| ຫວຽດນາມ ໃຫ້ການສະໜັບສະໜູນ ແລະ ຊ່ວຍເຫຼືອປະຊາຊົນໂມຊຳບິກ ໃນການແກ້ໄຂບັນຫານ້ຳຖ້ວມ ແລະ ຝົນຕົກໜັກ ເພີ່ມທະວີການຮັບຮູ້ແບຣນກາເຟ ຫວຽດນາມ ຢູ່ຕະຫຼາດ ໂມຊຳບິກ ແລະ ອາຟຣິກາ |
ເຂົ້າຮ່ວມການພົບປະຄັ້ງນີ້ ມີທ່ານນາງ Carla Caomba, ຫົວໜ້າສະຖາບັນທຶນການສຶກສາໂມຊຳບິກ.
ໃນໂອກາດສະແດງຄວາມຊົມເຊີຍຕໍ່ນັກສຶກສາໃໝ່ທັງ 15 ຄົນ, ທ່ານນາງ ເຈິ່ນ ທິ ທູ ຖິ່ນ ໄດ້ຮັບຮູ້ເຖິງຄວາມພະຍາຍາມຂອງນັກສຶກສາ ພ້ອມທັງການຄຽງຂ້າງສະໜັບສະໜູນຈາກຄອບຄົວ ແລະ ຄູອາຈານ. ທ່ານນາງເນັ້ນໜັກວ່າ ໂຄງການທຶນການສຶກສາບໍ່ພຽງແຕ່ຊຸກຍູ້ການຮ່ວມມືດ້ານການສຶກສາເທົ່ານັ້ນ, ແຕ່ຍັງປະກອບສ່ວນລົງທຶນໃຫ້ແກ່ຄົນຮຸ່ນໜຸ່ມ ແລະ ເສີມສ້າງສາຍພົວພັນມິດຕະພາບຫວຽດນາມ - ໂມຊຳບິກ.
 |
| ທ່ານນາງ ເຈິ່ນ ທິ ທູ ຖິ່ນ, ເອກອັກຄະລັດຖະທູດຫວຽດນາມປະຈຳໂມຊຳບິກ, ໃນການພົບປະກັບບັນດານັກສຶກສາໂມຊຳບິກທີ່ກຳລັງກະກຽມເດີນທາງໄປສຶກສາຢູ່ຫວຽດນາມໃນສົກຮຽນ 2026-2027. |
ນີ້ແມ່ນນັກສຶກສາຊຸດທຳອິດທີ່ໄດ້ຮັບສິດຕາມຈຳນວນທຶນການສຶກສາໃໝ່ ພາຍໃຕ້ສັນຍາຮ່ວມມືດ້ານການສຶກສາຂັ້ນອຸດົມສຶກສາ ທີ່ໄດ້ລົງນາມໃນເດືອນ 1/2026, ໂດຍເພີ່ມຈຳນວນທຶນການສຶກສາປະຈຳປີຈາກ 10 ທຶນ ຂຶ້ນເປັນ 15 ທຶນ.
ທ່ານນາງເອກອັກຄະລັດຖະທູດໄດ້ແນະນຳກ່ຽວກັບປະຫວັດສາດ, ວັດທະນະທຳ, ມູນເຊື້ອການຕ້ອນຮັບແຂກຢ່າງອົບອຸ່ນ ແລະ ບັນດາຜົນສຳເລັດດ້ານການພັດທະນາເສດຖະກິດ, ວິທະຍາສາດ - ເຕັກໂນໂລຊີຂອງຫວຽດນາມ; ພ້ອມທັງປາຖະໜາໃຫ້ຫວຽດນາມກາຍເປັນບ້ານຫຼັງທີສອງຂອງນັກສຶກສາ.
ທ່ານນາງໄດ້ຊຸກຍູ້ໃຫ້ນັກສຶກສາຕັ້ງໜ້າຮ່ຳຮຽນ, ຝຶກຝົນພາສາຫວຽດນາມ ແລະ ທັກສະວິຊາຊີບ, ເປັນເຈົ້າການປັບຕົວເຂົ້າກັບສັງຄົມ, ເຄົາລົບຄວາມແຕກຕ່າງທາງວັດທະນະທຳ, ປະຕິບັດຕາມກົດໝາຍ ແລະ ລະບຽບຂອງສະຖາບັນການສຶກສາ, ມີຄວາມສາມັກຄີ ແລະ ຊ່ວຍເຫຼືອເຊິ່ງກັນແລະກັນ. ເມື່ອປະສົບຄວາມຫຍຸ້ງຍາກ, ນັກສຶກສາສາມາດຂໍຄວາມຊ່ວຍເຫຼືອຈາກສະຖາບັນການສຶກສາ, ໝູ່ເພື່ອນ ແລະ ສະຖານທູດ.
