ່າງປະຊາຊົນ ແລະ ຂະຫຍາຍການຮ່ວມມືລະຫວ່າງສອງປະເທດ.
ຍສໝ - ວັນທີ 22/10, ທີ່ຕາແສງຟຸກທໍ້ (ຮ່າໂນ້ຍ), ໂຮງຮຽນມິດຕະພາບ T78 ໄດ້ຈັດພິທີເປີດສົກຮຽນ 2026–2027 ສຳລັບຫຼັກສູດກຽມພາສາຫວຽດນາມ, ພ້ອມທັງຕ້ອນຮັບນັກຮຽນລາວ 151 ຄົນທີ່ເຂົ້າຮຽນໃໝ່. ເຫດການດັ່ງກ່າວສືບຕໍ່ຢືນຢັນບົດບາດຂອງໂຮງຮຽນໃນການຝຶກອົບຮົມຊັບພະຍາກອນມະນຸດ ແລະ ເພີ່ມພູນຄູນສ້າງນ້ຳໃຈສາຍພົວພັນມິດຕະພາບຫວຽດນາມ – ລາວ.
ຍສໝ - ການຢ້ຽມຢາມຫວຽດນາມຢ່າງເປັນທາງການຂອງທ່ານນາງ Brigitte Haas, ນາຍົກລັດຖະມົນຕີເລັກເຕນສະເຕນ ແຕ່ວັນທີ 17-19/10 ໄດ້ປະກອບສ່ວນເພີ່ມທະວີຄວາມໄວ້ວາງໃຈທາງການເມືອງ, ຊຸກຍູ້ການຮ່ວມມືດ້ານເສດຖະກິດ, ວິທະຍາສາດ - ເຕັກໂນໂລຊີ, ນະວັດຕະກຳ ແລະ ການເງິນ. ໃນການຕອບສຳພາດສື່ມວນຊົນ, ທ່ານນາງ ເລ ທິ ທູ ຮັ່ງ, ຮອງລັດຖະມົນຕີການຕ່າງປະເທດ ໄດ້ຊີ້ແຈງບັນດາຜົນສຳເລັດທີ່ໂດດເດັ່ນ ແລະ ໜ້າທີ່ບູລິມະສິດ ເພື່ອຊຸກຍູ້ສາຍພົວພັນສອງປະເທດໃຫ້ພັດທະນາຢ່າງເປັນຮູບປະທຳຍິ່ງຂຶ້ນ.
ຍສໝ - ຫວຽດນາມ ແລະ ລາວ ເຫັນດີເລັ່ງລັດການປະຕິບັດບັນດາຂໍ້ຕົກລົງຂັ້ນສູງ, ແກ້ໄຂຄວາມຫຍຸ້ງຍາກໃນການດຳເນີນບັນດາໂຄງການເຊື່ອມໂຍງທາງຍຸດທະສາດ, ເພີ່ມທະວີການຮ່ວມມືດ້ານເສດຖະກິດ, ການຝຶກອົບຮົມຊັບພະຍາກອນມະນຸດ ແລະ ສູ້ຊົນໃຫ້ມູນຄ່າການຄ້າສອງຝ່າຍບັນລຸ 5 ຕື້ໂດລາສະຫະລັດໂດຍໄວ.