ທ່ານນາງ Carla Caomba ໄດ້ຂອບໃຈສະຖານທູດທີ່ໃຫ້ການຊ່ວຍເຫຼືອໃນຂະບວນການຄັດເລືອກ ແລະ ດຳເນີນຂັ້ນຕອນການໄປສຶກສາຕໍ່ຕ່າງປະເທດໃຫ້ສຳເລັດ. ທ່ານນາງຕີລາຄາວ່າ ໂຄງການນີ້ມີຄວາມໝາຍຕໍ່ຍຸດທະສາດການຝຶກອົບຮົມຊັບພະຍາກອນມະນຸດຄຸນນະພາບສູງຂອງໂມຊຳບິກ, ໂດຍສະເພາະໃນຂົງເຂດອຸດສາຫະກຳ, ກະສິກຳ, ເຕັກໂນໂລຊີສາລະສົນເທດ ແລະ ການແພດ.
ທ່ານນາງຫົວໜ້າສະຖາບັນຫວັງວ່າ ນັກສຶກສາຈະຝຶກຝົນລະບຽບວິໄນ, ຮຽນຮູ້ຄວາມຮູ້ ແລະ ເຕັກໂນໂລຊີ, ເພື່ອພາຍຫຼັງຮຽນຈົບຈະກັບຄືນໄປປະກອບສ່ວນໃຫ້ແກ່ປະເທດຊາດ ແລະ ທະນຸບຳລຸງສາຍພົວພັນລະຫວ່າງສອງຊາດ.
ໃນການພົບປະຄັ້ງນີ້, ທ່ານນາງເອກອັກຄະລັດຖະທູດໄດ້ຕອບບັນດາຂໍ້ສົງໄສກ່ຽວກັບການຮ່ຳຮຽນ, ການດຳລົງຊີວິດ ແລະ ການປັບຕົວຢູ່ຫວຽດນາມ. ບັນດານັກສຶກສາຍັງໄດ້ລອງຊິມເຝີ, ຊາໝາກນາວ, ກາເຟ ແລະ ເຂົ້າໜົມຖົ່ວດິນເປັນຄັ້ງທຳອິດ, ຜ່ານນັ້ນໄດ້ທຳຄວາມຄຸ້ນເຄີຍກັບວັດທະນະທຳຫວຽດນາມກ່ອນວັນເດີນທາງ.
 ເອກອັກຄະລັດຖະທູດຫວຽດນາມ ປະຈຳ ໂມຊຳບິກ ເຈີ່ນທິທູຖີນ ຢ້ຽມຂ່ຳນັບທ່ານລັດຖະມົນຕີກະຊວງພາຍໃນ ໂມຊຳບິກ ຍສໝ - ຕອນບ່າຍວັນທີ 20 ຕຸລາ, ທ່ານນາງເອກອັກຄະລັດຖະທູດຫວຽດນາມ ປະຈຳ ໂມຊຳບິກ ເຈີ່ນທິທູຖີນ ໄດ້ມີການພົບປະກັບທ່ານ Paulo Chachine ລັດຖະມົນຕີກະຊວງພາຍໃນ ໂມຊຳບິກ. |
 ເພີ່ມທະວີຄວາມພະຍາຍາມສື່ສານກັບພາຍນອກ ແລະ ໂຄສະນາປະເທດ ແລະ ປະຊາຊົນຫວຽດນາມ ແລະ ໂມຊຳບິກ ຍສໝ - ວັນທີ 12 ກຸມພາ (ຕາມເວລາທ້ອງຖິ່ນ), ສະຖານທູດຫວຽດນາມ ປະຈຳໂມຊຳບິກ ໄດ້ຈັດກອງປະຊຸມກັບບັນດາອົງການສື່ມວນຊົນ ແລະ ສື່ມວນຊົນສຳຄັນປະຈຳໂມຊຳບິກ ເພື່ອເພີ່ມທະວີການຮ່ວມມືລະຫວ່າງສະຖານທູດ ແລະ ສື່ມວນຊົນໂມຊຳບິກ; ຜ່ານນັ້ນເພີ່ມທະວີການເຜີຍແຜ່ຂໍ້ມູນຂ່າວສານພາຍນອກ ແລະ ໂຄສະນາປະເທດ ແລະ ປະຊາຊົນຫວຽດນາມ ແລະ ໂມຊຳບິກ. |
ຄຳສີ
